裕記大飯店

營業中

休息中

一開始無咁期望因為啲人話陳記好食啲…但朋友好堅持咁咪即管試下囉又真係幾好食！ 我覺得個燒鵝係肥瘦適中嘅 而個西蘭花都好好食 感覺上其實佢哋所有餸都有咁上下質素！一定要試一試！

唔知點解越忙越想出去玩, 今日忙裏偷閑, 去咗深井食燒鵝一講到深井燒鵝大家一定會諗起呢間遠近聞名嘅裕記大飯店<馳名燒鵝>事不宜遲直接入主題, 先黎半隻馳名燒鵝想食燒鵝就要等一陣, 因為每台客人都最少會嗌半隻燒鵝今日我哋嚟得啱啱好係時候, 燒鵝新鮮熱辣辣, 外皮又脆又香口中間嘅油脂入口即溶, 鵝肉半肥瘦非常完美<酒釀鵝肝>除咗食燒鵝以外, 可以試試佢嘅鵝肝同平時嘅煎鵝肝好唔同, 酒釀鵝肝帶有酒嘅清香, 鵝肝肥美<酥炸生蠔>鍾意食煎炸野嘅朋友可以試吓酥炸生蠔, 估唔到賣燒鵝嘅地方生蠔亦幾新鮮酥炸生蠔炸粉略嫌有啲太厚, 但食落好脆, 帶有少少嘅海水味<香煎琵琶豆腐>好多年冇食過香煎琵琶豆腐啦見到就嗌咗份, 份量好大, 一家人share啱啱好<上湯雲腿津菜煲>食咗咁多煎炸野, 不免覺得有啲油膩食返份上湯雲腿津菜煲中和一下先至得但係素食同肉食一樣價錢, 大食妹唔知點解覺得唔係好抵

已經好耐冇同屋企人行山啦~知道今次終點係深井，梗係要嚟食燒鵝慰勞吓屋企人（自己）啦🤪炭燒燒鵝（半隻）🌟🌟🌟🌟🌟 $320呢隻燒鵝真係名不虛傳！外皮夠香脆，油脂分佈均勻，每嚿比例差唔多，份量都唔少，半隻已經夠4個人食😋上湯瀨粉 🌟🌟🌟🌟 $20燒鵝配瀨粉是常識吧！😆金銀蛋上湯浸莧菜 🌟🌟🌟🌟 $90金銀蛋原來係鹹蛋同皮蛋😝食落好有蛋香同蒜香，略嫌份量較小

裕記大飯店 (深井)📇地址：深井深康路9號地舖🕐營業時間：11:00-23:00💸人均消費：～$250-300/人👏🏻抵讚位：燒鵝真係食得出炭火燒，燒鵝皮脆卜卜，好香炭火味，熱辣辣食嘅時候一咬落去真口滿口油香，就算凍左食都唔覺得好膩。兩個人叫左個套餐（$540），本身食完都好夠飽，但見到個酒釀鵝肝（$88），我忍唔到叫埋黎食，因為啲鵝肝真係每舊都好大舊，一碟有成5-6舊，每舊都入口即溶🤤 我自己好鍾意呢道小食，覺得好食過燒鵝咁濟，同埋好抵食，因為食西餐嘅煎鵝肝好貴🤣 燒鵝雖然係例牌嘅size，但因為可能因為嘅鵝大隻，食落嘅份量似有半隻😆 套餐包每人一兜花膠鵝掌扒時蔬、一碗翅同兩雙炸蟹鉗，呢幾樣正常發揮。😯有待改善位：好似無🤣😼私心回應區：喺電視賣左好多年廣告嘅遠近馳名深井裕記燒鵝，終於有機會試到。真係值得啲人特登揸車入黎食，雖然我同男朋友都係專程搭車入深井食🤣同埋我地兩個人星期日去都俾到一張枱我地自己坐一枱，唔使同人搭枱。一間咁多人幫襯嘅出名鋪頭黎講，算係咁喇🤘🏻

今日慶祝呀叔生日黎食飯🎂好耐冇食過深井燒鵝🤣知道呢到又有得泊車，所以就book定黎食！叫左好多野食，但大家都眼闊肚窄👻食物特大燒鵝 -$700一入鋪，真係隔住個KN95都聞到燒鵝味🤣上到去坐低，落單姐姐就即刻問要半隻定1隻？我哋有7個人，叫左隻特大！不過講真…香係香，但我哋呢隻有啲鞋口，唔夠嫩😢酥炸生蠔🦪 $30/隻，4隻起叫有大人掌心咁大，外層脆口！入面生蠔冇腥味！鐘意食蠔可以一試！五福滷水拼盤呢個抵叫！啲滷水腎好食！鵝翼抵好食，2個小朋友食晒咁滯🤣啲海哲好脆！不過就偏辣同少少麻❤️椒鹽鮮魷呢個唔係好咸，小朋友都啱食🤭鮑魚花膠老雞湯呢個堅好飲哥哥仔飲左5碗仔瀨粉個個都話要食瀨粉🤣不過佢哋冇一窩咁，只有湯碗嘅size,啲瀨粉係脆口嘅！小朋友都食到1碗粉服務我哋個層有7張枱，3張有人…2個落單姨姨負責，都好好禮貌，我哋落單時等左個菜好耐都未到，就問下姨姨，先發現漏左單，好彩冇嗌，真係食唔晒環境地方尚算乾淨，始終都咁多年…樓梯呀、坐係冷氣位都見到啲冷氣有洗過，好乾淨不過就有啲窄同地下濕濕地嘅感覺，可能係落完雨嘅關係…有個大停車場🅿️訂位時記得講聲以便預留位置

食燒鵝又點會唔試深井裕記，佢哋D水準永遠都唔會領你失望⋯叫咗例排，保持溫度，肉質微溫而且甘香，最緊要係D皮仍然係脆，再點上燒鵝汁，真係除咗佢哋冇人能及⋯鼓椒鵝脹抄鵝什，新鮮兩個字，同一般外面D雪藏貨係原全無得比，正！配上瀨粉成件事加多好多分⋯

數唔到有幾耐冇去過深井度食燒鵝，今日成家人出行，咁開心就叫咗成隻燒鵝去食<燒鵝>炭燒燒鵝六百幾蚊一隻，分開兩碟上啲肉多到食唔晒，最後打包左一碟炭燒味燶燶哋好香，照完中間嗰層油脂逼出一陣陣香味燒鵝超多肉，啲肉又唔會話好鞋，大家都食得好開心<琵琶豆腐>琵琶豆腐炸得幾香口，粒粒都好似長洲大魚旦咁大粒，用嚟送飯一流<炸生蠔>炸粉夠薄，唔會食到成口粉 生蠔個肚夠肥，洗得夠乾淨，唔會有一陣腥味不過一人一隻好舊，真係幾肥美

趁天氣未完全轉熱行了一次元荃古道（半段）將終點設定為深井，剛好午餐時間到達下單不用10分鐘後小菜就上枱點了咕嚕肉，金銀蛋小白菜，豉油王大蝦，琵琶豆腐。小菜味道正正常常，豉油王大蝦爽口惹味，咕嚕肉比較肥，也不是很脆也點了一個雞腳湯，湯的味道有點鹹主角是燒鵝全只 $640堂食保持到上枱微熱皮脆肉嫩，可惜鵝味不太夠。要讚的地方是，母親節也可以散叫整體來說，價錢啦貴，質素沒想像的好附近選擇也有很多，也可以試試其他

由於是假期避免人多等候所以大約五點才到達， 三個人只有一個小時，要了半隻燒鵝，一碟鵝腸鵝腸脂肪肥美，入口爽脆，等了十五分鐘半隻燒鵝來了，燒鵝是即燒的仍有餘溫，皮脆肉嫩，終於在六點前把牠消滅了。

揀裕記嘅原因並不是燒鵝，係酒釀鵝肝。皆因深井幾間食燒鵝嘅都冇得吃，唔知點解唯獨裕記先有，咁只好死死哋氣幫襯佢。只叫了3樣嘢：燒鵝下庄（$190）、酒釀鵝肝（$88）、2碗瀨粉（$18@）一坐底同呀姐講要下庄，呀姐即刻問廚房有冇。有貨，咩都唔叫住立即入單先。好在早一步，後面張枱想要下庄已經冇貨了。燒鵝中上水平，雖然未至於超級好味，但係一啲都唔差，皮脆肉嫩，下庄有肥但完全接受到的程度，而且肥膏一啲騷味都冇；跟咗三舊鵝頸肉味仲濃。鵝肝價錢其實真係唔平，但味道、口感真是不錯，嫩滑軟身，又有酒香味。鵝肝應該唔係煮熟嘅，似係浸熟嘅（應該類似slow cook），中間仲粉粉哋色。瀨粉份量/味道正常，冇咩特別好講。茶錢（$9@），花生（$8@），另收加一。

燒鵝一定係香港人十我最喜愛食物之一，細細個睇大台點人行運全港買外賣既橋段，深井燒鵝一定榜上有名，亦都從而得知深井燒鵝係好出名😂，久等多年，我終於有機會去深井食燒鵝啦🤣深井個兩間燒鵝店多年黎都係鬥到你死我活，不過口碑裕記一向都較好，所以就揀左呢間，舊色既酒樓格局，沒有靚裝修，地方尚算乾淨全隻炭燒燒鵝全隻燒鵝原來係分兩碟上枱，炭燒既燒鵝真係好香，皮脆肉滑，加上鵝既個層肥膏，鵝肉膻香，酸梅醬甜甜酸酸有助減低油膩感，果然名不虛傳酒釀鵝肝鵝肝咬落細緻幼滑，酒既香味同鵝肝既甘香味道上既平衡做得好好，好好食鹵水淨鵝翼鵝翼大大隻的，鹵得好入味，送酒一流鹵水香辣鵝脷鴨舌就食得多，鵝脷真係第一次食，其實同鴨舌無咩分別，個辣味又香又刺激，真係會停唔到口酸薑皮蛋一半係黑色既溏心皮蛋，一半係透明黃心皮蛋，兩款夾酸薑一齊食都好好味椒鹽白飯魚炸得香脆，略嫌白飯魚漿粉偏厚，薄d會更好食黃金大蝦球咸蛋黃份量非常少，佢只係蘸少少咸蛋黃同蛋醬就炸，平時個咸蛋黃醬係多到流晒咁包住個蝦球，呢度完全唔係個個做法，好失望味菜炒鵝腸什成碟個獻汁好厚好油膩，鵝腸唔爽好粉，非常失望香菠咕嚕肉咕嚕肉出度黎已經淋左，食唔到脆既效果，又一失望

又荃灣行⛰️行到深井，既然黎到深井，當然要食下馳名嘅深井燒鵝啦！ 黎到排隊等一陣，都算快，唔夠10分鐘就入得，入面嘅環境都算大，裝修就無咩風格可言😂😅😬港風🤣 重頭戲深井燒鵝，味道唔錯，😋好香碳燒味，不過呢就太肥😂😂😂個人口味獨特，唔鍾意太多肥膏🤣其實味道ok嘅😜 而小菜方面呢都唔差，野食方面都算唔錯，同普通大排檔嘅小菜差唔多😂 而價錢💰方面都可以接受，唔算貴，多人食就抵d，每個人叫d小菜咁 整體黎講都唔差

我記得細個嘅時候都黎食過一次回應嘅味道總係好好味唔知今次係唔係真係咁好味呢 我帶住咁嘅心情去食環境方面: 8.5/10正正常常冇乜特別 有個問題就係上樓梯嗰個位有啲危險老人家就要 避免 上去地點方面:7/10 對於我哋講就真係有啲隔涉我相信好多人都係咁今次我哋嗌咗一隻燒鵝+幾個小菜 首先講下隻燒鵝兩隻好大分別 應該就唔係同一隻一隻個皮好脆 肉都好多汁 但略嫌有啲肥另一隻個皮係比較林 但肉方面就冇咁肥真係好難畀分之後仲有啲小菜偏向食菜比較多 因為隻燒鵝都真係幾油可能真係食咗隻燒鵝先 其他餸真係比較淡味所以我都係建議先食菜後食燒鵝總結一下都係嗰句 回憶既味道係最好食今次又唔可以話失望但又真係冇乜特別但如果有得揀嘅話我會再試下其他餐廳

行完山後好想休息一下嘆下就去了裕記，叫了例牌160蚊，4小粒炸蝦丸60.一個津白95蚊。等了10分鐘來了燒鵝，咬落皮好脆但點解好似無味，再試多舊，係完全無香味，無肉味（相信冰到無肉味）仲要有小小肥油及淡到好緊要，我都不想咸的但不至於無味吧，超級失望。 炸蝦丸算幾好味。津白可以但以為最少用魚湯吧，結果求其小小唔知乜味的湯。 唉，超失望，無下次了。

周末多个朋友一起聚集，一起游玩元荃古道，大家都觉得深井烧鹅出名，都想尝试一下，下午两点多到达深井。到深井之后左挑右选最终选择这家。总体来说评价不高，这家的菜都比较贵。六位餐（B款）和四位餐（B）相差600多，但仅多一道菜，着实有点差劲。味道除了烧鹅和西兰花带子还可以，其他的都不好吃，建议大家慎重选择！！！！如果只是为了尝一下烧鹅，可以单独点半只烧鹅，其他的不建议点了，价格很不美丽！请大家注意避免踩雷！