影片
以上資料只供參考, 請與餐廳確認詳情
招牌菜
食完晚飯心血來潮想食下雞蛋仔，就去街頭小食店買左一餅。當時已經幾夜，幾步遠的另一間雞蛋仔店已經不做生意(說是蛋漿已經賣完)，這唯一的雞蛋仔店就幾多人排隊等左都幾耐，終於入手雞蛋仔。雖然佢好多味可以揀，但今次我地就食原味，點知一入口，好伏.。外面唔脆，得內軟，而且冇乜蛋香味，係食過既雞蛋仔入面黎講，依餅都算好唔得。
繼續閱讀
有次去朋友屋企,跟住發現到呢間小食店,就買左一底肉鬆粟米雞蛋仔,點知一食就愛上左,成日揸車經過附近,都會特登揸過去買一底栗米肉鬆雞蛋仔食,好香脆,粒粒都有粟米同肉鬆,無偷工減料, 價錢合理,仲有其他小食,魚蛋,燒賣,腸粉等,都唔錯,不過最愛都係個雞蛋仔
繼續閱讀
<街頭小食>🐣紫菜肉鬆雞蛋仔($19)▫️我見格仔餅都有得叫紫菜肉鬆底，仲會夾花生醬，煉奶，牛油，砂糖😱好似都好好味。咖哩肉鬆都幾得意🌶仲寫明辣☝️-等左10min都5洗，好快就食得。。但5知係咪又期望越大... ...仲要無吹風下，就咁就比左我。攞上手底雞蛋仔 軟身到爆，我5仲2唔脆口嘅雞蛋仔，會好似一pat軟糕咁，尤其凍左之後會更加難食。👉🏿加上前幾日食完 恆發嘅雞蛋仔，個外脆內軟口感差太遠了😵就算自然風吹完都幫5到佢脆番。。好似以前好多無質素嘅雞蛋仔咁嘅口感😐但都有蛋香味嘅。。-食頭幾粒個陣，我以為佢漏落肉鬆😥點解無肉鬆個種鹹香味，紫菜其實都係因為黑色先見到佢嘅蹤影，同埋佢係原大塊紫菜咁放入去嘅。-再食多幾粒，終於食到肉鬆嘅味道。但其實個量真心5多。。每粒都得丁咁少，係中間有幾粒係正常番少少。紫菜配肉鬆依個配搭，我見有啲人食完話有鉅記鳳凰卷嘅影子，我真係幾仲2食個隻鳳凰卷架😫係有個種味，但仲差得遠，起碼肉鬆個量多番一倍先👋🏿-個到都有啲偏遠🤔路過試下都還好，特登入去食就🌚🌚🌚
繼續閱讀
一説起香港的街頭美食你會想起什麼？雞蛋仔，格仔餅還是街邊的串燒？今回想介紹的是位於新蒲崗的街頭小食店。其實最近有很多店舖主打特色的雞蛋仔小食，其實，在新蒲崗的街頭小食店已走在潮流的前線，早就推出了大排長龍的人氣雞蛋仔美食，例如：紅豆抹茶、蜜糖星星、雪糕結合的雞蛋仔。朋友在新蒲崗工作，他説每次工作到肚子餓都會到這兒買小食醫肚，在新蒲崗有兩間甚有特色的小食店，一間叫629雞蛋仔，而另一間就是這家街頭小食店，他說各有千秋，但自己多數會光顧街頭小食店，因為...因為他較夜關門嘛。(晚上11pm才關門，啱哂夜班朋友)雞蛋仔方面有超多款選擇，蜜糖星星、紅豆抹茶、紫菜肉鬆的口味，甚至有紫薯口味、粒粒朱古力、咖哩口味。一聽綠茶，紫薯等等的字眼就知道完全是為年青人而打造的啦。紅豆綠茶雞蛋仔單看綠茶的顏色已經跟大角咀的乜嘜雞蛋仔絕對比下去了，雖然每粒雞蛋仔都有落足料，但綠茶的味道不夠鮮明突出，讓綠茶和紅豆的味道混在一起似的。不過.....他們的紫茶肉鬆雞蛋仔絕對很有驚喜。紫菜肉鬆雞蛋仔在製作雞蛋仔時，老闆把肉鬆分到雞蛋仔模上，再放上一大片紫菜。每次會隨機得到不同大小的紫菜，加上香酥的肉鬆，超正！紫菜和肉鬆簡直是完美的配搭，把原本已經很好吃的雞蛋仔升級，搞到我想起以前在優x良品的紫菜肉鬆雞蛋卷，每次買回來都超快被人KO的！除此之外，這小店的紫薯雞蛋仔也很吸引呢，就留給大家告訴我味道如何吧？紫薯星星雞蛋仔紫薯的顏色夠特別，雖然味道沒有什麼驚喜，但蜜糖星星實會受到小朋友的歡迎呢！而雞蛋仔等等小食依然保持街坊價，大概$16-20。正當已被推上位的小店大排長龍時，原來民間美食也在附近。雞蛋仔狂迷，必食！街頭小食店新蒲崗康强街32-34號康强洋樓地下16A舖
繼續閱讀
紫菜肉鬆雞蛋仔 平時食雞蛋仔都係甜食，今次司令挑戰左鹹既雞蛋仔，本身都抱住中伏既心情去，點知！非常好食！雞蛋仔帶少少甜，配埋鹹香十足既肉鬆同紫菜，外脆內軟，不得了！雖然又鹹又甜，但非常夾。粒粒朱古力外必食之選。
繼續閱讀