街坊Cafe (已結業)

難得的假期，看完早場電影後與朋友到食肆林立的女人內街食午飯。朋友之前食過覺得味道不錯，遂決定再去食！餐具頗可愛富特色，有別於傳統款式。海苔芝士濃味薯條 - 送上時散發香氣撲鼻的薯味，芝士分開呈上。薯條採用坑紋款，熱騰騰之餘還富有一定口感！芝士不稠身，入口濃郁，點上芝士醬汁別有一番味道喔！卡邦尼河粉 - 大大碗，食完挺飽。賣相不錯，河粉既滑溜又粗身，索汁度高。卡邦尼醬汁味道不稠不濃，口感適中，開胃又易於入口！德國脆皮豬手飯 - 飯粒混圓軟綿！豬手肉質嫩滑香脆，表皮烘得脆卜卜。配上醬汁味道更加出眾！情歌王(西洋菜蜜藍蝶花) - 大大杯！上紫下青的色調，挺漂亮！飲落既解渴外又舒喉得很，味道不會太死甜！

很喜歡這間餐廳裝修富有特色，牆上既壁畫充分呈現了香港特色！就連餐廳既食物都中西合併，大玩fuhion ，中西cross over 得黎又幾好味幾有創意！非常有新鮮感呀！這碟大蝦龍龍汁蝦子麵賣相非常吸引！平日食西餐，大蝦唔係配意粉就係意大利飯，反而今次配上蝦子麵，配上鮮甜濃郁既龍蝦湯，再加上蟹子，中西日cross over,賣相吸引之餘仲好好味，好有驚喜呀！蝦子麵本身比較爽口，加上蟹子，口感更加豐富左，入口食到蟹子爆開，口感一流！值得一提既係大蝦開左邊，仲去埋腸，好乾淨！而且最討厭剝蝦殼既問題消失了，開左邊既大蝦，用叉一起蝦肉就吃到了，唔洗怕整污租手！+$38有龍蝦湯同飲品，價錢唔貴！最緊環都係龍蝦湯夠好味，每啖都飲到龍郁既龍蝦味，好飲食緊龍蝦咁呀！

行開mk就嚟通菜街食下呢間主打港式fusion菜嘅舖頭，見格局都幾好，裝修又幾靚就入去啦！夜晚有個2人套餐，主要從main嚟決定價錢嘅。餐湯加左38蚊要南瓜蝦仁湯，比較稀身，蝦仁兩隻，味道偏淡。之後上左apple salad,好細盤，冇食到青蘋果，落左芝麻醬，比較清新。main要左黑毛豬，偏薄身，但幾夠淋身同香黑椒味！薯格就幾硬下而河粉要左龍蝦汁炒河，甜甜地，又係好細盤，亦只有一小塊龍蝦。最後甜品要左阿華田吉士多士，幾特別，d吉士又幾夾個西多士，但太過油膩，一人一件已經好夠！野飲要左驚天動地愛戀過同櫻花樹下，好似核打汔水，幾解渴！

好耐冇同好姊妹見面，當然要搵個舒服嘅地方食好嘢😁喺OpenRice搵到街坊Cafe，就用OpenRice網上訂位book檯一試。一坐低當然即刻叫返兩杯野飲先啦，呢度嘅飲品賣相同味道都好吸引～食物方面叫咗我好想試嘅 Carbonara河粉，另外仲叫咗一客小食拼盤。Carbonara河粉非常驚喜，醬汁好味之餘，河粉有滑溜口感唔會爛！而小食拼盤都係誠意之作，四款小食都好好味。最後我哋當然叫甜品作結尾，好多款甜品都好想試，今次就試咗Tiramisu吉士雞蛋仔伴雪糕。估唔到雞蛋仔上枱嘅時間都仲係熱，加上半溶狀態的棉花糖，同凍冰冰嘅雪糕一齊食，超級滿足！

旺角往往俾人一種"喱民"既感覺，尤其女人街更是“走唔甩"！今日身為街坊的我就叫左啲舊同學一齊試下～ 我個男同學最遲放工，所以就跑過來，勁熱，一坐落就要叫杯野飲，佢就叫左杯“動地驚天愛戀過”，裏面有金桔同利賓納，金桔味淡淡然，無cover到利賓納既味，而且唔酸，又幾靚。這店仲特别為飲品s改了流行曲名，例如：我的宣言，換個他，一加一，情歌王，櫻花樹下等，啱矖我地依啲撐香港流行曲既人！朋友見到原隻龍蝦蟹籽蝦子麵就話要食，以為百幾蚊都唔會好大隻，點知都唔係。大過成隻手，presentation都幾得吓，燒香左，朋友話啲肉都幾彈牙！(我無食到，俾啲龍蝦控食矖). 所謂的蝦子麵係日本蟹籽粒舖上傳統撈麵上，配上濃郁的龍蝦汁，近乎每條麵都有龍蝦汁，無龍蝦食都能滿足到，過足癮～ 點知個餐加三十八蚊都可享用龍蝦湯， 依個龍蝦湯如常有幾滴忌廉響面， 但都係覺得勁濃，可能佢打左啲龍蝦款落去，我覺得苦，苦到飲唔到，但兩個龍蝦控就lum lum脷想encore咁款。 燒雞三文魚凱撒沙律(大) $98 煙三文魚有四件剛剛好，凱撒沙律菜非常新鮮，大大盆，4個人一定夠分，上面攦上芝士粉，都好夠味，加埋

因為想食碗仔翅所以尋尋覓覓中搵到街坊cafe，由於我到既時間尚早，唔算多人，餐牌款式亦較多，最後我地都揀咗套餐，有素食碗仔翅、沙律，墨魚汁河粉、扒、雞蛋仔提拉米蘇！素翅入面有素鮑魚同素海參，足料👍🏻墨魚意粉就食得多，今次試下墨魚汁河粉，可能用河粉炒所以感覺上比較油膩，但味道不錯👌扒真係好大塊仲拼埋薯塊夠晒香口😋食完正餐當然唔少得甜品，提拉米蘇雞蛋仔配上綠茶雪糕，二者混為一體，不消一陣我地已經食晒成碟啦！如果打算黎食最好訂位，因為都好Full

Tiramisu 吉士雞蛋仔伴雪糕 $58 @ 街坊cafe熱辣辣既雞蛋仔放係底，上面吱上吉士醬同灑上可可粉🍫，伴有雪糕🍦同棉花糖。雞蛋仔質地較淋身，感覺似蛋糕仔😂；而因為鐵板上既關係，棉花糖被烘得微微溶化，，將雞蛋仔沾上雪糕再加一粒棉花糖同吃，好幸福的滋味喔💕！ .

朋友主動話想食呢間，所以睇下app booking有冇優惠，又真係有！因為第一次去食，地點都離地鐵有d遠，不過最後都去到！店內環境唔錯，都幾有特色而且食物都唔差，個碗仔翅幾好食，上菜又快，又唔算貴。下次都會再光顧👉

飢餓的星期六，係open rice見到街坊餐牌有好多菜式可選，用open rice 訂座可以有5折優惠，環境好似幾舒服5折只適用主餐牌正價菜式&飲品，甜品除外。點了帶子墨魚汁炒河粉+熱情果蝶荳花。-帶子煎得外脆太軟，味道鮮甜-墨魚汁×河粉，體現西式×港式fusion -好好味，而且好有創意-碟荳花熱情果都不錯，但藍/紫顏色不太明顯，份量也略嫌較少-友人的炒海鮮炒蝦子面也好像不錯-碗仔翅配料也很多~-薰衣草咖啡，甜甜的花香&奶泡，甜蜜蜜的味道餐廳負責人&侍應都是年輕人，睇得出佢地好有心經營去創立咁多港式×多國菜式。繼續加油!美中不足---環境: 冷氣好凍…我地安排嘅位置離廚房最遠，但衣服都沾滿油煙味，負責人要考慮下抽風/通風系統改善建議: 甜品賣相好吸引，如果有優惠會令人想落單，正價會卻步!值得再encore

好耐無食過一間性價比極高既餐廳，食得出煮既廚師系真心煮俾客人. Set lunch 有骨豬扒大件得黎好入味剛剛好，配菜有盛意,擺設靚! 甜品雞蛋仔都唔錯不過始終街邊小食.... 好難整到100 分！ thanks for giving me a nice happy lunch!

旺角多食市，但樣樣都差唔多，諗住是是單單食，見有網上訂枱，又有優惠，仲係即晚都有位就即管一試。地方唔算大，旺角人個個大情大性，所以嘈左少少，可以接受既。個名咁「街坊」以為都係一般茶記，試過就知非一般。港式地道食品夾西餐煮法，唔算太驚喜，但味品唔錯。飲品名，有心思，今晚唔小心就拼左個「女神」「當我想起你」食得幾飽都一定要試甜品，簡直無得輸！服務員個個又有禮貌，上甜品時發現出錯，唔知係落錯單，定係送錯枱，都無夾硬要個客要左佢，要贊唯一敗筆，是晚一部冷氣因爲滴水要閂左，我地又坐近厨房，雖未食到出汗，但又真係熱左d，希望攪攪佢喇。

平時無諗過寫食評，不過食完呢餐覺得要推介下。呢晚訂咗晚上10點，因為open rice 訂枱服務有半價優惠，收工去食剛剛好。一去到，完全唔駛等位。睇完餐牌，我地兩個人決定叫3樣嘢食.呢個磨姑黑松露湯，好飲，夠熱。我覺得叫個細既兩個人share都夠飲。牛排都好食，夠熱。不過正價要成2百幾的話我就未必會叫嚟食仲有牛油雞翼，都係好味最後太肚餓關係，加多了一個德國腸拼盤，不過唔記得影相。埋單半價咗盛惠$370。

今晚和男友經過女人街,見到一間幾靚cafe,男友見到有排据,即刻就入去試試啦!男友點了一份牛排五成熟、一碗素翅湯和一杯名叫驚天動地戀愛過(個名好搞笑~其實係利賓納+金桔〉酸酸甜甜而我點了三文魚牛油果焗+熱玫瑰咖啡首先素翅味道好淡~冇特別之後個排黎到,賣相幾好~但原來得過樣,本身叫五成,黎到變咗全熟😓又鞋又多筋和脂肪~結果得返好少部份食!杯凍飲無乜特色,只係甜和酸~三文魚牛油塘焗飯好香,但一食....中伏!好咸呀～咸到我不停飲水!最後熱玫瑰咖啡~賣相同味道都ok 但是不夠熱,只是微暖!總結~只得一次,下次咪搞!

今天又要去探望媽媽，來到旺角，想起上次的街坊的食物都可以，想再試試其他。原來兩點後用Openrice 訂位，可以半價，適用散叫，不能用於套餐。我們要了黑醋汁蕃茄上級牛肉沙律($98)，皇牌卡邦拿拉沙河粉($88)，凍意大利泡沫咖啡($42)，我的宣言($48)。意大利泡沫咖啡，咖啡味道都幾濃，泡沫豐富，幾好味。我的宣言，係白桃溝玫瑰，玫瑰味重過桃味，如果桃味重D仲好。皇牌卡邦拿拉沙河粉，沙河粉好煙靱，卡邦拿拉汁好多，味道好香好正，好多磨菇和煙肉，我推介這個👍👍👍黑醋汁蕃茄上級牛肉沙律，牛肉淋身有肉味，黑醋汁份量比較少，如果多些會更好味。飲品份量比較多，而食物份量比較少，希望增加些食物份量。

今日放假响旺角行到攰攰地，去到近期大熱餐廳嘅附近，見到唔使等位，就即刻入咗去。一間茶餐廳裏面有着許多香港地道小食，傳統小食加上西式原素，懷舊又創新變成餐廳獨有嘅特色，碗仔翅配上鐵板牛柳，食到童年街邊小食嘅味道，又可以懷勉童年高級享受嘅鐵板扒餐，實在令人勾起好多兒時嘅回憶…… 如果碗仔翅嘅冬菇可以煮稔d就更好啦😅值得讚賞嘅係甜品－傳統雞蛋仔加上tiramisu 吉士棉花糖，新鮮熱辣辣雞蛋仔配上冰冷朱古力雪糕，冷熱交融，由普通地道街邊小食變成高級餐廳甜品嘅享受，大滿足😋其實餐廳仲有好多fusion 菜式，下次同多啲朋友再去試多幾款菜式！