街坊Cafe (已結業)

地方不難找，餐廳的座位格局不錯，入座後有一個半小時用餐時間。點了小食拼盤；大蝦墨魚汁米飯和心太軟。拼盤有甜酸醬雞中翼、炸蟹肉餅（咬下去很粉、很軟，有點膩）、德國腸（有點乾）、薯格（挺脆，但伴碟只有沙律醬沒有番茄醬）、和一小份沙律菜。墨魚汁米飯很香，大蝦烤得剛剛好，怕太膩可以在米飯加上幾滴黑醋會比較開胃。心太軟有點意外，因為切開沒有巧克力流心，那些流心已經一早繞在了尚未切開的的蛋糕周邊（如圖）。濃郁的巧克力帶點微苦，但有微溶的棉花糖作中和，還有一球巧克力雪糕，使口感更豐富。

上open rice搜尋旺角區餐廳搵食時，見好評不少，又見上網訂座有79折，於是就同爸爸去試試，可惜非常失望。原因如下。1. 埋單時先知道二人餐唔可以用任何優惠，但入座時餐廳侍應明知我地係網上訂座要使用79折，完全冇講過咩野餐唔可以用，單點才可以用，令人覺得有欺騙成分。2. 點了二人餐，味道難吃，唔知open rice的好評點黎？碗仔翅煲好明顯係一早做左一大煲，倒一煲出黎，湯一啲都唔熱，微暖。再者，味道麻麻，街邊啲碗仔翅都好味過佢。龍蝦意大利飯好難食，本身已經唔要求好似意大利餐廳咁有水準，但啲飯冇味之餘，龍蝦唔知係咪過熟定唔新鮮，好難切，啲肉痴住蝦殻。蜆肉粉河粉啲蜆好多沙，茶餐廳的炒牛河都好味過佢。總之，所有野賣相、味道好差，我地只食左一半，打包都廢事。3. 環境超嘈吵，檯與檯之間拍得超埋，訂左檯都一樣，逼到隔離檯個袋全餐飯都挨住我，成間餐廳個個講野好大聲，傾下計傾到喉嚨都痛。4. 離開餐廳後發現我爸爸條褲同手袋都整污糟左，係坐過張櫈唔乾淨，一定係倒瀉左醬汁，我爸爸老人家冇睇清楚就坐落去，搞到返屋企時pat pat位一大撻好污糟又擦唔甩，好似失禁咁醜死。其實旺角區加一後$400幾蚊唔

就係尋日, 我女友話出旺角"食好西", 佢話辛苦左一日, 要補償一下自己, 既然女友開到聲, 我一定要答應既,唔係今晚要"開榴槤"哈哈哈哈我收7點, 女友又收7點, 我地約埋起旺角地鐵站等埋先去, 既然係我女友話食, 當然今次搵既餐廳資料係佢負責, 我慳左d功夫~我見到女友後, 佢第一句: 我地去搵街坊我心諗, 下? 搵街坊問? 你唔識路咩我心好迷糊既時間, 佢就話去一間叫街坊Cafe既餐廳我當堂嚇一跳, 然後得啖笑由E出口經女人街去到差不多街尾就見到間餐廳, 門口已經幾得意入到去, 哇~好有街坊FEEL~我講緊D油畫同LOGO超級有香港特色我二話不說都係叫牛扒我係牛魔王飲品名好鬼得意, 有櫻花樹下, 女神等等唔好叫錯, 唔係比另一伴打唔關我事我更係叫杯女神先啦(我講緊我女友係我女神)入面有(金桔/百香果/芒果/藍橘)我唔知佢用咩溝出黎, 但真係幾好飲果種味係慢慢起個口轉變一樣, 先係金桔, 之後係百香果味幾清甜, 唔會"甜椰椰", 一陣膠味!餐湯真係估佢唔到竟然唔係西湯, 紅湯或者係中湯係碗仔翅(我個人好憎食真魚翅) 但仿翅就會食,哈~食落好有香港人情味, 因為以前我成日食既時候係起

今日落旺角買相機，之後搵地方食飯，朋友在Open rice 看見網上的食評，說街坊cafe幾特別又抵食。門囗比較花看不明白，入去見到好多人，牆上塗鴉烏色彩繽紛，心情頓時愉快二人套餐-街坊素鮑參碗仔翅窩，個碗仔翅好吸引，份量好足，大大隻素鮑參同鮑魚，雖然是素食，但素海参爽口，素鲍鱼，冬菇彈牙，木耳脆，深啡色的湯又香又濃，加埋麻油和醋，啖啖充實，足料好味的碗仔翅鮮青蘋果沙律-餐中沙律菜新鮮，面上還有蟹子，除了普通沙律醬，還加了芝麻醬，所以特別香濃德國豬手配蜜糖芥末汁-豬手配蜜糖芥末汁有驚喜，外皮很脆，肉不會太鹹太乾，有少許肥膏，特別喜歡甜甜的蜜糖芥末汁，比一些德國餐廳做得更出色。不過配菜薯格炸得比較硬，有改善的空間。龍蝦汁海鮮河粉-河粉很滑，雖然有點微焦，但配上龍蝦芡汁鲜甜，混入青口，大蝦炒香，大蝦啖啖肉整體味道更豐富阿華田吉士西多士伴雪糕-賣相吸引好靚，份量不少，西多士上面的阿華田好香，不過多士炸得有點硬，小食多滋味，食一件已經夠數女神-朋友的餐飲「女神」由甘吉，百香果，芒果，藍橘組合而成，顏色豐富，朋友說酸甜開胃戀愛大過天-個名真有意思，本人也是戀愛大過天，今晚非佢莫屬。入面係由玫瑰，

前排有一間cafe好出名，聽到個名都覺得好得意，叫街坊Cafe，餐廳叫呢個名我相信原因都明顯，入面有嘅菜式的確係幾街坊，原來係一間港式cafe，幾有香港特色。環境都系好有香港特色，有「街坊」兩個字同埋有啲懷舊既擺設，場內亦有香港啲大廈既卡通油畫，令環境增添趣味。首先叫咗個大蝦龍蝦汁河粉，大蝦啲肉都幾鮮，河粉配既龍蝦汁數量亦幾豐富龍蝦汁唔會太鹹，配上軟滑嘅河粉口感不錯，唯獨系真系太快就涼左，河粉同蝦只系擺左10分鐘多啲就開始吾熱跟住食戈陣就冇左熱辣辣既感覺，$128定價都太高喇。友人就叫左個明太子溫泉蛋意粉，溫泉蛋都幾有口感，軟林林咁，系半熟既形態，明太子既數量就正常，但系吾太熱，而且冇乜汁，太乾了，明太子意粉應該比較creamy先岩餐牌上有吾同種類既飲品，其中藍蝶花飲品系最吸引，其實都系呢家好興既色素飲品，雖然個個都知系色素整出黎但都好多人飲😌外型確實吸引，每一杯既藍蝶花飲品都系以最近既流行曲名稱命名，十分盞鬼，叫左杯有芒果同埋菠蘿既「一加一」。飲品分為紫色、黃色兩層，相信黃色戈層真系有芒果同菠蘿既成份，撈埋一齊真系幾好飲藍蝶花其實冇咩特別既味道，系有丁點既苦，不過撈埋芒果同埋菠蘿戈層

After shopping nearby, we have a dinner at Kaifung cafe. As we are quite hungry, so we choose a set dinner which have grilled chicken, lamb and lobster. The lamb is very juicy and chicken is soft to eat as well. But too dry for lobster😞 love the tomatoes 🍅😝 quite fresh and sweet!! Then we have a spaghetti 😍very fatty and yummy~ many meats and cheese on it 🤓little bit spicy 🌶

女人街一向都多野食，今日就嚟到呢間幾人氣嘅餐廳食夜晚啦先嗌左個set dinner G, 有羊架，雞同半隻芝士龍蝦($168)🙆🏻‍♂️ 羊架冇乜騷味，肉幾易咬，偏肥🐑 雞扒肉厚汁多，唔錯！ 另外龍蝦上面舖滿芝士，非常邪惡❤️ 肉質還好，唔算好新鮮😌 而d薯條都有d薯仔味嘅，比麥記個d粗身💁🏻 跟餐有個碗仔翅，比較杰身，味道正常👼🏻另外仲嗌左個五香肉丁肉醬義大利麵($72)🐷 非常好食！加左五香肉丁所以好惹味，而且好多芝士仲要拉到絲！撈埋真係不得了，好肥但好正🙆🏻‍♂️🙆🏻‍♂️ 佢仲要愈食愈辣🤦🏻‍♀️十分推薦🦄加左5蚊要杯齋啡，比較淡，而且唔係熱嘅，味道係帶焦糖香嘅越南咖啡☕️

一開始係俾佢既甜品吸引左入黎既，入到黎先發現原來有好多唔同國家種類既野食。我地要左碗龍蝦湯，味道十分濃郁，好重龍蝦味，份量夠兩個女仔share飲。rib eye steak 超級大塊，絕對大過塊面要左medium，眼見扒上仲有些少血水，但切落去入面唔算生，好多肉汁而且肥美。佢地野飲既名字十分有趣，呢杯叫戀愛大過天，係玫瑰，士多啤梨，青檸既梳打水，味道幾清甜幾refreshing最後係我最期待既甜品阿華田雞蛋仔暖luplup既雞蛋仔加上冰涼透心既雪糕好match，而且上面仲灑左阿華田粉，雖然阿華田味唔算濃，但都值得一試。

週末行開旺角女人街，與之前一樣依然人頭湧湧，非常熱鬧。差不多行完成條女人街，正直肚餓之時，卻畀我發現這間平靚正之街坊cafe ，門口人頭湧湧，而其店外宣傳餐牌異常吸引，價錢經濟實惠，是日晚餐決定就食這間。All day breakfast 有英式和港式，價錢才$78至$88，認真抵。這裏也有特色漢堡， 連薯格才不過是$68蚊，正！二人套餐也有很多選擇,所包食物相當多相當 豐富。特色飲品名字也神奇特別！調味器皿有鹽和黑胡椒。最後選了兩個茶餐， 分別是燒雞扒$92 和烤紐西蘭肉眼牛扒$108。 而餐湯可以選擇 碗仔翅，這麼地道的小食當然必選，所以兩個餐都點了碗仔翅來試下。雖然質感若稀，但冬菇材料挺多，所以正門碗仔翅的味道也不錯，不太淡。燒雞扒,用鐵的煎pan盛放，所以保持相當熱力 。雞扒沒有雪藏味，肉質嫩滑， 相當有口感 ，加上醒神的番茄醬，食時甜甜酸酸的， 異常開胃。另一紐西蘭肉眼牛扒, 超級大塊, 我點了七成熟,肉味香濃，肉汁多而肉質幼嫩，口感鬆軟。兩杯特色飲品，（當我想起你） 和（換個他 ）都是由生果調制的，特別清新解渴， 味道甜絲絲，好飲。兩個扒餐埋單合共約二百蚊鬆啲，在旺角食晚飯

哥哥番左香港緊係同佢食飯啦！之後就出街食飯！見倒街坊cafe個門口幾靚🤤就入去食喇！一打開個menu已經覺得好靚！當然依兩頁係最吸引我嫁啦依個係玫瑰花咖啡一個小小嘅提示係如果鍾意飲濃啲嘅咖啡味就唔好攪勻啲cream依個係玫瑰加士多啤梨！係甜左少少，但真係好好味，玫瑰花味唔會俾士多啤梨味蓋過！本身嗌左五成熟，黎到變左well done之後同個姐姐講就換過一份！正好多😆黑松露蝦子麵黑松露好出，唔會太creamy最後係心太軟個雪糕由朱古力味變咗牛奶味心太軟最正嘅係流唔流啲朱古力出黎！一睇就知好出色啦最後，個waitress好正🤤又靚女又有型

旺角好似好多CAFE，但想搵間好d既CAFE又並唔係咁容易(好多都係得個樣，難食到嘔)。所以每次試新餐廳，都係一次大冒險。係女人街既巷仔入面，見到呢間幾新奇既街坊CAFE，行fusion路線，不錯。入面都幾寬敞，牆身有幅巨型油畫，有濃厚既本地色彩。但同時佢既風格又「西西地」，有D西餐廳feel。雖然中西風格溝埋一碟，但好在唔醜，望落幾舒服。再睇下餐牌，果然又係中西合壁。大部份菜式都係以西餐為主，但又加入港式組合，e.g.餐湯係碗仔翅之類。有少少擔心係伏，,但都入左黎，就試試佢。墨魚汁帶子河粉($88)墨汁意粉就食得多，河粉真系第一次。相比起意粉冇甘硬身，反而多左一分彈牙，幾Q彈。調味方面幾香，同帶子既味道好夾。街坊碗仔翅（套餐+$28）個人最中意呢個碗仔翅，好似都系餐廳既招牌，每個主菜都可以加28蚊升級做套餐，有碗仔翅有野飲。個碗仔翅幾足料，有好多大塊既菇。另外佢既生粉唔會落得太多搞到似鼻涕，而系清清地，但飲得出有雞湯味，如果下次黎我應該會叫一煲當湯飲，哈哈哈哈哈哈。是我的錯（$48）呢度既飲品名都好搞笑，系用歌詞黎做飲品名。我就揀左杯是我的錯，用黎道歉認錯都幾好wor！呢杯系蘋果溝菠

今日去旺角這間街坊餐廳，格局真正平民街坊feel，價錢大眾化，但食物質素出奇地有驚喜。由於是星期六晚上，餐廳一早已高朋滿座。 所以我們等了十分鐘才有位進入餐廳，雖然是茶餐廳格局， 但裝修一點都不馬虎，兩邊牆身油了很親切的圖案，很親切。餐廳裏面有多款香港地道小食， 傳統懷舊小食如碗仔翅和雞蛋仔，絕對能夠勾起你童年時的回憶。餐牌食物種類選擇也很多， 最終我們選了皇牌2人套餐盛惠$298， 這二人套餐食物豐富分別有一、街坊素鮑參碗仔翅窩；二、鮮青蘋果沙律 ；三、 燒西班牙黑毛豬配松露汁；四、龍蝦汁海鮮河粉；五、阿華田吉士法國西多士伴雪糕和六、兩杯特色飲品。食物之多，只需$298,低到暈。先講街坊素鮑參碗仔翅窩， 初時冇乜特別，但食食下真係有好大隻鮑魚和好大條海參，由素整的，味道都okay。加上碗仔翅好足料， 稠度適中，有大量冬菇絲在其中，口感不錯。鮮青蘋果沙律略新鮮健康，加上有鮮青蘋果和蟹子，味道甜酸酸，食完非常開胃。主菜燒西班牙黑毛豬配松露汁，水準之上。 黑毛豬扒用煎pan盛上，落汁時熱力四散，氣勢磅礡。 而黑毛豬扒好厚好大塊，咬落啖啖肉，肉質嫩滑，入口脂肪融化， 口感鬆軟，肉味香濃，味道

今次四人去旺角食野見街坊cafe 幾多正評就去試下啦入到黎環境唔錯，四個人坐卡位舒舒服服，完全可以坐低吹水，最尾四個人食野吹水兩個幾鐘😂野食方面，四個人叫左四樣野首先黎嘅係卡邦尼河粉意粉食得多，換做河粉有新意之餘又幾match 幾好食西冷牛扒，牛肉嫩口又有汁，份量大，配埋d薯條，四個人食一份滿足食扒欲望👅其餘就叫左紫薯餅同龍蝦意大利飯同樣味道不錯且份量足夠，食到四個人飽哂加上餐廳不時有優惠，揀好時間黎可以話係十分抵食👍🏼

去旺角搵食今日走去試吓街坊cafe 已經聽聞左呢個Carbonara 河粉好耐 真係好味冇諗過會咁夾睇一睇個餐牌 既似茶餐廳又似Cafe 我最欣賞就係呢度啲飲品名 搞笑得來原來都唔係亂改 叫咗杯你的男人 Espresso加朱古力原來係寓意男人吃得苦🤣 不過落單嗰陣時就有啲好笑叫咗一個龍蝦Risotto 又有成隻龍蝦又有其他海鮮 超抵食 好快就俾我哋清晒再叫埋個鐵板牛扒 啖啖肉 裝修都幾唔錯都坐得舒服 有茶餐廳嘅嘢食cafe靚靚嘅包裝 啱晒我 可以再戰🤤

Tung Choi Street is not just a famous tourist spot in Hong Kong, but becoming a food street. You can find cuisine coming from all around the world. They are hiding behind the  shops on the walking street.Today,  we chose to visit this 街坊Cafe,as its beautifully designed menu attracted us. We hope we can find some authentic Hong Kong cuisine here.We were assigned to a seat near to the window. It is spacious and have sufficient space separating us from other customers. It is nice.The variety of cui