蠔站 (將軍澳中心) (已結業)

今日係結婚紀念日，晚上無堂食，所以老公黎咗呢間店買我想食既焗蠔，半打打折之後100蚊。食咗一隻，已經食唔到下去，細隻唔緊要，最緊要係新鮮，不單唔新鮮，調味賣樣都十分差，不會再幫襯。

嘗試欺騙客戶不給與優惠，本人入座時已同女職員確認7折優惠，但結帪時發現並沒有優惠，查詢下，男職員話本人入座時不是告知他，所以他不知道，此說法有些滑稽，從未試過去一間餐廳已登記優惠後，本人要通知每位職員此帳單有7折優惠，當日只得兩位職員，人流亦不多⋯⋯職員自己沒有溝通嗎？如果一間餐廳有十幾個員工，難道本人要逐一通知職員。當日是聖誕佳節，疫情下，因有優惠，本人和朋友為慶祝佳節，亦不介意消費多少，為求開開心心，結帳時原價是$13xx，折扣後$9xx，提醒所有消費者，結帳時，緊記查單，免招損失。

整體性價比非常低，食物及環境不見得非常好。論牛扒不及鄰近扒房，論Pizza不及附近各大西餐廳及Pizza店，主打的蠔也不是非常新鮮，更不用提那份量少得可憐的沙律。先說一下生蠔吧，算是比較正常的東西，點了一份正在Promotion的生蠔拼盤，有七款不同國家的生蠔，整體還可以，只是感覺不夠新鮮，有點腥，也不夠冷。點了十安士牛扒，肉質完全不是$290應有的質素，過份煙韌，medium rare變了差不多well done，$290那個質素我倒不如到超市買回來自己煎（如果有人想說消費是為了服務，那我會說服務不見得非常好，之後會詳細解釋）意粉和Pizza方面，點了冬陰功海鮮扁意粉至尊Pizza，想說試一下特別的菜式，但感覺被伏了，意份量少之餘，只有酸味，賣相也非常平凡。Pizza比較好，但份量同樣很少。最後不得不提是沙律，點了大蝦牛油果芒果沙律，服務生卻說沒有牛油果，以更多份量的芒果代替，生意是這樣做的嗎？倒不如直接跟顧客這份餐點售罄，選另外一份？最終還是點了那份沙律，份量竟然是少得可憐？$108給我一個咖啡杯份量的沙律？更有趣是將黑醋放在碟上，但再將杯子放在碟上？究竟這是什麼設計？顧客服務態度

第一次光顧就中伏。食物方面，我地一家四口叫咗大蝦牛油果芒果沙律，職員竟然解釋話冇牛油果呢個收$108蚊嘅沙律，原來只係用一個3吋高玻璃杯盛載，一大半放菜在底，得十幾粒巧酸既芒果粒，上面有兩隻還算新鮮的大蝦。西冷牛扒好乾，顏色冇光澤，冇牛肉既香味，完全唔值＄300。另外叫咗八隻生蠔加白酒既set、冬蔭功意粉同至尊pizza，全部份量都好少,加埋成千蚊竟然食唔飽!服務方面，果個生蠔set跟白酒，杯白酒等我地食哂啲生蠔都未上。我地忍唔住催單，侍應先施施然上酒，sorry都冇聲。乜酒唔係應該用餐前上㗎咩？要客人提？總括而言，呢間餐廳既食物同比我地既感覺好差，唔會幫襯第二次。

終於放寬四人一枱，我們四隻鐵腳決一不可，等咗成個月終於聚一聚，決定去食蠔但又覺得好似我哋錦食法應該會食窮，所以就去咗呢間餐廳試下佢哋既平價蠔，當然大隻就一定唔會，不過勝在係不但新鮮而且又爽口，我們一坐低就先來一打，好快就清咗😂，之後再試試餐廳逢星期三的特價蠔，8隻唔同國家重送一杯餐酒，比較上是大隻也很鮮甜又夠海水味，但相比$10的南非蠔，絕對不失禮所以最後我們也再叫了二打，這餐蠔宴真係好好好滿足，每人共食了11隻！還叫了一點食物再用相片分享，再講講餐廳氣氛整體不錯，今晚都有8成客，待應服務態度都係親善有禮嘅，清潔方面量體溫和每枱都有支消毒液都係指定動作，若然大家也想放心豪食蠔真係不錯的選擇😋😋🦪🦪🦪🦪🦪🦪🦪10分滿分呀！

星期五啦終於，幾年冇食生蠔，見到呢間啲蠔做緊promotion $10一隻，就book位泥試下啦。首先叫左一打，入面有兩款蠔，有黑裙邊嗰種甜口，冇黑裙邊嗰種咸啲，兩種都好好食。加上太耐冇食，真係啖啖都係享受😍😍😍跟住叫左兩個mains:呢個豬扒煎得好香，但重點係啲配菜超好食!!龍蝦意粉就爭啲，同埋得幾粒好硬ge肉only, 個頭係純裝飾。食食下聽到隔離枱介紹緊生蠔，原來仲有好多non-10蚊品種，下次泥要試下其他蠔先得。

happy hour同同事黎食蠔! 食到幾飽, 可能因為D蠔都幾肥美+新鮮, 以為細細隻就可以食好多. 不過食左半打都幾飽promo: 澳洲set: 南韓, 南非, 蘇格蘭, 法國 (最肥美/濃味); 黑松露薯條 (有少少炸過龍), 肉丸, 雞翼環境唔吸音, 講野聲+好有節奏既背景音樂, 感覺有D嘈, 傾計唔方便~

男朋友完左實習 諗住請佢食餐好既佢話想食生蠔好耐 見上網推薦喱間$10 /隻 生蠔見食評都唔錯 咪open rice book座試試佢一入去 冇招呼 坐左原地5分鐘 Waiter 個個望到都冇出句聲叫等等 各有各忙 已經一開始唔係咁鍾意 帶左我地入位 先發覺得三個waiter 成間野加埋超過30張枱 咁既服務比例 好有問題叫左一打生蠔 $120 加一杯白酒望洛唔新鮮 冇乜鹹味 肉質薄過紙 唔望仲以為自己食緊白兔糖張紙 🙄白酒（Grange Du Midi VDP D’oC)正常 $68以為熟食會好d 咁就叫咗一個前菜同埋兩個主食伊比利亞風乾火腿 24個月 配哈蜜瓜 $158 四色芝士薄餅 $168黃金軟殼蟹扁意粉 $138火腿好好食 哈密瓜質素勁差 唔juice 又唔新鮮Pizza係不過不失 係唔錯 芝士好突出 如果餅底厚多少少就好意粉煮得好難食 得個快 意粉又冇汁 超級乾身 軟殼蟹有啲似翻炸🤮🤮🤮同男朋友都食唔飽 諗住叫多個飯試試佢叫左 黑松露意大利飯一早聞到係幾香都覺得唔錯 但係份量好少一食落口個飯仲係生！！！ 生米 奶太多 同飯量比例唔岩 曬曬材料Total $836 (已加一

難得吃次西餐，只因為西餐給我的印象是貴夾唔飽，華而不實。今次禁不住朋友的再三要求，勉強一試，果然係珍珠冇咁真，一如既往咁貴夾唔飽，兩件牛扒加兩打生蠔（十元隻）另兩杯嘢飲都唔見咗隻金牛。錢係預咗俾啦，但味道真係難以下咽，肉眼扒除咗肥膏冇肉食，西冷牛扒叫五成熟卻給九成熟，又硬又柴兼冇牛肉特有的甜，D蠔除咗咸我食唔到任何味道

今日約左一班好耐冇見既朋友食飯，咁岩大家都好鍾意食生蠔同飲酒，就揀左呢間蠔站。雖然蠔站都有幾間分店，但貪將軍澳分店偏d冇咁多人，可以享受下一班人聚會，搭地鐵去亦好方便。呢度出名$10隻生蠔，但質素算唔錯。d生蠔偏細隻，夠新鮮，加d檸檬汁已經好好味，不過我都幾鍾意佢個款醬。我地5個人總共叫左六打生蠔，分開3次叫。最後一轉反而最creamy，生蠔亦較肥美新鮮，可能夜d食反而清左佢d舊貨，食到最新貨？我地一開始就叫左一個1664啤酒塔，每人大概有兩杯左右。之前叫左一款智利白酒，都幾好味，易入口。啤酒同白酒同生蠔都好夾。前菜叫左蟹肉牛油果沙律同埋火腿羽衣甘藍沙律。個人比較推薦蟹肉牛油果沙律，食完先知蟹肉同牛油果都幾夾。羽衣甘藍有種苦味，並非所有人接受到，睇個人喜好。四式芝士薄餅我之前都食過，但兩個人食會嫌有d膩，幾個人食就剛剛好，餅底夠脆，非常惹味，令人難以抗拒。另外，主食叫左卡邦尼扁意粉，不過不失，多食有點膩。同埋叫左個蒜香蜜糖豬肋骨，呢個都十分推薦，肉質軟䭃。本身都夠味，但個人比較鍾意點醬，如果有得點醬會開心d。因為生蠔平，所以其他食物我覺得偏貴，但攤均黎計都算okay。平時會揀坐戶外，貪

適逢白色情人節 兩小口去將軍澳簡單慶祝一下好耐冇食生蠔 於是揀左之前已經食過嘅蠔站😹蠔站最出名嘅當然就係十蚊新鮮生蠔一坐低即刻問staff今日邊款生蠔做特價原來係法國 即刻黎一打先😼再叫咗兩款主菜《美國肉眼扒》上星期去完另一間餐廳食嗰塊肉眼扒大失所望 今日呢塊叫做重燃番我對牛肉嘅渴望😂叫左5成熟 雖然唔算好嫰 但有牛味 配菜都好好食 另外亦都叫咗個黑松露意大利飯 可惜搵唔番張相 但係質素唔錯 黑松露味好濃郁 醬汁亦調校得啱啱好 唔會過鹹《新鮮生蠔》最終盤生蠔係我哋食晒兩個主菜之後先到😂 本身唔夠喉諗住叫多啲都驚又要等好耐所以打消念頭 其實見師傅已經係咁開都做唔切 睇嚟特價生蠔真係好吸引🤪如果下次再嚟嘅時候生蠔上枱嘅速度可以快返少少 咁就會更加好喇🥰

在剛過去的星期一，晚上7點多去了將軍澳分店晚餐，由於疫情關係只跟女朋友隨便吃過飯便算，一如以往食物水準很不錯，特別是西班牙乳豬，入口啖啖的幼嫩香味，值得推介，生蠔也很新鮮，海水味很濃，果然是愛蠔的首選餐廳。而值得稱讚就是員工的貼心服務，因為疫情原因，店裡預備了口罩保護套給客人，而且經理也細心解說怎樣使用。其實在這艱難時期，眼看他們的生意也大受影響，飲食業的直接面對客人，真的是每天都承受很大威脅受感染，這裡的服務還可以這樣貼心，真是十分難得。題外話，在這段主張不聚眾的時期，我當晚就見到一家九口的來光顧，當然是分枱坐，但本人的枱就是被這一家人包圍，因為他們是一家人，有互换坐位，隔空大聲交談，隔空口水互噴，這樣跟不聚眾防感染的宗旨好像相違背了，在這環境下，本人都草草吃完就走了，真的感覺有點危險，其實餐廳面對這種情況，可能怎樣做呢？真是做又死唔做又死，分隔了跟沒分隔都一樣，眼見職員只能服務他們，不能阻止，這樣對其他守法的客人公平嗎？希望貴公司的決策人員有更好的對應方法，不要讓其他客人及員工曝露於危險當中。謝謝。

想豪氣食生蠔🦪，首選一定係呢間，$10一隻，可以不加思索咁叫兩打。已經係第n次到訪，可以話係其中一個飯堂。生蠔每日/次有唔同推介，因為掛住食，冇影低又冇記住產地，不過食咗咁多次，都係不負所望，信心之選，第日要畀心機研究下再細心推介鍾意豪氣食蠔既朋友就明，食酒店buffet要排隊挪，每次限三隻，絕冇呢種睇（影）得痛快丶吃得過癮既效果，黎呢度可以一飽眼福&口福呢到叫Oyster Steak Plus Cafe, 唔可畀蠔獨大，所以都叫左肉眼扒，感覺不過不失，可以一試肉眼扒係跟set既，有沙律丶湯丶餐包丶飲料，$100左右抵食

難得的老公能於平日晚那麼早放工於是他就陪我在公司附近吃晚餐啊～～他選了這家Oyster Station，因店家在做推廣，$10一隻生蠔啊！正價餐點還有7折優惠呢～～～時間都算早，我們約7pm左右入座之後都陸續有食客入座～～幾乎每一枱都有點生蠔啊！我們另外點兩款主食分別是美國西冷牛扒 (10oz) 及黃金軟殼蟹扁意粉點了一打生蠔，蠔肉不會太瘦削，都算OK！這款生蠔，質感爽脆，不是creamy的一款味道都鮮甜，金屬味較重，不會腥～～性價比算幾高！上其他食物前，店員會再主動詢問要否再追加生蠔～～黃金軟殼蟹扁意粉，之所以稱之為黃金，是因為加入了鹹蛋黃啊！惜軟殼蟹的脆漿超厚第一次試到那麼厚脆漿的！完全看不出蟹形～～～算是我吃過最不好吃的軟殼蟹～～扁意粉配鹹蛋黃醬，味道幾濃郁，但意粉整體較乾身，有點點膩！美國西冷牛扒 (10oz) ，大塊又厚身肉味幾濃，熟的程度恰好，肉嫩多汁嫌調味不夠的話，可沾伴碟的鹽或芥末醬來略略調味丫～～～伴碟的沙律菜份量不多，加了點黑醋來調味，都開胃的！但整體的配菜份量算少！主食的價錢則不算便宜，性價比一般～不過現做7折優惠而且為了過一過食蠔的癮，都仍會去光顧的！

朋友生日,所以氹下佢開心去左食蠔,又見有7折優惠雖然我就唔食嘅🤣我地五個女仔都叫左差唔多10樣嘢食蠔就$10一隻,佢地叫左一打,話都幾新鮮,又一d都唔腥,咁我諗呢個價錢都好抵海膽我唔算好中意食,不過呢個都算ok,但未到個隻入口即溶嘅感覺前菜有兩個沙律同一個小食,牛油果蟹肉沙律味道正常,都唔會點出錯,係略嫌食到底蕃茄出太多水,浸埋其他材料..第二個沙律話係海鮮南瓜羽衣甘藍,佢黎度同我地expect爭好遠,原來塊羽衣甘藍只係兩大塊咁比你,就咁咬都咬左好耐,好似食香口膠咁...小菜係炒雜菌,都係個句不過不失主菜都有四個,其中一個係黑松露雜菌炒椰菜花,佢個質感就好似啲飯咁,大家都食得好滋味Pizza冇咩特別...餅底硬硬地,價錢算偏貴香蒜蟹肉炒意粉,我個人覺得少少油,但味道算ok,蒜味都好香軟殼蟹炒意粉,我幾中意佢個茨汁,不過隻軟殼蟹好似唔關事咁成間餐廳都中規中矩嘅,中意食蠔可以一試