蠔站 (將軍澳中心)

營業中

休息中

蠔站，位於將軍澳唐德街9號將軍澳中心1樓163B號舖。 今晚經過將軍澳中心見到有蠔站突然想食， 就即興入去了。 晚餐 ～ 法國生蠔$80、 水牛芝士蕃茄$108、 龍蝦海鮮薄餅$238。 🔸法國生蠔 ～ 細細隻比較薄身，唔算肥美，但海水味重，鮮甜新鮮。 🔸龍蝦海鮮薄餅 ～ 賣相靚，可以打卡， 有啖啖龍蝦肉，龍蝦頭裏面仲有大量膏啊！ 🔸水牛芝士蕃茄 ～ 濃厚的水牛芝士配上蕃茄，清爽美味。 最吸引是十蚊一隻生蠔， 性價比高。 🏷️溫馨提示～ 整個用餐體驗均屬個人分享意見， 只作參考😊。

---「蠔站」位於將軍澳中心的便利位置，提供了一個專注於海鮮料理的餐飲選擇。在最近的一次拜訪中，我品嘗了這裡的幾款標誌性菜餚：龍蝦pizza、生蠔以及白酒蜆肉意粉。談到生蠔，這裡的表現算是中規中矩。生蠔的大小和新鮮程度都可謂普通，缺乏那種從海水直接送達味蕾的鮮甜感。雖然沒有特別的不良之處，但也未能給人留下深刻的印象。翡翠螺就正正常常都幾好味。接下來是龍蝦pizza，這道菜在呈現上頗具吸引力，但在口感和新鮮度上卻沒有達到預期。龍蝦的部分略顯乾澀，缺乏那種海鮮應有的鮮嫩和多汁，整體來說，這個pizza只能算是平平無奇。至於白酒蜆肉意粉，原本應該是一道充滿意式風味的經典菜餚，但不知為何會有一種浸譚仔的味道。這可能是由於烹調時使用的白酒或調味料與傳統食譜有所偏差所致。這種味道上的出入對於期待正宗白酒蜆肉意粉的食客來說，可能會是一個驚喜或失望。在整體的用餐體驗上，「蠔站」的氛圍和服務都相當不錯，但食物的表現就顯得有些不平衡。如果要給出評分，我會傾向於給予7分（滿分10分），主要是因為生蠔和龍蝦pizza的表現不夠突出。未來若能在食材選擇和調味上有所提升，「蠔站」的評分還有進一步提高的空間。---

一向都好鍾意食蠔，無論生蠔熟蠔都鍾意，又其喺生蠔，呢間真係從來都冇令我失望過😍😍每日都有$10嘅蠔CP值超高唔再講，仲要夠新鮮，所以定期都會幫襯，介紹身邊嘅朋友嚟食，個個都讚話啲蠔抵食又好食🥰🥰近期總有刺身拼盤優惠，超正🤤🤤一定要再嚟食。我鍾意食Medium Rare嘅牛扒, 呢度生熟度啱啱好，外邊嘅網紋燒得好靚😋😋肉嫩由Juicy ，爭啲想叫多塊可惜個肚裝唔落，下次下次😆😆😆⋯⋯

2月14周街都爆曬一時興起就走入嚟開蠔，嗰日坐低已經乜都賣曬咁滯得翻蠔，咁就開咗一打蠔同屋企人Share食，仲要係開3百90幾一打嗰隻，唔係十蚊蠔。點知食完嗰日已經奶野，係咁放屁屙到飛起，之後過多日就嘔到七彩，入埋廠。真係搞唔掂，以後唔會幫襯，食嗰日已經覺得唔係好新鮮，之前日日去Citysuper開蠔都未試過即刻急性腸胃炎，真係搞唔掂。🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

7點半入座，店關11:30啲嘢食都未食，10點已經俾晒面色話要幫你執枱執問你食晒未又唔係有人等緊位又唔係消費得少咁嘅服務態度祝你哋生意興隆食物價錢某部份不成正比，西餐廳價錢茶餐廳質素

今日路經將軍澳，諗緊食咩，諗起好耐無食過蠔，上網見附近就是蠔站的分店，於是就walk-in 試吓，點知就比佢地嘅專業嚇親。話說去到門口，見佢地有個優惠$199食八款唔同產地嘅生蠔，仲有一杯白酒送，於是二話不說就叫左兩set, 等左一陣，個女侍應就送生蠔過嚟，佢連埋張入單紙就咁就放低，介紹都無介紹，話明八款唔同嘅蠔，咁梗係想知產地來源啦，想知食左啲咩都好正常啫，於是問吓佢介紹一下咩蠔打咩蠔啦，佢竟然答唔出，我真係O晒咀，點解專業做生蠔都答唔到客人基本嘅野呢，咁你學咩人做生蠔生意呢？我平時去外面買外賣生蠔，人地都答得我勁詳細，味道口感係如何，產地來源十分清晰，估唔到一間專門做生蠔的餐廳係解答唔到客人生蠔上的問題。最後連送果杯酒都忘記要提佢先上（我係眼見隔離枱遲過我都上左我先問）本來諗住影相的，但我根本食左咩蠔落肚我都唔知，所以無心情影了，今次體驗真係幾深刻仲十分搞笑。

今日公司開完會，與同事去食中午飯，平時中午都食開，叫幾隻蠔黎過吓癮，話晒仲要工作。今日如常都係叫4隻蠔，點知個貌似譚仔嘅姐姐話4隻邊夠你食呀？應該叫一打…..語氣都十足似去左大排檔咁。我明白，做邊行都要跑數，我都剛開完會比人捽數，但你做得服務業，對客態度可唔可以好少少？我叫得少，你個樣就好似我欠左你咁。同其他同事講返，原來佢地都有類似經歷，原來已經成為左將軍澳名物，真係失覺晒。想講平時夜晚收工都間中會成班同事去食飯，開五六支酒閒閒地，你咁趕客，啲招呼方式咁咄咄逼人，應該都要諗同場嘅其他餐廳聚餐算。

✨蠔站高質西式晚餐💕超平生蠔🦪飲生啤🍻食意粉飯Pizza🍕✨黎到將軍澳食晚餐，甘多野揀，食咩好？有冇考慮過係蠔站食西餐呢？中意食生蠔網友們，千萬不要錯過💕10蚊一隻即食生蠔，半打只需要60蚊，大大隻又新鮮👍一個人食半打已經係基本🤣因為仲要留肚食其他不同的美食👍✨現在分享下我們今天蠔站晚餐美食吧🥰1️⃣西班牙海鮮炒飯(2人食)💕足料，真係足兩人份量，有兩隻大蝦，蜆，青口，蝦2️⃣蒜蓉包💕香口好脆好濃味3️⃣辣肉腸薄餅🍕 💕有六件的Pizza 每件都有大大片的辣肉腸，餅底幾脆✨4️⃣即食生蠔$10/隻必食大大隻又新鮮👍必食👍👍👍👍👍5️⃣軟殼蟹扁意粉💕原隻軟殼蟹上，大大隻，又香口，扁意粉爽口✨6️⃣迷你燒春雞配薯角💕原隻燒春雞有一對雞脾，一對雞翼，幾大件，仲有雞胸肉食下，薯角夠大件又夠脆🍟✨飲品方面🍻1️⃣Stella Artois生啤2️⃣蜜挑味果酒3️⃣紅莓味果酒💕果酒好濃果汁味，好易入口👍✨餐廳地方不算大，建議食之前訂位仲有更多優惠，或者要好早食晚餐就有位了👍👍

咁岩收工想食生蠔所以就去咗將軍澳呢間（其實開咗好耐但一路冇試過）仲俾我發現依家Openrice有單點7折！• 指定生蠔 $10/1 🦪 4/5都係老樣子 叫得平嘅大約5隻就會有1隻係特別細 通常都係啲偏爽口嘅殻 咁抵食都冇咩大要求只要唔腥冇殼都好OK啦！滿足～• 脆炸德國鹹豬手配蜜糖芥末籽醬 $278🐷 4.2/5• 柏士圖蝦意大利飯 $148 🦐 3.2/5以前成日覺得佢地啲熟食好難食好伏 移家食返又覺得還好 肉類會好食過飯 豬手皮脆卜卜肉又腍～ 不過個意大利飯食落似白飯加青醬煮埋咁 仲有個2隻虎蝦擺得未免太搞笑啦掛lol（點影都影唔靚🥹）總結：好抵食～ 有時平平地想食生蠔 去呢到唔洗就住叫都幾開心🫶🏻 3.5/5

今天來到蠔站將軍澳中心分店吃午餐🍽️餐廳的午餐Lunch Set有12款不同的美食 (A餐至L餐)，價錢由$68至$248元。今次我們重點的必食推介，就是新鮮又鮮甜的生蠔😍因為每隻生蠔只需要$10元，非常便宜又非常高質素，喜歡和非常愛吃生蠔的朋友們一定不能錯過。每隻生蠔都有海水味，夠大隻，非常鮮甜和新鮮😘真是不能錯過💯💯今天我們吃了兩款不同的午餐:1️⃣ 油醋汁煙鴨胸扁意粉 $78扁意粉十分爽口，非常惹味，鴨胸件有很多塊，份量十足，已經夠飽🩷2️⃣ 香煎豬柳蛋飯蒜茸汁 $68賣相吸引，豬柳扒非常厚肉，切厚出來非常多肉汁，淡淡肉，豬柳扒也大塊，也淋的，容易切和入口😁煎太陽蛋也用心製作，真是要給一個讚👍👍飲品方面: 我們點了凍檸茶走甜和凍咖啡走甜。凍檸茶茶很清，正🥰😊餐廳午餐免加一服務費，真心抵食，將軍澳的朋友們，下次吃午餐可以考慮下蠔站吧😍餐廳氣氛好，有歌聽，裝修也有特色吧👏📍餐廳名稱: 蠔站 (將軍澳中心) O S Plus (Park Central)📍📍餐廳地址: 將軍澳唐德街9號將軍澳中心1樓163B號舖📍

舊地重遊⋯⋯之前生日飯已經好唔錯，今次同我最愛的2位大少黎食，點知都仲好好味，假日仲有平價生蠔，真係好生鮮，食左一打唔夠都再叫多一打，仲要剛剛空運到港，我地仲有叫左2款意粉，同一個好味濃郁的芝士🧀️pizza ，下次一定再去過

前排見到呢間餐廳有$10蠔優惠，即刻約朋友去食下openrice book仲有85折～【$10生蠔】見咁抵食，當然要點返半打生蠔先過癮！🦪生蠔$10/隻- 雖然價錢唔貴，但幾鮮甜海水味，cp值唔錯。想平平地食下蠔，係幾好選擇。🍕黑松露野菌薄餅$168- 薄片pizza脆脆的，上面有滿瀉黑松露醬同粒粒菇，再加上熱熔芝士，味道濃香🍝冬陰功海鮮天使麵$158- 勁香冬陰功味，都幾辣下但好惹味。天使麵好掛汁，食落去啖啖滋味。配上青口、青椒、紅椒，仲擺成心心嘅蝦🤣❤️好有愛真係幾有心思嘅一餐，有機會再來！

蠔站 (將軍澳中心) (將軍澳).有時想食生蠔🦪，又唔想去港島尖沙咀，☺️有幾間分店嘅蠔站就滿足到你！.平時off menu 不同生蠔🦪嘅優惠，近排就係南非生蠔做緊$10一隻，叫咗半打嚟試吓，🦪口感爽脆帶少少海水味，🎉賣$10一隻的確無投訴。.食完半打唔係好夠喉，😍適逢當日係星期三，有會特別優惠係$199有8隻生蠔拼盤再包一杯白酒。🫶由淡至重口味分別係2隻美國、2隻日本、1隻蘇格蘭、2隻韓國同1隻法國，😝一次過滿足你唔同口感！.食完生蠔之後，🤭再叫咗一份蟹餅$148同一份大啡菇意大利燴飯$138，正常發揮，味道都幾唔錯！.整體而言，平日放工有時想食吓西餐生蠔，對住係九龍東嘅居民嚟講，😁將軍澳嘅蠔站係個唔錯嘅選擇！.人均消費$300.IG/FB:eat_neverland

將軍澳中心一樓163B鋪是日精選生蠔$10隻生蠔新鮮，金屬味唔重，新手啱食。原產地愛爾蘭、$10隻超值再嚟一個至尊批、批簿餡多、個底好脆$178炸薯角分量好大炸得够透，不過好熱氣要飲返杯涼茶，$68

酥皮波士頓龍蝦天使麵 $268大大隻波士頓龍蝦吸晴之餘，仲有好香嘅蝦膏，好多肉都已經拆咗出嚟，肉質新鮮彈牙除咗天使麵，仲可以揀長通粉、扁意粉。天使麵幼細啲，更加吸收龍蝦汁，加埋啲青黃椒同蕃茄，好好味😋圍住嘅酥皮有好多層，每層都好薄，咬落去好酥脆蠔站至尊Pizza $178呢個pizza真係睇返相都想食，芝士濃厚，拉絲效果見到都流口水之前試過佢哋黑松露野菌pizza，我鍾意煙鴨胸、橄欖、蕃茄同芝士呢個配搭多啲，味道同口感都好豐富新鮮指定生蠔 $10/隻 全線分店全日供應，今次食嘅係法國蠔，鮮甜中帶啲啲金屬味，$10一隻真係好抵餐廳裝修都有特色，吧枱個邊有啲探險船嘅感覺我坐窗邊嘅個張枱就有啲英倫風。餐廳食物種類都幾多，鍾唔鍾意食蠔嘅都可以嚟食好西