蠔站 (將軍澳中心) (已結業)

黎依度除左為左蠔之外真係唔知仲有咩理由10隻, 可惜應該係季節問題, 今次D蠔比較瘦蜢鬼, size都偏細少入口爽, 味啖 (不是我杯茶), 不過10蚊隻,4個人都食左3打.其他野食都係大配角, 係個pizza突出D, 夠晒薄同脆, 餅味十足

同愛吃牛扒的老公去食lunch, 想點餐牌上的貴價牛扒，服務員說set lunch以外的要等半小時以上……無言……未去過西餐會咁……！迫住叫set lunch的牛扒，牛冇牛味，質感唔得！最後要柸即磨咖啡……稀到……估算是即沖粉！不會再去了

這間餐廳有好幾間分店，前兩我們去左將軍奧中心嗰間，室內地方不太大，反而室外仲寬敞。佢哋promote 生蠔$10一隻，我哋四個叫左兩打，都唔錯喎😋，跟住叫左Parma ham melon 肉質幾、蜜瓜好甜。另外，叫左four cheese Piza,好香，好食。啤酒薯條，無啤酒味，但炸得幾香，就幾時都咁令人喜愛繼續食。carbonara 煙肉意粉好好味；另外我哋仲叫左墨西哥粟米片好好味！下次多D人再去，可以叫多D不同嘢食😋😙😙

$10隻蠔好吸引   約埋朋友八個人專登黎將軍奧試下地點唔難搵是日生蠔係澳洲蠔, 味道一般, $10隻算係咁8個人分, 每人6隻啤酒薯條好食紫薯青蘋果沙律都係一般, 但食飯要食下菜先健康火腿伴哈密瓜太多火腿太少哈密瓜墨西哥粟米片點醬好食四式芝士薄餅個樣麻麻地, 但因為中意食芝士味道不過不失意大利飯無生生地果種口感, 但大份抵食蜆肉意粉既蜆肉多, 味道可以牛扒12安士$268唔抵食, 味道無驚喜窩夫$108太貴, 唔鬆軟, 唔係特別好味

Beans 及 OS Plus 差不多時間開張, 前者總現人龍, 後者總是冷清清。Beans 早前已經光顧了, 印象不錯。今日終於輪到 OS Plus。餐廳位於將軍澳中心中小巷的盡頭, 位置不太容易找。未知位置是否令餐廳冷清的主因呢? 餐廳門面佈置有些海洋感覺, 但不叫得上吸引。反而最吸引是這個$10隻蠔又沒有上限的優惠。對生蠔控來說確實吸引!OS Plus除室內位置外, 另有室外位置在商場的平台。當日天氣寒冷, 餐廳沒有開放室外。景觀只屬一般, 但當遇上風和日麗的日子可以坐在室外, 氣氛應該不錯。最重要是可以讓小童、小狗有個空間跑跑跳跳。甫入餐廳, oyster bar 及酒吧在當眼位置, 可惜只有幾款而且空空如也, 一點吸引力都沒有。餐廳以黑色為主調, 配上簡約的吊燈, 一貫酒吧餐廳的格局。另外, 餐廳室內以海洋及英倫作佈置, 但筆者認為兩者關係不大, 有些格格不入。另外, 有大型電視不停地播放外國音樂MV, 營造輕鬆的氣氛。午餐選擇不太多, 只有四款 $88~118。午餐包括餐湯、餐包、沙律及甜品。這個價錢在將軍澳區來說, 定價有些高。附近餐廳的午餐大約八十多元而已。期望這裡的食

今日星期六食set lunch叫左個b餐洋蔥汁豬扒意粉(唔記得個名但係咁上下)加10蚊有隻生蠔叫左2隻先黎沙津同甘荀忌廉湯(應該係除非唔係)同牛角包做餐包沙津個汁幾特別啲菜唔苦好fresh個湯好好飲牛角包好酥化又唔油膩然後生蠔出場唔腥唔鹹唔太重海水味但好新鮮嘅感覺仲脹卜卜岩我口味意粉真係抵食，竟然有2大塊豬扒個洋蔥汁甜甜地好好味環境好正，不停播歌唔會悶又唔嘈仲有高清大電視有室內同室外坐，室外係個小花園(放心有太陽傘)服務好，侍應笑容好仲會主動不停收碟好少可見到餐廳由頭盤到主菜甜品都好味，重點係價錢唔算貴!

令人驚嘆的生蠔，標價只是$10一隻， 還要沒有限制數量，生蠔新鮮，有海水味，夠大隻。甜品也不過不失。餐版上的迷你芝士蛋糕圖是由幾件小長方形的芝士蛋糕組成，上台時卻是一件切片蛋糕，旁邊配上士多啤梨粒及藍莓。本以為是普通New York cheese cake，原來是帶有檸檬味的芝士蛋糕，感覺清新又不會覺得膩。

很少很少遇到這樣的服務，連最基本的也忘了。有誰能告訴筆者究竟同一個號碼會有多少人拿著？為什麼竟同時兩三人拿著同一個號數，字型不佳其實可以印流水號的輪候票，算了流水號說出來它們都不會明白是甚麼一回事。連待位安排也這麼差，筆者開始在想這一間餐廳是否有誠意和能力在這競爭大的香港立足。事情還沒有完，先是完全沒有預料到筆者只需要等一張四人枱也要等上一小時，或許因為餐廳二人枱比較多吧只怪筆者運氣不夠好，但最令人側目是職員態度和服務，有一職員問筆者是否介意和願意坐擠迫一點，其實迫一點也打緊，但那位職員竟安排一張二人餐桌給筆者仨人，這般大的餐桌教人如何坐三人，是笑話吧？之後走出店舖時職員問筆者是否願意坐吧枱，筆者說不，待了三分鐘又再問同一問題，如果筆者暴躁的可能已揍人了，所以在此極度建議各位食客們如超過三人的不要來，否則分開兩張餐桌坐會好一點。筆者來到之時已七時廿分，只聽到職員跟其他食客說要八時十五分交還餐桌，說真的一小時用餐要求已非常苛刻，還說上菜速度快，眼見很多的食客坐了二十分鐘還沒有完全上菜，即是實際用餐時間四十分鐘也沒有。像其中一位招待的職員充滿懶音，聽到有食客本名為「余生」，但職員稱他做「魚

將軍澳自從開通港鐵，十二年嚟大量中產新家庭入住，除咗學校商場新樓盤，五花八門嘅食肆都進駐插旗。唯獨蠔吧扒屋就寥寥可數，所以一有新餐廳就要試吓佢實力先。 之前問過店員，暫時不設訂位，可能生意夠唔使做預約。今晚7點到，已經見到全場爆滿，原來餐廳暫時做優惠，每日指定生蠔賣$10/隻，不設上限！！咁震撼嘅推廣，爆場都合情合理。好彩可能天氣不穩，所以露天位仲有枱，加上我哋有人吸煙，反而正中下懷，就享受露天晚餐。 FANNY BAY OYSTER@$10二話不說，即時ORDER 3打生蠔，老細好細心，介紹飲紐西蘭白酒配今晚嘅加拿大FANNY BAY生蠔，白酒質新爽口微酸，生蠔夠新鮮，爽身滑溜，而且開得好乾淨，無碎殻，同枝酒又真係幾夾，唔使15分鐘已經解決晒。 啤酒味薯條$58顧名思義，薯條炸漿混入啤酒，雖然啤酒味唔明顯，但異常鬆脆而且無咁油膩，送酒一流。 紫薯青蘋果沙律$68少見嘅配搭。紫薯烚熟切粒，甘甜軟糯，配爽脆清蘋果沙律，既開胃又清新。 意式芝士生牛肉片$108以為好似日式和牛刺身咁樣，原來完全誤會晒。牛肉切成薄片，乾身實淨，芝士用唧筒舖成網狀，牛肉入口即溶，牛肉足，

第一次響開飯寫食評住咗將軍澳廿幾年，除咗坑口村同扒王之王，都好少地方有得正正經經咁鋸扒同食蠔，難得近排將軍澳中心開咗間食蠔同扒嘅餐廳，當然要拉埋阿媽去試啦位置其實唔多覺眼，加上商場裝修緊，所以似乎唔多人知道開咗間餐廳，好快就入到去食，餐廳採用英倫風格，用咗好多英國特色裝飾，聖誕節嚟食一定更加有氣氛餐廳用埋出面平台，無論環境同氣氛都一流！不過餐廳入面有好大碌柱，碌柱的確係餐廳改動唔到嘅地方，但柱旁邊再加咗棟門，令到成個走動空間收窄咗，搞到出入好唔方便，希望可以改進吓啦～好啦講番正題：食！兩母女食唔到好多嘢，所以都係叫咗一個海鮮拼盤，墨魚risotto同蒜蓉包算。海鮮刺身拼盤包括八隻生蠔，兩隻甜蝦，一個扇貝，一個唔記得咩貝，生蠔我揀咗四隻紐西蘭，兩隻蘇格蘭同兩隻美國，紐西蘭非常新鮮，海水味唔會蓋過鮮味，正！美國蠔口感好綿，蘇格蘭就爽口嘅，其他海鮮刺身都相當鮮味，的確值得一試。 海鮮拼盤（$420） 食海鮮當然要配紐西蘭白酒（$68）至於蒜蓉包，個人認為牛油味太重，對於勁愛蒜蓉味嘅我稍微失望咗啲啦 墨魚汁risotto 牛油味都好濃，落咗幾隻墨魚仔令我覺得佢都幾足料媽媽都好鍾意食，