蠔站 (將軍澳中心) (已結業)

星期六晚上7:00左右search 將軍澳有咩好食，一家大細唔想去咁遠，上咗OpenRice 睇下有冇老婆大人最鍾意食嘅蠔同小朋友都啱食，搵到呢間打去訂枱，8:30都有位，於是去試下，一入座就按人頭送蠔，即我地有5個人送5隻，聽落個promote 都幾好，再叫多5隻$10蠔先夠我地2公婆食😅，蠔一般，有1，2隻仲有怪味，我同老婆都食到🤢之後叫埋其他嘢食有個帶子飯，一個風乾豬肉Pizza,再叫燒春雞但賣晒，於是就轉食牛，叫個3百幾12oz肉眼扒，有個waitress 話不如試下我地個18oz 牛，$488 .都好試下。個帶子飯可以的，pizza 一般，到左$488 牛到，份量好大，我叫左7成熟，一切落去啲肉又鞋又韌又冇牛味，件牛咁既價錢真的不值，其他嘢食都一般，食物同價錢相比真係唔抵食！！😤😤⋯⋯

難得男朋友最近投資得利，於是請我食飯，揀咗一間喺佢屋企附近嘅商場。晚餐來講兩個人食，又唔想食日本野，最後就揀咗呢間食西餐同生蠔嘅餐廳呢間餐廳其實係自己住嘅樂富都有，不過就好細間，得10個座位左右。相反將軍澳分店就好大間，仲有落地玻璃觀景位，亦有室外位，景色唔錯，望出去係一個花園香煎虎蝦配龍蝦汁燴米型粉好食，虎蝦嘅肉質好結實，啲肉好入味，煎得香口。自己本身都鍾意食米型粉，我會形容為好煙韌嘅飯粒，每不一匙粉入面都會不埋好多汁，食落好正好和味炭燒澳洲羊架燒得好香，啲肉好嫩好易咬開，每咬一啖啲肉汁都流晒出嚟，唯獨係個羊架真係有啲細，食落唔夠喉炸啤酒味薯條係完全冇啤酒味嘅，可能個名只不過係gimmick，純粹覺得啲薯條都幾好食嘅，炸得幾香脆，似麥當勞嘅薯條之後再嗌左幾隻生蠔，呢度嘅生蠔好平，自己唔係好識食所以都費事評論，但好肯定係冇腥味既，亦都無食到啲蠔殻碎片價錢來講又唔係好抵食，店員嘅服務亦好普通，唔會主動問有咩需要，而且都冇乜笑容，所以如果有錢食好嘢嘅話，都唔會再揀呢間

長假期第一日，留港消費，仔女有節目，兩公婆行街睇戲食飯。在 Popcorn 睇完戲周圍行吓搵好野食，見到呢間餐廳有室外座位，頗有氣氛，而且天氣不錯，就決定試試。行入去，四五個侍應無人理會我地，要行到入吧枱先有人問幾位。結果我們兩位坐室外，環境不錯。侍應放下餐牌就走了，一去無回頭。要差不多十分鐘後有侍應再出來才可以點菜。餐牌有$218半打生蠔，但又無寫明係什麼生蠔，問侍應都有七款選擇，但其中一款要加$10，另一款加$20，我們叫了4只正價，2隻補差額加$20一隻。侍應再介紹要不要試試$10一隻特價蠔，我們叫了4隻，再加一支白酒，及西班牙24月風乾火腿。正常一支白酒兩三分鐘都出到啦，結果過了十多分鐘，生蠔出來白酒都未有，叫侍應幫我跟，三四分鐘後出來問我叫了什麼酒😡 結果2分鐘後終於出支酒。生蠔幾分鐘食完，叫侍應可以出埋個西班牙火腿，再加一客雞翅。十分鐘後，雞翅出左，火腿未有。再多兩分鐘，出個西班牙黑毛豬扒比我，我話無叫過退返去。最後再加6隻焗蠔$138及一個 Pizza ，焗蠔唔夠熱，好明顯有急凍平價蠔肉放在食客食完嘅生蠔殼上加熱。6隻焗蠔有三四款唔同形狀蠔殼。埋單比錢，張單$1,7xx。

自從將軍澳中心開了這間Oyster Station，小弟經常中午時分走過其門口，但一直沒有進去用餐，因為不太習慣中午吃生蠔。這天，看見它門前餐牌的食物也十分吸引，便決定進去試一試了。進到去，侍應很貼心地安排了近窗的位置，一望出去便是一片空曠的工地，再望遠點是隔着一片海的港島，景觀算是不錯。我點了一個香煎雜扒Luch Set，套餐附送了蒜蓉包、餐湯、飲品和甜品（始終還是不太想午餐吃生蠔）。蒜蓉包、飲品和甜品都沒甚麼特別，不過餐湯卻令我有點驚喜。湯底的味道十分濃郁，南瓜的味道十分重，但又夾雜着新鮮蔬菜清爽的感覺，可以喝得出並非用調味料煮成。除此之外，餐湯的質感十分厚實，應該是加了薯粉進湯裏煮，令其口感比一般餐廳的更為黏稠、更突出。喝過餐湯，便是享受大大份雜扒的時候了。說真的，我一直認為像蠔站這種價目的餐廳食物的份量會較小，畢竟一般西餐廳都是這樣的。誰想，這裏的雜扒餐卻是份量十足：豬扒、雞腿和牛扒都頗大塊，每塊加起來就食我這個壯年男子都吃得挺飽。可惜沒有薯條，而且西蘭花只是白烚的，不夠惹味。雜扒當中，豬扒和牛扒都沒太太的特別之處，只是算是不錯，但雞腿卻是值得一讚。這裏的雞腿是連骨的，剛開始我

見到網上話呢間生蠔有promotion，只係$10隻，就同男朋友黎試下，一開始諗住叫兩打，但最後都係叫一打試下味先。啲蠔賣相都唔錯，但食落就見真章，食得出唔係好新鮮，所以我食左兩隻就停左，比晒男朋友食好彩冇叫兩打姐，不過始終$10隻，當吊下口癮啦！我地仲叫左個魷魚鬚，但係等左好耐都冇，最後我地放棄漫長嘅等待，埋單走人！

今日去探我既好朋友，佢係外國返黎探親，所以就食餐「蠔」brunch。假日lunch去食唔算好多人，不過都幾多一家大細一齊去食，真係豪！我地就一人叫一個lunch set再加蠔。我就order左個珍珠帶子大蝦蕃茄汁炒扁意粉，有唔少帶子同蝦，都有好濃既蕃茄味。而且食得出唔係淨係用蕃茄汁整，係有好濃既蕃茄味，意粉整得恰到好處。而個南瓜湯就比較稀，唔算太好。黎呢到食緊係要試下佢個$10生蠔，我朋友就係聽人講呢到有$10蠔，哈哈，真係好抵，好有鮮味，好有蠔味。

職員不多,在門外等了一會先有人安排入座蠔10蚊一隻,都抵食,就叫了一打鮮甜,肉質都厚身,唔會太細仔1,好快就清晒啤酒薯條唔算好熱,亦無乜啤酒味,我就覺得有D油,同伴就覺得好味道,因為夠香脆四重芝士薄餅唔係大pizza個類,都有六塊左右,夠芝士味,同都多芝士,好味道!

在這間餐廳用膳已是第3次前2次都是家人生日來這次也不例外 是親愛的媽媽的生日為什麼會選這家餐廳呢?1. 因為交通方便, 就在地鐵站上蓋走不超過5分鐘的路程, 而且全程可以室內行走 (凍天下雨天都不用擔心)2. 因為家人都是生蠔愛好者, 食自助餐不化算, 但這裏的$10/蠔 卻是非常不錯的選擇!3. 因為甜品可以寫"happy birthday"字眼! 自攜生日蛋糕的話, 只要吃滿$500便能免除$90的切餅費, 慶祝生日一流!4. Kids friendly! 有兒童餐椅及餐具, 小朋友好開心!是日主角 $10一隻生蠔餐廳貼心掛上一個介紹是日生蠔的牌如牌上所記: 「來自南非的Namibia海水味柔和，群邊微爽，蠔身creamy，味道甘甜。」 所言非虛美國肉眼扒7成熟 本人比較怕生所以通常叫7成 還好處理得不錯 不會很「靭」但略嫌肉味不夠如果like and share 該店的facebook 及video便能以$88嚐得此刺身併盤( 赤貝、翡翠螺x2,、八爪魚、左口魚、甜蝦、 三文魚各4片)味道可以，惟其中一隻翡翠螺不夠新鮮，但仍非常值得一試的鱈魚很滑 但本身沒甚味道但其白蕃茄忌廉汁有

今日元旦日，2018年首次午餐，諗住將軍澳中心新裝修後，都未幫趁過，就諗住試下...蠔站- 諗住人少少，叫咗兩個午餐...沙律和湯就一般般，但啲麵包就真係水準以下。另外叫咗蝦茄汁飯和薄餅，不過啲茄汁飯就濕咗啲，啲飯口感又唔夠煙韌。薄餅就可以啦～但唔會覺得好....最後餐飲叫咗熱咖啡，真係有驚喜，嘩〜凍嘅。投訴後，換過杯熱嘅嚟，但味道好一般。最後，哩間唔會再幫趁囉…除非有改善啦。不過裝修都可以，環境都企理，而且價錢都唔算貴，都平民價。

今日約左朋友係將軍澳單車徑踩單車，吹下海風，見已好肚餓，係將軍澳中心搵野食，之後就發現呢間蠔站，朋友話都開左好長時間。我就係俾$10 1隻生蠔吸引住，決心入內試下。咩都唔叫，首先先叫10隻，大少會有少少參差，海水味唔重，但好鮮甜，好Creamy豬手的份量唔算多，但皮好脆，豬手肉都好入味，但有少少貴巴馬火腿火箭菜薄餅，簿餅上的火腿和火箭菜都算幾多，但略覺得餅底不夠脆

蠔站食過幾次，將中呢間第二次黎～之前食登記左做會員，如果今次食夠正價$500，就會有九五折（星期六）。但2個人邊食到咁多呀～男朋友呢餐嘅目的係食特價蠔～今日d南非蠔部分都幾新鮮，甜&肥味，佢都幾滿意。只係我咁好彩，諗住食少少，但食中3隻都麻麻地，唔夠新鮮。我諗係星期六太好生意，唔夠賣關係吧？星期六關係，佢分左2個時段，我地未夠7點walk in，食到8點。因為今日要去睇戲，所以都ok。但平時會想hea耐d& 慢慢食囉！食左生冷野，就梗要係番d熱野填下肚啦～呢個pizza真心幾得，如果pizza底可以再脆就完美了我係risotto迷，覺得呢個不錯👍推薦食物唯一一樣係waiter/ waitress服務可以好少少～

今次係第2次黎呢間度食, 同上次一樣, 一坐底緊係叫2打生蠔先啦!$10隻, d蠔唔大隻, 但好新鮮! 好食到我一個人都可以食2打, 但要留位食其他野。食完蠔就叫左個小食同埋意粉。黑松露炒野菌 - 好夠味, 好好食!墨西哥辣肉醬闊條麵 - 唔錯, 唔太辣一定會再去幫襯d蠔!

咁岩今日大家都放假，決定提早慶祝週年紀念啦～男友想食生蠔，我又想飲杯酒，所以黎左蠔站。我地黃昏前入座，睇住個天色一路變，個天慢慢黑，一路飲住酒，都幾捨意。開左枝德國甜白酒～黎呢度，食$10嘅特價蠔係指定動作。前前後後，叫左4打，而我係食左1打半。真心想講呢隻法國蠔，幾甜而且肉質厚厚地，我最鍾意！平價呢講係好抵食！上round嘅法國蠔賣完，以下嘅係愛爾蘭。其實都唔錯架。食咁多生冷野，梗要食番d熱食啦。炸魷魚～上次係大角咀個間食過，覺得幾正，所以今晚又想食。奈何d炸粉厚左d！魷魚就有點咬口，一般般吧！大蝦天使麵係今晚嘅驚喜菜～個麵甜甜酸酸幾開胃，質感幾彈牙，同中蝦好夾！聽講係招牌菜咼。真心鍾意呢間餐廳同佢嘅分店！已經登記左做會員，會再黎食～

啱啱上一餐係The Point 食唔飽...突然之間痴咗線想食蠔食牛扒。黎就嚟啦咁就去咗之前都食過嘅蠔吧啦！畢竟香港地方細舖租貴坐得迫夾啲一定要架啦，但係氣氛係唔錯嘅👍🏼結果我哋一嚟就嗌左呢度最抵嘅蠔一打（開埋都係$10😱），再嚟就揀咗西冷同埋粟米片...仲唔夠仲有個闊條麵！（真係懷疑我哋有冇食到上一餐😂）第一道黎闊條麵，👍🏼好味 麵質真係煮得唔錯，鍾意呢一個口感唔會太硬又有𡁻口，味道適中唔會太咸再嚟西冷牛扒12安士！ 👍🏼👍🏼好好味，識食一定食西冷，牛有牛味啲肥香到不得了！開頭睇落12安士好細件，結果三個人食每人都食到34件！我係一個好注重配菜嘅人，因為我覺得配菜可以睇得出一個廚房有冇心去煮，呢個牛扒嘅配菜冇令到我失望，雖然唔係話非常好食但係所有配菜都全部都食晒，加埋個薯蓉陪我下一道菜真係一流！Tortilla Chips 粟米片係下一道菜本人之前對呢個菜色冇乜好感但呢個真心好食👍🏼我攞咗薯蓉再陪佢底嘅肉醬汁真係絕配黎左三道菜，但係個蠔都仲未到，冇理由食咗熱先食凍架，我諗緊係咪咁細心見到我哋食緊熱暈咁蠔就遲啲到呢🤔（當然唔係啦係漏咗單）本來仲諗住飲過白酒配蠔，再飲紅酒配牛扒，結果紅酒

Happy Friday 突然想去食宵夜，就同朋友去左呢間 oyster bar. 到步已九點半，係門口企咗一陣冇人帶位，決定行入去。 由於剛過晚飯時間，侍應忙緊執枱，但都有禮貌地安排我地坐底。 食物：Order 咗3款小食，上菜速度都快，焗蠔要耐啲。黑椒蒜片牛柳粒 ($98): 份量少，味道偏咸。 辣味薯角 ($58): 份量正常，薯角叉落去有油吱出黎，雖然叫辣味薯角，其實唔辣的。香蒜葱花焗蠔 ($138/6隻): 正常，唔腥，蒜和葱冇蓋過蠔味。青檸梳打一 jar ($82): 好健康，無糖! 斟到4杯。環境：蠔吧有室內和戶外坐位，室內都幾迫，室內有電視播 MTV，想感覺 relax 啲可試戶外。 泊車：可選將軍澳中心或 popcorn 停車場, 留意 popcorn 比較常滿，將軍澳中心免費泊車優惠要電子消費。 2 個人連加一共消費$420，食物質素一般，值唔值得? 見仁見智!