蠔站 (亮賢居)

營業中

休息中

和好友聚會總離不開大吃大渴！飲飽食醉！這次便去了位於大角咀的Oyster Station Snack & Oyster Bar，明顯主要係以食生𧐢為主的餐廳。我們一行七個人便order了七打生𧐢了！$10隻生𧐢這個價錢又真係幾抵食嘅！不過每一轉order嘅生𧐢鹹味都略有不同！此終一分錢一分貨喔！除了生𧐢，我們還點了其他食物！總括來說食品質素中規中距！沒有太突出的驚喜！或許喝喝酒、吹吹水就是我們的生活態度吧…

今晚做乖乖老公，八點鐘去大角咀接老婆放工，跟住兩公婆拍拖去公司附近的蠔吧，食生蠔飲白酒不知幾梳乎……可能係平日嘅關係,所以今晚餐廳唔算好多人,靜靜地傾下偈都唔錯。門口亦都可以泊車，駕車人士是非常適合的！餐廳出名食生蠔及海鮮，今日有特價十蚊一隻法國生蠔好抵！！！另外我哋亦都叫咗海膽， 海膽今日日做特價日本直送馬糞海膽100蚊一份。海膽好抵食亦都新鮮配上紫菜，飲白酒係一個唔錯嘅配搭。 至於生蠔10蚊一隻簡直冇得彈，最後我哋每人食一打！雖然做特價但係質素並不馬虎，當然size偏小一點，但味道清新、口感非常不錯！！另外我們點了海鮮意粉作熟食， 醬汁係蕃茄汁，炒得幾香口，意粉如果可以再加添彈性會更佳！最後甜品揀咗朱古力芝士餅， 不過甜品就水準一般， 可叫可不叫。最後埋單八嚿水，因為食咗兩打生蠔，所以算係超值！另外服務員的態度非常好亦都熱情邀請我們成為餐廳嘅會員值得一讚。

我同另一個朋友生日，佢想食呢間，所以我哋又再來幫襯。之前食過一次，五人，俾我哋免費自帶一支酒，幾好。今次我哋就叫咗兩支酒。$10一隻蠔真係好抵，任叫，不過有截單時間。用餐時間個半鐘，第二圍8:30pm，真係等到餓爆。生牛肉 - 少食，即管試下，麻麻。雞翼 - 幾好。五成熟牛扒 - 好琳，五成熟，不會過熟。青口大蝦意粉 - 唔錯，味剛好。生日甜品 - 心太軟配雙球雪糕 - 可以啦，寫錯我英文名囉，錯晒！開咗兩支白酒，味都唔錯！開心嘅一晚！

我生日想食蠔但又唔想男友太破費，Oyster station 有$10 promotion Oyster， 就來試吓。我哋訂咗6pm，可能太早，客人唔係好多，侍應好細心介紹個menu，佢地有個open bar area, 放生蠔嘅，亦好詳細講解每款嘅生蠔味道，當然$10 promotion Oyster 係冇得揀嘅。我哋頭一轉叫左12隻生蠔，當然你唔可以expect好好嘅質量，但味道還可以，＄10一隻其實好抵食之後我哋仲另外加多一打。 再叫咗三款main course，但係main course就麻麻哋，價錢亦略貴。

上星期同同男朋友紀念日 去左食我至愛 oysters 食左佢既promotion oysters 一打但認真 我覺得麻麻地 無咩味但反而其他野食都唔錯有海鮮意粉👍🏻👍🏻同埋心太軟甜品總括而言，餐廳價錢合理，想食好味既蠔就唔好食promotion 個d !

星期五晚正想食生蠔，記得呢間10蚊蠔餐廳，就過黎一試，但見fb呢排都無人再講，就以為隔甘耐已經無既10蚊蠔。2位，8點3左入座，不用等位，仲有幾張枱未有客人，但安排左高枱座位，因為侍應話淨餘座位已留給第2場的預約客人。第2場，8點45分，個時蠔吧先再開。坐低左好一陣，先至有侍應提供暖水同餐牌，但報紙式的餐牌已經溶溶爛爛，有張更加誇張到就黎撕開。2個人，叫左3打蠔，1個煙三文魚凱撒沙律，蜆肉辣天使麵，另開左1支紐西蘭白酒(Sauvignon Blanc New Zealand)。白酒，偏淡易入口，飲落有酸味，回甘味輕，餘味會留口腔。未到等2場開場時，已經有侍應過黎介紹是日10蚊蠔，竟然仲有10蚊蠔太開心了，馬上落左1打試下先，係澳洲蠔，細蠔，海水味偏濃，質感偏爽。10蚊黎講好抵食。食完再encore, 同時我地都麻煩左侍應介紹是日精選蠔拼盤。$396一打，但拼盤以外嘅蠔要加錢。侍應介紹左6款蠔，每人一隻，跟據海水味濃度去推介，並提示反10蚊蠔應係邊款蠔後食味道會更佳。由sauce 順時針數起，2隻2隻甘計。分別係淡海水味開始1.美國珍珠蠔(+@$10)，肥美，清甜，食到尾甜味好明顯。2.

呢次過來食，因為朋友上網見到呢個餐廳食蠔平，抱住試下“平野有無好野”嘅心態是試下，平日時間，9點幾去到，無乜人排隊，一坐底，就叫左一打生蠔，口感唔錯，爽口，帶有少少海水味道，再叫左碟意大利飯，呢個飯有咬口，都好好味，雞翼好入味，外皮唔會太厚，因為甘啱生日，叫心太軟時候，特別order 甜品加寫字，happy birthday ，點知道，仲為我地點埋蠟燭，有心思的一間餐廳！

傳聞有間食蠔平靚正既 所以就算系已經晚上9點幾都特登打去問下有冇 仲有冇$10蠔食 ....好好彩 “有位 + 有$10 蠔 “ 所以我地9秒9系尖沙咀飛的過去 **這就是吃貨的節奏**去到原來系岩岩好得一張二人枱！正！10:15 蠔會last order 所以我男朋友怒落order 最終佢一個人食左廿幾隻 d蠔海水味重 不太cream 正正系鐘意食既類型車厘蜆 新鮮食得海鮮當然要飲白酒啦 女仕推介 ：：layer入口偏甜 較易入口 同海鮮中既海水味岩岩 中和加拿大海膽 鮮甜鮮甜到一個點 冇藥水味 又吾會一patpat我一個人食左一板 你話好有食喇炸魷魚圈 外脆內軟 但冇咩味道由於想試多d 野 ...所以已經約齊人馬再去食過有希望會再有驚喜

知道呢間餐廳有$10蚊蠔食想食好耐了於是相約友人大吃一番加上朋友有呢間餐廳既會員卡，食正價食品有七折所以荷包就更加鬆動了😊先來一打生蠔，今次主攻特價蠔店員介紹當晚會做rolax呢款蠔比較爽口，海水味比較淡一上枱當然wow一聲食落生蠔鮮味十足👍🏻👍🏻結果食完一打再追加一打！可能口感無咁creamy 所以今次食蠔既份量真係超哂標😆😆由於會員有7折我地叫了肉眼扒，當然要叫medium rare！食蠔個時叫左枝白酒飲呢枝係店員介紹的比較fruity 易入口女士們好岩飲嫁！整體好滿意今餐包括店員服務態度好殷勤！而且蠔好新鮮👍🏻👍🏻👍🏻

同老公諗住試下呢間未試過既餐廳 十蚊隻蠔 叫左兩打 同埋叫左盆海膽 海膽算肥但新鮮度一般 跟著見到啲扒要三百幾蚊 又唔太肚餓 所以冇叫到 叫左碟蜆肉意粉 點知蜆肉梅既 即係唔新鮮 即刻唔敢食 叫埋個洋蔥圈都係麻麻地 總結黎講真係只係食蠔好

最愛食生蠔，好味又低卡路里，食多啲都唔會有罪惡感！朋友介紹有$10生蠔全日任叫，當晚立即約埋去試下。去到約7:15 全場已爆滿(weekday黎)，失望之際個侍應姐姐話有一張留枱，可以幫我地check下幾點嘅。佢問要8:30交枱有冇問題，當然冇問題啦，立即就坐！其實大家都唔餓，目的好明確係為蠔而來，首先order左一打生蠔試下先。應該預先已開好，上菜非常快蠔味濃，海水味重，size有大有細都幾平均，$10黎講非常抵食了，食完又再叫多打第二打就食到有幾粒沙，但可接受。一黎到好香黑松露味，味道普通正常，開心有伴沙律菜但汁太少比較乾。另：- 見到間鋪幾忙，啲staff做野好快手，有個後生啲嘅恤衫男仔幾nice同細心，交枱前半個鐘係last order- 我地去時人多較嘈難傾計，估計下午人少啲氣氛環境會唔錯 (原來2:30-5:30全部飲品買一送一！)- 埋單送左張食$500減$100 coupon，抵！

我們一行6人，朋友過有間蠔吧做特價，所以大家就去試下，佢雖然位置大角咀，但佢其實好易搵到，去到門口見到開放式蠔吧同廚房，感覺幾有情調，雖然訂左位都要排隊安排，無訂位的另一條人龍，當日平日都幾旺，可能因為有優惠，服務員安排左我們中間位置，而且開始介紹2款生蠔特價10元一隻，分別法國和愛爾蘭，我們先黎2set試下。法國同愛爾蘭分別，本人比較鍾情法國，因為海水味夠種，又比較爽甜，好新鮮感覺，有點青瓜清新口感。而愛爾蘭比較cream，細隻少少，我覺得味道唔夠突出，只屬ok,但10元一隻真的很值得，2種比較當然法國首選，之後我們再order左24隻法國生蠔海鮮薄薄，見餐牌有推介標籤，所以都試下，怕男仕朋友唔夠飽，估唔到佢會用大蝦，眼前一亮，醬汁酸酸地和芝士味，很開胃，一人一件，食完有點倦戀。酥炸墨魚圈，個脆醬幾惹味，雖然佢材料係急凍墨魚圈，但咬落不是死實感覺，相反很軟熟，似中式椒鹽鮮尤。呢到薯條，聽雜誌介紹用左特別處理，所以夠硬夠脆，外脆內軟，放一段時間都仲脆，當然趁熱食最好啦!凱撒沙律，好大份量，當然價錢都過百，但6個人禁大份剛剛好，芝士醬汁，生菜都係正常，減肥的朋友就唔好食禁多，因為芝士同醬

今天是和男友的半年紀念 就在日前book左這間位慶祝之前和朋友去過樂富果間 雖然近 但環境就 要坐街市位今次去大角咀呢間 雖然行過去真係好遠 但環境就真係好好 好有氣氛入去坐低waiter就介紹$10 1隻蠔既promotion非常鐘意食蠔既我 就即刻同男朋友叫左10隻蠔 同上次係樂富食既比 上次係5分 今次就得3分因為今次有D蠔腥味都幾重 食完2round 就開始食正餐啦我叫左個C1帶子蕃茄天使面(大概個名係咁) $238呢個我比5分 帶子非常大舊 淡淡肉 面既濃度道亦都好足夠男朋友就揀左豬肋骨 $288賣相非常好 但食落就真係比2分D肉都整到好硬 有種咬到嘴攰既感覺 而且價錢都唔平因為夜晚仲要做野 我地就無飲酒叫左巨峰提子soda $7X味道好似平時咁啦 好味最後埋單都食左$8XX 除左Ribs之外其他都好goodwaiter哥哥之後都比左VIP卡男朋友咁就有藉口叫男朋友以後多D帶我去食啦haha

本人非常喜歡吃生蠔，所以間唔中都會去Oyster Station。今次Oyster Station有$10 一隻生蠔優惠，當然要去光顧啦！生蠔非常新鮮及肥美，$10一隻真的好抵食。另外，我們亦叫了加拿大海膽，亦是很新鮮，而且味道很好，我最喜歡包紫菜吃。我們叫了一人一隻車厘蜆，沒有想像中新鮮，不過好肥美。刺身拼盤方面有日本甜蝦刺身、加拿大翡翠螺、扇貝及赤貝刺身、蟶子刺身。本人最愛店裏自家製的醬，配合刺身一起吃，非常清新及帶出刺身本身的鮮味！最後每次來光顧一定叫的泰式生蝦刺身，本身生蝦沒有什麼特別，亦都是喜歡店裏自家製的泰式醬，配合同生蝦一起吃，非常美味！喜歡吃生蠔同刺身的我，每次想到想吃刺身，便會來到Oyster Station。不過真的生嘢不能吃太多，我也會叫這裡的熟食。相對熟食就沒有刺身那麼出色了。

蠔平，120元有6隻，不同的地區蠔，不過都要他們有的，送來時亦有介紹蠔的品種，雖我不食，但我家人吃得津津有味，我只吃三文魚南瓜汁意大利飯，飯有口感，不濃，配菜亦有鮮美，不會在配菜減輕品質量，好。