蠔站 (亮賢居)

營業中

休息中

今晚做乖乖老公，八點鐘去大角咀接老婆放工，跟住兩公婆拍拖去公司附近的蠔吧，食生蠔飲白酒不知幾梳乎……可能係平日嘅關係,所以今晚餐廳唔算好多人,靜靜地傾下偈都唔錯。門口亦都可以泊車，駕車人士是非常適合的！餐廳出名食生蠔及海鮮，今日有特價十蚊一隻法國生蠔好抵！！！另外我哋亦都叫咗海膽， 海膽今日日做特價日本直送馬糞海膽100蚊一份。海膽好抵食亦都新鮮配上紫菜，飲白酒係一個唔錯嘅配搭。 至於生蠔10蚊一隻簡直冇得彈，最後我哋每人食一打！雖然做特價但係質素並不馬虎，當然size偏小一點，但味道清新、口感非常不錯！！另外我們點了海鮮意粉作熟食， 醬汁係蕃茄汁，炒得幾香口，意粉如果可以再加添彈性會更佳！最後甜品揀咗朱古力芝士餅， 不過甜品就水準一般， 可叫可不叫。最後埋單八嚿水，因為食咗兩打生蠔，所以算係超值！另外服務員的態度非常好亦都熱情邀請我們成為餐廳嘅會員值得一讚。