蟹八爺

營業中

休息中

睇instagram見到有人介紹呢間上海菜睇完餐牌見價錢唔貴，就諗住試下...不過真係一分價錢一分貨，本來都唔抱太大期望但係...............蟹粉系列好腥手指生煎真係搞唔掂，似pan煎急凍小籠包個蝦49蚊，少得可憐如果當佢係一間快餐，都勉強可以接受但可惜佢又收加一，收加一都唔緊要可惜佢嘅員工連快餐服務都不如老實講，如果無食過正宗上海菜嘅朋友，應該會以為上海菜好難食真係唔會有下次you get what you pay for但勝價比唔高2百幾蚊食快餐會開心d

早幾日朋友話最近開咗間新蟹店，兩條友一於貢去試下，一去到勁多人排隊😅幸好我哋有book位，那裡地方不算大有一條通道，左右邊坐食客，一坐低就立即點菜啦！叫咗招牌黃金瀑布增量，麵質OK,蟹粉足料, 濃郁蟹黃香氣的確不錯👍🏻包含三款小食：糖心蛋、炸蘇肉、炸蟹粉雲吞，食落去有少少凍左。另外一道四彩繽紛小籠包（辣）麻辣+香菇+雞肉+黑松露，好味呀最緊要夠熱，各一粒可試不同味道幾好味👅仲有叫咗塊酥炸豬扒0 K. 姆指生煎包0 K.最值得一試是極品至尊蟹黃麵，有四種不同蟹嘅口味，蟹膏蟹王蟹肉等，真係超好味👍🏻最開心唔使自己拆蟹肉嘛！價錢都好親民，喜歡食蟹嘅朋友可以去試下😋

💢職員冇禮貌，做嘢危險，食到一路一驚心- 掉張牌叫我掃code落單，係啪一聲咁掉。- 上菜時，我地禮貌地有講唔該，問佢可唔可以轉頭比2隻碗，佢冇反應冇望人，極黑口黑面嬲咗成個世界咁，放低食物擰轉身走左，唔知佢有冇聽到…唔知再唔再問好，幾分鐘後，佢放底2隻碗係枱，原來係有聽到。- 上第二樣菜時，枱面有個豆腐煲，煲底點左火，佢用碟菜推開個煲，是但一樣打翻都gg…嚇到我同朋友調低筷子去幫佢，但佢另一隻手冇拎任何嘢。枱面嘅另外一邊亦有空位。💢座位位置危險- 我地坐2人枱，側邊有張凳放野/坐？差唔多每張雙人枱隔離都有一張，但張櫈凸左出行人通道，唔敢放野上去驚職員收碟淋到，啲職員行過又成日幾乎踢到，每逢見佢哋拎熱嘢行過都好驚 💢食物質素差差差！！！- 食店以蟹粉做賣點，但所有蟹粉都好腥，特別係個小籠包。我平時係食魚唔落薑都得。- 蟹粉小籠包，勁厚皮，仲厚過7仔叮叮，好似北京水餃皮咁，厚到揸筷子唔叻嘅朋友夾反左幾次都唔穿，一咬開啲腥味衝出黎。- 除咗塊炸豬扒，所有食物都只係暖，完全唔熱。上菜唔夠5分鐘凍晒添- 蟹粉娃娃菜，啲蟹粉凍咗又腥又杰- 蟹粉豆腐煲，底部有蠟燭都冇用，食到底都唔熱- 湯麵，好鹹

吃了一份個蟹粉撈麵套餐，配搭三個份量超級少的小食（份量比較像小菜），以及一罐可樂。這個套餐的配搭看似種類都算多。食物味道尚可，整體不算出色。雖然食得出蟹肉是有的，但味道偏淡，蟹粉的量亦都只有一個少碗的份量。麵底較黐身，但都未煮得透。以食蟹粉菜式，一個餐的價格是$83，但份量非常少，女仔食都不飽，如果要加面，就要加錢，性價比低。空間較窄，一半位置都是面壁位，座椅沒有靠背，設計都是預你快吃快走。只接受現金及八達通支付，大家要先準備定現金才去食。

蟹粉小籠包，上枱是熱辣辣，味道幾好水晶蝦仁瀑布蟹黃飯，蟹黃份量比較少，唔夠撈飯，而且味道一般，蝦都係一般香酥炸豬扒拌麵，趁熱時食塊豬扒都幾好食，但係凍咗食就好嚡。而拌麵又係放涼咗先食，拌麵變咗麵餅，味道不能作準以上兩個主食都有加$20轉套餐，有三小碟包括溏心蛋糖心蛋幾好食，小酥肉同炸蟹黃小雲吞都一般，小雲吞食唔到蟹黃味。飲品加錢轉左龍井熱情果茶（凍），問咗冇得走冰，所以上枱時我自己撥走啲冰，所以味道偏甜侍應服務好好，原本我問拎一杯水，侍應會自動問我另一位朋友要唔要多一杯水👍當問侍應要個碗/碟，都好好態度，不過碟入面有粒飯可能因為價錢偏平，好多食客，冇乜驚喜，我未必再去

呢間餐廳食蟹專門店，環境舒適，價錢好抵食，我地叫左蟹粉拌麵，蟹粉成碗甘多，跟餐配左三小碟前菜，有炸酥肉，半熟溏心蛋，另外仲叫左杯自家制檸檬茶，檸檬茶既味道比較香甜，茶味好出眾。炸豬扒大大塊外脆香口。四色小籠包：黑松露小籠包，辣味小籠包，蟹粉小籠包，香菇小籠包，29蚊4粒小籠包又真係幾抵，仲要四款唔同口味，黑松露味濃郁，小籠包即蒸，多汁又好味。薑茶薑味濃郁。蟹八爺地址:尖沙咀厚福街5-6號多富閣地下5號舖

尖沙咀厚福街開咗一間食蟹黃麵嘅新餐廳叫「蟹八爺」，店舖雖然店仔不大，但裝修感覺幾有格調，價格親民👍👍「蟹八爺」主打蟹黃麵，招牌黃金瀑布蟹黃麵，加$20可以轉套餐，有三小碟（糖心蛋+小酥肉+炸蟹黃小雲吞 ）及飲品😚😚😚麵和蟹黃係分開的，蟹黄份量亦不少剛剛好撈勻啲麵一齊食，蝦仁口感爽彈👍👍宮廷蟹黃豆腐煲…….. 也不錯，滿滿的蟹黃加上嫩滑的豆腐，絕配👻四彩繽紛小籠包……四款味道一次過食晒皮薄餡靚！個茉莉豆漿幾有驚喜，甜度適中，茉莉味香濃！

lunch 試下新餐廳 新野望餐牌係覺得吸引既 因為見到價錢都唔貴我叫左蟹粉配麵。但實物份量其實好少 如果比男士食一定唔夠女仔如果食量唔係話好大 應該剛剛好所以我額外➕$20 有野飲同點心送點心就2款炸物+ 溏心蛋炸物明顯系炸完擺左有d耐 因為比較硬 味道ok 只不過如果新鮮炸會比較好溏心蛋正常發揮 ok的我等左差唔多20分鐘先有餐我建議 出餐時間可以把握得好d Lunch埋單連加一：$83但冇咩服務可言，因為我個麵到左都未有筷子😂希望下次食可以好過呢次啦～

原本今日同老婆滿心期待去呢間<<蟹八爺>>度試下,網路上形容為性價比高嘅餐廳。點知一去到,見到個鋪位細到呢得幾張圓枱,其他都係窄窄嘅吧枱,咁呢個我明嘅,尖沙咀地鋪租金貴,我體諒入到去先係重點,由於圓枱滿晒,我同老婆迫住坐吧枱,落左單之後,後面有張圓枱走左,我就問店員可唔可以轉枱,店員問返我地落左單未,我話落左,佢即刻西面,跟住佢大聲問另一個企門口嘅後生女店員「俾唔俾佢地轉」,另一個店員態度惡劣大聲回左句「唔係卦」仲要講完之後冇正面回應我可唔可以轉枱,我明白好多餐廳落單之後唔可以轉枱,咁你可以好聲好氣同我講,而唔係唔理我囉跟住就上菜,我地點左四彩繽紛小籠包,蟹粉大湯包,極品至尊蟹黃麵老實講,小籠包味道唔錯,但蟹粉大湯包就搞唔掂,層皮太硬,入面d湯就係人地d粉麵鋪嘅萬年淥麵湯,而個蟹黃麵就普普通通,不過以呢個價錢尚可接受不過進食期間不停聽到店員高聲傾偈,粗口橫飛,嚴重影響胃口食完再點左個水晶雪梨凍,落單時標明即起,但等左25分鐘都未上,之後問店員呢個甜品製作需時要幾耐,又係等唔到回應,隔左陣終於上,只係一舊普通啫喱,唔明點解等咁耐店員話佢睇唔到.......

尖沙咀新開了一間中菜美食🧡 蟹八爺 ，裝滿以橙色主調加中式感覺舒服！我覺得其中必試極品至尊蟹黃麵！麵食49元起，另加20元起可升級做套餐，配三款指定小食及飲品，性價比好高！🧡🤩🤩🤩蟹黃麵拌麵用上較粗的麵，掛汁惹味！有齊蟹膏、蟹王、蟹肉和蟹白膏，味道鮮甜！所加的套餐的三小碟糖心蛋、小酥肉和炸蟹黃小雲吞套裝的飲品選了薑茶超大杯！薑味剛好又好味🤤蟹粉小籠包新鮮熱辣，皮薄喊靚！仲有炸豬排等美食， 埋單加一二百多

呢一日行街喺尖沙咀lunch時間就來到厚福街，想食之前食開麵店「元祖沾麵專門店」，誰不知已轉咗新麵館，叫「蟹八爺」，見到“蟹”字，應該啱我，諗開早排仲特登去深圳食，今日香港有得食，價錢仲同深圳差不多，不需猶豫，沖啊。朋友同我都喜歡蟹黃麵，因此叫咗两個“招牌黃金瀑布蟹黃麵套餐”，套餐有埋三小碟，包括糖心蛋+小酥肉+炸蟹黃小雲吞 及 飲品，是日飲品係熱紅糖薑茶，麵和蟹黃係分開的，食一啖鮮甜的蟹黄先，跟住溝埋两様嘢食，滿足。小食“宮廷蟹黃豆腐煲”也是滿滿的蟹黃，以及嫩滑的豆腐，真是喜歡。小籠包有辣同唔辣的選擇，揀咗唔辣的四彩繽紛小籠包，有蟹王+香菇+雞肉+黑松露呢四色，色彩鮮艷，睇到就feel到好食。甜品亦是不可思議的存在， 水晶雪梨凍個形狀同真梨冇分别，呈現喺我哋面前㗎係晶瑩通透的雪梨，入口係青新的甜；而“草莓冰粉”好多料，有草莓，有彈彈珠，有台灣甜品中的芋圓，非常之好味。

上次經過尖沙咀見到依間寫$49有蟹黃飯，今次專登過嚟試一試。今日星期五差唔多9:00去到，冇諗過入邊都滿座咁滯好彩啱啱有人走，睇咗個餐牌冇諗過價錢除咗呢個勁平之外，其他嗰啲都好優惠。叫晒成枱嘢加埋一都唔使$250 。整體份量十分之大份，而且味道比心目中好味，蟹肉幾鮮甜份量又足豬扒麵嘅麵比較淋身，幸好豬扒好食。小食叫咗三款味道都唔差，小籠包三個$29真係好抵食又多湯。荔枝蝦球幾彈牙。生煎包個底都幾脆口入邊幾多湯汁。

蟹八爺 尖沙咀新開蟹粉專門店！主打多款由江蘇省自營蟹場直送香港的蟹粉鮮製美食😋性價比過人均$100！今晚來叫左兩個套餐同幾款小食～味道唔錯！套餐跟三小碟前菜：流心蛋、酥肉、香炸蟹黃小雲吞香酥炸豬扒蝦籽拌麵～豬扒酥香麵條灑上大量蟹籽！足料製作水晶蝦仁瀑布蟹黃麵～麵底彈底又掛汁！蟹粉汁鮮美！好正！配上爽口蝦仁更添口感飲品叫左熱紅糖薑茶 、龍井熱情果茶 ～仲叫左幾款小食迷你指姆生煎包：豬肉餡料，一啖一口剛剛好香炸蟹黃小雲吞 ：即叫即炸入口酥脆四彩績紛小籠包：蟹王+香菇＋雞肉＋黑松露4款口味～皮薄爆汁📍尖沙咀厚福街5-6號多富閣地下5號舖

今日試尖沙咁新開蟹八爺一上枱就聞到濃郁嘅蟹香，金黃色嘅蟹粉賣相相當吸引*麵質幼身爽口，掛汁力強，撈勻蟹粉後每啖都充滿鮮味，唔會太淋或太硬，口感剛好。 **蟹粉係蟹膏同蟹肉混合，味道鮮甜濃郁，帶微微薑醋香，去腥之餘亦提鮮。不過略嫌油份稍多，食到後段有少少膩，加少佢地蟹醋平衡就更好。 **整體真材實料，蟹控必試！價錢好抵$49

鍾意食蟹黃麵既朋友要留意啦！最近同朋友講起想搵間平靚正既地方食蟹黃麵，佢就推介左尖沙咀新開既「蟹八爺」，主打特色蟹黃麵，而且超抵價，$49就有交易！聽完即刻心動，決定同朋友一齊黎試下，點知真係驚喜連連！😍.招牌黃金瀑布蟹黃麵 $49首先當然要點佢既招牌黃金瀑布蟹黃麵啦，$49真係平到傻！麵質煙靭，拌勻蟹黃醬之後，每條麵都沾滿濃郁既蟹黃，入口滑溜又香口，蟹味好濃！加$20轉成套餐仲有糖心蛋、小蘇肉、炸蟹黃小雲吞同飲品，性價比超高，絕對值得加！飲品揀左茉莉花豆漿，味道好特別，陣陣豆香同茉莉花香交織，飲落好清新！🌸.酥炸豬扒拌麵 $49另一款香酥炸豬扒拌麵都係$49，抵食到爆！用既係蝦籽麵，豬扒吾會好薄，目測都有兩cm厚，咬落仲有肉汁，鮮嫩又香脆，搭配蝦籽麵既鹹香味，真係好正！呢個價錢食到咁高質既豬扒麵，值到爆！🥓.四彩繽紛小籠包 $29估吾到$29就可以食到四色小籠包，性價比真係高！小籠包有麻辣、香菇、雞肉同黑松露四款口味，各有特色。最香口既係黑松露，濃郁得黎吾膩；最惹味就係麻辣，微微辣既刺激好開胃；香菇同雞肉就比較有口感，湯汁都好足，值得一試！🥟.榴槤糍粑 $24甜品方面，食左榴槤糍粑，