664
13
25
| 餐廳: | 蟹仙海鮮蒸氣鍋 (龍崗道) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
主打蒸氣火鍋，配以各種新鮮的海鮮，當中以「刁鑽海鮮套餐」最為吸引，包括東星斑、龍蝦、鮑魚、貴妃蚌等，十分豪華。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
-
網上訂座服務暫停
優惠
53折
特選海鮮套餐（1位用，2位起）
$369
$698
九龍城除左食泰國菜出名之外，仲有間蟹仙都幾受歡迎。依度主打食海鮮蒸氣火鍋，咁先可以食到海鮮嘅原汁原味😆😆😆一入座已經送秘製原隻南非乾鮑味夠鮮甜，再加埋厚身冬菇夠爽口😗😗韓國釜山野生鰻魚，燒鰻魚就食得多，蒸鰻魚都係第一次食，鰻魚肉質帶爽，加埋wasabi食提升左佢嘅鮮味😛😛 野生琵琶龍蝦口感厚實，肉質鮮甜😍😍 大西洋野生青口，青口完全同急凍嘅冇得比，好新鮮好爽口，冇霉霉爛爛嘅口惑👍🏻👍🏻👍🏻 加拿大野生海虎蝦肉質結實甜美，而韓國釜山蠔好鮮味得好乾淨👏🏻👏🏻 膏仔蟹係今日嘅VIP，蟹好肥美，多膏之餘肉質好鮮甜😝😝😝😝😝 蟹皇大元貝，師傅自己處理蟹皇，再鋪噝大元貝上面，大元貝清甜，加埋矜貴嘅蟹皇，有多重口感之餘又有蟹嘅鮮味😬😬有機蔬菜籃，蒸完嘅蔬菜好清甜，又唔會有打邊爐嗰種油膩感😁😁 最後仲有鍋粥，粥吸取哂海鮮嘅鮮味，另加豬骨、栗米粒、芋頭粒，yumyum😋😋
繼續閱讀
九龍城呢間海鮮蒸氣鍋有好多明星黎食過，所以我同朋友都去試下，叫咗個每位$419嘅set，海鮮每日由唔同地方運到，高質而且好夠飽！⭐秘製原隻南非乾鮑呢款係前菜，鮑魚煮得軟腍，鮑汁滲透，濃香入味，質感一流。仲有粒大冬菇，完全索哂鮑汁嘅鮮味。⭐加拿大野生海虎蝦蝦肉爽而彈牙，蝦頭仲有少少膏。⭐韓國釜山野生鰻魚蒸得啱啱好，食落爽口而且冇骨。⭐黃金翡翠螺蒸氣帶出螺肉嘅鮮甜，有嚼勁，跟職員建議點刺身豉油同wasabi食，鮮味更加突出。⭐蟹皇大元貝肉厚鮮甜，入口滿滿海鮮甜香。⭐韓國釜山蠔蒸氣輕煮，蠔肉保持creamy，海水味濃，鮮到爆。⭐大西洋野生青口青口肉質好嫩，食到海水嘅味道，唔駛點醬汁都好夠味。⭐野生琵琶龍蝦第一次試呢款海鮮，肉質彈牙，味道比平時食開嘅龍蝦更鮮甜。⭐野生奄仔蟹來自菲律賓未交配過嘅奄仔蟹，超多蟹膏，蒸氣煮法留住蟹膏濃香，鮮味突出，肉質嫩滑好食。⭐有機蔬菜籃蒸氣煮得蔬菜嫩綠，清新解膩，保留自然甜味。⭐海鮮粥用蒸氣海鮮嘅精華熬粥，特別鮮甜，加埋蔥花同葱菜落去，味道層次更加提升。整體黎講，呢餐嘅海鮮好新鮮，蒸煮方式鎖住原味，每道菜都鮮甜可口，值得推介！
繼續閱讀
放工與同事相約九龍城尋味，踏入「蟹仙海鮮蒸氣鍋」，撲面而嚟嘅係海洋嘅氣息，因為呢度主打食海鮮蒸鍋。呢間街坊小店藏著驚喜——以蒸鍋鎖住最純粹嘅海鮮甜味，十款環球海鮮輪住上陣，人均四百嘅價位竟然食得出高級品質。 先以秘製南非乾鮑做前菜，鮑魚口感彈韌如，醬汁微微鹹香，絶無掩蓋本身嘅鮮味，調味恰到好處。重頭戲係野生奄仔蟹，開半即見金黃流沙，蟹膏豐腴如奶黃醬，蟹肉飽滿彈牙，自帶海水甘甜，完全唔需要添加調味，我同同事瞬間靜默，忙於拆殼吮指。更意外嘅係琵琶蝦，蝦肉飽滿似龍蝦，價位卻親民得多，性價比之王當之無愧。 釜山鰻魚，皮滑肉彈，魚油香氣隨蒸氣竄升，蘸少少芥茉豉油如點睛。加拿大海虎蝦：蝦頭藏琥珀色蝦腦，甜度直逼舌尖，蝦肉鮮甜爽口，一隻真係太少；（當然你可以加錢再叫嘅…）韓國釜山蠔：又大又肥美，連埋啲蠔汁入口時，蒜蓉蔥油僅是配角。甲殼類大軍壓境～～紐西蘭刀貝爽脆，大西洋野生青口肉逆先甜彈牙。蟹黃醬大元貝配上店家秘製蟹黃醬，鹹鮮加倍，無需調味已夠吸引。 高潮過後，雜菜盤適時登場。甜粟米爽甜爆汁，娃娃菜清甜，中和滿桌濃郁。壓軸海鮮粥非同凡響，芋頭綿密，配著排骨肉香，每粒米都吸飽十種海鮮精華，暖胃程度破頂。甜品椰汁雪燕畫下完美句點，椰汁香配雪燕爽滑，甜度調控得剛剛好。 今晚蒸鍋，讓我見識到海鮮最純粹的美味：無需花巧調味，新鮮即是王道。店家深諳「不時不食」之道，環球搜羅當季靚貨，四百零蚊食盡七大洋，仲想點？當然毫克仲有其他選擇，套餐又平有貴，豐儉由人！
繼續閱讀
九龍城蟹仙海鮮蒸氣鍋是一間主打蒸氣石碢料理的高質海鮮餐廳，環境舒適雅緻，適合家庭聚餐或朋友聚會。餐廳提供多款海鮮套餐，其中【尊貴海鮮套餐】5折後每位只須HK$419，性價比高。此套餐精選多款來自世界各地的優質海鮮，包括野生膏仔蟹、韓國釜山野生鰻魚、澳洲青年龍蝦、秘製原隻南非乾鮑、大西洋野生青口、加拿大野生海虎蝦、韓國釜山蠔、黃金翡翠螺及蟹皇大元貝，每款海鮮都鮮味十足，肉質彈牙，蒸氣烹調方式更能保留食材原味與營養。配上有機蔬菜籃，清新爽口，為整體味覺增添層次。我哋加配左粥底，吸收海鮮精華，香濃滑順，是整頓晚餐的完美結尾。最後糖水係椰汁燉雪燕，口感滑嫩，滋補養顏。整體而言，餐廳不但食材新鮮，烹調方式健康，服務亦十分周到，是海鮮愛好者不可錯過的好選擇。
繼續閱讀
在九龍城想搵一間可以慢慢歎海鮮既地方？蟹仙海鮮蒸氣鍋絕對係我既心水之選！餐廳既蒸氣石碢料理，唔單止健康，仲可以原汁原味咁呈現海鮮既原味道，真係食得開心又滿足。我哋點左【尊貴海鮮套餐】，每位HK$419，睇落好似唔平，但食完你會覺得絕對係物超所值。野生膏仔蟹既蟹膏香濃，韓國釜山鰻魚油脂豐富，澳洲青年龍蝦爽口彈牙，加拿大海虎蝦就更加鮮甜，南非乾鮑蒸完仲有啲煙韌口感，大西洋野生青口和韓國釜山蠔都好肥美，啖啖海洋味，蟹皇大元貝和黃金翡翠螺都係驚喜之作，唔止賣相吸引，味道都好出色，配埋有機蔬菜籃，清新解膩，最後加埋個吸晒海鮮精華既粥底，真係好味到停唔到口。總結，餐廳食材新鮮，每款海鮮都由店員幫我哋調較時間，同埋店員會提示我哋邊款蘸wasabi好味，邊款不用蘸醬油，整體感覺好舒服，係一間值得再訪既海鮮蒸氣鍋餐廳！
繼續閱讀