每樣海鮮店員都會一一介紹，仲會幫我地蒸埋，把控蒸煮嘅最佳時間好貼心。
一開始就已經系放入生米、排骨、芋頭、粟米喺鍋煲粥，去蒸煮海鮮嘅期間吸收嘥海鮮嘅精華，超正！
海鮮方面，今次揀咗尊貴海套餐，有野生膏仔蟹🦀，韓國釜山野生鰻魚，野生琵琶龍蝦🦞，秘制南非鮑魚，大西洋野生青口，加拿大野生海虎蝦🦐，韓國釜山蠔🦪，黃金翡翠螺🐚，蟹皇大元貝，好豐富！
🔸野生膏仔蟹
🦀蟹黃滿晒出，肉嫩又鮮甜，一打開蟹鉗就係滿滿蟹肉，好滿足！
🔸釜山野生鰻魚
薑絲清蒸，油潤香滑，配wasabi好清新！
🔸野生琵琶龍蝦
🦞好少見，肉質唔似一般龍蝦咁彈牙，但蟹味超濃郁，第一次試即刻愛上！
🔸秘制南非鮑魚
炆得入味，連花菇都吸飽汁，食落超香！
🔸大西洋野生青口
店員建議咩都唔好點，果然超鮮甜，淡淡海水嘅鮮味，但唔會鹹
🔸加拿大野生海虎蝦
🦐新鮮彈牙，原味最好食！
🔸釜山蠔
🦪飽滿creamy，入口帶啲海水清甜，好正！
🔸黃金翡翠螺
🐚一扭即出大串螺肉，味道濃郁
🔸蟹皇大元貝配蟹皇醬
蟹皇醬份量都唔少！酸甜開胃，元貝飽滿彈牙
🔸有機蔬菜籃
清蒸蔬菜菇類可以保留食材嘅鮮甜，食完一堆海鮮之前食返d菜balance 下
🔸椰汁雪燕
店家好好，仲送左甜品比我地食！椰汁雪燕甜度啱啱好，雪燕慢慢化開，食完邊爐再食，涼浸浸，好舒服～
1
