蟲二

營業中

休息中

蟲二 Poach依間cafe位於上海街618號)天台 店之間有一個露天花園 入面裝修勁文青 好適合d人入去打卡 平時夜晚露天花園都會點燈 好有feel 伯爵茶傳統Pan Cake HKD98 🥞柚子芝士蛋糕 HKD48 🍰 雖然好細 不過上面有好多toppings 整體幾好食 不過就係細左啲 花香黑茶 HKD55☕️ 好濃花香味 黑茶偏清 令花味更加出Rating5👍🏻為滿）味道：👍🏻👍🏻👍🏻環境：👍🏻👍🏻👍🏻👍🏻抵食：👍🏻👍🏻📍：蟲二 (旺角)旺角上海街618號頂樓

某日，同個朋友去左呢到食Lunch。其實佢唔同我講都唔知原來有間咁靚既餐廳，不過當日平日2點幾都算多人，都滿坐。必吃既一汁三菜賣外吸引的擔擔冷麵仲有D輕小食我地叫左個一汁三菜 & 擔擔冷麵主要有5款可以選擇，我地要左 清酒蒲燒鰻魚+$10前菜有: 川味木耳絲，青瓜漬， 柚子蓮藕片。個木耳好開胃，個蓮藕片都好好味，係你會食哂既小前菜。個鰻魚都好大條，2個人share剛剛好。鰻魚好香，好燒汁味，配飯一流。食到一半我地可以將旁邊既湯汁加落去做泡飯，都一樣好味。呢個大推👍肉鬆豆乳擔擔冷麵，叫呢個完完全全係因為個賣相好吸引，夏天咁熱又想試d冷麵。大大堆肉鬆，同大大碗冷麵。不過佢既麵係中幼，似幼烏冬既粗幼，不過我同朋友都覺得麵條太幼，粗身應該會更好味。至於味道就普普通通，可以唔需要試。不過旁邊既 薯蓉好好味，好creamy👍呢2杯飲品忘記叫咩🤣 不過面前呢杯幾好飲👍整體呢間餐廳我地會再翻食，環境唔靚舒服，而且特別係一汁三菜好味大推👍

隔咗咁耐終於食到呢間人氣爆燈嘅文青cafe🥳Cafe位於上海街618頂樓全層，設室外座位🌿環境超舒服！仲要設計得勁靚😍勁啱打卡！可惜當天落雨，唯有坐返室內～ 食完之後整體都覺得唔錯嘅，但價錢真係有啲貴，食完又未有好驚艷嘅感覺😛不過都可以一試😚當支持下黃店💛一汁三菜便當•原條蒲燒鰻魚 （$160）呢個便當賣相真係好靚仔🍱開胃前菜有花椒味木耳絲、柚子漬蓮藕片同青瓜漬，我覺得最正係個木耳絲🤩 又麻又辣好惹味🌶️ 蓮藕片加入柚子味道都好fresh！鰻魚原條上超吸睛👀 燒得幾香，食落都幾肥美，但我同朋友都食到少少細骨🙈 鰻魚汁鹹度到適中，拌飯一流～ 然後就要講下個飯啦🍚 首先可以將一半鮭魚昆布茶漬湯倒入殼米飯，之後再加入慢煮蛋拌勻食，口感濕潤得黎仲好香😋！煙三文魚太陽蛋薯蓉吐司 （$105）沙律菜好新鮮，配上酸酸甜甜嘅黑醋既健康又開胃🥗 煙三文魚份量有啲少🙈 不過真係好好味😋再加埋隻溫泉蛋食好正💕💕伯爵茶傳統班戟 （$85）Pancake口感鬆軟，中間仲有麻糬😍食落煙煙韌韌，令佢嘅口感更加豐富🥳 美中不足嘅係班戟茶味唔夠濃，呢樣有少少失望🙈 牛乳雪糕奶味香濃，雪糕同班戟冷熱交融，加埋面頭嘅芝士海鹽

同朋友一行4人去餐廳食甜品，呢間餐廳有個位係outdoor , 如果天氣好打卡一流。另外，裡面亦有多幅壁畫咁，環境都幾chill。野食方面，我地叫左小食同甜品，味道都好食，值得再試。餐廳有限入座時間1小時30分，雖然係咁，但無人都俾你坐耐啲吾會趕人既。

呢間最近人氣小cafe 食物好高質 打卡也一流 個甜品超好食 好濃朱古力味另外個鰻魚漬飯都好正仲有好多配菜不過要記得有最低清費啊個個炸物都係好食 配埋芝士好好好邪惡啊值得去試

一汁三菜便當 $150便當全set包漬物、慢煮蛋、主食、鰹魚昆布高湯、飯同熱焙茶便當隨附食法教學 漬物有麻辣木耳絲、蓮藕片、酸瓜 爽脆又開胃主菜五選一揀左•西京漬燒鯖魚• 個名唔特別但食落好有驚喜✨鯖魚皮燒到脆脆地 肉質嫩滑且厚肉 魚味甘香😋飯有糙米會比較乾 加左湯同蛋易入口啲 慢煮蛋既蛋汁令碗飯昇華哂🤤Earl Grey Chocolate $55伯爵茶味有啲淡 隔一陣先慢慢飲到伯爵味 比一般熱朱無咁甜膩 但呢個價黎講都幾貴🙁

IG成日見到蟲二戶外天台餐廳既打卡照好靚可惜我去個日落雨唯有下次再去< 一汁三菜便當 >未食外形已經好靚仔 原條鰻魚超吸引呀附上張紙仔教你點樣食呢Set便當既3樣小小的前菜有酸酸地同小小辣既 開一開胃首先落昆布魚湯倒落飯 做茶漬飯配鰻魚食🍚鰻魚軟身入口好順滑 大大條 非常滿足👅之後呢一Part我最中意係加溫泉蛋落飯再一齊食 好似平時喺日本食生蛋撈飯咁 我至愛呀< 伯爵茶麻薯Pancake>我係佢地上環既分店已經食過呢個麻薯Pancake咖啦厚實Pancake入面收埋左麻薯 食食下會食到煙un口感加上牛乳雪糕 係會令人一叫再叫既甜品< 伯爵茶朱古力 / 普洱梅茶 >朱古力味好濃 有淡淡的伯爵茶香飲落令朱古力無咁甜 唔會好漏🍫梅茶聞到有梅嘅香氣 不過飲落唔算太突出🍵

#HK #MongKok #mk #mkyellow #旺角黃店 #💛⠀⠀⠀⠀⠀⠀⠀⠀⠀$150 一汁三菜便當 - 烤芝士漢堡扒伴海苔肉鬆$160 一汁三菜便當 - 清酒蒲燒鰻魚+$25 櫻花忌廉草莓泡泡啤 (酸酸甜甜😍)+$25 桂花酒釀啡 (少苦)+$25 洛神花水果茶 $85 伯爵茶傳統班戟$25 生日牌加蠟燭*加一，記得去 @poach_hongkong bio條link book位先🙈Walk in有排等⠀⠀⠀⠀⠀⠀⠀⠀⠀今次去咗行港式輕復古風嘅#文青cafe 💛 可惜遇着落雨 所以冇喺露天area度打卡 不過成層環境靚 牆上面啲晝，口罩袋都好可愛🥰😂! 而嘢食擺盤精緻 仲有step紙教你食🍱 好細心🤩 前菜味道清新 主食配鰹魚昆布高湯加極上太白63度慢煮蛋再撈日本穀米飯 哇你真喺要去試下😛 仲有梗係唔少得#傳統厚切班戟😆 香濃伯爵茶味配燒海鹽芝士忌廉醬 再加雪糕 麻糬同水果🍊🍌🍇 又甜又鹹又熱又凍 #lmao #呢句想點#但佢又真喺做到 口感好豐富 成餐賣相吸引 食得又睇得😚 #一定會為咗甜品再去🥰#喺二級歷史建築嘅天台

我地叫左一汁三菜便當，黎到時候擺盤好美，好有日式感覺。首先係一菜:漬物木耳絲辣辣地又爽脆，相當開胃。青瓜漬單食酸酸地不錯，但份量只有三片，唔夠候。蓮藕片食唔到柚子味，爽脆小食。二菜係慢煮蛋可以普通主食配飯（一食），之後加上昆布高湯來食（二食），然後加上慢煮蛋係湯飯到（三食）。可以試到三個口味，幾特別。三菜：主食分別叫左鰻魚同芝士漢堡扒。鰻魚好硬，同普通超市買回來的味道差唔多，感覺係出面買回來再返煮。烤芝士漢堡扒味道正常，２大塊夠配飯食。便當係用日本米，粒粒分明，好食。另外兩個人都係叫便當，可以免費加添湯同飯，包你食到勁飽。本身湯飯甘食已經好味XDXD。便當一份要$150，感覺唔算抵食。

店內每一個角落都滿滿心思食物是結合了日式與中式的做法.［一汁三菜 便當］上枱第一間就覺得好優美配搭餐盤、碗碟，好看得像幅畫吃法有小紙教學，跟著指示吃感覺就像由從外看畫，變成走到畫裡看清晰的鰹魚湯倒進殼米飯，好治癒🤤.這裡還有自家製的乳酪農夫包炭燒豚肉惹味非常，微辣附帶新鮮沙律菜，中西合璧卻很配合.凍飲是超濃朱古力奶👍🏻有驚喜好飲！熱飲是香茶，此情此地喝一口茶，舒暢💞。。。。。室內佈置盡是味道，打卡一流室外更有香花漫蝶，可惜天公不造美唯把期待留待下次再會… #蟲二

每次來蟲二 都被編配不同位置上次室外 今次室內 感覺新鮮有趣每個地方都精心佈置 充滿日式和風.✿《伯爵茶傳統班戟》pancake🥞帶有香濃伯爵茶香質地軟熟 最驚喜是內裏有層「麻糬」煙煙韌韌 只有中心薄薄一層所以不會太漏班戟面頭有一球牛乳雪糕🍨和少許鮮菓配上燒海鹽芝士忌廉醬和百花蜜吊一吊味冷熱形成對比 好吃得很快就清晒 .✿《一汁三菜便當》先來開胃副菜冷盤：柚子漬蓮藕片、川味花椒木耳絲花椒味的確令人醒神 吞尖麻麻再來茶漬穀米飯配蒲燒鰻魚將一半鰹魚昆布茶漬湯倒入穀米飯咁就會有稍為濕潤的米粒 QQ軟軟的蒲燒鰻魚很大條很惹味最後的食法是我最愛的就是「茶漬飯半太白蛋」將剩餘的湯倒入飯 拌入青瓜漬再將慢煮蛋拌入飯 蛋汁令湯飯更香滑.✿《柚肉檸檬蜜》既有透明搵柚子肉 又有橙色柑橘肉🍊夏天渴 很清爽.✿《普洱莓》濃茶中帶少少酸有點不一樣的層次

上海街168 活化之後變成文青好處聽說天台的café – 蟲二 超岩打卡📸早幾個月已經想去食 但可惜真係太高人氣6pm 打算walk-in 卻已經被告知full booking最後終於係某星期一中午去幫襯(*ﾟ▽ﾟ*).🍱 一汁三菜便當 $150男朋友點左café的 signature 日式便當托盤有一張小小的卡片教食法的順序 (超細心!!)首先是3款漬物前菜我就最鐘意微辣的川味木耳絲夠晒惹味😝主菜方面, 我們另外 +$10 轉清酒蒲燒鰻魚原條鰻魚超吸睛～再加上蒲燒汁撈飯 正👍🏻吃到一半就可以加鰹魚昆布汁在米飯華麗變身成茶漬飯 💫 哈哈~.🍳 煙三文魚自家製乳酪農夫包 $110我就選了西式的smoked salmon with toast沙律配上酸酸甜甜的沙律醋超開胃🤤煙三文魚的分量有點少 只有薄薄的2片最可惜的是煎蛋上菜時已經穿左🌚.▹ Caramel Latte $42▹ Iced Mocha $482杯咖啡都是偏甜☕️男朋友點的Iced Mocha 更是甜到似凍朱古力🤭.P.S: 另外, 提提大家 這間café 只收現金喔~

一早朋友BOOK 了台和我聚舊,  蟲二晚餐時段, 只可選 5:00 p.m. or 6:45 p.m., 蟲二在上海街618 號, 建築物頂樓, 地下可優閒坐坐, 地下, 閣樓及二樓又有小店逛住等, 的確是很好的選擇,  蟲二分室內及室外雅座, 到訪當晚下大雨,  室外公園沒法享用,  我們要求坐Kitchen 的另一邊, 即對住電梯的部份,  基本上晚餐選擇只得一汁三菜便當的五款 ,  我們選烤芝士漢堡扒伴海苔肉鬆及鯖魚, hk$150 再加一,  賣相很別緻,  雖然食完茶漬後, 晚上很口渴, 但整體是好味的, 蓮藕上加柚子, 口味清新, 慢煮流心蛋, 蛋黃熟到 80 %, 但蛋白依然有點半液體似的, 真係有心機之作。紅米飯面加上芝麻及海苔, 真係靚晒。鯖魚沒太大亮點, 芝士漢堡扒很軟身, 好味。

旺角人氣餐廳，可能期望過高，確實有點失望，食物質素好一般，以$150 一set 來講，真係有啲唔值😅🔸一汁三菜 便當 $𝟏𝟓𝟎 (𝟑.𝟒/𝟓)豆瓣醬燒鯖魚 鯖魚比較鯹，煎得又唔香，反而碗飯正常啲，用鰹魚昆布湯倒入飯變成茶漬飯，又可以將慢煮大白蛋加埋青瓜漬加入茶漬飯，兩種食法都唔錯😭🤭🔸一汁三菜 便當 $𝟏𝟓𝟎 (𝟑.𝟓/𝟓)烤芝士漢堡扒伴海苔肉鬆 芝士漢堡扒，好淋好入味，好日式料理 feel ，呢個唔錯😋🔸𝐬𝐞𝐧𝐜𝐡𝐚 𝐞𝐚𝐫𝐥 𝐠𝐫𝐞𝐲 𝐩𝐚𝐧𝐜𝐚𝐤𝐞𝐬 伯爵茶煎茶班戟 $𝟖𝟓 (𝟑.𝟑/𝟓)之前最期待嘅伯爵茶麻薯pancake，冇乜茶味，中間有麻薯，感覺煙靭，口感唔錯，不過冇傳說中講到咁好味囉！🔸𝐟𝐢𝐬𝐡 𝐭𝐨𝐟𝐮 𝐢𝐧 𝐫𝐞𝐟𝐫𝐞𝐬𝐡𝐢𝐧𝐠 𝐰𝐚𝐬𝐚𝐛𝐢 𝐲𝐨𝐠𝐮𝐫𝐭 𝐬𝐚𝐮𝐜𝐞 清新山葵醬魚豆腐方塊 $𝟓𝟎 (𝟑.𝟒/𝟓)普普通通嘅魚豆腐，係個醬汁比較特別🙈🙈，但係唔值呢個價錢☹️食完餐飯唔知點解好口喝🧐Overall呢度食物質素同價錢唔成正比，唔係好值囉！

同朋友去試呢間cafe百五蚊個便當值唔值就見人見智我地仲嗌多左個炸雞槌但重點係想講個服務。我地食到咁上下就想加個伯爵茶班㦸但服務員居然話，因為要還枱，你地應該趕唔切食所以唔比我地嗌。咁我地都知80分鐘要交枱，但係服務員可以係客人坐低既時候提醒佢地預返等野食既時間，可以預先嗌定甜品，唔係客人食到一半想加單就話唔可以，勁奇怪，其他餐廳都唔會咁，都會有限時，但唔會係中途加單都唔會比囉，所以真係唔會再幫襯😡