蝦蝦燒

營業中

休息中

我哋幾個朋友都好鍾意食海鮮 尤其鍾意食蝦 見到有流水蝦放題 梗係唔可以錯過🤣 仲可以任食2.5hr！ 直接坐喺缸旁邊 可以即時捉蝦然後燒蝦 不過我覺得旁邊嘅蝦冇出面大門咁大隻 所以建議拎埋個桶出去門口捉！個d 🦐超級大 而且好生猛 捉嘅時候差啲捉唔住跳翻出來！除咗蝦仲有好多新鮮嘅海鮮，例如扇貝、鮑魚、蜆、螺、成條魚都有！ 而且都好新鮮尤其係鮑魚！然後仲有各式各樣嘅燒肉、蔬菜、丸、仲有煮好嘅中式菜、雪糕同埋任飲飲品！除咗出去夾嘢食，一開始會有夾好嘅蝦、大鱔、蟶子！不過鱔同蟶子都冇得encore 個人覺得大鱔同埋蟶子係最好食！尤其係鱔 煎完之後外脆內軟 超級幸福 有啲似鰻魚🙈如果想再叫要加錢😝燒海鮮！ 仲要全部任食，鮑魚好新鮮，煮嘅時候仲識郁嚟郁去！扇貝好大粒😍 出面啲蝦真係好大隻！ 而且食落好彈牙好鮮甜！任燒海鮮梗係燒盡佢！印象中食左超多海鮮🙈🦐🦞🦪🐙🦑🐟 都有食到肉例如羊排、雞全翼等等 選擇真係好豐富 下晝去都好多人 如果夜晚應該爆曬🙈

Bookmark左呢間燒大頭蝦既餐廳好耐，但一直就唔到時間。今次終於約到朋友一齊去食。🔎食物一入座，職員已經準備左幾隻大頭蝦同一兜蒜蓉大頭蝦係爐上面燒緊。燒緊既時候，我地已經拎左枱面嗰桶出去夾冰，準備用黎凍暈岩岩夾上黎既大頭蝦，因為大頭蝦一夾上黎，要即刻放佢入冰水，凍暈佢先放上爐燒，如果唔係，佢會係咁跳黎跳去。另外，仲會每人送一串鱔俾我地燒，呢個超級好味，皮脆肉嫩，可惜有少少骨，但整體味道同口感一流，私心推薦❤️。但呢個鱔每人只有一串，無得再加😭😭😭除左大頭蝦，出面都仲有幾款海鮮同肉類可以揀黎燒。個人覺得燒大頭蝦比較好食，大頭蝦好多膏，而其他海鮮同肉類就正常。飲品方面都係任飲，有汽水同茶類等大路野。🔎價錢我同朋友因為大家都得閒，所以揀左食17:00-19:15，價錢係：$328(有88折)，計埋加一，人均消費：$321.5。有興趣知價錢👇🏻

聞名已久嘅蝦蝦燒，上網訂左位去到唔駛等就有得食，咁啱安排左近門口位置方便取食物。一坐低已經送上鰻魚同一盒鍚紙盒裝住嘅蒜蓉蝦呢盒蒜蓉蝦明顯唔太新鮮鰻魚就一般喇出去自已夾D大頭蝦新鮮好多，不過始終係淡水蝦，唔夠鮮味D貝類就真係好出色，全晚最好食係大大隻嘅馬刀貝同貴妃蚌，可惜馬刀貝只係出左一輪，扇貝同生蠔都好鮮味見之前嘅食評有大眼雞，可惜今晚全晚都唔見蹤影肉類都好多選擇，又有好多唔同嘅蔬菜力推蒜蓉法包熟食涼佯青瓜好開胃，可惜旁變嘅滷味係酸左嘅整體而言，間店係幾好食嘅

我同朋友都期待左今晚既蝦蝦燒好耐，因為呢度有得自己夾新鮮生猛游緊水嘅蝦然後攞去燒平日收費都只係 $328＋10%幾乎所有嘅座位旁邊都有水缸俾大家夾下，而且蝦嘅數量都好多，唔使驚話會俾人夾晒冇得食其他食材就會出去自助區到自己夾，要回本嘅話當然就要食海鮮啦，海鮮嘅選擇都好多，有鮑魚、扇貝、大顯、原條鮮魚、花螺等等而且全部都係新鮮並非雪藏嘅海鮮， 仲有專人已經洗乾淨晒，所以可以放心食用除咗以上嘅海鮮之外，仲有好多唔同類型嘅肉類同蔬菜， 選擇非常多而枱面都有唔同嘅調味粉， 食串燒類又點可以少得孜然粉， 可以按自己嘅喜好調味而家入座每一位仲會送蟶子王1隻同埋白鱔1串， 個白鱔燒到個皮脆卜卜，而且個醬汁醃得好好味最後唔少得嘅就梗係雪糕任食，有好多種唔同嘅味道，配料區仲有窩夫，整個雪糕窩夫就啱晒

疫情下，冇得去旅行，好想感受一下泰國風情，就要去呢一間啦！舖頭最出名喺流水蝦，可以即時撈起新鮮蝦，即時燒。仲要係大頭蝦，隻隻新鮮！好味指數:⭐️⭐️⭐️/5粒滿分除此之外，仲有好多海鮮任食任拎，非常推介帶子，超級新鮮，超級好味道！完全冇冰鮮味，我自己一個都食咗10隻！記得加蒜蓉一齊燒！帶子好味指數:⭐️⭐️⭐️⭐️⭐️/5粒滿分鮑魚超級好味，好新鮮，超級彈牙！點豉油可以提升鮮味！鮑魚好味指數:⭐️⭐️⭐️⭐️⭐️/5粒滿分另外冰櫃入邊仲有好多肉類同蔬菜類俾大家任食，款式豐富，我個人好推介菠蘿，記得燒耐少少，令到菠蘿味更加濃郁！菠蘿好味指數:⭐️⭐️⭐️⭐️⭐️/5粒滿分

同朋友經過佐敦都會見到一個名好有趣既店就係叫 蝦蝦燒我諗應該同燒字有關係所以就上左去試啦了解完之後原來係用座位燒爐香港好似都冇咩地方有，比較新奇去烹調水缸既海蝦又方便又可以有夾蝦樂趣即夾即燒 可以保留蝦新鮮佢地既Size都大大隻隔住玻璃都見到好多蝦膏 燒完更加有甘甜味道真係好滿足自助區都有唔少食物海鮮類：鮑魚，扇貝，蠔都係新鮮拎出嚟想燒腸仔 菠蘿 牛肉都可以有得選擇唔使只係食蝦咁單調限時入面可以任夾任食享受下即夾即燒嘅樂趣啦！

聽同事講依間蝦蝦燒幾好食今晚就同朋友去試吓平日夜晚$328加一任食兩個半鐘聽落好似唔算好平但係見到佢任拎嘅海鮮區就覺得係物超所值除咗最出名既流水蝦仲有蠔、鮑魚、扇貝、大花甲蜆、螺同埋原隻魷魚等等除左海鮮仲有其他平時燒烤會有既肉類丸類蔬菜法包燒烤爐唔算好大但好在有兩層同埋熱力都好夠所以燒起上黎好快餐廳會提供冰桶同鉗去夾蝦D 蝦都算幾生猛夾起上黎小心會彈走蝦既肉質爽口但比較淡味每枱有提供少量調味粉亦都會送每人一條蟶子同鰻魚串蟶子厚肉彈呀，鰻魚燒得惹味另外比較推薦係鮑魚同扇貝鮑魚食落好爽口彈牙扇貝都算大粒同幾有鮮味燒菠蘿同蒜蓉包亦都唔錯兩個半鐘都幾夠時間食如果得個半鐘就真係會唔夠時間整體食物質素唔錯，值得一試

疫情都一段時間，有時候都想食吓唔同類型嘅餐廳，這裡就係一個幾特別嘅選擇，一個價錢有海鮮同不同肉類都可以任飲任食之餘，還有肥美嘅新鮮游水大蝦任捉來燒，絕對係一個任飲任食好地方！餐廳位置都算就腳，佐敦站C2出口行過去就見到個大招牌，而上一層樓梯就係餐廳，見到個海鮮吧，店員不停將清洗乾淨新鮮嘅海鮮放在冰上保持新鮮，有魚、生蠔、螺、花甲、扇貝等海鮮，望見都已經覺得超值！另外旁邊凍櫃亦放滿了不同已調味之食物，坐下後利用枱上嘅碟出去即走一轉燒海鮮，現在每人會送上一串厚身肥美嘅鰻魚，同埋蟶子，用個電爐上下一齊燒！而每枱預設都有份錫紙蒜蓉大蝦，出去取食物時就放埋上去燒，隻隻都十分彈牙入味！今晚同朋友一齊食，他主打大大隻嘅扇貝，在出面自取牛油同蒜蓉，放在扇貝上一齊燒一陣，香濃蒜味撲鼻而出，入口軟熟嫩滑，正！而生猛嘅大蝦經冰凍嘅水浸暈後先放上電爐燒，隻隻都乖乖咁燒 熟，在上面撒了少少調味，蝦肉十分爽口彈牙，蝦頭充滿蝦膏，今晚位置不是在流水蝦嘅水箱旁，要出去捉蝦，但勝在唔先前後迫，當然要走多幾轉！而肉類主打牛，金菇肥牛卷，一串兩件，火力夠，轉兩轉就可以入口，還有紅腸、漢堡扒，真係除了海鮮外又係另一個選擇！飲

朋友推介佐敦呢間蝦蝦燒好好味😋今晚一於約埋幾個朋友一齊去試吓👯‍♀️海鮮區有多款新鮮 海鮮都係任食包括蠔、鮑魚、扇貝、大花甲、蜆、螺等等當然唔少得主角流水蝦啦🦐🦐新鮮生猛蝦🦐夾完之後即刻放入冰筒用啲冰整暈隻蝦 就可以放上去烤爐燒！新鮮蝦🦐肉質爽口 自己加調味料 我就最鍾意孜然味另外餐廳會送上各人一盤海鮮🦞蟶子、鰻魚、鮑魚、扇貝👍🏻超級推介鰻魚串 非常厚肉 啖啖肉而且燒到個皮脆脆地 好好味😋蟶子厚肉彈牙 加上蒜蓉燒 味道一流🤤鮑魚口感爽口彈牙 放上去嘅時候仲識郁 真係好新鮮呀！另外推介蒜蓉包同窩夫🧇燒到脆卜卜 真係好好味窩夫上面仲可以放雪糕各款嘅食物質素都唔錯 真係值得一試

經朋友介紹,今日嚟到依間佐敦嘅蝦蝦燒. 睇完相以為要自己釣? 不用怕, 其實每張台旁邊已經有一個魚缸,輕輕一夾就可以拿上來. 溫馨提示:記得夾前要攞定冰, 凍死佢地, 唔係佢地會不停跳動. 一出到自助區令我大吃一驚! 鮑魚和蠔竟然係任食. 還有好多款海鮮. 仲有已煮熟既椒鹽蝦, 其實一般烤肉放題既食材都應有盡有,我就不多講了! 放題一共有兩個多小時, 所以不用趕, 可以慢慢燒. 主角蝦係來流水蝦係來自泰國和越南, 每隻都好肥美新鮮, 值得一提的還有羊架, “葉”得好入味. 環境方面, 場地有6,000尺, 每張台間隔充足, 不會覺得逼夾

一入門口就已經見到長長的水缸, 入面放左好多相當活潑的大頭蝦走黎走去, 見到有一個食客好熟練咁將蝦夾落個鐵桶度, 未食已經好期待!!😍😍第一次食流水蝦, 依家先知原來真係有個水缸係旁邊俾客人自己夾上黎燒! 一入坐店員已溫馨提示要係水桶放冰同水, 等夾上黎的新鮮蝦凍暈左先燒。準備好凍水即刻試下夾蝦, 原來睇落容易夾落都幾難! 因為每隻蝦都好生猛!!一夾就走, 仲識倒後行, 夾起既時候左彈到隔離枱, 最好笑係隔離枱見我地夾唔到仲出手一齊夾, 真係好好玩!!係整暈D蝦的時間出左去揀野食, 一出去就俾佢個海鮮位吸引左!!超級多鮑魚, 扇貝, 螺, 仲有魚俾你夾!除左海鮮仲有好多肉類串燒,蔬菜串同熟食任食, 我地為左留肚食海鮮, 只係試左雞翼, 茄子同菠蘿。如果係食肉獸相信依度都可以滿足到你, 因為每枱都放有4款調味粉, 雞翼同茄子我地都放題咁落左好多調味粉落去, 成品同出面串燒檔差唔多, 超好食! 講到食肉不得不提佢的啤酒係任飲的!!串燒加啤酒真係絕配。另外每張枱一入座已經放左每人一串厚肉大鱔, 不得不說條鱔超級好食仲好彈牙!!飲飽食醉之後就係甜品時間 – 雪糕! 雪糕都有好多特別的味道選擇,

坐落佐敦6千幾呎嘅蝦蝦燒早已聽聞，今次終於有時間嚟試下！一入去果然空間十足，有好幾個流水蝦缸等緊大家🤣 另外亦有熟食區同串燒凍櫃以及飲品區（啤酒任飲架😏）等緊大家。進場時員工已經開定爐，燒緊幾隻蝦同一盒蒜蓉蝦比客人，然後介紹夾蝦既流程同方法，都真係幾貼心😇☺️大頭蝦極度生猛🦐，爭d夾佢地唔住😂夾起後浸冰水凍暈佢之後再燒，好在用餐時間2.5小時，可以慢慢嚟❤️ 大頭蝦肉質彈牙又多蝦膏，勁鮮甜❤️當然唔只食蝦咁單調啦，場內仲有多款海鮮，例如大眼雞，螺，生蠔，蜆，扇貝等等。岩晒仲意食海鮮嘅我😍不得不提入場時送嘅大鱔，每人有一串，燒完之後皮脆肉厚又惹味，真係勁想Encore 多次😍😍😍

即夾既燒流水蝦食到大家笑哈哈！一入到餐廳已經見到有好多條流水蝦水道等緊我哋啦，枱同枱之間都好闊落完全唔使擔心好迫！職員都好好咁已經幫我哋預備左燒蝦同另外一款蒜蓉焗蝦，一坐低就可以食亦都好細心同我哋講解流程！流水蝦水道係個位嘅隔離，方便大家即夾即燒！每一隻都非常生猛、大隻，簡直就係啖啖肉！每一台客人餐廳都會送返一條大鱔，呢條大鱔不得了，唔單止厚肉仲非常新鮮，肉質爽口彈牙！大家唔需要擔心呢間餐廳剩係得蝦可以食，餐廳仲提供咗好多款嘅串燒同海鮮(鮑魚扇貝生蠔等等)比大家選擇！而且串燒更加包括蔬菜肉類，多達10幾款總有一款你會鍾意！呢間餐廳最適合一家大細或者同一大班朋友過嚟一齊食一齊玩，一解冇得去泰國既相思之苦！

夜晚黎到蝦蝦燒，見到每個缸都好多生猛嘅蝦，有啲仲要有膏，真係好開心。入到黎，幾乎座無虛席，好在我地事前有訂枱姐。介紹返，如果夾海鮮，我會介紹夾蜆，燒到開殼就食得，唔使額外調味，佢自帶海水味，已經係最上好嘅調味料，食出鮮味。另外，佢地提供嘅鰻魚同鮑魚都係好高質，只要好好睇住時間，唔好燒太耐，基本上都會好好食，鰻魚個塊皮係煙韌，而肉質係保證到彈性。肉類方面，我個人好鍾意牛仔骨同羊架，因為呢兩者嘅油脂好岩呢個爐去燒，愈燒愈香，再加些少調味，就已經可以有串燒店嘅質素。甜食方面，佢有雪糕拎，我會推薦大家試一個食法，就係將雪糕擺上燒好左嘅窩夫，個冰火感覺係正。蒜蓉包都唔好錯過，香脆可口。呢間店食極都唔會悶，因為食材新鮮，種類豐富，真係大人細路都岩食。

可以在香港食玩流水蝦都幾開心！朋友6人見到有77折午市所以來，好彩我們分開2枱，如果同坐真的吃不飽……場地真的很大，但燒爐好細有熟食，有串燒肉類在雪櫃……有司華力腸，雞皮，多春魚，牛柳粒……紫薯……自取海鮮區好吸引：蠔，元貝，鮑魚，大蜆……雪櫃飲品自取，應有盡有感覺魚缸內大頭蝦很多，由入門口伸延至裏面座位。每枱燒烤爐細細個，如果燒肉會選擇下面，但海鮮類因為有壳，放不到很多，所以用在燒的時間不少。2個半小時，對我們來說比較不足因為我們比較喜歡燒海鮮，上面如果放燒蠔只能放到6-8隻……放鮑魚約8隻……放元貝4隻已經沒位……平均海鮮類每樣食物快極都燒5-7分鐘左右，如果有殼要15分鐘。初初捉蝦有點難，水都灑到枱上臉上後來比較熟練，夾多隻放冰桶整暈。蝦肉真的很彈牙，圓碌碌好大隻。比較驚喜每人送了1串厚鰻魚，燒好後超級好吃，啖啖肉。完全沒時間影相，全程忙於吃……有盒錫紙焗牛油大頭蝦提供。每人有1隻聖子，1隻不知什麼貝類燒蠔都結冰，燒熱倒走d水，再加蒜蓉繼續燒就好好味！由於時間真的很趕，我只影了1次相，就忙到時間到……停手停口每次去取食物帶回口罩，枱子不太，盤子不大，取海鮮款要走幾次。因為有幾大件