蝦蝦燒

營業中

休息中

BBQ 其實可以嘆住冷氣慢慢燒，正👍🏻人客入坐已見十多隻蝦上架燒緊，坐低一陣就有得食，好窩心🥰🥰例行檢視一下，嘩！形形式式嘅海鮮，鮑魚、帶子、元貝、三文魚鮫、一條條嘅魚⋯⋯牛丸、墨丸、火腿丸⋯⋯豬、牛、羊、雞、牛仔骨都有、飲品櫃大過7-11，啤酒都有好幾款任飲👏🏻👏🏻自己捉蝦好刺激緊張，先凍暈才可放爐上燒，每樣海鮮都好新鮮，食材擺放整齊清潔，食得相當安心！雪糕、雪條都有好多款，總有幾款啱口味😍😍二個半小時，任飲任食，不停吹水！一樂也😋😋

位於荃灣大鴻輝全層 位置寬躺 任飲任食2.5小時✨海鮮位置旁邊有個養蝦嘅水缸 可以自己動手夾蝦 佢哋都好生猛 夾嘅時候都幾刺激😂 每位送鱔串一條 好肥厚 肉質鮮嫩無細骨 😋海鮮檔多款貴價食材 有十款左右 扇貝幾大隻 蟹多肉 鮑魚彈牙 蠔新鮮無腥味 貴妃蚌幾鮮甜 推薦主攻海鮮回本菜 食左好多轉😆✨串燒區另外自位區有50多款串燒 有肉類、丸類、菜類 肉類加上孜然粉好惹味 推薦翠玉瓜 白蘑菇 燒烤特別好食🤭✨酒精、無酒精飲品及甜品有各款汽水、茶 啤酒 韓國燒酒 不用加錢 啱晒酒鬼🤭 甜品有多款杯裝雪糕 整體性價比高 爐仔細細個但係分兩層 食物都好快熟 好適合約埋三五知己 有得玩有得食 重有得打卡😬😬分時段收費 晚市收費如下：👉🏻星期一至四 成人$348/位 小童$198/位 👉🏻星期五至日 公眾假期及前夕 成人$378/位 小童$228/位🍽️ 蝦蝦燒 #荃灣sis📍 荃灣眾安街55號大鴻輝(荃灣)中心11樓

今日見五一假期，同小朋友去試下香港的蝦蝦燒 ～ 流水蝦 + 海鮮 + 串燒自助午餐，一入去的接待都十分有善，小朋友是計高度收己，我仔掛住玩，基本都無乜點食嘢，感覺有啲浪費，不過唔係成日食，就算啦海鮮方面都算不錯，鮑魚，帶子，貴妃螃那些都不錯，但第一轉餐廳替我們預備啲蝦，就鹹咗啲，魷魚都係。。。不過其他食物都算多選擇，飲品種類都多，價錢包埋有酒任飲，覺得還可以，如果午餐時有折扣就合算啲，同埋今日唔算多人，幾好坐服務員都快手快腳，食了一個鐘左右要埋單先，最後半小時再溫馨提示基本用餐都愉快！

放題真係令人非常興奮，唔需要再將就個價錢，食到肚皮脹卜卜咁樣確係非常幸福。🤪而家嘅放題店講求款式多選擇多，不過今次發掘到蝦蝦燒呢一度更加係海鮮愛好者嘅福音。😚實現真正嘅海鮮自由，呢度環境非常闊落。周圍都佈滿左一剛剛嘅活蝦以及喺自助吧，見到源源不絕嘅新鮮海鮮。🤤叫得蝦蝦燒當然主打嘅就係佢哋嘅蝦，🦐喺水入面見佢哋係一層淺藍色，佢哋幼長嘅螯亦都係一大特徵。🦐夾嘅時候都要小心比佢哋生猛嘅身體抖動易整濕自己。🦐呢一款嘅蝦，因為係新鮮自己燒，同樣都係肉質結實，味道上就稍為清淡少少，所以就非常需要靠調味料架所見灑上自己鍾意嘅口味。 🦐有辣椒粉有孜然粉，經典嘅燒烤風味。🦐之後出到去海鮮區就絕對令人非常驚嘆。🐚有帶子有蠔有鮑魚有貴妃蚌仲有一系列嘅原條鮮魚，🐚源源不絕咁樣供應，確保食到滿足先好離開🐚以我自己當然最鍾意就係佢哋嘅帶子，🤍新鮮切開殼，露出潔白嘅帶子肉同埋肥美嘅膏，燒嘅時候就可以放下層避免個殼燒到裂開。🤍最緊要配埋牛油同埋蒜蓉，燒完之後，變得更加緊致，大大嚿膏，又鮮甜又軟滑實在令人難以抗拒，🤍帶子肉亦都係千絲萬縷，同樣原味或者加埋調味料咁樣食都可以得到一樣嘅新鮮🤍至於鮑魚，🩵都係另外一個搶手貨，

#推介‼️ 流水大頭蝦，時令海鮮mix燒烤，仲有估你唔到既各款新鮮海鮮配搭，好食又好玩，一開始店員會耐心講解，將捉起既大頭蝦放入冰桶令到佢乖乖訓覺，就可以燒架喇🦐 餐廳採用自助型式，海鮮區真係好多選擇牙😍懶懶地可以選擇熟食區，有大頭蝦配西蘭花、醉酒浸大頭蝦，不妨試試唔同煮法嘅大頭蝦，旁邊嘅雪櫃仲有大量已經串好咗嘅海鮮肉類任君選擇，羊架、羊肉串、菠蘿、魷魚、大雞翼....多到你食唔完❣️七點半左右全場就已經爆滿，有興趣嘅朋友可以預先訂位☺️🟡🟡🟡🟡🟡🟡🟡🟡🟡🟡🟡🟡🟡🟡🍔 蝦蝦燒📍佐敦白加士街10-24號永富大廈1樓

平時喺燒烤店就食得唔少蝦，但自己捉完即刻燒嘅都係第一次🤣 呢間位於佐敦嘅餐廳主打海鮮燒烤，特別之處在於每枱之間有個放滿流水蝦嘅魚缸，俾客人體驗夾蝦嘅樂趣，又玩得又食得，好推介大家過嚟試吓💖自助燒烤放題包2.5小時任食任飲，坐低後店員會先講解夾蝦同燒烤技巧，另外個爐上面已經放咗10幾隻醃好咗嘅蝦，食完唔夠喉就可以自己再夾～ 先講講主角流水蝦，有啲瞓咗覺，有啲就超級生猛，大大隻未食已經流晒口水🤤 肉質爽口彈牙，新鮮又鮮甜，唔使落調味粉都已經好好食海鮮類有好多選擇，生蠔、鮑魚、沙白、扇貝等等，估唔到仲有原條魚可以燒，外脆內嫩，唔腥，必點之選！整體嚟講都清潔得幾乾淨，而且會不斷refill，就算滿座都唔洗話要同人出去爭🤣 旁邊亦有調味粉、牛油、蒜蓉等，可按個人喜好烹飪食材，唔錯唔錯👍🏻第二邊有多款肉類、丸子同蔬菜，肚餓嘅話仲可以攞出邊嘅熟食頂住先，味道就正常發揮，不過一場嚟到建議都係留肚食海鮮啦～ 飲品方面都有幾個大櫃，值得一讚嘅係有得任飲啤酒，仲有香港品牌嘅雪糕杯，甜鹹交配，回本機會大大提升😃 時間鬆動，唔會燒到手腳唔停，會encore～

朋友約左我黎呢間 "蝦蝦燒"，流水蝦燒烤我真係頭一次試，即夾即燒新鮮生猛既大頭蝦食過夠。朋友食過，駕輕就熟，一夾起放冰桶，蝦凍暈左，就燒得。唔止大頭蝦架，仲有超多野食。不得不提，每個人都會送一串超肥美嘅白鱔，白鱔超juicy，好肥美，食到我舐舐脷。出去行過圈先，仲有熟食區添，有韭菜豬紅、西蘭花、煎餃子，仲有啲涼拌。⭐️海鮮類 海鮮樣樣都超新鮮，蜆、扇貝、帆立貝、蠔、大眼雞。🤤其實專攻海鮮已經好夠食，加埋蒜蓉，牛油，葱，辣椒去燒，更加惹味。⭐️肉類選擇太多，我都試唔哂。幾鐘意雞翼、牛仔骨，朋友話羊架都好正，可惜我已經食海鮮食到好飽。幾得意呢度仲可以淥野食👍點少得甜品，兩櫃雪櫃任你食🍨🍨兩層爐都好夠做，兩個半鐘食到棒住肚走。

蝦蝦海鮮串燒放題🤩 餐廳主打2.5小時任飲任食新鮮流水蝦、海鮮、串燒燒烤 環境超大好闊落 係一個大型自助BBQ嘅地方 價錢每位$348起 仲做緊八折優惠🫣====所有食材都係出面自助區攞 衛生企理 選擇都好多 ᪥ 肉類肉類都經過調味 都有好多選擇 ᪥ 丸類᪥ 野菜類᪥ 海鮮類除咗蝦 仲有蠔、扇貝、沙白蜆、鮑魚、原條魚～ 任揀任攞🤫 ᪥ 飲品區᪥ 醬料區᪥ 雪糕而枱隔離就有原缸活蝦可以自己夾～====所有嘅海鮮都好新鮮🙈 鍾意食海鮮嘅唔好錯過！不過食完個身好大陣BBQ味🤣

本來對今次用餐都有期望，始終標榜新鮮蝦，但由於個爐唔熱，我完全無食飽就走。然後食物選擇不是很多。我係openrice訂咗檯出席埋都可以話我缺席。但都有值得讚，就係服務員態度OK。

今日朋友推薦帶咗我去呢間專食海鮮同蝦嘅大型bbq串燒場buffet 可以食到好多唔同種類嘅bbQ美食 而室內環境又大又舒服 仲正過傳統圍爐BBQ😆 首先店員幫我哋捉咗好多隻蝦，仲送咗兩條鰻魚俾我哋燒，燒嘅同時就可以出去攞嘢食出面有好多唔同嘢食攞，牛豬雞串燒、菜類、菇類、就連海鮮都係任攞！除咗燒嘅嘢食，仲有部份熟食、野飲同雪糕！真係好多選擇😄嘢食嘅質素都唔錯，海鮮好新鮮，好味道！而且時間仲有兩個半鐘，慢慢燒唔使急😀

🌕Hello我係Moon🌕好耐都冇食燒烤嘅嘢啦！係☺️時候為自己安排一餐放縱餐！😆每次想食室內燒烤嘅時候，都會諗起佐敦依一間！😍雖然佢哋嘅餐廳名叫蝦蝦燒，🤭但係依間餐廳又點會止係得蝦呢？😎一早打電話訂咗枱，所以好快就有得坐啦！😙呢度嘅環境真係好大，☺️食物選擇依然都係咁多，😌有好多肉類串燒同埋蔬菜類，😆當然唔少得海鮮啦！🤭全部都係自助嘅！😙任拎任食！🤪坐低咗，之後就會有店員為我哋預備用鹽醃過嘅蝦，😋唔夠食嘅話，😛當然可以自己夾啦！🥳一邊燒嘢食，一邊夾新鮮嘅蝦，😏真係好好玩！🤩海鮮真係好新鮮，😤特別係鮑魚同埋扇貝！😎呢度嘅服務態度比以前更加好，😏我哋拎咗鮑魚返埋位之後有店員幫我哋剪鮑魚殼，🤭令我哋燒嘅時候更加方便同埋食得更輕鬆😎肉類嘅部份我就好鍾意呢度嘅羊肉同埋牛仔骨，😝我都拎咗好多牛仔骨！🤤真係牛肉味好濃！😜如果想串燒嘅話，😙推薦大家拎雞翼同埋排骨串，😌都係啖啖肉，仲好好味！😋如果想食啲粉面嘅話，🤣都可以去到自助區！😜可以自己淥返一碗麵條！🤪去到尾聲嘅時候，唔可以錯過依度嘅雪糕！😍有唔同款嘅口味，仲有雪條啊！🥰🌕最後MoonMoon真係好滿意呢度，有咁多款嘅海鮮肉類蔬菜類任食，兩個半鐘真係

如果你是一位海鮮愛好者，那麼你絕對不能錯過位於佐敦白加士街的永富大廈1樓的蝦蝦燒。這家餐廳提供海鮮放題任食，可以品嚐到各式各樣的新鮮海鮮，包括蝦、扇貝、鮑魚、生蠔等等，其中最受歡迎的當屬活蝦燒烤。首先，讓我們來談一下蝦蝦燒的環境和服務。餐廳的環境非常寬敞明亮，桌椅也十分整潔舒適，讓人感到非常舒適。服務員態度親切，經驗豐富，能夠為客人提供良好的服務體驗接著，我們來談談餐廳的菜品。蝦蝦燒的海鮮選擇非常豐富，包括了各種類型的海鮮，而且每一種都非常新鮮。其中最受歡迎的當屬活蝦燒烤，這裡提供的活蝦非常新鮮，肉質鮮嫩，口感極佳。此外，鮮味十足的扇貝也是一道不容錯過的美食，每一口都能夠讓人感受到海鮮的鮮甜。鮑魚、生蠔等也都非常美味，讓人口感滿足。

鍾意食海鮮嘅我 經常嚟幫襯呢間位於佐敦白加士街嘅蝦蝦燒晚餐時間嚟到人唔太多，不過建議都預先book位被安排咗坐喺隔離有流中蝦道嘅餐枱 睇住啲蝦游嚟游去真係食指大動一隻隻新鮮嘅大頭蝦燒完之後 除咗甘香味美嘅蝦頭膏之外，肉質都非常鮮甜 夠晒爽口彈牙出邊嘅海鮮 仲有非常巨型嘅元貝 蠔 紅衫魚 鮑魚等等 可以任食任拎我就最鍾意扇貝啦 加埋蒜蓉牛油落去燒 超級好食，鮮味十足除此之外仲有唔少嘅燒烤配料 可以自取回本之選，當然係牛仔骨 羊架等等嘅貴價食材，加上孜然粉 胡椒等等嘅調味料就更加好味啦最後做有可以任食雪糕燒窩夫等等 大滿足

放工同事們帶我嚟蝦蝦燒食飯，佢話有得玩，又有得食，果然食得好開心。餐廳以工業風格裝修，令人有輕鬆感～$348任食任飲，燒烤、熟食、啤酒🍻、汽水、雪糕🍦通通放題～。我哋嘅回本攻略，就係集中燒海鮮，有活大頭蝦🦐、鮑魚，扇貝、帶子，魚🐟等等；自已活捉大頭蝦，我哋鍾意食蝦膏，主力捉有膏嘅，鹽燒活大頭蝦，口感鹹香彈牙，好滋味，我食咗好多隻😆。燒蠔🦪，都幾大隻。燒扇貝加入牛油🧈及蒜蓉🧄，好香口。燒魚，成條燒，都係第一次。燒白鱔，啖啖肉。雪糕很很多種口味。我哋食咗2.5個小時，個個都飽飽🤰🤭。

佐敦白加士街蝦蝦燒任食任飲2.5小時$348-$378有流水蝦+海鮮+串燒燒烤嘆住冷氣食串燒都幾爽皮😆嘩啲蝦好生猛！一陣又要開工啦！可能餐廳驚我哋肚餓，所以一早已經準備咗啲鹽燒蝦比我哋，一坐低即刻可以開餐🤤食完啲鹽燒蝦，即刻開工捉番啲流水蝦燒先。嘩蝦頭仲有好大舊膏😍蝦肉彈牙爽口，即捉即燒果然夠哂新鮮好食😋每位客人都會加送一串厚切大鱔。燒到佢外皮卜卜脆食落啖啖肉真係大滿足如果唔夠喉店員話可以加$20再追加多串。再燒吓啲扇貝、鮑魚、魷魚同大眼雞魚先呢啲海鮮全部可以係出面任攞。啲魚好鮮甜😋食埋兩杯雪糕都差不多啦！