蝦仔記粉麵

營業中

休息中

鋪面 價錢清晰 有好多款簡有套餐優惠 超抵有麵 菜 飲品支裝吾洗加錢罐裝加一蚊台面上有辣油個辣油應該係秘製同出邊既好吾同 有啲似XO醬 好香牛腩河 湯底好飲 冇乜味精河粉吾會一夾就散牛腩就有啲硬 冇咁好食雲吞河 雲吞內有豬肉 有蝦大大粒 皮簿 肉多河粉不易碎配上青蔥

大前日(27-10-2013 Sun)同男友食完早餐後,同佢去深水埗整o野,整完後要去買餸喇,咁o岩都已經係1點幾,男友話要食晏.佢帶我o黎呢間好平,我次次都冇緣幫襯o既呢間,o黎到時都接近兩點,但都幾乎full,又咁o岩有張卡位.男友話呢間牛腩好正,好夠味,佢叫個$23.00o既牛腩飯,問可唔可以多筋,店員話可以,然後加$2.00要凍檸茶,再要$10.00o既芥蘭.好快,所有o野都到o黎,碟飯跟埋碗滾熱辣o既大地魚湯.好,食得.碟飯份量都唔算少,而牛筋多到好似變o左牛筋飯咁 ,但啲飯睇見就覺得好乾.食吓先,牛筋好腍同入味,牛腩好瘦但我覺得唔夠腍,而飯呢?如我所料係太乾,所以我要加大地魚湯食.大地魚湯味道好濃,唔係好覺有味精.芥蘭份量都唔算少,一啲苦味都冇,軟硬度適中.而凍檸茶呢,唔知係咪已經好少飲,一飲落去覺得茶味好夠,好好味.老實,$23.00一碟飯餐,繼北河燒臘飯店後同樣份量唔少o既,一樣係咁難得.環境:舊式店舖一間,冇問題啦,唔係就做唔到咁平,造福街坊o架喇.服務:都唔差,幾有禮貌.

經常經過這店門口只是好多時係去搭巴士,沒有時間一訪,剛巧這天同太座在附近找些東西吃, 便想到有這麼的一間粉麵檔,我們叫了同樣的超抵食粉麵套餐, 一個是魚蛋米線, 另一個是云吞麵,太座話魚蛋都OK但我個雲吞就有隻蝦加豬肉碎 唔太似食緊雲吞, 不過個生麵脫梘水脫得縛乾淨下一D梘水味都唔覺, 最底食係個油菜, 好大碟完全唔似食緊套餐, 焯得啱啱好, 水準之作, 奶茶就一般啦, 客人大部份都是深水埗區街坊, 草根的一群, 而由於價錢夠草根, 客人絡繹不絕, 雖說現在茶餐廳橫行但用良心經營的小店仍然有生存空間, 希望這種能體諒客人的草根食店能伸展開去, 令手頭並不充裕的可以得一餐溫飽

多次經過這小店都無緣試食, 因為信心不大.今天因為車子泊得遠, 辦完事之後沒太多時間吃午餐, 便姑且一試.下午兩點幾, 店內只有幾個客, 店員也懶洋洋, 可能是一家幾口來的. 所供應的都是大路貨色.叫阿姐寫了一個豬手撈麵, 廿元. 價錢算是便宜的.沒幾個客的廚房郤花了十多分鐘才有得食. 慢得嚇死人!一看那碟麵更加嚇死人, 細細碟上只有兩小塊豬手, 好彩麵不算少, 還有幾片生菜葉.豬手份量之少, 我認為已經有資格破香港紀錄!一試麵, 郤不錯, 味道好, 夠爽滑, 豬手的味道也算是好的, 要慢慢品嘗.附上的湯也交足貨, 不是味精水那麼簡單.三扖兩撥之後要飛奔去取車, 否則可能加多味牛肉乾.這店以後也不會再幫襯了.