蝦仔記粉麵

營業中

休息中

記得呢間雲吞麵舖已經喺深水埗好多年，以前都幫襯過，今日出開深水埗買數據卡，順便去食個lunch。午飯時間，店舖基本上都坐滿，要等一陣先有位。舖頭面積唔大，因為做街方生意，都預咗一定要搭枱。套餐好抵，一碗麵+飲品+菜先$40。今時今日，其他地方食一碗麵可能都唔止呢個價錢。今次叫咗碗雙拼麵（雲吞牛筋河多蔥）+凍飲，雲吞有三粒，咬開見到大大隻蝦，口感好滿足。而牛筋都整得好淋👍🏻 如果唔係要求店舖要有裝修，好舒適的話，呢間總括嚟講，性價比都高的。

呢間粉麵檔幫襯左年幾，多數叫外賣，今次真係好離譜，叫牛筋米粉得兩條牛筋仔，其他全部牛腩，下次唔會再幫襯！之前叫牛筋，都是會夾雜好多牛腩，只係今次特別離譜先分享出來😓

蝦仔記嘅淨雲吞真係好正啊！佢嘅湯底好清新，雲吞就夠鮮美，令人一食就愛上。蝦仔記嘅淨雲吞湯底好特別，佢唔係用豬骨或者雞骨熬啊，而係用蝦頭煮嘅！呢個方法煮出嚟嘅湯底好鮮甜，而且帶啲蝦味，好開胃呀。湯底都唔會太濃烈，仲保留住啲清新嘅口感，真係好好飲。雲吞方面，佢哋係蝦仔記自家製嘅，好新鮮，有啲手工嘅感覺。雲吞皮唔厚唔薄，啱啱好咬，入口即化，真係好正啊！雲吞裏面有啲肉，啲蝦，啲鮮味都好豐富，食落去真係好爽口，好滋味。淨食都係25蚊乍。如果你去蝦仔記食淨雲吞，仲可以試下佢哋既牛腩同埋水餃，都係招牌好好食。我自己覺得價錢親民性價比又高，基本上我哋屋企一個月有食到5/6次。我家大人最中意消夜食佢，貪佢又平又抵食。

去依家蝦仔嘅買外賣已經幫襯咗一年有多,每次我都只會叫淨雲吞奶茶外賣,一星期最少兩次,買到個阿姐都會曉講係咪照舊.睇我幫襯呢段時間佢曾經有一次將我嘅照舊變成水餃返到屋企先知,話返畀佢聽佢話可能搞錯都算啦,今次即場照舊搞錯咗雲吞麵奶茶,本來有另一個阿姐拎去換,但係落單個阿姐即刻去拎住袋嘢拎返出嚟話:"唔換,係你自己叫錯,係你自己叫雲吞麵奶茶．"請問佢問我係咪照舊,我答係,何來有雲吞麵呢個字之後都唔會再幫襯佢啦

套餐只需$36就有粉麵、油菜及凍飲，而油菜就有5款菜畀你揀。我最鍾意食雲吞/水餃河加腩汁，味道清清地得來又有肉汁味。麵都爽口而又無乜梘水味。服務態度又好，總而言之性價比高，抵食。

女朋友好鐘意食牛筋，而我由細到大都係深水埗住，當然要帶佢食下我既飯堂—蝦仔記！我不嬲都食開佢地雲吞麵，$33有雲吞麵+油菜+飲品，平到茶餐咁既價錢，仲要全日供應，真係好抵！唔好以為佢平，份量就會細；絕對唔係！佢有４粒大大粒雲吞，每粒入面都有兩隻爽口大蝦！真係啖啖肉！今次女朋友叫左牛筋撈，都係好大碟，上面鋪滿牛筋，下面除左麵，仲有生菜~牛筋炆到又淋又入味！仲有少少牛腩，Ｄ肉一絲絲唔算肥，女朋友都好鐘意食！支持呢D本地情懷又平又抵食既麵檔！

之前食過水餃同鯪魚球覺得CP值高今次再訪小店，試試佢「招牌雲吞」「招牌雲吞」名列佢個粉麵餸第一位仲寫到明招牌，咁應該好味過上次嘅水餃同鯪魚球啦仲要$23一定要試今次叫雲吞粗麵沒有分湯($23仲想點)，行返屋企要20分鐘我都預啲麵淋㗎啦叫多青有多青抵讚!!!!!!!!$23有4粒大大雲吞算係咁啦~大隻過匙羹每粒都有蝦但唔係每粒雲吞都有咁大隻蝦反而豬肉比例就多沒有筍唔多肥肉感覺幾健康同抵食嘅不過個粗麵同個湯就比較一般粗麵好濃鹼水味，食到一半係感覺到澀食唔落去湯就唔多大地魚味都係一浸鹼水味最後食剩一半麵不過睇返$23有4粒雲吞同麵算不過不失最多下次叫米粉囉~就唔怕鹼水味啦同埋收銀姐姐態度非常好就算做$23生意都非常有禮

帶貓主子去City U vmc覆診，遺棄⋯⋯放低先真⋯⋯主子之後，貓奴就食嘢醫肚，見到另一間雲吞麵full 咗就試吓呢間叫咗碗雲吞河，菜芯熱奶菜首先河粉上枱，湯底唔太厚清清哋唔會好口乾同渴，不過粒雲吞嚿肉就調重手咗鹹咗啲之後菜芯上枱，大細適中唔太多蠔油幾好（好怕食蠔油多過食菜），菜唔太老無渣👍好有「劈柴」感👍👍👍佢杯奶茶係以前試過粉麵檔之中算係幾好嘅一杯，最基本唔苦唔澀，仲有番茶味，唔錯👍埋單三條三，九龍地舖咁嘅水位，算係咁啦⋯⋯細食嘅話分分鐘當一餐👍👍👍

今日午餐又黎試下鮮蝦雲吞，雲吞新鮮包，正😋😋😋另外一定要試佢哋嘅自家製辣椒油，好味😋😋😋凈雲吞$22、加$6有碟油菜，超值👍👍👍我兩樣都加佐腩汁 😋😋😋

俚間粉麵係深水埗荔枝角道丰匯對面，今日午餐經過又黎試下。CP 值超高，好多街坊幫親。套餐$32 包粉麵，油菜同飲品。我今次冇叫嘢飲，收$28.下次可以試下招牌雲吞😋😋😋

店子小小，但是裏面也有不少人在吃麵，幸好，門口的卡位有空位，坐落去就叫了一碗雲吞麵。雲吞麵端來的時候，湯底完全掩蓋了雲吞和麵條，賣相不太吸引。以雲吞麵來說，這兒的湯底不算太熱，味道普通，不算香濃，就是你不會專程再回去吃的那種質素。麵條也不覺得爽彈，非常平庸。有點兒趕時間，盡快吃。想不到，雲吞麵竟然有四大粒雲吞，還算不錯，雲吞裏面有不少豬肉，每一隻都大概有兩隻蝦。雖然不算非常之爽，但是大大隻，還可以。只可惜，第一隻雲吞，就讓我吃到骨😨了，下圖顯示，旁邊就是在雲吞內吃到的骨。環境不太舒適，味道普通，再來的機會甚低。陳大文，就是隨意叫，blind test你吃不出它的特別之處，亦沒有原因令你回頭。

六點鐘嘅時候想食野，但係又唔係好肚餓，所以就想搵魚蛋粉食，見到有幾間都係寫住全日＄20一碗，果然係深水埗真係有平嘢食，去咗呢間試吓。裝修一般，可能食飯時間，都坐左唔少人。難得見到有係鮮牛肉粉面，所以就帶咗一碗牛肉米粉，本來諗住＄20平平哋，牛肉都唔會太多，點知一上到黎，牛肉係差唔多成個麵都係，首先試咗個湯底，幾清甜唔似係味精湯，牛肉不過不失，雖然牛肉味唔係太重，但係軟硬程度啱啱好，米粉都住得剛好。見到佢有個套餐係一碗粉麵+飲品+油菜，都係＄30 ,真係得深水埗先搵到咁平。

我好喜歡吃雲吞餃子，所以不停去試，今天經過深水埗搜尋下有間蝦仔記，所以同家人入去試了，地方不是很華麗但有傳統雲吞舖影子，需然不是大家上傳的16元，但都要一試吧！首先點了我最愛雲吞麵及韮菜餃，餐牌上還有水餃，但已點了兩款餃子所以，家人點了個套餐，加多個紫菜四宝，滿枱都是食物太興奮了 ！雲吞爽口彈牙，好大粒，韮菜餃新鲜，旁邊看見有位大叔吃豬手飯，好大碟，都不是想象中小碟……哈哈，我下次一定再來，這是我常愛吃，平靚正選擇！

8-11-2015 (Sun)又同男友執o野執到食飯時間,去邊o度食?男友話呢間,OK.我o地入到去,我見到有好平o既魚蛋河餐,有埋油菜同飲品,就要呢個啦,要o左生菜.男友要雲吞撈粗,油菜要菜心.冇耐, 生菜到o黎,男友肚餓,佢就食先.呢啲其實正常冇問題.然後我o既魚蛋河到o黎,熱騰騰o既,魚蛋出奇地爽口兼彈牙,唔錯.而河粉都夠滑,湯就鹹淡適中.好耐,男友o既菜心炙同雲吞撈粗到o黎, 雲吞size同味道都正常,蝦都新鮮同彈牙.味道: 3.83分服務:我o地去到時都full full地,亞姐見我o地張枱冇乜位,主動將筷子筒同調味料拎去另一張枱,好細心.

窮人宅男食堂 已經幫襯過幾次 每次都係食佢嘅柱侯牛腩 入嚟食嘅好多都係阿叔 之前食個牛腩河 同牛腩飯 牛腩飯已經有$24加到$25 $25牛腩飯真係好抵食 牛腩嘅份量好多 加上係柱侯牛腩味道好濃郁