蛇王娟

營業中

休息中

下個星期又開始凍啦，大家除咗要將多啲衫之外，仲要食返一碗暖暖嘅蛇羹暖胃☃️呢間小店雖然裝修好簡陋，但係疫情嘅期間都吸引好多人去食，而且老闆娘亦都好親切，經常同食客傾偈，充滿咗人情味🥰🥰套餐B（蛇羹、糯米飯、五蛇湯各一小碗）💲80蛇羹（🌟96.56/100）滿滿的一小碗，有蛇肉、木耳，雞肉絲等等，十分足料👍🏻枱面放咗醋、檸檬葉、脆脆隨便任加，一打開檸檬葉就香氣撲鼻，加入蛇羹裏面增加香氣，大大塊蛇肉清晰可見，食到最後料比湯更多🤤🤤糯米飯（🌟42.66/100）臘腸偏肥，但香氣十足，花生亦炸得好香脆，但係糯米飯別於其他店舖，只係醬油淋上面，變得吾夠入味，整體好普通🙃五蛇湯（🌟99.99/100）熱辣辣飲落去好舒服，胡椒味亦都好重，而且吾油膩，係寒冷嘅冬天飲落去即刻覺得暖粒粒。

氣溫下降，蛇羹絕對是這種天氣下的其中一款美食。位於觀塘舊區的蛇王娟，沒有漂亮的裝修、炫目的餐牌和特色的器具。有的是一份舊式的地道感覺。價錢經濟實惠，除了有蛇羹外，還有客飯套餐。蛇羹 🐍滿滿的一碗蛇羹，材料很多。最喜歡加上那些香口的脆片 😋。糯米飯 🍚材料不是很多，沒有蛇羹那麼吸引，但也好吃。這裡的蛇羹、蛇湯和糯米飯有大、小份量及套餐可供選擇，彈性十足 👍🏻。環境來說不會有新興食肆的舒適感，但這便是從前的香港風味吧。

💜香港傳統的秋冬補身湯💜..📍觀塘。蛇王娟..天氣涼涼 就想到💡該來補補身 暖ㄧ下了聽中醫說～正確的補身方法 是秋季開始補 冬天就可以暖暖過 而在香港 大家會習慣在秋季就開始 喝蛇羹進補甚至到冬季 還是會喝蛇羹來暖身.香港的蛇羹 跟台灣的有些不同 台灣的蛇湯 是清燉 ㄧ大塊蛇肉 香港的蛇羹 是很像肉羹湯ㄧ樣 🤤裡面有 雞絲、木耳絲、蛇肉絲 然後依照個人喜好 可加入 醋、檸檬葉絲、脆脆(最愛脆脆 我會狂加）.在香港的蛇羹店取店名 都很可愛😂一定會取蛇王 ？什麼 、蛇王？什麼 反正看到蛇王？什麼 ㄧ定是有賣蛇羹😁.而這次 我要介紹 這間位於 觀塘的『蛇王娟』它是一間不修邊幅的街坊懷舊味 蛇羹店料足滿滿的蛇羹 啖啖肉 再配上香氣十足的臘味糯米飯 和ㄧ大碗藥材蛇湯在寒冷的冬季 來份蛇羹套餐 暖暖身 也是不錯的選擇❤️.

往年都係食對面街個間（唔開名啦🤪），今年睇到呢間食評唔錯就試下啦～前一晚收工獨食完，今日lunch time又再帶同事黎食～ 唔知呢個冬天要食幾多次先夠啦😍最正係蛇湯任加～服務仲好好嫁～

生意幾好喎，閑日都不斷有人排隊買外賣，入邊又坐滿人。試了個@$110 A餐，有一個大蛇羹、細糯米飯、同埋細湯。個糯米飯好好食，蛇羹足料，但同湯都有放味精，可惜～PS: 加咗$20買六隻滷水雞翼，都整得幾嫩口，味道適中，口痕可以買來食。

呢間賣蛇類食品店，我由當年十幾歲仔，到而家幾拾歲呀伯，都有去光顧，而該店大蛇羹亦由$15元一碗，賣到現今$8O一碗，我仍然捧場，雖然因現時不是用活蛇來做蛇羹，所以此店嘅蛇羹味道，係比以往遜色，可與當年同日而喻，但此老店嘅人情味卻完全冇變，仕頭婆娟姐仍然待客至誠，有空時同你閒話家常，仲常常叫你飲到就飲多兩碗蛇湯，係免費送俾你飲，吾似深水埗，個幾間蛇店D湯係碗碗計錢，若你用$8O食一碗蛇羹，加一碗湯就要過佰元結賬，而在此店，雖然一樣係$8O一碗蛇羹，但你飲番兩碗蛇湯，咁個碗蛇羹就變咗係三，四拾蚊貨仔，我就試過食一碗蛇羹，娟姐咗三碗湯我飲，娟姐仲話曾經有個客，飲咗七碗蛇湯先走，佢仲話好開心，D客咁欣賞佢D蛇湯

天陰陰一直落住毛毛細雨 男朋友帶咗我入嚟觀塘呢度食蛇羹佢話蛇王娟嘅蛇羹 好好食見佢講咗好多次話想食蛇羹所以就陪佢嚟試下由於時間尚早，四五點嘅時分所以舖頭一台客都冇，淨係得我哋兩個 鋪頭都算大，寬敞明亮 又夠光猛而且娟姐嘅服務態度亦都好好 親切又nice一坐低不及待就叫咗 蛇羹同埋糯米飯其實我本身係麻麻地蛇依樣野嘅至於 蛇羹呢啲嘢，我就唔會主動去食 但如果有得食嘅話， 又唔會話唔食嘅佢啲蛇羹雖然唔算話超好食但勝在夠足料，都睇得出用心嘅～而且都有眼見超大一碗， 我同男朋友 一人裝咗一碗嚟食，到最後我都係食唔曬碗糯米飯亦都好足料連我呢啲平時好少食臘腸同埋花生嘅人 都成碗飯食晒，皆因佢啲飯夠香 好鍾意佢陣糯米飯香味，而且飯上面鋪滿咗蔥配埋啲蔥花一齊食感覺啱啱好至於啲蛇湯……一開始我有啲抗拒嘅因為飲第一啖覺得陣味怪怪哋即刻畀我嘅印象就唔係咁好但由於食碗糯米飯嗰陣好口乾所以陸陸續續，都繼續飲咗幾啖湯越飲越習慣咁，開始覺得都唔係咁難飲啫到最後又係成碗湯畀我飲曬囉～食完之後 真係飽曬，有飯有湯同埋個人即刻冇咁冰凍，暖返少少囉

今個冬天特別凍，凍到手腳冰冷，所有保暖衣物全往身上穿，都似入咗冰箱🥺咁就要補下身，但咁凍嘅天氣，飯都唔想煮，完全無動力去燉補品，最簡單又方便嘅補身方法就係食蛇羹，飲蛇湯。今日中午嚟食，可能過咗午飯時段，人流唔算多，但就不停有人買外賣。呢間鋪係第二次食，叫左個B餐，包蛇羹、蛇湯、糯米飯各1碗。蛇羹都係滿滿一碗，好多料，有木耳雞肉絲蛇肉絲，個羹埋獻唔會水汪汪，加埋檸檬葉好好味，美中不足係蛇肉唔算多。蛇湯熱辣辣，好香藥材味，唔錯。糯米飯蒸得夠透冇生米👍，上面放上花生、香菇、幾片臘腸，淋上甜豉油，再撤點葱花，拌勻就食好味道。題外話，想堂食最好揀非繁忙時段，小店係冇用隔板，包括枱面，而舖後面的座位會聞到坑渠味。

唔知係咪冬天, 好多人排隊, 好彩不用等太久.又幾好播, 之前食開銅鑼灣果間, 而家執了T_T過海搵到好野都好^_^蛇羹蛇肉夠多~幾好味跟餐包糯米飯...好抵...加1蚊仲送蛇湯, 好鮮甜美味脆脆足夠$75就有三樣野包晒, 滿足超抵食~~好彩收到夠夜, 會再來外賣

第一次幫襯，買咗個A餐加細蛇羹外賣，叫佢俾多份薄脆，話個袋有啦，極唔願意俾，但我聽到前面個客，問佢拎都立即俾😒返到屋企開餐⋯⋯首先講糯米飯，唔同平時嘅臘味糯米飯，呢度係得臘腸、花生同一片菇，呢個應該叫「豉油王淋糯米飯」食到落底，啲豉油多得恐怖。👎🏻👎🏻👎🏻到蛇羹啦！有骨都唔緊要，成碗超級重重重胡椒粉味。而配蛇羹嘅薄脆，一包少到呢😵而蛇湯足味，有當歸味，買細蛇羹送一碗。我覺得元朗蛇王好味啲

剛剛外賣了一碗細蛇羮連蛇湯回家，第一次幫襯這家蛇店，以前幫襯開中環某某工會，今年無得食，所以專程去牛頭角買，因為間鋪近玉蓮臺二座（疫區）所以唔敢坐低堂食要買返屋企食，一個人食一碗細蛇羹啱啱好，細蛇羮有約有屋企飯碗咁大，蛇羹裏面勁足料，有蛇肉絲、木耳絲，蛇肉絲勁有咬口（嚼勁）木耳絲又好爽口，加埋薄脆一齊食真係好滿足啊，如果覺得蛇羹太杰的話可以加蛇湯落去溝一溝，食完蛇羹一定要飲埋蛇湯，蛇湯啖啖有藥材香味，飲完全身暖哂。

前幾日食了碗大蛇羹，80元。看似頗多料，但成碗只得很少很少條蛇肉，其餘大部分都只係雞肉和瘦肉，超失望😭😭😭😭😭😭😭😭😭😭😭😭平時我都有去其他地方吃蛇羹，其他店也有混合其肉類如雞肉，但其他肉的比例沒有像這間那麼多，超失望😞另外，現時疫情咁嚴重，店內連一塊隔板都無。做生意要賺錢，大家都明，但唔好為慳少少錢買隔板而犧牲衛生吖！麻煩餐廳加強防疫措施😩😩😩😩😩😩😩😩

今日去開觀塘宜安街 ,  天氣凍凍地 , 想食番暖野保下身,  經過見到有幾間食蛇店鋪 , 即管入去試下. 睇過餐牌, 最底食係套餐, 如果唔想食咁多, 亦可以散叫  , 見套餐, 分A   和   B , 有齊,  蛇羹 , 蛇湯, 腊味燸米飯  . 最好揀左B (小)  就試一試. 上菜後 , 其實份量都唔小 , 蛇羹  , 足料 ,  腊味燸米飯 , 比教淡口, 不過不失 ,    蛇湯有小小藥材味 (我鐘意 )而店舖帥父仔, 同我地講, 蛇湯可以免費添飲 , 聽到都好開心, ( 因本人超級喜歡飲湯)當然飲得到先好叫 , (唔好浪費食物 ) , 亦提一提大家, 店鋪優惠唔知去到幾時. 有興趣緊係要問一聲啦. 

天氣開始清涼，中秋已過多時，好快又是吃蛇羹的季節了。因仲未太冷，故店內不是太多人。蛇羹套餐，可吃到蛇羹、蛇湯、糯米飯，承惠$75，比舊年貴了$10還可接受的。細碗蛇羹，材料多到滿溢，仍是有很多的木耳絲、毫不吝嗇的成條蛇肉卷、豬肉絲等，仲有薄脆 、檸檬葉可自己加。臘腸糯米飯，4-5塊薄切的臘腸，還有冬菇絲，糯米飯軟中帶韌，且暖胃。舊年來的時候蛇湯是和蛇羹的Size 是一樣的，今年卻用了一個大湯碗盛來，仲可以再添。飲到有藥材味。

裝潢是舊式小店的風格，即是沒有裝潢。但取而代之的，是懷舊的風味和人情味。小蛇羹$45一碗，包蛇湯一碗。味道走清淡路線，脆脆，檸檬草，胡椒粉，麻油，全部放在桌上任加。要濃要淡，悉隨尊便。蛇肉份量很足，吃著吃著也看見不少厚切蛇絲。蛇絲口感十足，但稍欠蛇味。然而$45一碗的蛇羹，總不能要求太多，足料炮製，童叟無欺，已是合格以上。大大碗的蛇湯，相信是老闆見臨近收鋪益街坊，走的是藥材味路線。飲完全身頓時暖了起來，可惜這個晚上不夠冷，否則感覺會更佳。隨著觀塘區重建，這些舊式小店已經買少見少。蛇癮起又人在東九龍的話，絕對值得支持一下。