蛇王娟

營業中

休息中

之前都食左幾次 味道同份量以前都好好 今日見天氣凍反d 就出去食蛇羹啦 點知。。。。。一黎薄脆得一兜仔 。。配給制 一枱都係得一兜蛇羹蛇肉(大蛇75蚊碗)都唔過10條 雞肉瘦肉我諗比以前激增3倍到啦 蛇羹仲要勁多胡椒粉味。。蛇湯都轉左 冇晒d藥材味咁制 食到我萬二分失望。。。今個冬天都唔會再去食佢 曬晒我突登坐75分鐘巴士出黎觀堂食 唔知係咪旺左啦 真係同以前大大架不同 下年先會再去試 如果都係咁。。。相信以後都唔會再去食e間lu (P.S有個樓面哥哥仔 好快手同會同你講比幾分鐘佢 真係辛苦晒佢 如果大家去食 可以體諒一下 )

有成幾年冇食過蛇羹，今日lunch有朋友帶我地去食蛇羹，去咗牛頭角地鐵站附近呢間。環境比較簡陋，坐低緊嘢食，有兩個餐一個$100 ，一個$65 ，都係一個糯米飯，一碗蛇羹，一碗蛇湯。但係個分別係$100蛇羹同蛇湯都係大大碗。我就叫咗個細餐，其他男士就叫晒大餐，個蛇羹係滿晒料，在加卜卜脆同香草，好好味。第一次飲蛇湯，藥材味濃好味同好夠熱，個老板娘話唔夠仲可以添飲，不過我都飲唔晒。個糯米飯都好食，粒粒飯唔爛，加臘腸同花生，好好味。值得再去！女士點細餐好夠！

來到官塘一定要吃蛇王娟的招牌蛇羹，不但美味、補身、而且去濕、去腳气，對身體十分益處多。 因為下午茶時間，我點左一個細蛇羹，但送來的是大大的蛇湯蛇羹用材十分足料、豐富，蛇肉和雞肉是條狀的粗切，肉味鮮甜而爽滑，加上白背黑木耳爽脆令口感更豐富加上 檸檬草的青香，更顯出蛇羹的鮮甜。大大碗送的蛇羹，是用五花蛇、川芎、百芷、黨心、杞子、紅棗煲的湯，蛇湯十分鮮甜，藥材味不算太重。只有材料新鮮先可以煲到甘美味的湯不得不贊老板娘好好人，當你飲完湯，她就主動添加，好窩心！

好野一定要表揚，位於觀塘宜安街地鋪既「蛇王娟」，仍然是80年代既裝修，但地方乾淨企理，眼見只有夫婦二人工作，經營數十年，仍然對顧客細心照顧，對工作積極，認真，實在難得！同行二人，叫左兩碗細蛇羹（$40一碗）仲送蛇湯，足料，足料，足料！蛇肉多到食唔曬，而且有脆脆送口，另有壺檸檬葉絲，胡椒粉，據自己口味，自己加入蛇羹。建議大家一定要加檸檬葉絲，會更加好味！ 有D鋪頭，只是灑幾片菊花花瓣，做唔到將蛇羹味道昇華既效果。免費蛇湯絕不馬虎，有少少藥材味，兩夫婦見你清曬，會主動問你要不要添多碗！無微不至！原來呢間「蛇王娟」，晚間是由兒子看鋪，年終無休，一家人齊心合力，食客光顧都感受到滿滿的愛，一定會再幫襯，一定要推介，推介，推介。

稠稠的蛇羹落足料。加檸檬葉,清香而不膩。加薄脆,蛇肉軟,薄脆脆,口感豐富有層次。我個人喜歡兩者都放多d,味道和口感都滿足了。娟姐仲話放的是白背木耳,對血管更有益!次次黎都係要A餐,夠底食。兩個細食的剛剛好。還有蛇湯可添飲,夠温身!正!

晚上搵地方食好西，觀塘太多野食，出名就多打手 ，去親都好伏。男朋友介紹左我呢間蛇王娟去食蛇羮。雖然開始熱，但一樣可以補身。第一次食蛇，蛇羮多料又健康，再送五蛇湯。另外再配個糯米飯，一般般啦。肚皮滿足了。

秋風起，三蛇肥，香港人係好識進補，一開始入冬，蛇羹店就好多人幫襯喇！雖然蛇羹店係一年到晚都開，不過香港人多數都係冬天先會去食既，不過雖然係咁，宜家就快夏天，當然要係夏天來臨之前去食多次喇!唔食就要到秋天先再黎嫁喇!黎親一定係食套餐，蛇羹，蛇湯 & 燸米飯蛇羹超足料而且食落係啖啖蛇肉，ғᴀᴛ ғᴀᴛ蛇肉絲真係條條都暖入心🤤仲有冇偷工減料嫁! 不過呢~ 食蛇羹又點少得加埋檸檬草，食落多左一份香草味蛇湯一如以往都係食蛇羹送既配給品，不過蛇湯就唔夠濃味唔知係咪因為多人幫襯所以有加水呢? 好似差左少少至於糯米飯方面呢間本身就一般，因為佢既既醬油都係後加而唔係整既過程中加入，所以食落就冇咁香口但蛇羹就幾足料, 整體都ok既~~~~可以keep住食!

前排天氣凍，同事成日都話想食蛇，但係每次去到都無位，高朋滿座，呢幾日回暖，終於可以試到。蛇王娟裝潢簡陋，但尚算清潔，今日天氣暖，人客不多，不用等位。我們點了兩個蛇餐，包了一碗糯米飯，一碗蛇羹和一碗蛇湯。蛇羹一小碗的蛇羹，但蛇肉比例頗多，只有爽口木耳作配襯，簡單的美味。我本身都幾怕食蛇，覺得好核突，尤其是諗到蛇皮充滿細菌。係同事威逼利誘下試左一啖，其實食落又唔覺得核突，好似食碗仔翅一樣，蛇肉口感同雞肉差不多，都幾好味。糯米飯糯米飯則只有臘腸和花生作配料，澆上豉油和香蔥，同事喜歡糯米飯的濕潤，但我覺得太濕，而且配料不多，加上本身唔太好糯米飯，食完骨頭痛風痛了兩天。蛇湯蛇湯味道特別，有點以為自己飲緊台灣的藥膳排骨湯，十分暖胃，補氣血的感覺。喜歡試新野既我，覺得未試過食蛇，不防一試，味道還可以。

正所謂《秋風起，三蛇肥》，新年前天氣持續寒冷，想起了今年還未去吃蛇，於是去了宜安街走一轉。這條街有兩間蛇店，上次去了的那間質素認真麻麻，於是今次去了對面的另一間蛇王娟。一入去已發覺滿座，幸好剛好又有人埋單，於是三個人便擠進一張二人枱。小小的店子擠滿了食蛇的人，十分熱鬧。這裡除了可以散點外，還有套餐可選，價錢當然比單點便宜一點，另外，還有免費蛇湯一碗，感覺又再抵多一點。細蛇羹餐（$65），有細蛇羹，蛇湯和糯米飯。細蛇羹（前）的蛇肉份量不少，切成粗條，加上其他配料如雞絲，冬菇絲等，份量十足， 味道鮮甜。糯米飯（後）看起來不差， 糯米飯尚算煙韌，但豉油卻不大均勻，吃起來有些很淡有些卻偏鹹。蛇湯熱騰騰的，味道濃郁，一碗到肚，既飽又暖。街坊小店裡的侍應都是大嬸，客人多得連落單也應接不暇，所以漏單也時常發生，有時要追好幾次。不過，此店勝在便宜，食物質量也不賴，只是坐得迫一點，難怪比對面街蛇店的生意好得多。

天氣咁凍，朋友突然提議食下蛇，又好喎，所以又黎每年都到既蛇王娟黎得呢到預左要排隊要等，但因為多數係男士，所以食野速度好快，入座都好快，我叫左細套餐，朋友叫左大套餐，分別只係碗蛇羹，而糯米飯同蛇湯就一樣大細先講蛇羹，真係好多料，有少少藥材味，邊食邊都覺得暖，糯米飯就覺得淋得太多豉油，咸左少少，蛇湯都好正，都係有少少藥材味，但又唔會太重味，唔好以為咁樣好似好少野食唔飽，女仔食份細一定飽，但同場好多女仔都食大，咁人地可能餓架啫

喺牛頭角站落車， 向觀塘方向行，見到宜安街街市，斜對面就揾到蛇王娟，放工要即刻去，越晏越多人，要排長龍， 全場滿座，店員不斷將一碗碗嘅 蛇羹/蛇湯放上客人枱面.......叫咗個蛇餐B~先來個蛇湯，味道濃， 正! 天氣咁凍， 好快飲曬， 好想來多碗!糯米飯熱辣辣，料多， 臘腸，臘味，蝦米.... 面頭加啲蔥，加啲花生，超好味!蛇羹超級多料，一條條，一塊塊大蛇肉，味道啱啱好，加埋薄脆，再加檸檬葉，味道更出，更特別!

天氣寒冷，令人特別想食蛇羮糯米飯，今日出開觀塘，醒起之前曾經食過好足料嘅蛇王娟。中午時段，人塞得滿滿，個個都點蛇羮，有大有細，一心想食蛇羮糯米飯，於是點左個A餐，大大碗嘅蛇羮配上糯米飯同蛇湯$100。先來個蛇羮，滿滿嘅蛇肉，真材實料，非常滿足。食到一半，就上蛇湯，見對面個男人仲添蛇湯添。店雖不算小，但人進進出出，非常多，職員都忙到一頭煙。邊食蛇羮邊等糯米飯，由於天氣寒冷，我都唔係好想侽糯米飯咁早到，因為都唔知食得邊樣先， 一陣凍左又唔好食。但結果到我食完蛇羮，飲完蛇湯，個糯米飯都未到。我等左一陣，猶豫緊好唔好催個糯米飯，但職員實在太忙，加上人客開始比之前多，差不多開始要在門口排隊，我就諗好唔好讓個位出黎呢？到最後我都係決定走，唔食糯米飯喇，主要原因係個大蛇羮實在太大，已經食飽左，再夾硬食糯米飯只會都唔會覺得好食。於是行去比錢，順便講我由A 餐轉返只食大蛇羮啦，點知個哥仔同我講唔好意思，話人客太多，招呼不周，漏左個糯米飯。其實唔好意思係我至真，我縮沙

今晚同老婆去食蛇王娟。好多人排隊，以為係好掂。坐低叫左兩個套餐有大蛇羹，蛇湯同糯米飯。蛇羹表面好似好豐富，我唔明， 好好地碗蛇羹，點解要撈埋雞肉。雞肉仲要多過蛇肉，我都唔知自己食緊蛇羹定雞羹。口感好奇怪。門口仲大大隻字寫住真材實料...唉店入面人手不足，食完蛇羹同蛇湯，催左好多次都未有糯米飯。明明先到，但阿姐就俾左糯米飯遲黎果d 人先。等左好耐先有既糯米飯又唔係好食。之前食開對面間蛇王x，相比之下，高下立見。講完。

去完法越菜點知唔夠飽，就兜咗落宜安街補一個蛇羮套餐B，即係細蛇羮、糯米飯同五蛇湯。去到泊喺街邊，因太多人喇所以決定買上車食。我地兩位同一時間開咗個蛇羮同糯米飯食先，但一望到就發覺兩樣都非常足料，蛇羮啲蛇肉真係多到有啲嚇，食落又真係好重蛇嘅味道，加埋卜脆就真係一流，但唯獨有少許瑕疵就係欠缺菊花。與此同時食埋個糯米飯，啲臘腸潤腸佈滿飯面，佢哋落豉油比例做得好好。個飯食落時軟硬適中，加埋啲臘味一齊食真係絕配。最後五蛇湯（圖片欠奉）就偏咸咗少少但蛇味依然濃郁。一個套餐$65真係扺食呀~

是日工作到凌晨兩點幾我今日唔知咩事好大方地話請過細佬食消夜🤣🤣佢突然間諗起糯米飯就帶咗我去食蛇王娟同一條街有幾間類似小店但我細佬就對呢一間情有獨鍾我哋兩個一齊嗌左兩碗細嘅糯米飯糯米飯粘度適中每一啖都係好香嘅糯米飯味道配上唔係好鹹嘅豉油啱啱好上面嘅臘腸同埋花生撈埋落啲飯一齊食正另外仲有一啲小食滷水雞翼＄15/4隻＄20/6隻我覺得味道唔夠應該煮左一段時間肉質就好腍天寒地凍食返碗暖暖既糯米飯即有暖身嘅效果細佬不停介紹我飲碗湯佢話好好飲但太多嘢食我都冇要到下次可以試一下