蘭香園 (已結業)

用餐日期...已忘了...很少茶餐廳有腸粉叫的, 那天二時多才吃午餐, 胃口不太好, 吃個腸粉o岩o岩好 ~腸粉皮拉得不錯, 軟滑而不黏筷子 ~餡料也有很多選擇 ~不過還是堂記更好 ~

2月7日, 今日去九龍灣睇12點場嘅戲. 所以一早起身同呀比就去咗牛頭角嘅蘭香園食個早餐振奮下精神先!::: 沙爹牛肉撈公仔麵 + 熱朱古力 ::: $26撈公黎講d麵底咁多水其實就唔合格架喇… 但係個沙爹牛肉又真係好好味wor~ !!d牛肉夠晒鮮嫩, 個沙爹醬好夠味, d蔥花更加起到畫龍點睛嘅作用, 好惹味~ 不過食下食下會覺得鹹咗d, 味精野係咁架喇... 熱朱古力非常重手, 味道香濃又夠滑~ 其實可以落少d粉添!::: 五香肉丁公仔麵早餐 + 熱奶茶 ::: $23叫肉丁麵係貪唔怕佢個湯底冇味. 不過佢落肉丁唔多, 公仔麵都係冇乜味… 煎蛋火腿都合格,不過塊煎蛋有d求其. 熱奶茶嘅茶味比較多, 苦澀味比較重. 咁嘅價錢喺牛頭角區都係貴咗d.咁樣食個早餐都要廿幾蚊, 牛頭角區我地都覺得係貴咗d! 不過依然有好多街坊捧場, 食物當然係有一定保証嘅~ 有機會要再黎試埋個三代同堂先得!

於牛頭角工作了四個月以上, 看到openrice中對這間餐廳不少的絕讚,決定來蘭香園, 這是第一次.叫了個三代同堂及焗豬扒飯,三代同堂是用蝦米造成腸粉皮包著蝦肉, 面上再放上一堆蝦籽.創意十足, 味道算是不錯吧~一向都焗飯情有獨鍾, 這次的焗豬扒飯味道也算是很好, 跟活記有得輝!不過我想這間餐廳出名主要是在於用料夠新鮮,以及相當不錯的服務.有機會會再來吃每人吃了約$50,午餐黎講, 算係貴, 不過勝在性價比例正常.誰料現金不足, 那位櫃台阿姐見到我有張 惠康現金券$20, 就當$20 咁用左, 佢話廢是我地去襟機囉 $ 行返轉頭@@

專程驅車前往，主要是為令到自己的腸胃可以喘息一下....出街吃得油膩東西多，有陣子也想清清哋就攪掂一餐，所以近來的午餐都主要以清淡為上，吃的大多是粥品。自己一向很喜歡吃粥，就算要我天天吃也不會有太大問題這裏的出品一向標榜無味精添加，那就更合小弟的心意了。每次來都是例牌吃粥及腸粉，是日就吃了碗魚片滑牛，魚片尚算新鮮，牛肉雖然很滑，但欠缺鮮味，而且切得太細件太碎，咬上去總有點似有還無的感覺；粥底頗見綿滑，不錯....要了個新出品翡翠黄金腸粉，即是以粟米粒拼免治肉碎作餡的腸粉。甜甜的粟米粒混上鹹鹹的肉碎，味道頗匹配；可能是粉漿開得太稀的關係，皮好像缺乏一點彈性，用筷子一夾便黏黏的，感覺不太好；豉油調得帶點甜味，並不死鹹....這兒的出品收費一向都不便宜，但偶一為之，也未嘗不可也

之前食過一次午餐，o固時未有相機電話，腸粉又唔係咁特別，又懶......今日要到牛頭角上堂，冇準備之下，決定o黎多次。下午茶餐都幾多選擇，粥粉麵飯三文治，$15到$30都有。早o左o黎，唔係咁肚餓，揀o左肉丁麵加熱檸茶，太太揀o左沙嗲牛肉麵拼熱奶茶。檸茶ok，唔澀唔苦。奶茶都ok，不過唔係特別出色。沙嗲牛肉麵：o的麵勁硬，絕對淥唔透；牛肉就ok，可惜有o的凍肉丁麵：o的麵仲硬淨o的！肉丁好油，同樣有o的凍，死未！攪到成晚都係肉丁味......唔知係咪有幾班伙記？o的服務態度、語氣都係麻麻地咋喎！

昨晚到德福 MCL 看完戲，本來是計劃到淘大附近一家上海小店，但卻記錯地址找不著。沿路行返觀塘時，配起牛頭角有家幾出名的茶餐廳，便與男友一同過來。時間剛過 10 時，正好有宵夜套餐，要了雲吞麵拼油菜、豬潤粥拼芫茜皮蛋腸粉，另加一杯凍檸茶。雖說是宵夜，但碗粥真係超大碗，儘管粥底略嫌淡口了一點，但豬潤超爽，最欣賞係碗粥吃到最後都冇生水，好。腸粉吃得出是即拉那種，惟皮蛋不太靚，芫茜份量又過少；男友說雲吞麵好好食，細細粒，蝦肉爽口，檸茶也出色，這間茶餐廳果然有水準，難怪可以屹立 37 年。

the food here is very po tung the taste is not special and the dish is smallbut the price is not lowand it is very crowded and noisy in lunch timethe service is just ok

今日終於嚟到蘭香園喇~ (專登過海嚟食架)半年前我好朋友成日推薦我嚟呢度食"瑞士牛展粒湯檬" 佢話好好味Wor ~ (特点: 係又瘦又唔肥..啱晒我咁話)我嚟之前當然又做research下 有咩出名啦~十二点左右嚟到~一坐低就叫咗個"瑞士牛展湯檬" 加 "三代同堂腸粉" 腸粉既饀料喺(蝦子,蝦米,蝦) "瑞士牛展粒~真係好瘦而且好淋好入味呀~(仲有d肋"痴"住) 正呀~~好可惜佢既檬粉就無味道@@"三代同堂腸粉~好滑好滑(個皮又唔厚) 又唔會好似d酒樓咁油淋淋~ 啱晒我丫^=^仲有好多嘢食架~ 但又怕肥...(唯有等下次再嚟食過啦~)我朋友話佢吔紅酒木瓜燴牛尾好好味wor~ (不過要訂架~ 約三磅到)

一星期內總有三四天會光顧蘭香園外賣，原因是爺爺獨愛這兒的粥和腸粉。有次見爺爺吃得津津有味，便硬搶一條腸粉試味，又真的不錯，軟滑中帶著淡淡米香，以茶餐廳來說可算是中上水準。小妹這天又奉爺爺之命到這裡外賣一份魚片粥腸粉($25)，便順道買了一份西式早餐($21)給自己，有煙肉，雙蛋，鮮油餐包和一杯熱奶茶。一打開外賣盒，便嚇了一跳，餐包居然佔了外賣盒的三分之二! 餐包並非普通的圓形，而是像中式蔥花卷的走蔥再入焗爐版本，而且還夾著一塊近1cm 的超厚牛油!! 這個超巨形餐包已經為整份早餐加了不少分。煙肉放在餐包的下方，一向對茶餐廳所謂的煙肉沒甚好感，因此都常也只是兩塊冒充的火腿，想不到這裡的卻是貨真價實的真煙肉，還有四塊之多，每塊也煎得香口，絕對誠意可加。至於雙蛋，基於小妹送外賣技巧甚差，回到家時兩隻蛋的蛋黃都已經破掉；但我想蛋一定煎得很漂亮，蛋黃才懂得破掉流出蛋汁。下次一定要試試堂食，不會再浪費蛋黃。奶茶不過不失吧$21 一個早餐，在同區荐餐廳中可算貴價，但是貨真價實而且份量不少，絕對值得捧場。p.s. 老板見小妹雙手都拿著東西，主動替我開門，而且多謝前多謝後，服務態度一流。

自從試過第一次經己唔想去別的餐館(kwun tong)食早餐..呢到ge出品根本唔需要担心,試過ge朋友一定會知道佢地ge strengthen...講真食個早餐成25元都好貴,.,.但物有所值噃!所以每朝會自動自覺同男友係到食個好豐富ge早餐先返工....菠蘿油+漢堡扒/ 魚柳..再加杯凍咖啡...為本人推介.或者男友ge火腿通粉+太陽旦...

又往九龍灣取眼鏡途中，來到牛頭角，久聞蘭香園的大名，一出地鐵站就就見到，當然要來一試它著名的腸粉啦。事前上來看看，見到有一樣叫 “三代同堂” 的腸粉（$25)，是蝦米、鮮蝦和蝦子三 “代” 的蝦做成的腸粉頂特別，今次來就特地要吃這個。在餐牌上也見到有即磨咖啡，跟腸粉加$6, 也要了。一面等一面看“現在台” 的新聞，估不到這舊區都有這新式茶餐廳的格局呢，還有得看英超哪。咖啡用黃色厚身 Lipton 瓦杯裝，是舊式茶餐廳的做法，很對辦。可惜植脂末人工味道太重，我很勉強才能把它喝得完。至於主角呢，上桌看來是洒上了蝦子的普通腸粉，吃下去才感到來自蝦子的香脆、蝦米的鹹香和鮮蝦的爽口合成的獨特口感 － 雖然蝦子不夠鮮、鮮蝦也沒什麼蝦味。腸粉皮不是晶瑩剔透那種，比較厚身，但我當早餐吃就沒問題，更飽肚呢；要彈的是腸粉皮比較油啦 （不過似乎是豉油的問題哦)。本來我還想吃四式腸粉的呢，但吃完這個所謂名物都已經飽飽了，又不是驚為天人的級數，只好算了。以舊區茶餐廳來說這裡應算貴了，直情是市區的價位，可能別的菜會做的好一點吧，區內人想來目弟波就好，慕名而來就好像不太值得了。

豬脛肉朦..非常特別...酸酸地几開胃三代同堂, 蝦子, 蝦米及大蝦做料的腸粉，味道唔錯直得一試

蘭香園設在我小學舊校旁，經過數百次了，這回是第一次光顧。食物︰荷葉飯(小) 連例湯 香酥骨兩人吃，一飯一小菜，應吃得完吧？非也！荷葉飯大大碗，飄著荷葉﹑蒜﹑飯的香味，海鮮亦新鮮香口，雖略嫌偏淡，但不含味精，健康有益！香酥骨調味恰到好處，夠脆夠口感，一啖飯一啖排骨，令人欲罷不能。本以為例湯是一小碗湯，原來有一大碗，連湯底，有嚼勁。其它餐廳兩人份食物，在蘭香園，三個人，剛剛好。端的是合家開飯好去處。本來想試試泡沬咖啡，太夜了，已洗機，下次約一大班朋友再試！服務態度也佳，上菜快，侍應有耐性。蘭香園，絕對有下次！

最近到過這裡兩次試了同一款早餐,點了菠蘿油配漢堡扒,飲凍咖啡;,而男友點了火腿通粉配煎旦餐包,飲凍鴦,兩款都俾好高份.好難得早餐出品都咁精美架.看得出有心機.菠蘿油塊牛油唔溶仍keep得住凍凍地ge內冷外熱,漢堡扒都好好,食得出唔係一般below avg的出品,另外試過火腿通粉ge湯..有點creamy,第一次試到有咁高質素ge bbf,好surprise.所以時間許可的話,都會光顧此店.

上個月度,一班人玩完後去返蘭香園食個下午茶餐啦,都好耐冇去過了,以前咩味道都唔記得了....哩次就試下啦,入到去八個人分二張桌坐,我果張就坐左四個,我就叫左個雞翼蒙粉,其他三個叫及第撈麵,蝦球撈麵,生炒骨飯,一個牛肉腸粉,凍豬耳鴨舌同一個有三款骨放埋一碟ga小菜仔咁啦,我果個蒙粉味就算ok,同出便食開果d冇咩分別,係跟多個芒果沙律仔,另一個生炒骨飯朋友就覺得一般,而叫撈麵果兩個哥仔......一望佢地塊臉就知出事.....我問佢地點....兩個同一時間講好鬼咸,仲食淨大半碟,腸粉就都幾好味,凍豬耳鴨舌普通,果碟三色骨就好熱氣.....d味就好重,要不停飲水.望返另外四個....兩個清碟,兩個淨一半,好唔好味.....haha.....我會咁講睇你果日氣色如何啦.反而最好笑就係,我地幾個人都飲完晒杯凍檸樂野又未食完,想同個伙記再落多幾杯可樂坐多陣啦,個哥仔同我地講,係度叫貴呀,十幾蚊杯,叫我地過七仔買入黎飲啦.....真係俾佢笑死.....你老闆真係多謝你.....佢又真係唔落單....我地都只好過七仔買入黎飲.....haha....整體上d野一般....(可能果日跑馬日啦).....