蘭香園 (已結業)

今朝十點多去食,間茶餐廳都坐滿客人,我望一望門口有咩早餐食,都好似OK啱食,就入去食.入到去好快決定食咩,我叫了牛扒配牛油餐飽加一杯凍鴛鴦($25+凍飲$3), 好快就來早餐,早餐份量不大,碟上有一格仔分開放牛扒醬汁,個醬汁有熟悉的感覺,似豉椒排骨汁的味道,個汁幾特別同好食.牛扒不算大塊,好快食完,牛扒煎至全熟,但不硬,其實可以不煎到熟成咁.凍鴛鴦都幾大杯,但不算好好飲,可以.

上一次來蘭香園，是辦理換領新身份証後，來吃個午飯。原來，差不多七年前的事了。無獨有偶，這天，在觀塘辦理回鄉證手續後，吃個早餐。蘭香園的腸粉素來有名，早上亦有粥配腸粉的套餐選擇。豬肝粥份量夠，起碼豬肝是很大片，入口帶爽，味道甘香油潤，只嫌豬肝味道未盡融入粥底之內。即拉的叉燒腸，這個腸粉皮是偏厚的風格，質感滑溜煙韌，叉燒質素亦不俗。周六，日晚餐時間來，更有足球直播，但不記得會否徵收最低消費。

這一帶要找好吃的地方絕對不易，而這裡就其中一個推介．有傳統食物之餘，亦不時有新攪作．這天就來吃一件鮮油多士．麵包烘得非常香脆，薄薄的兩片，夾著厚厚的牛油．牛油雪得硬硬的，因此就算多士熱，也不會完全溶化了．入口一冷一熱，好吃．

呢間茶記只食過一次，仲要係早餐，不過印象唔差嘅。 但始終有三個地鐵站嘅距離，我就唔會特登嚟。今晚突然想食炒小菜嗰d, 唔想過海，就嚟呢度啦！一坐落侍應就俾兜浸住滾水嘅餐具我地，睇落都幾乾淨企理。繼而奉上半吋厚嘅menu：原來晚市都有好多選擇喎，兩個人叫左個二人餐：兩『食送』+例湯+兩個靚仔=120蚊。我地叫左千島蝦球同埋紅燒竹笙豆腐例湯唔使講，用咩料煲都係嗰個味㗎啦！主角千島蝦球用左十隻左右嘅蝦仁炸成，雖然係雪藏貨但點千島醬確係香口惹味。仲有係佢唔吝嗇菜底：蝦球下面有一層港式沙律同大量西蘭花墊底。感覺上做到好『有營』！另外紅燒竹笙豆腐個芡都幾夠味，雖則係齋都唔覺好寡。值得一讚豆腐豆味濃！加杯凍檸茶要八蚊，幾大杯，同埋茶記嘅茶始終較濃郁，滿意！

因為同女朋友去整身份証去左之前未去過GE牛頭角睇食評見大家都對衣間野讚多過彈於是就3點度去左食個TEA~本身入去諗緊會唔會入錯左呢因為間野聽講都幾出名, 野食大家都講到好好食以為入面會好特別, 點知其實都係一間普普通通GE茶餐廳不過係乾淨GE茶餐廳跟住我地叫左一份三代同堂, 一個蠔油撈面, 一個奶醬多, 兩杯茶走, 總數$73, 抵食三代同堂應該都算係佢GE招牌菜!!!即係鮮蝦, 蝦子, 蝦米腸事實真係好食!!!!!!!!!!!!!!!!!!!先講腸粉的確非常軟滑, 唔似平時D腸粉一PAT野咁鮮蝦好大隻!!!同埋真係好有蝦味蝦子都勁多!!!!真係灑滿晒係個面度不過蝦米就唔太覺佢GE出現雖然$32有D貴, 不過絕對係物超所值跟住蠔油撈面同奶醬多都有好GE餐廳水準不過唔係好特別, 就唔多講啦通常去茶餐廳我地一定會試下茶走, 衣間都唔錯!!茶味重D, 都好飲GE=]整體黎講唔錯, 我絕對會再去GE同埋價錢合理!!!

三月上旬‧晴在一個放晴的下午，要找個地方坐坐。這裡是好選擇，只要不是午飯時候來，幾鬆動的。在眾多下午茶餐中要了奶醬厚多士，烘得邊位脆口，對辦。不過放在上面的練奶及花生醬非常多，要自己撥走一點才不過膩，下次要叫「扣面」或「少醬」才行。熱咖啡轉了即磨的，香濃好喝，只加一元，抵！

七月下旬‧晴又要行山，今次在這裡吃早餐。話時話，這裡是區內最有水準的茶餐廳之一。要了個火腿芝士奄列的早餐，奄列不算鬆軟，但在早餐時段肯做芝士奄列的，已經要加分。另外一個菠蘿油，菠蘿包熱的，牛油厚且凍，不算多說大家已經知道有幾好吃。再來一杯即磨咖啡，是非常有水準的早餐。

想搵地方睇波食飯，貪呢度就腳，價錢大眾化。開波前大半個鐘坐低。唔係好多人，揀左卡位坐。餐牌好豐富，兩人足足研究左十分鐘，先決定點二人套餐。第一個叫排骨三弄，有特色，兩邊鎮江骨及生炒骨較好味，中間較觔鹹。第二個馬拉盞炒雜菜，材料豐富，卻稍鹹。球賽平淡乏味，菜餚滋味濃郁，平衡一下，亦不錯也。

特登由黃大仙過到牛頭角晚膳因為久聞這間有營有款(式)的食肆兩個人order了兩餸的"至尊套餐" $12x先飲了碗老火菜湯上: 排骨三弄 其實都幾得意而且一式三味 岩晒心多多想試多幾樣的朋友, 不過不夠熱, 而且中間的炸骨像弄了一段時間~.~下: 粟米斑塊出色得多, 大塊又夠嫩, 而且嚐到有點點魚味, 好味道

前兩個星期係蘭香園食過晚飯覺得唔ok但琴日又想食咸魚雞粒炒飯於是就落尼呢到食啦琴日食完之後,我只可以覺話午市同晚市係有差別午市同晚市既價錢一樣但午市就有餐飲跟餐今次食呢個炒飯雞肉好爽唔似上次咁梅梅地成碟飯食落去既感覺都係比上次好呢d先係蘭香園應有既水準!我覺得餐廳應該好好改善下晚市食物既質素去避免顧客流失

琴晚成9點幾先返到尼kt又未食飯所以就一家3口尼蘭香園食飯蘭香園係呢頭尼講係比較貴不過貴得尼有水準所以間唔中都有食下既3個人叫左一個粥一個炒飯我地叫左一個豬潤粥個粥好滑好綿味道armarm好正呀個粥餐我地配左一個腸粉呢個既腸粉不嬲好出名因為個皮好薄好滑點知琴晚食既係好硬@@個感覺似係放入微波爐加熱完全都唔似之後食果d既我媽話可以d師傅可能收左工同埋呢d係一早賣唔晒果d我覺得好可惜lor個腸粉今次真係好失色至於咸魚雞粒炒飯都幾大碟既,同個價錢都成正比不過呢個飯好在唔係好油d雞都好滑味道唔錯=]希望下次可以食到個好d既腸粉啦

天氣時晴時雨的,悶悶的總令人提不起食欲,喜歡到蘭香園吃這個常餐,有水蜜桃鮮菓沙律,沙律是很容易弄的菜式,但亦可看出該餐廳處理食物的方法吃過很多茶餐廳的沙律,大部份都是預先弄好了一大盒雪起但沙律這東西雪得稍為長時間,便會出水,而沙律醬更會起白粒似的有些餐廳甚至是連碟和沙律一起放入雪柜,上到枱時碟子是冰冷的還有水霧而這家的沙律不是預先做好是即時撈的,還有水蜜桃己瀝乾水,雖然都是罐頭什菓但新鮮做的沙律才最好吃檬粉可以配香茅雞翼,香茅豬排或扎肉, 早已試過這裡的香茅雞翼,香茅豬排是很大份的肉厚兼入味的,今回想吃淸一點,叫了扎肉想不到也是這麼的厚身檬粉上鋪有薑蔥蒜泥花生粒,另還有酸汁可加上喜歡這裡的即磨咖啡很香口的,還細心的配有brown sugar 在用餐期間旁邊有好幾枱都是一家人的來叫小菜吃飯的好幾家都叫了一個竹籠荷葉飯,令整間茶餐廳間斷瓢著荷葉香細看餐牌這裡也有著很多的特色小菜相信節日來這裡一家人吃飯也是個不錯的選擇

母親節食飯知道呢間應該唔會好多人可以唔使等位又唔使迫你食餐首先叫左個四人套餐($195)<1>沙薑雞半隻雞肉少鞋，但味道不咸，亦是呢間舖頭的賣點，沒有味精，整體其實都不錯<2>生炒骨肉有點ＵＮ，好似是一早整定，這味不太好<3>金銀蛋浸白菜呢碟都不錯，成碟食哂<4>魚腐班腩呢味好正魚腐、班腩也很好味另外叫左兩味出名<5>腸粉雙拼(魚片、莞茜皮蛋)$40款式特別，味道一般<6>紅酒木瓜牛尾(小)$58(另有大$80)無咩酒味，亦無木瓜味，用筷子可以篤爛，好淋４人總共$293P.S.呢間舖只有細支裝藍帶$10/支，沒有其他酒精飲品

看到介紹, 放工後專門來吃, 位置很好, 人也很多, 好在有人剛走, 所以不用等位. 叫了一個荷葉蒜蓉蝦蒸飯, 叫了一個時菜鮮尢. 蒸飯的份量實在太多了, 可以兩個人吃都未必吃得完 (已是小籠的, 大籠恐怕一家三口够吃了) 因忘了影相, 當記起時, 都已是坑坑洼洼了~ 味道不過不失, 不過服務加分. 時菜鮮尢上台時, 老闆(可能是) 見份量少, 主動同我地加佐一個油菜.其實不是他說, 我們是不會發覺的.

凡係外賣既麵食，都會湯麵分開上。雲吞麵湯底清甜，雲吞大隻，內面好多蝦，好爽口。麵都好味，因為無湯浸住，所以唔會淋晒。外賣送貨，$40就送了。淨雲吞麵，$25。總括簡單，靚正！