蘭芳園 (已結業)

今日下午茶同女朋友去過，感覺都係一般之嘛。等候時間：一般，大概十分鐘到，還可以接受。食物：叫左凍熱奶茶各一杯，加央西多同豬扒飽各一份。評語：凍奶茶並無茶冰，可能禮拜日人多，存貨無咁多啦。味道只係一杯唔差既奶茶，並唔覺得有其他人講得咁好飲。熱奶茶亦一樣，唔算差，但並唔係十分香滑。西多，又係一般……而且中間既架央已經凍左，唔覺特別。豬扒飽，味道一般，不過塊豬扒就幾好食，至少唔覺得佢地用鬆肉粉搞到塊豬無曬肉味。整體黎講……一般啦，唔駛特登再去。要飲好味既奶茶，我都係會提議去油麻地麗都。

黃昏時份去蘭芳園食下午茶，點左杯奶茶冰冰。轉頭阿姐送來一枝枝裝奶茶(類似太興的枝裝奶茶)，我即時同阿姐講我係點奶茶冰冰。阿姐同一個阿哥同事話：一樣架，同奶茶冰冰一樣架，一樣咁好味。吓！？「奶茶冰冰」同「無冰奶茶」點會係同一樣嘢呀！

先來吃個午餐，才出發到淺水灣。點了一個豬扒包、肉丁通+厚多士+凍檸茶。豬扒包︰男友吃的，他覺得沒有勝香園的脆脆更好吃。他說豬扒也沒有特別好吃的。肉丁通︰普通的茶餐廳水準，也是沒有特別。厚多士︰真的很厚，也很鬆軟。加上烘過，又熱騰騰的，好吃。凍奶茶︰茶味夠，不會太甜，算是不錯。地方都算光猛，但食物不算特別好吃，都是試過就算了﹗

2008年1月30日，蘭芳園。本來以為去法國鵝肝專門店吃下午茶，點知而家唔賣下午茶，唯有去吃蘭芳園。為了試奶茶冰冰，所以去了新店。蔥油雞扒撈丁+奶茶冰冰：雞扒好正，外皮脆，又香口，無雪味。好！茶冰只有兩小塊，好有味，吃完了覺得杯奶茶好似淡，無咁有味，但比熱的好喝。麵可以再爽D。芝麻牛包+檸茶：芝麻牛包又好好食呀，牛好腍好香口，雖然個包好細，都幾貴，但真係好食呀！薯仔鮮茄湯底豬扒煎蛋通粉+熱杏仁霜（32元）：老實說，份量好少，32元咁細，有D失望，但個湯好甜，薯仔鮮茄湯味道勝香園的番茄牛通個湯感覺自（天）然，豬扒都OK，成個粉好有水準。杏仁霜夠濃夠滑。皇牌厚身花生醬多士：好一般。另一半不吃奶，所以我問夥記可否另外比少少練奶我，我自己加上去。可惜一口被拒絕，我解釋原因，也只要求一點點而已，但夥記說“無得分開上喎”。每一所餐廳都有它的做法，但我認為我的要求一點都沒有難度，也不會對件多士素質有影響，這樣拒絕客人，感覺是有點“無人情味”。另外客人本來興奮的吃，黯然的離去，何苦呢？

蔥油雞扒撈丁, 白汁牛脷撈丁, 心多多撈丁都好好味. 一般響出面食嘅撈丁都偏醎同硬, 但依度就剛剛好. 而且d 雞扒皮脆肉嫩, 牛脷夠軟滑, 心多多撈丁夠特別

這是我第二次來光顧的，上一次是在中午時段往舊舖，食了心多多撈丁、熱奶茶及鮮油多，今次在晚上與家中老闆二人往新舖，是晚點了：-蔥油雞扒撈丁賣相不甚吸引，先試一口撈丁，丁麵入口涼涼的，上一次食心多多撈丁，麵條是熱的，但可惜今次是凍，影響了口感，另外醬汁不足，而味道亦不足，將蔥及薑撈勻，依然欠味，可能我喜歡濃味食物之故，最後下了大量辣椒油才較為好食，還有雞扒亦稍為乾身，今次的撈丁真是令我有點兒失望；喇沙豬肋湯米豬肋應是豬軟骨來的，口感尚算鬆軟，但味道一般，雖叫做喇沙，但湯底並沒有應有的惹味，整體水準一般；鮮油多及奶油脆豬仔包鮮油多口感鬆軟，麵包不會烤到過硬，不過靈魂始終是兩塊鮮牛油，兩者加埋一起，真是完美的配搭；奶油脆豬仔包是跟餐\的，豬仔包亦是口感鬆軟，奶油充足；熱奶茶始終來這兒，最主要都是飲這一杯熱奶茶，香濃幼滑，整晚最滿足的就是能享用這杯奶茶，真的令我回味無窮；麵包與茶保持水準，撈丁可能因為期望過高，導致有點兒失望，不過不應該一次就判死刑，下次要再食一次。雖然麵食水準一般，但一杯香滑奶茶，已能夠挽回一切，回家過後，仍然不斷在回味奶茶的滋味呢！

今日終於可以試到蘭芳園喇！已經係12:30 p.m.前到，但己經坐滿人，我哋要坐神枱隔離，哈哈！1)蔥油雞扒撈丁配熱飲一杯($36)嘩！啲醬油好好味，公仔麵好爽口，雞扒好大塊、煎得好香口，唔錯！2) 薯仔蕃茄湯底配豬扒煎蛋通粉+ 熱飲一杯($32)食完先發現冇薯仔，算喇！但個蕃茄湯底真係幾得，豬扒幾鬆化。但實在太多人，坐得好迫，大家要有心理準備！侍應做嘢爽手，抵讚！

在中瓖返左一個月工,同同事開始熟落,一起午飯多了..講真,我公司既同事都較內向…不過今次howard同我講去蘭芳園食晏,仲話佢請,咁我梗係唔客氣啦!我今次食既係雞扒撈出前一丁,最特別既地方係有埋食切雞飯既蔥油一起溝埋嚟食,幾野味!雞扒今次炸得燶左少少,但係味道唔錯!個麵唔係太乾身,所以食得無咁辛苦!食完,結果係…我俾錢,因為俾錢前佢話出去食枝煙!!!

平安夜下午三時，見新店有許多位不用排隊，第一次入去叫了個下午茶餐包括招牌豬扒包及凍奶茶．很快送來食物． 凍奶茶－沒有奶茶做的冰冰，奶茶偏淡茶味，很失望！以為自己去錯鋪頭，細看牆上介紹的報紙雜誌，確定自己沒有去錯，上面寫著新店新推出用奶茶做冰的奶茶冰冰，為何身在新店的我沒有試到此新出品？再看看店內其他食客飲的凍奶茶一樣是普通水做的冰．早知道如此，會叫熱奶茶． 招牌豬扒包－包是嘉頓有芝麻面的漢寶包，內藏只有半個包大小而由超薄的豬扒，很失望！包面香脆脆的，比較薄沒有包的質感．那片豬扒嚴格來說不是扒，因為太細及太薄，好似兩三片火腿的厚度．此包怎能說是招牌豬扒包呢？簡直要拆招牌啦！！！ 雖然，沒有試其他出品如雞扒公仔面，我想不會有下次機會了． 受騙了，唔會再去！！

不是我主觀，無論說新店或舊店，從來也不太喜歡這裡，真的覺得沒有什麼好吃的。吃了這裡多年，聽聞近年這裡發明了一些叫「茶冰」的東西，即將奶茶雪成冰，再放凍奶茶，那未凍奶茶便不會越喝越淡，可以保持茶香云云。是日平安夜，在公司來中環街市買點菜，見這裡不用排隊，大把位，就來試試這個「奶茶冰冰」也好。清楚的說我要「奶茶冰冰」，轉頭凍奶茶便來了，一看之下，還不是用普通冰的凍奶茶？再問阿姐，佢話「呢個係啦」。其實如果沒有，可以照講。當然佢咁講，我亦會照飲，14蚊亦要照比，而一個「喊面」，亦唔慳得。不過說回來，佢杯凍奶茶又係幾香茶味的，不過要飲快一點，因為會有「溶冰效果」囉！難為佢平日仲有長長的人龍，香港人，也很喜歡排隊的。

推介奶茶、雞扒、香草白菌汁石斑意粉。冇味精!1:00pm lunch時間整理的waiters及老板都好惡...but對熟客就好d。有一個4眼哥哥waiter好好人...佢好好態度落order...我個friend諗食咩諗得耐...佢笑住咁話"慢慢諗,我轉頭再落order"...要任何餐都可以配自己鍾意的汁。但係個老板就唔畀轉汁...如果可以轉野..就唔高興!

都有半年無0黎, 好掛住佢d 奶茶... 為0左避開呢度平日lunch hour 長到離晒譜的人龍, 今日12:00noon 都未夠0黎個early lunch / very late breakfast.一如以往叫心多多撈丁(圖下)... 從賣相到食味, 我0既第一個反應都係"乜求其0左咁多!?!?" -- 公仔麵腍得很, 完全唔係之前食過0既彈牙質感; 荷包蛋煎得熟透, 同之前食過的溏心蛋無得比; 好彩鹵水雞翼同回鍋肉無驚無險.平日飲開熱奶茶, 見今日咁熱要了個凍的(圖上)... 無了奶茶冰, 無所謂, 但飲落係太甜, 算幾滑但茶味完全唔夠, 比起之前飲過覺得好50/50 比例0既奶茶, 差了一截. 睇0黎下次都係叫返熱0既穩陣d!環境亦比以前污糟, 我逗留的15 分鐘內, 鋪入面有2, 3 隻烏蠅0係我視線範圍內飛來飛去, 都幾困擾. 好在招呼好, 比一般茶記有禮貌好多.埋單$36... 0黎過咁多次都係咁上下價錢, 不過今日... 第一次覺得好肉赤.呢度出名已久, 長龍無可厚非(上0黎Openrice 先知原來呢幾個星期忽然又多人0左好多, 又係因為蘇施黃!), 不過點解佢