蘇潮韓海火鍋私房菜

營業中

休息中

晚市禁堂食鐘意打邊爐既我點會放過中午打邊爐呢？早前聽朋友講 荃灣有山景火鍋好奇心作怪既我所以就上去睇下餐廳位於荃灣大鴻輝頂樓環境好寬躺 坐位全部都係卡位坐得好舒服 又方便放袋玻璃窗外盡是荃灣市區景色非常開揚可以一邊慢慢享用食物一邊觀賞荃灣新舊建築景色養生松茸菌湯底湯底有多種菇菌 味道清香材料用料十足 而且味道天然鐘意食菇菌類朋友 推薦頂級牛王拼盤款式夠豐富 包括牛胸爽 牛腹肉 和牛牛舌等等 一次過滿足晒鐘意食牛既朋友仔味道方面各有各好食之處牛胸爽油脂充足而且質感爽口和牛味香濃而且脂肪分布平均梗有一款啱你食海中蝦滑蝦滑表面見到粒粒分明海蝦入口非常爽口彈牙 鮮甜台灣新鮮鴨血口感嫩滑 Q彈細緻雜菌拼盤新鮮 乾淨 美味最後值得一讚係餐廳廁所乾淨職員服務都好好👍🏼

去到荃灣火鍋之塔 ─ 大鴻輝中心，梗係要打邊爐！最近頂層21樓開左間新嘅火鍋店，裝修雅致，環境舒服。火鍋湯底選擇唔少，我地就揀左醉雞鍋，湯底有滿滿嘅藥材，真材實料，而雞就用左酒去醃，充滿酒香，兩個人食半隻就啱啱好。原來打算叫牛頸脊，但無貨，所以就轉左食牛腹肉，點知質素都唔錯。牛腹肉即係「牛五花」，油脂比較多，好啱打邊爐。水餃、丸類都可以叫半份，適合兩個人食，咁就更有彈性叫多啲野食。竹蔗茅根水好抵飲，一大樽都只係$38，大約斟到五杯。而且味道清新，唔會太甜。🔹花雕藥膳醉雞鍋（$198半隻)🔹上等手切牛腹肉（$298)🔹鳳城水餃（$42半份）🔹芝士蝦丸（$42半份）🔹鮮腐竹（$38)🔹皇帝菜（$45)🔹竹蔗茅根水（$38)

平時好怕外出打邊爐，但係呢度就唔同，呢度環境舒適，座位闊落，好有空間感，而且非常乾淨。餐廳位於商場頂樓，遠眺整區嘅景色，而餐廳主打高質素火鍋👍 先有9格調味架，可以自選唔同調味醬，入面有XO醬、麻醬、蒜蓉、芫茜、辣椒等 呢度有多款湯底，如雞、牛、羊、豬骨、麻辣、蕃茄、芫茜皮蛋、清湯等，我地想食雞又想飲到雞湯，所以揀左半隻椰子雞湯做湯底🐥 椰子雞湯鍋🐥$198 半隻椰雞湯鍋有好多椰子，整個湯都好香椰子味 上等牛腹肉🐮$248牛肉雪花均勻，拾下拾下必選😋 手打四寶丸🍡$82鮮手打四寶丸，新鮮又美味 美國桶蠔🦪$168超級大隻美國桶蠔，3分鐘左右就食得，入口好滑入面又軟身

呢排天氣又凍返，好想打邊爐！知道大鴻輝頂樓開左一間新嘅火鍋私房菜，主打高質嘅食材同一般放題質素唔同，就黎試下！地方好闊落，有好多間vip房，成間餐廳都有落地大玻璃，好開揚！望到成個荃灣的景色，我哋揀左一個窗邊位坐！👉🏻椰子半隻雞火鍋湯底好足料，呢度係即開椰子，將成個椰子嘅水倒落個鍋，而且亦都唔係急凍雞，係靚嘅冰鮮雞，好有雞味！份量都好足！呢個湯亦都好清甜，除左椰子雞仲有好多粟米，雞腳，椰子肉同其他配料！👉🏻本地手切肥牛298食過手切嘅返唔到轉頭，油花好靚，冇肥肉，入口即溶，好重牛味，推介！👉🏻手打四寶丸$82擺盤超級打卡，而且內涵亦十足！每一粒都好彈牙，特別鍾意牛丸入面好似有啲芝士咁，好好味！👉🏻炸蝦油炸鬼 $78油炸鬼包咗蝦膠，只需浸一陣個湯底就食得，味道出奇地夾！真係好滿足嘅一餐！

平時甚少晏晝打邊爐，但因為晚市限堂食，今日決定喺荃灣大鴻輝中心嘅「蘇潮韓海」午市打邊爐。餐廳居然安排咗間VIP房俾我哋，裏面有獨立電爐和電視，可以在房內慢慢混醬，在疫情底下，真係勁貼心安排。鮮椰子雞鍋店員結我們打開椰皇，然後將椰子汁放落湯底，真係夠晒新鮮和足料。雞皮薄肉厚，唔會太肥，煲出來湯底都唔會油膩，味道鮮甜，椰香撲鼻。牛舌每塊牛舌都切得厚薄適中，食落肉質幼嫩，牛味濃郁。白鱔片白鱔片十分新鮮、肉厚、而且份量很多，CP值極高。招牌手打澳洲和牛丸招牌菜式冇得頂，彈牙，牛肉味超濃郁，必食。港式鮮蝦雲吞自家製嘅雲吞果然不同，豬肉和蝦肉嘅比例啱啱好，加埋個椰子雞湯底和烏冬一齊食，味道一流雜菜拼盤菜嘅種類很多，分別有茼蒿，生菜，白菜仔和油麥菜等等，而且份量都好多，而且夠新鮮和洗得好乾淨，冇得彈。

#meloin @suchao_hanhai冬天最啱就係打邊爐，今日同媽咪一齊去咗荃灣，90度景觀開揚，中午打邊爐人少少，卡位坐得好舒適。💫鮮椰子雞鍋$198湯底用料上乘，用了新鮮原個椰子，湯底在上枱前，才把椰子水倒入鍋內。半隻黃油雞肥瘦分明，肉質鮮嫩。鍋內還有新鮮粟米和椰子作配料。💫極級本地手切肥牛$ 298手切肥牛一點也不肥，而且肉質淋，牛味濃郁💫手打四寶丸$82牛肉丸、豬肉丸、手打墨魚丸、鯪魚肉有選擇困難症嘅朋友一定要叫這個拼盤，每款有兩粒💫雜菜拼盤$68雜菜拼盤比想像中多，生菜、油麥菜、白菜、菜心等應有盡有，每款菜都非常新鮮乾淨💫竹蔗茅根水$38/一壺一壺飲品可以分成五至六杯，清甜解渴醬料用九宮格形式送上，辣椒、芫荽、姜戎、蔥花等新鮮配料係我嘅自愛，還有XO醬、沙茶醬、豆瓣醬等等📍 蘇潮韓海 (荃灣)荃灣眾安街55號大鴻輝(荃灣)中心21樓5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

最近沒有晚市，很少機會外出食飯，而天氣確實有點冷，真的很想打邊爐，便相約太太午市來到附近這間環境很不錯的餐廳位置（8/10）：位於大鴻輝中心21樓，由港鐵荃灣站B1出口步行約10分鐘，荃灣最集中的飲食地標，附近是沙咀道及眾安街，交通便利環境（10/10）：餐廳裝修華麗，空間及通道廣闊，開揚的落地玻璃顯得貴氣，連洗手間外的裝修亦很精緻服務（9/10）：收銀台提供消毒潔手液，經理很有禮貌，見我們在考慮，主動幫忙先下湯鍋及提供醬料，服務不錯食物（9/10）：餐廳食材精緻，食得出的新鮮，湯底亦算有質素，午市更有火鍋外的午餐選擇，價格實惠醬料 ~ $15/位九宮格的醬料整齊乾淨，其中XO醬相當香濃，瑤柱絲及蝦米份量十足，物超所值半隻花雕藥膳醉雞鍋 - $198用上沙參、玉竹、紅棗及杞子煮的湯底，再另上半隻醉雞，沒有先煲過所以有點淡，但用料算足，打邊爐一段時間後味道慢慢滲出，而醉雞算是香滑，同時充當一款飽肚的火鍋料招牌四式拼 - $108有鳳城水餃、港式鮮蝦雲吞、韭菜餃及梅菜豬肉餃各兩粒。全部大大件令人滿足，水餃香滑爽口、雲吞彈牙而蝦肉鮮甜、韭菜餃相當香濃，最後豬肉餃鮮味十足半份招牌手打澳洲和牛丸

荃灣呢間火鍋店位於大鴻輝， 地理位置十分方便。 餐廳有唔同嘅獨立vip房，喺疫情嚴峻嘅時候獨立房真係令人覺得安心好多，尤其是打邊爐嘅時候，唔使驚會因為隔離枱，咁容易受感染。湯底方面具有好多唔同湯底選擇， 最後我哋決定叫蘿蔔牛腩湯底， 十分欣賞佢嘅料好多， 牛腩煲到好林， 蘿蔔亦都冇苦味。佢哋招呼好好， 調配醬料嘅醬料拼盆會親自送嚟畀我哋自己撈。我哋叫咗一個蔬菜拼盤， 上等手切牛腹肉， 招牌四色拼手作餃， 台灣新鮮鴨血， 新鮮炸腐皮。 不得不讚佢嘅蔬菜拼盤超抵食，裏面有四五款蔬菜而且勁大盤食到好飽。 而佢嘅上等手切牛腹肉亦都好新鮮 ，牛腹肉切到好薄，牛味好重。 最欣賞佢嘅新鮮炸腐皮其實即係響鈴，新鮮炸係唔同啲，佢比現成響鈴更薄更脆， 入口即化。 佢嘅新鮮鴨血亦都好好味， 口感一流。 值得一讚係佢嘅招牌四色拼手作餃，料好多，味道亦唔錯。

大鴻輝出名多嘢食，呢間餐廳開業不久，就約埋朋友打個邊爐相聚，當日被安排坐係獨立房間，私隱度高，可用對講機同店員聯絡打邊爐係會有醬料提供，九格醬料，可自由混醬成獨特口味路邊雞煲 半隻 雞煲可以自選辣度，小辣就啱曬我，雞肉嫩而且好入味，個煲仲有唔少配料，食完仲可以轉打邊爐 牛腹肉 （大）本身想揀牛頸脊，不過未有貨就轉試呢款牛腹肉，一樣好食，牛肉有油花，入口軟嫩有牛味 手打四寶丸 呢個拼盤幾好，每款丸類各2粒，每樣都可以試得到，粒粒都彈牙 海中蝦滑 平時食開嘅蝦滑無蝦係面頭，呢款有好多蝦係上面，入口係比平時食開嘅更加彈牙，必食 白鱔片鱔片都幾多塊，處理得幾乾淨，無嘜細骨，真係啖啖肉，食得開心，推介 竹蔗茅根水一壺都好大壺，足夠2個人飲，好清甜，打邊爐必備之選

氣溫急降最啱打邊爐🥶 第一次嚟新開嘅蘇潮韓海，估唔到職員帶咗我哋去vip 房，同朋友傾到興起都唔怕太嘈🤪 職員好快手上醬料九宮格同湯底🤗 而湯底唔少選擇，平時食得比較健康清淡嘅我哋揀咗豆腐清湯($82)，有娃娃菜、菇、粟米、豬骨、雞腳，超級足料😋重頭戲一定係牛！肉！想食牛頸脊但冇貨☹️ 好彩上等手切牛腹肉(大$298)都唔錯，勁多雪花😍 牛味幾出可以唔點醬汁食👍 餐廳仲有供應冠軍級和牛，下次一定要食🤣另一個推介手打四寶丸($82)，可以試齊蟹子墨魚丸、芝士蝦丸、澳洲和牛丸同梅菜豬肉丸，各有特色，而且每樣兩粒啱晒兩個人share🤣再叫咗邊爐必備香炸午餐肉($68)、響鈴($52)、萵筍片($35) 、娃娃菜($38)、稻庭烏冬($18)，配料價錢合理，飲品就揀咗自家製柑桔蜜($48) ，一大壺應該夠3-4人飲，味道唔太甜好解渴🤤 如果想嗌酒menu都幾齊，啱晒同朋友相聚🥳

今日朋友帶我去荃灣大鴻輝中心新開的火鍋私房餐廳吃好西😗「蘇潮韓海」裝修環境優美，以梳化位為主，舒適寬躺😁醬料有9款選擇，蔥,辣椒，xo醬, 芫荽，生熟蒜等款式，隨你配搭。花雕藥膳醉雞鍋，藥材有黨蔘、北祈、紅棗、圓肉、杞子等養生滋補….香濃的藥材花雕酒香味，雞肉入味之餘仍然很嫩滑🤤白鱔片，份量足，又夠厚，肉質彈牙，味道鮮甜🤤牛胸爽，第一次見，膠質的口感，感覺似食花膠🤪萵筍片，厚切份量足，又鮮又甜又爽口👍🏻美國桶蠔，肥美鮮甜😗

大家好！團團圓圓慶團年！㊗️大家合家平安、身體健康、財源滾滾！🎉🎉🎉我自己今次係第二次幫襯呢間餐廳，上次係堂食，今次因為第五波疫情，故叫左個「盤菜」外賣，追加左個「蘿蔔牛坑腩」及「臘味糯米飯」！今次真係不得不大大聲讚👍🏻👍🏻👍🏻我食過好多條村的盤菜，呢個盤真係正👍🏻👍🏻👍🏻先講牛坑腩:蘿蔔夠淋又冇根;坑腩夠淋又彈牙！正😋再講盤菜:花膠淋得黎夠彈牙;鮑魚夠入味又唔靭;魷魚、豬皮夠爽口;芋頭好入味;就連枝竹都好味過人，重豆(口)味😄😆！重點，個湯底勁夠味，我地食晒啲餸後，加水煮豆苗食，都仲係好夠味！繼而臘味糯米飯:潤腸無(押)味;臘腸爽口又有油香;個糯米飯夠煙靭，食到好香 老抽味 和 草菇豉油味！總結:食到我成家人都讚不絕口！(我決定，30號到我女朋友家團年，再encore)😋👍🏻👍🏻👍🏻👍🏻👍🏻👍🏻👍🏻

朋友介紹喺荃灣既火鍋，話個湯底好正，今日終於黎親身試下，真係冇价介紹錯，未打邊爐前先飲啖湯，個湯底好甜好好味，忍唔住飲左2碗。首先係九宮格火鍋醬料任你喜歡混醬。湯底係鮮椰子雞鍋，裡面本身已經有鮮椰子、海底椰、粟米同雞腳餚湯，店員再將整個椰青水倒入湯底，仲有半隻雞。湯底鮮甜到不得了，陣陣椰香撲鼻。火鍋配料點左極級本地手切肥牛、桂花蚌、蟹子墨魚丸、炸響鈴同鮮淮山。所有火鍋配料都高質素，肥牛鮮味，桂花蚌鮮甜厚肉，墨魚丸彈牙，最值得一讚既係炸響鈴，未食過響鈴好似紙咁薄，但出奇地脆，係食過最好食既炸響鈴。最後叫埋竹蔗茅根水，清一清熱氣舒服哂!

大鴻輝又有新火鍋店，店主打私房菜，高質食材。店舖環境因為新開，所以裝修係簡潔，環境非常開揚寬敞，落地大玻璃可以望到半個荃灣。店員服務態度非常好👍🏻火鍋調味九宮格醬料，有XO醬必食 超香唔辣👍🏻火鍋配料（雙拼）牛油麻辣火鍋拼豆腐清湯鍋麻辣火鍋味道少麻偏香辣味還好，如果食得好辣可能要再加辣，烚肉類味道岩曬👍🏻豆腐清湯入邊除咗有蘿蔔粟米四至五塊豬骨之外，仲有豆腐同雞腳雞腳🤩超多料，推薦雞腳同粟米必食👍🏻鮮牛肉人手切牛肉，肉質偏厚身，重牛肉味及有咬口黑毛豚肉呢個必叫👍🏻豬肉爽口有豬味鮮墨魚丸爽口彈牙，另外用左蟹籽包裹，口感豐富炸午餐肉（小食）甘香口可，另外之後都可以係火鍋烚一下，好食👍🏻萵荀厚切萵荀，新鮮無渣👍🏻另外叫左午餐定食魚翅撈飯👍🏻低食推介，啖啖魚味配上蛋炒飯，味道岩岩好，另外仲有小菜午市同VIP 包廂👍🏻👍🏻

荃灣「火鍋之塔」嘅打邊爐多數都係任飲任食，不過好多時都會有時間限制。所以如果想慢慢嘆高質嘅打邊爐，大鴻輝「火鍋之塔」嘅蘇潮韓海都係一個唔錯嘅選擇。蘇潮韓海除咗坐得舒服，餐廳更位於大鴻輝頂層，所以景觀非常開陽，可以望到荃灣市區景色。花雕藥膳醉雞鍋湯底藥材味好香，仲帶有微微嘅酒香，好有層次。而湯底入面嘅桂圓肉記住唔可以錯過，因為真係好清甜。另外，半隻醉雞都幾大隻，雞皮薄油脂少，肉質嫩滑，肉味香濃。薄切牛脷牛脷切得夠薄，肉味香濃，肉質爽滑彈牙。日本黑豚肉片黑豚肉肥瘦比例啱啱好，肉質厚實，豚肉味濃。鳳城水餃水餃皮薄又大粒，餡料有木耳、筍同肉碎，如果有埋蝦肉就更加好啦。白柏葉白柏葉係我哋打邊爐最愛嘅食品之一，索湯一流。珊瑚蚌珊瑚蚌爽口彈牙，非常鮮甜。新鮮炸腐皮即叫即炸，輕輕索一索湯，黃金三秒就食得。