蘇潮韓海火鍋私房菜

營業中

休息中

年尾清大假同屋企人食好少少，揀左呢間位於荃灣既蘇潮韓海火鍋私房菜，最近做緊7折優惠，另外like 社交平台再送小食椒鹽粟米一客，咁抵食一於擦餐勁既~✨鮮茄羅宋湯底 ($128)湯底揀左鮮茄羅宋湯底，湯底超足料落左好多番茄，未打邊爐前先飲碗頭啖湯，口感清新好飲過出面西餐既羅宋湯多多聲呀✨上等手切安格斯牛小排 ($268)手切肥牛都有好多選擇，我就揀左佢地既安格斯牛小排，油脂分佈平均，食落牛味濃郁，同番茄湯底好夾✨哈蝦油條 ($78)呢個哈蝦油條改名好特別，係將蝦膠釀落油炸鬼，蝦膠好彈牙，同油炸鬼一齊食好match✨椒鹽粟米 ($68)Like餐廳既社交平台page就有得送既椒鹽粟米，夠哂香口，同朋友打住邊爐食香口小食就最開心✨手打四寶丸 ($88)手打四寶丸都好出色，每款都好彈牙，賣相又好精緻，推介✨農家野菌 ($58)其他配料我就揀左水魷同野菌，兩款都好高質，飲品叫左佢地既百香果特飲，仲要係King size，岩哂我呢個水怪啦

晚市時段有 7 折，真係好抵食，今日星期日都有👍👍👍這裡又有得打邊爐又有得食小菜，一次過滿足晒兩個月望🔮這𥚃仲有個領人❤️❤️眼的打咭位，就係有edan 紙牌比你影相，身位爵屎的我，梗係要影多幾張啦🥰🥰🥰🥰我哋like 左佢地個社交平台仲有一碟價值$118的潮式滷水三寶，潮洲豐味濃，香氣撲鼻，回味悠甜。打邊爐最重要梗係個湯底，用料十足的豬骨湯，新鮮的豬骨清甜的粟米，還有落了雞腳一齊熬製而成，味道清甜。上等手切安格斯牛小排牛小排是牛肉界的超級明星，油花極為豐富的口感，軟嫩香氣。日本黑豚肉片紅肉中夾著網狀的油脂，睇到已經覺得好食，肉質柔軟而多汁，大大塊🥰🥰🥰手打四寶丸新鮮自家製的，粒粒起膠彈牙。什錦蔬菜拼盤打邊爐最後一定要食反個菜🥗蔬菜可以吸到成個煲的精華，令到蔬菜變得更美味🥙

朋友講有間打邊爐幾抵，有7折就等佢收工過來吃，原來likeFB仲有小食送幾真係幾抵食，我哋差啲食唔晒2人$533都唔錯，下次可以再來吃其他。養生松茸菌湯底幾清菌味幾濃同香入面材料幾足料，最後加一次湯後味道都保持到。潮式滷水三寶免費沒想到咁多有驚喜，朋友都勁讚這嗰小食，佢最喜歡吃豬腸。之後飲品來到勁大杯同幾足料百香果特飲味道濃郁要叫佢比多少少凍就更好，而我叫了特大檸檬茶全程飲住都夠飲。每次火鍋一定叫的手切安格斯牛頸脊，因為牛頸脊口感同味道都偏牛肉味濃，沾少少豉油已經很好吃，而且這切得薄薄煮一煮可以好快食得又不會太硬口感。手打四寶丸，每款2粒剛好，味道幾濃郁而且口感不錯，幾彈牙又不會太粉的感覺，足料。特級蟹棒朋友講以蟹棒來講質素都幾高，我不太吃都覺不錯。打邊爐當然要食少少菜，雜錦拼盤就最岩我哋2人，份量真心比其他店多不少，而且款式都十分夠食，這價錢真心抵叫。

荃灣打邊爐勁多，今次比我找間有7折，我哋最後食到勁飽連加一每人$267 養生松茸菌湯底，不同菇類加勁甜粟米和竹笙，湯底都幾濃食晒成餐飯都保持到味道不錯，清清地Like 佢FB會送梗即時整啦，沒想到潮式滷水三寶，勁入味每款份量都唔少，有雞翼尖，豬腸和雞腎上等手切安格斯牛頸脊，手切厚度剛好，肉質好嫩，肉味十足，滾一滾食得勁有牛肉口感手打四寶丸每款都幾彈牙，我就最愛蝦丸，彈牙之餘仲有點蝦粒雜錦拼盤入面有幾款菜同菇份量十足，我諗3個人吃都足夠有餘特級蟹棒好大條，而且食落唔好好粉口感不錯飲品見到King Size 百香果特飲&特大檸檬茶每人叫咗一杯真心飲到食完飯都先飲得晒喺大鴻輝21/F，空間感不錯，梳化幾大張坐得舒服 @ 蘇潮韓海火鍋私房菜

打邊爐同小菜同步進行，同朋友叫咗兩個小菜，懷舊百花蟹鉗同埋黃金鮮魷。兩款小菜都好啱我口味，尤其係百花蟹鉗好巨型又啖啖肉，就算唔加醬汁就咁食都幾好味。而黃金鮮魷就係香濃嘅鹹蛋黃味，食多兩舊會有少少飽🫣 但係味道都唔錯既。我自己平時煲湯都係好鍾意食湯渣嘅人，所以就叫咗個豬骨鍋順便食埋豬肉😋煲到好淋就岩哂。而湯方面一開頭就偏清新，慢慢會越煮越濃。打邊爐點可以唔叫牛肉，安格斯牛小排肉質口感都好好，牛肉味都幾香濃，好後悔冇叫到大份🫣餃子同蔬菜就正常發揮，勝在份量都多。

終於到打邊爐嘅季節🔥呢間之前同屋企人食過一次打邊爐唔錯，第二次黎依舊有水準。除咗打邊爐配料，原來仲可以另外嗌小菜咁食～向西豬骨煲本身已經有粟米同豬肉做配料，豬肉香軟，打邊爐打到一半再蘸埋豉油食更添風味。個湯飲落去係舒服嘅豬骨湯，口感順滑，唔會過份重口味。最鍾意係手切安格斯牛小排，肉味香濃，口感軟稔，肉香滿滿😋😋招牌四式拼粒粒飽滿，皮夠薄，比例岩岩好。鹹蛋黃配炸物真係冇得輸，黃金鮮魷沾滿鹹蛋黃，充滿鹹香，趁熱食脆卜卜。最後嗌咗一杯好打卡嘅星空梳打，打邊爐當然要配有氣飲品先爽😋朋友就另外叫咗杯百香果，相對地就會清新啲，酸酸甜甜咁。

老闆請食飯，佢推介左大鴻輝21樓呢間火鍋店由於我地30人，總共book左兩間大房，6點鐘去到一望窗口就有個靚影睇我地先食左個油炸鬼，入面釀左蝦滑，但略嫌硬身食完小食就上刺身，叫左兩隻南澳，一條池魚，象拔蚌，海膽，牡丹蝦，刺身師傅都用心將佢砌埋一齊，同埋有乾冰，賣相都好吸引食完刺身就飲個燉湯，飲得出冇加味精，飲完唔渴然後叫左幾個小菜就打邊爐水煮牛怡香茄子煲豉椒炒蟶子A4和牛總結食物喺大鴻輝全幢係最高水準，火鍋嚟講都屬中上，冇限制用餐時間都係一大賣點但房間隔音唔夠。由於老闆埋單，所以唔知最後幾錢

第二次嚟打邊爐～又要開post 讚吓❣️打邊爐有七折，小菜 中式牛柳好食，好夠味，連啲洋蔥都食哂福建炒飯一嚟到就俾人清哂🤤椰子雞湯好清甜🥥🐔打邊爐啲牛好腍好重牛味😍雞子好大粒😅🫢不過我無食杯特大凍檸茶真係好大杯😂叫咗四杯，由頭飲到落尾🍋☕️員工服務好好～有個員工見我媽媽飲普洱加香片話未見過有客咁飲，仲拎個杯話試吓🤣我媽媽勁推薦～埋單$2000/6個人，3百零蚊一個人，抵🤤🤤🤤又好食下次會再嚟❣️

上星期日同朋友行完大帽山，就留喺荃灣食埋晚飯先回家。荃灣我都好耐冇去過，變化十分大，已經唔係好識路。但我記得眾安街係好多嘢食，所以就行過去睇下。去到大鴻輝中心樓下，見到有好多派傳單嘅姐姐好落力咁樣介紹食肆，我哋睇咗陣最後決定上去21樓打邊爐。我哋六點鐘入座，餐牌某部分嘅食物可以有七折優惠。呢度嘅食物全部都係散叫，而店員都好努力去介紹有啲乜嘢值得食同招牌菜。先黎order個 養生松茸菌湯底$88，湯底味道鮮甜，感覺滋潤健康。佢個新鮮黃金炸響鈴$68幾特別，裏面包咗鹹蛋黃蓉，不過真係非常之邪惡，但又好食喎。另外店員介紹咗我哋食哈蝦油條$78，呢個可以直接食又得，或者放入湯底淥大約三秒拎起，蝦滑就略嫌少咗啲，但係口感都幾得意。另外再嗌咗個手打四寶丸$88，芝士蝦丸幾新鮮彈牙，蟹籽墨魚丸亦都好鮮味。而朋友就最鍾意佢哋嘅梅菜豬肉丸覺得好特別。如果你上去佢社交平台打卡like n share，就會送一個小食比你，我哋就嗌咗個脆金花炸蝦丸$78，爽口彈牙有鮮味唔錯。打邊爐就一定要order嘢飲啦！我哋嗌咗一個自家制柑桔蜜$58/壺，剛剛好有三杯份量，都幾好飲，可惜略為甜咗啲。

28-10-2022 (Fri)晚公司全team食晚飯.book咗呢間嘅房,一大張12人枱,轉盤上嵌入咗三個電磁爐,轉盤可以用remote開關.人齊上菜,有1. 象拔蚌刺身正常爽口,冇問題.味道:3分2. 刺身拼盤有劍魚,帶子,蝦同鮑魚,我只食咗劍魚同鮑魚,都係正常爽口,冇問題.味道:3分3. 生蠔呢個好鮮甜,正.味道:5分4.-5. 湯底方面,我哋要咗兩個,一個辣一個唔辣,我食唔辣嘅,味道冇乜特別.味道:2.5分正常嘅有:6.-16. 響鈴,炸魚皮,蝦丸,牛肉,鴨血,貴妃蚌,炸劍魚骨.牛丸,冬瓜片,西蘭花,蝦膠釀油炸鬼.味道:3分17. 牛腩大大舊已熟,只係放入湯灼熱就得,好夠腍,但牛味欠奉.味道:2分一般嘅有:18. 豬肉片味道:2.5分19. 鯇魚唔好食味道:2分20. 咕嚕肉有好多生果,味道係可以嘅,但咕嚕肉本身一般.味道:2.5分21. 椒鹽鮮魷炸漿係脆,但內裡嘅鮮魷淡而無味.味道:1分之後我再叫:22. 黃金響鈴同普通嘅好似冇乜分別,但之後我繼續食其他嘢時,碗內嘅湯多咗啲蛋黃味.味道:3分23. 魚皮餃淥咗好耐至記得食,呢個竟然係臭.味道:0.5分24. 貢丸唔香唔惹味.味

【蘇潮韓海火鍋私房菜】週末$1 雞鍋🍲 (有鮮椰子雞鍋、花雕藥膳醉雞鍋、雞煲) 三選一 (原價半隻💰$198)我地第一次黎所以唔知道原來最低消費💰$1488+10% 就可以包到vip房 如果3-4個朋友仔都已經夠數book到了 vip房private啲又有麻雀枱🀄 仲要無限時 性價比都唔錯😆😆講反野食先 1蚊花雕藥膳醉雞鍋都真係好抵食 而且佢地唔係比細細隻既雞你 都相當足料 😋 雞肉都幾鮮嫩唔老 而且好香酒味😍上等手切安格斯牛小排 (💰$268) 上等手切安格斯牛頸脊 (💰$338), 極級本地手切新鮮肥牛 (大) (💰$398) 呢三款牛都唔錯 食落重牛味 而且厚切 食得滿足 擺盤亦都好靚 唔係就咁放埋一堆咁比你😂😂手打四寶丸 (💰$88) 海中蝦滑 (💰$88)粒粒手打丸都好大粒而且足料 蝦滑都重蝦既鮮味其他配菜就正正常常 不過不失~~整體價錢係偏貴 但如果想打麻雀又想打邊邊既 不妨都可以下午時段book vip房 約埋三個牌友一齊上黎玩咁就抵反啦🫣😝

一入到餐廳，職員介紹vip房最低消費$1488+10%，唔使坐大廳，我哋5人點都夠數啦！房間夠6人座，舒適乾淨。老闆話vip房可以打牌添，4點就可以打，食飯直落到零晨我哋食火鍋，食物都好新鮮，試左麻辣湯底，牛脛脊，黑豚肉，四寶丸，餃子⋯湯底較咸，冇麻辣，不過食完冇口渴！老闆話唔火鍋可以食小菜，聲稱小菜都好掂！呢樹飯聚下次可以試吓小菜。 另外，職員叫我哋like佢社交平台 有小食送俾我哋— 椒鹽粟米，係好食嘅，不過唔夠熱！

一行11人！想搵一個私隱度高嘅地方聚會，左揀右揀終於決定試新嘢太高興忘記影間房添又有麻雀枱+卡拉ok,冷氣十足人多都唔怕飲品種類好多，有冇酒精嘅都多大大贊加拿大象拔蚌刺身非常爽甜，連個膽都切埋條勁正仲有食完要再叫嘅牛肉，不得不提坑腩白蘿蔔湯底，D坑腩又係要再叫椰子雞湯底！真係大大兩個新鮮椰青做底差啲唔記得仲叫咗法國生蠔🦪新鮮爽脆又係再要Encore食到差唔多開始唱下卡拉OK先，又係真真估唔到D音響都唱得下又唱又飲又食，最後仲有黑松露醬薯條出現最後不得不贊，職員十分有禮親切

大鴻輝中心難得有既高質打邊爐好精緻裝修，有好靚既花海牆🌸🌺打卡一流幾個朋友訂了VIP房，私隱度高房間闊落，唔會好似食放題有限鐘數2小時就趕你走，可以慢慢傾偈🥂🍺食野仲可以唱K花雕醉雞湯底，飲湯先好清甜雞夠滑蝦膠油炸鬼🍤，係即叫即炸好脆卜卜，浸幾秒打邊爐再食都好食蔬菜拼盤份量好夠料，生菜🥬白菜仔，仲有菜心同油麥菜，岩晒好鍾意食菜既朋友竹蔗茅根水，吾會勁甜清熱氣一流，飲完先發現唔記得影相😂

訂咗VIP房～有k唱🎤有麻雀打🀄️叫咗個藥膳雞湯底😋湯好飲黃金響鈴好好食😍叫咗一隻雞🐔超厚肉又滑❣️好好食！個牛好新鮮😋😋侍應服務好好～有個男侍應倒湯時會用手遮一遮我哋果面！叫咗枝水，仲幫我哋扭開少少！勁細心🥰無得彈！嘢食好好食～所有食材都好新鮮～性價比超高～每人為返先幾百蚊🤣玩足六七個鐘！超啱一班朋友聚埋打吓牌食吓嘢🍽大堂出面仲有花花牆可以影相～好靚🌸下次一定會再去😋😋