蘇潮韓海火鍋私房菜

營業中

休息中

打邊爐同小菜同步進行，同朋友叫咗兩個小菜，懷舊百花蟹鉗同埋黃金鮮魷。兩款小菜都好啱我口味，尤其係百花蟹鉗好巨型又啖啖肉，就算唔加醬汁就咁食都幾好味。而黃金鮮魷就係香濃嘅鹹蛋黃味，食多兩舊會有少少飽🫣 但係味道都唔錯既。我自己平時煲湯都係好鍾意食湯渣嘅人，所以就叫咗個豬骨鍋順便食埋豬肉😋煲到好淋就岩哂。而湯方面一開頭就偏清新，慢慢會越煮越濃。打邊爐點可以唔叫牛肉，安格斯牛小排肉質口感都好好，牛肉味都幾香濃，好後悔冇叫到大份🫣餃子同蔬菜就正常發揮，勝在份量都多。