蘇媽.蘇媽馬來西亞茶餐室 (已結業)

同朋友仔出去，佢介紹我去咗間佢去新荃灣必食嘅舖頭。我哋叫咗個砂鍋老鼠粉，個名好特別呀，原來係銀針粉，有隻窩蛋，蝦乾，銀魚仔，豬皮，肉碎，食前將所有嘢撈勻，味道好鹹香好嘢味呀，會再番嚟食，下次試吓肉骨茶先👍🏻😋另外我哋叫咗玻璃魷魚配通菜，一樣咁好味

又嚟荃灣食好西了！以前去新加坡讀書，會去馬來西亞玩，超中意食馬來西亞菜，朋友話蘇媽蘇媽好地道，當然要試！最岀名嘅棒棒骨已經賣哂，我叫左腩肉，見到舊舊都肥瘦相間，配上肉骨茶，正！唔記得左講，呢度一坐下就會斟碗肉骨茶比你飲，係正宗馬來西亜藥材味，正！叫左沙爹串燒，沙嗲汁多到瀉，而且好濃郁，啖啖都有！朋友叫左豬腳彎，重膠質，一樣無令我地失望！香口嘢一定唔少得，大推呢度嘅咖央多，熱辣辣上碟，啖啖咖央，正過阿坤！仲叫左玻璃魷魚通菜，呢個就還好啦，加左玻璃魷魚無特別好味囉總括而言，一定要試！

上次同180先生食完蘇媽，佢既肉骨茶確係令人回味。 幾經介紹比朋友終於同佢地一起食到喇。。椰香咖央多士多士即叫即製，厚度切得適中，烘得香脆。搽上足夠綿滑嘅咖央醬，每啖都食到椰香同班蘭香，內餡甜而不膩。百吉爹肉骨茶大雜錦 有齊5款肉類，棒棒骨肉質幾淋；豬手帶皮，筋位口感爽脆富骨膠原；三層肉食落較鬆化帶油香，已經相對較瘦；豬肚好新鮮，食落爽口彈牙；雞腳冇煲到軟爛。將辣椒碎、蒜蓉、黑豉油同頭抽拌勻後，用嚟配肉食更惹味。底下加咗豆卜同金菇，呢款仲送油炸鬼同響鈴，好可惜係都唔脆。呢鍋湯冇原裝肉骨茶咁重藥材味，多咗一份肉嘅甜味，味道比較易接受。無限添飲肉骨茶肉骨茶有20款藥材煲足兩個多小時，其中當歸味最濃烈，湯微暖唔算太熱，充滿藥材香，茶底濃冇苦澀味反而有回甘，飲落香醇順喉。檳城福建蝦麵湯底十分之濃郁充滿住蝦膏嘅味道 ，油麵有咬口同湯底一齊食，味道真係好夾。

疫境中一枝獨秀的馬拉菜荃灣區工廈林立， 向來不乏高質食肆，但連月來受疫情影響，大多數人都減少出外用膳，晚巿更見慘淡，但走到大壩街，顯而易見得「蘇媽」一枝獨秀！疫境之下店外依然大排長龍，等位等外賣的食客絡繹不絕，周六傍晚需等大約30分鐘，不過為咗一嘗正宗肉骨茶都係值得！加上一入位後上菜速度幾快，唔洗等好耐就可以大快朵頤～當晚我哋三人total點左四款食物就已經好滿足。首先必推一定係豬腳彎肉骨茶！湯頭呈琥珀色，帶有甘甜的中藥材味，一飲暖意遍佈全身，天氣涼涼地飲就最舒服；而每片豬腳彎嘅皮、肉、脂肪比例完美，先是Q彈煙靱嘅豬皮，然後是一層脂肪溢出油香，再而是實而不柴嘅豬肉部份，加啲甜豉油，一啖過咁食就最爽皮。第二必食係咖央西多士， 烤多焦脆嘅麵包中間㚒住帶有南洋風味、濃郁椰香、醇厚豐盈嘅咖央醬，咬嚼之下又是一番享受。第三推介是馬拉沙嗲串燒，濃厚沙嗲醬好澎湃咁覆蓋住三枝肉串，相信呢個係我喺香港食過最頂呱呱嘅沙嗲，有超濃嘅花生、沙薑等香料味道，任何肉一蘸呢個醬都一定好食，較推介點豬肉串，帶有豬頸肉的爽脆質感。最後，當晚點咗檳城亞參喇沙米線，眼見材料相當豐富，有大量洋蔥、薑花，花生及薄荷葉，加上一湯

💛 蘇媽.蘇媽馬來西亞茶餐室 (荃灣) 💛..............................好耐之前已經食過嘅蘇媽蘇媽一路都好想食 因為第一次食已經覺得幾高質自從成為黃店嘅一份子 就更加多人排隊😫😫有日經過荃灣 終於下定決心去再食🥰.🔅8.5、9.12 有參與罷巿🔅呼籲大家投票、表明一票不投建制派..............................～辣死你媽 - 仁噹牛肉 $55.幾推薦呢個辣死你媽仁噹牛肉飯😍😍首先個飯係超香椰漿飯 但又可以做到粒粒分明另外仁噹牛肉呢 其實就係巴東牛肉🐮佢就煮到每一嚿牛都好腍好入味同埋無咩筋位 啖啖都係肉 正！😋配菜方面都好豐富 唔講得笑😳有半隻蛋 江魚仔 青瓜 蝦片 少少辣嘅花生參巴醬參巴醬係畫龍點睛嘅地方 撈飯好好食😍有咁多清爽同脆卜卜啲配菜 食曬成碟都唔會膩呢個辣死你媽仁噹牛肉真係稱得上好食夾抵食😋.～ 凍馬來西亞拉茶 $25 (跟餐價 $18).呢杯拉茶都好高質🤩拉茶嚟講佢唔算好甜同埋好滑❤️茶同奶唔會搶到大家嘅味道！推薦！.👏🏻：7.5/10..............................🎈蘇媽.蘇媽馬來西亞茶餐室

荃灣友人強烈推介一間馬拉餐廳，咁我就奉陪。星期日11點半左右去到，已經要等位，好彩等了約10分鐘就有位。餐廳面積不大，坐得有少少迫，不過都算乾淨整齊。裝修有些南洋風味，似入了一間在馬來西亞的餐廳。首先上咗仁噹牛肉撈麵，原來Rendang中文叫仁噹。Rendang係印尼國菜，我喺印尼食過，非常美味。呢間馬來西亞餐廳做仁噹，亦做得好出色，牛肉有各種香草香料味，有啲錯綜複雜，濃郁嘅醬汁配合嚟撈麵，令我哋兩個一下子就食晒碗麵😋😅。另外亦叫咗店舖推介菜式：砂煲老鼠粉。粉上邊有啲肉碎同豬油渣，粉其實係銀針粉，呢個菜做相當一般，味道普通。另外亦叫咗泡泡奶茶同咖啡，非常香口、順滑，真係有好多泡😋，值得推介。總體來講都滿意，應該會再嚟試吓其他菜式。

呢間馬來西亞嘢喺荃灣可以話超人氣🤣 無論Lunch 定Dinner 都好多人排隊等位🤓 加上佢係黃店，自然吸引再多啲人黎🤣 星期五晚7點到都等咗ard 半粒鐘先入座😳 客觀黎講 啲嘢食水準真係唔差嘅，不過用餐體驗就有改善空間🥴 黎呢到 預咗係食快餐咁食🤣 同埋空間狹窄，預咗要同人搭枱 同行裝都要輕便🤪 仲有店員趕做下一張單嘅目光😏—————————————————🍜湯咖哩麵 $52MENU上話味道似新加坡喇沙嘅，事實上真係咖哩同椰奶味都好濃 係精華呀～都好足料，每樣餸都有2件，特別鍾意食個魚卷 索哂啲湯🤪 其他料都ok la😎我轉咗食米線，唔會咁快浸腍😏 -🍞椰香咖央多士 $26即叫即烘☺ 個咖央醬搽到好厚仲有煉奶🤩 要趁熱食，脆邊👍🏻-🥛椰汁斑蘭冰 $33要講講呢個，未食任何嘢飲嗰陣真係好甜😂 似係落咗成罐椰奶🤣 但食完啲辣辣地嘅麵食呢，就好中和到喇😆 斑蘭味都算重，都大杯🤓 不過要keep住食嘢咁飲😌 如果唔係就好甜喇☹—————————————————❌設加一服務費🕰星期一至日 11:30 - 22:30🔄Encore 指數 8/10 (食物係幾好，不過過程太chur又逼，感覺不

很早就聽朋友推薦這家餐廳，是香港高手如雲的東南亞風味餐廳中的佼佼者。考慮到當下的個人衛生條件，選了下午茶人流較少的時間去，沒想到還是要等位😅看來為了美食大家可以去到幾盡😂😂好在等左一陣就有位，餐廳內部面積好細，用盡地方擺檯檯櫈櫈十分擠迫，我於是用最快嘅速度落單：1. 迦央多士（麵包烘烤的十分鬆脆，裡面夾的醬有濃厚的椰奶香，甜而不膩，是我喜歡的味道，很滿足的組合）2. 馬來拉茶（味道有點像...茶味淡一些的港式奶茶，跟餐+15$，價錢和茶餐廳很不一樣！不要抱太高期望啦，畢竟港式奶茶也是奶茶界的王者之一啊，很難超越的）3. 叮噹牛肉飯（食家中很有人氣的推薦，看起來像中毒綠色的米飯，配上微辣的咖哩牛肉和酥脆小魚乾，看起來風馬牛不相及的組合，口感卻融合的恰到好處，是這餐最大的驚喜推薦指數滿天星）4. 大棒骨肉骨茶（湯中藥味濃，可以續杯，但...有點鹹，導致我飯後兩小時都超級口渴！所以不是很重口味的朋友，建議是no）

對此信念，堅定如一😇，這信念更是我人生旅途中的一顆璀璨明珠🙌🏻！所以周圍去好嘢😂。今日天氣很好，風光明媚，約咗朋友仔行城門水塘，梗係要食飽飽先😆，知道朋友仔一直想食深水埗嗰間「蘇媽蘇媽」，但係好多人排隊，所以趁今日係荃灣呢邊行山，即刻帶佢食。雖然而家疫情下，大家都減少出外吃飯，但仍然要排隊，但係條龍就短咗好多，等咗大約15分鐘。兩個人不約叫嘅嘢都一樣，咖央多士 share：🌴椰香咖央多士 $26☕️馬來西亞拉茶$15🥵辣死你嗎$55一口熱辣辣脆卜卜嘅咖央多，一啖香濃嘅馬來西亞拉茶，如同食白粉一樣😂。咖央醬出色，而且用心塗抹均勻，層次分明，入口陣陣椰香先跑出，然後斑蘭香及蛋香隨來，好味！拉茶香滑，辣死你嗎亦做出地道風味，每人平均$83，值得推介👍😋。然後一齊同遊我的後花園「城門水塘」，心情豁然開朗☘️。

相信大家對蘇媽應該唔陌生 每一次經過都好想試但係見到條隊就放棄咗 最先係得深水埗荃灣開得耐啲宜家連旺角都有lu~食馬來西亞野一定要試下【椰香咖央多士】多士烘得非常之脆仲暖暖地 可惜我就嫌班蘭味唔夠醬可以再多啲但係呢個係好食嘅 【馬來西亞拉茶】亦係另一樣必試 拉茶係用煉奶沖同港式奶茶最大分別我覺得係茶味冇咁多而奶味會多啲 同埋因為係拉茶所以杯茶上邊有咁多泡(ू•.• ू) 【檳城福建蝦麵】湯底十分之濃郁充滿住蝦膏嘅味道 油麵有咬口同湯底一齊食好夾蝦都幾新鮮呢個不錯 【辣死你嗎NasiLemak配仁噹牛肉】 nasi lemak入面當然有椰漿飯 花生 銀魚仔 青瓜 參巴醬 蝦片同蛋 牛肉其實姐係咖喱牛腩咁 椰漿飯好香班蘭味 同配料花生銀魚仔撈埋一齊食真係好惹味 但係我覺得個辣椒醬對我完全唔辣可以要就番香港人口味成間餐廳所有辣椒都唔太辣 呢個大推好有馬來西亞風情𓂃𓈒𓏸【馬拉沙嗲串燒(雞肉）】呢個真係超推!!!! 沙嗲醬超多味道偏甜 每啖都食到好多醬花生粒 雞肉好嫩滑 想encore十串 仲有牛同豬揀 【砂煲老鼠粉】呢個真係香港好難揾到 其實姐係銀針粉 上面配料有蝦米花生銀魚豬油渣豬肉碎同有隻生

繼續黃店篇！今次就食馬拉西亞菜蘇媽啦！其實喺深水埗已經食過，但好掛住佢嘅肉骨茶，黎到荃灣忍唔住又要食啦！之前食過皇帝骨、三層肉，肉骨茶今次就嗌咗個棒棒骨～呢度最正係咩，咪就係帶咗一碗肉骨茶可以無限添飲囉！仲有辣死你嗎，姐係椰漿飯，個名好似好辣，其實就唔係好辣嘅！仲有必嗌嘅咖央多士、招牌老鼠粉、叻沙米線🍜招牌老鼠粉、咖央多士基本上每次去到都必嗌，一份多士有四件，我哋仲叫左兩份咁多🤣棒棒骨有得打橫揸住好似食雞髀咁食，都咪話唔爽！不過我就鐘意有返d肥豬肉，皇帝骨、三層肉正d！你地又鐘意食邊隻呢？叻沙米線偏辣，但我就鍾意食蘇媽d撈嘢特製辣椒板麵多d啦～原來除左荃灣、深水埗，佢而家連旺角都開左新分店！又多個地方可以食肉骨茶啦！棒棒骨 $76椰香咖央多士 $26辣死你嗎配咖喱雞肉 $55招牌砂煲老鼠粉 $78 檳城阿爹叻沙米線 $52馬來西亞拉茶 $18（跟餐）

是咁的，呢間蘇媽蘇媽本店都幾好食，越黎越多分店都好正常。但太多分店，啲質量就會控制得唔好，荃灣分店幾難食下。首先講杯奶茶，其實無乜期望，當普通茶仔奶茶。佢有陣馬拉香料味，初頭唔太習慣，但飲落都OK。之後到個喇沙面，真係一般般，個湯蝦味唔重，連喇沙香料味都唔重，唔知搞乜鬼。個面就油面黎，無特喇，其他配料就正常野，兩隻蝦都唔算霉。整體叫正常野，普通喇沙面。至於兩個辣食你媽真係好難食。佢地個椰漿飯就煲到爛晒，啲飯好淋，再加上落左班蘭色落去，真心唔開胃。個辣醬就好鹹，唔香唔辣，我本身唔食辣都食到。啲魚仔超鹹，唔脆得黎又鹹，啲花生有油益味，蝦片林嘅。至於啲咖喱雞同咖哩牛，唔知係咪比其他野影響左，我都覺得好難食。作為飯筒，我竟然食唔晒，真係誇。唔知本店依家點，經過會再試，希望會好食。

今日行過荃灣 搵良心食肆食嘢， 知道呢度有一間都幾好食嘅馬來西亞餐廳， 幾時先得閒過嚟呢邊試下， 外面見到好大個招牌寫住蘇媽蘇媽， 金漆招牌好有特色 。我叫咗一個咖哩飯， 牛腩好淋好嫩， ， 仲有綠油油嘅椰漿飯， 香港普通餐廳係唔會食到呢隻味。 再加埋特色嘅蝦片， 同埋佢特製嘅辣醬， 成個餐食完好飽好滿足， 好似去咗馬來西亞咁。當然唔少得最特別嘅係馬來西亞奶茶， 雖然我叫咗少甜味但係就如其他馬來西亞飲品一樣都係好甜。 下次會嚟試下佢㗎喇沙湯

途經荃灣大壩街，見到一間舖頭門口排咗勁多人，好好奇究竟係咩舖頭咁受歡迎，眼見門口係懷舊嘅中式裝潢，以為係主打傳統港式點心嘅小茶樓，但一睇餐牌，竟然係一間馬來西亞餐廳，小妹同朋友即刻攞籌排埋一份。等咗大半個鐘，終於等到位，雖然間舖好細，但坐滿晒都真係可以坐到幾多人吓，但係相對就有啲迫，由於坐得唔係太舒服，所以大家食完都好快走，門外顧客等位嘅時間就比一般餐廳短。小妹嗌咗最愛嘅肉骨茶，分別係豬腩肉（$40）同一字骨（$76），只要一落肉骨茶嘅單，侍應就會每人放低一個碗仔，斟肉骨茶嘅湯，而且係可以無限斟！！！只要飲得晒就得！個人認為一字骨非常好食，肉質一啲都唔「鞋」，而且唔會起渣，非常似台灣嘅十全排骨。當然湯都係非常足料，湯色係深啡色，藥材味勁重，而且仲滲咗去肉入面，熱辣辣咁飲，冬天非常補身暖胃，真係值得一試！椰香咖央多士（$22）簡直係最驚喜嘅部分，即叫即整嘅烘多士香脆可口，再加上香甜不膩嘅咖央醬，每人一件真係唔夠，要嗌多兩三份先夠過癮，最重要嘅係$22一份一啲都貴。但要注意嘅係，一上枱就要即刻食，如果唔係腍咗會影響口感。馬拉沙嗲串燒（6串$85／3串$45）非常惹味，沙嗲醬「傑」身，沙嗲微

「蘇媽 ﹒蘇媽」馬拉文就係解「甚麼都有」，所以店舖提供唔同正宗嘅馬來西亞菜式，部份材料嚟自原國，務求做到原汁原味🇲🇾店內設計復古懷舊，富有傳統馬拉風格。 即使開咗分店，店外都依然出現人龍，大受街坊歡迎👍🏼💗無限添飲肉骨茶肉骨茶加咗20款藥材煲足兩個多小時，尤其當歸味最濃烈，湯頭微暖唔算太熱，充滿藥材香，茶底濃但冇苦澀味反而有回甘，藥材味已經比馬拉個d已經淡咗少少。另外帶d豬肉嘅鮮甜味，飲落香醇順喉🍲💗百吉爹肉骨茶大雜錦 ($145)有齊5款肉類，棒棒骨炆到骨肉分離，肉質偏瘦不過都幾淋，豬肉味濃，食到絲絲嫩肉🍗；豬手帶皮，筋位口感爽脆富骨膠原，佢係唔係屬於炆到軟冧個種保留咬口，挑剔嘅係仲有d豬毛；三層肉食落較鬆化帶油香，肥脂同瘦肉比例係1:3，已經相對較瘦🐷；豬肚好新鮮，食落爽口彈牙，清潔得好乾淨所以冇羶味；雞腳唔會煲到軟爛，由於彈性十足要花時間下，呢個好睇個人喜好，悲傷小姐就係鐘意呢款有嚼頭嘅🐥。將辣椒碎、蒜蓉、黑豉油同頭抽拌勻後，用嚟配肉食更惹味🧄底下加咗吸湯一流嘅豆卜同金菇🍄呢款仲送油炸鬼同響鈴，好可惜係冧哂一d都唔脆。呢鍋湯冇原裝肉骨茶咁重藥材味，多咗一份肉嘅甜味，味道比易接受，