蘇媽.蘇媽馬來西亞茶餐室 (已結業)

一間好有馬來西亞風味嘅鋪頭，舊式茶室感覺嘅裝修，未食嘢都感覺到馬拉嘅氣息，當你落完單，會有肉骨茶奉上，仲無限添飲，不過淨係得茶冇肉。如果想要食肉，就要另叫🤣肉骨茶嘅味道好正宗，飲得出有好多唔同嘅藥材味，入口微甘一啲都唔苦，溫度啱啱好微微暖，飲完個人好舒服叫咗砂鍋老鼠粉，沙嗲馬拉串燒，香炸鹵肉卷，當然唔少得正宗嘅大雜錦肉骨茶啦。大雜錦肉骨茶顧名思義即係有晒店內咁多款肉骨茶既配料，豬手，豬腩肉，雞腳，棒棒骨，豬肚，豆卜，花菇，中藥材料等等，會另上油炸鬼，響鈴，呢兩個餸浸肉骨茶食吸收啲湯之後好好食，其他配料都好入味，豬手有好重嘅骨膠原，食完個嘴唇好粘，煮得夠淋入哂味，鳳爪同埋豬肚味道都唔差。雖然配料每款少少，但全部少少加埋一齊就好多啦！如果啲肉骨茶飲晒仲可以叫店員添加不另收費，留意只限肉骨茶呀🤣串燒分別有牛豬雞各一，肉質鮮嫩唔老有肉汁，唔會過咗火喉，沙嗲醬唔太辣，重口味正，食落口食得出嗰醬係經過好多材料混合而成，唔似一般沙嗲包味精多單一風味。香炸滷肉卷，皮脆肉滑，入口脆卜卜，滷肉好入味，軟滑，滷肉卷內仲有少少芋頭蓉，配合一齊食整體味道唔錯，怕辣嘅朋友要叫另上個醬呀，真係幾辣嫁！🌶🌶砂鍋老鼠粉

有一次經過好多人排隊，未能一試，今日專程來試下，裝修和食物賣相看似好地道，但味道就一般。肉骨茶可以，但吾够熱。大雜錦一支骨二隻雞腳二舊豬手下面全部是豬肚和肥腩肉及豆卜，味道淡要點豉油才好食。咖央多士嗰醬幾好，麵包是稔的，失望。辣死你嗎？配咖啡牛肉味道賣相正常，但吾辣。拉茶完全無茶味，最失望，可取之處，吾太甜。恐龍下蛋雪糕咖啡，比較好飲，不過不失。食完，竟然隔離個牛嚼牡丹，話一般。 應該多人食，水準就不能保持。

每年都會去新加坡一次，喜歡它馬來西亞的美食，見到「蘇媽」的出現，一直好想幫襯，但因為坐位太迫，又多人幫襯，小朋友又揀擇，所以仲未有機會試。因為疫情的關係，可以外賣自己食。叫了小朋友喜歡的咖央多士，同坤記有得fight，入口融化，咖央有班蘭味。飯都係有班蘭香，雞就一般。奶茶特別，但不是新加坡和馬來西亞的拉茶，總括來說滿意，還是掛念馬來西亞的口味⋯⋯

🇭🇰小失望！總體係好味，不過未到好好好味咁🙈辣死妳媽🤭 綠色椰漿飯Nasi Lamek 好吸睛，咖喱雞煮得好嫩，旁邊啲配料就不過不失🤗檳城亞參叻沙（粗米線）酸酸辣辣咁，越食越上癮！馬來拉茶係我其中一個最愛，好香茶味！細香港暫時最喜歡的東南亞餐廳係Rampah Noodles 同蘇媽蘇媽

蘇媽.蘇媽馬來西亞茶餐室(4.2/5) 🌕🌕🌕🌕🌘推薦程度：🔥🔥🔥🔥 (5🔥為最高)平時帶大家食咁多好野，今次一於帶大家試吓食馬來西亞🇲🇾菜，試吓食？係呀，應該係我第一次去馬來西亞🇲🇾餐廳食正宗馬拉菜😳，初嘗馬拉菜嘅我緊係要黎到我最熟悉嘅荃灣啦。適逢💛五一黃金週💛，我黎到荃灣嘅蘇媽.蘇媽馬來西亞🇲🇾茶餐室，試吓佢地嘅馬拉菜正啱正先🤔……蘇媽.蘇媽馬來西亞茶餐室位於荃灣廣場附近嘅大壩街度，經過荃灣地鐵站🚉接駁住嘅天橋過黎非常方便，基本上唔洗日曬☀️雨淋⛈就過到黎。個日我順便過黎食個Dinner🕔就揀咗呢間食啦，見到餐廳出面個門面✨好吸引到我✨，比起周圍餐廳黎講好有特色，個種感覺就係：嘩！原來馬來西亞🇲🇾餐廳係咁架……係咪有種大鄉里出城咁，係呀我都未去過馬來西亞🤫。唔緊要，黎依間餐廳睇吓感唔感受到個馬來西亞🇲🇾嘅感覺……一入去都係例牌量體溫，今次坐個位係收銀機後面，每張枱都有塊板擺係中間。坐底唔洗點睇餐牌就叫得野食，入黎本身就想試下肉骨茶，但Dinner食又驚唔飽，依個時候就比✨『撈粉麵』✨嘅招牌砂煲老鼠粉吸引住。雖然我都唔係好知係乜🤨😂，不過見到幅圖好似幾正加上個名太特別，上面仲寫住『香氣

主打馬來西亞菜，價錢唔貴。由路邊檔到後嚟開舖頭，而家再跨區開埋分店，就知道有幾咁受歡迎！檳城白咖啡(凍) ($25)好香好滑，無苦澀味，仲有陣獨特嘅香味，好好飲！(提提大家嗌多士係唔可以以優惠價嗌飲品，要跟番正價！)椰香咖央多士 ($26)賣相唔錯，多士一開四，方便食！多士烘得酥脆，每咬一啖都會發出「咔嚓」嘅聲；但因為無飛邊，食落有少少乾。咖央醬搽得厚身同均勻，落足料，入口順滑，有椰香同斑蘭香，甜度適中。

📌椰香咖央多士 🍞（💰28）多士烘到好脆💕好多咖央醬🤤雖然好食但要留肚(⁎⁍̴̛ᴗ⁍̴̛⁎)-📌百吉爹肉骨茶(棒棒骨) （💰76）我本身就好鐘意飲藥膳類既野呢度嘅肉骨茶好重嘅藥材味🤤仲可以無限添飲♪( ´θ｀)ノ飲左好多碗 個身暖笠笠💕💕-📌辣死你嗎配仁噹牛肉 （💰55）剩係個椰漿飯我都可以食幾碗...好香又唔漏牛肉好林好入味💕💕💕配料有蛋🥚魚干仔🍤蝦片🥜花生🥒青瓜仲有個參巴辣醬 好惹味🤤利申唔撈醬都好好食😋好有細個食工人姐姐d特色飯既味道🥺-又黃💛又好食🥺🥺🥺🥺又抵又足料！

【超多種類馬拉菜 必食椰香咖央多🥪】🔸仁噹牛肉撈麵 $55🔹椰香咖央多士 $26🔸玻璃魷魚通菜 $48呢間都係幾熱門成日見到嘅黃店，睇到個餐牌就有選擇困難，好多款樣樣都想試😗私心推介個咖央多係一定要食！麵包烘到金黃色，夾住厚厚一層咖央醬，未食已經聞到勁重椰香，食落香脆又唔硬唔dry，中間咖央香甜不膩～牛肉麵個醬都非常有馬拉特色，多香料多炸蒜，牛肉香辣入味，如果可以多返啲汁撈麵就好。魷魚爽脆，又加咗好多炸蒜，魷魚同通菜本身都係冇乜味，但撈埋個醬食就幾正🤪-蘇媽.蘇媽馬來西亞茶餐室荃灣大壩街71號地舖深水埗基隆街251號地下旺角上海街618號地下G01號舖

招牌沙煲老鼠粉 $78有生雞蛋、豬肉碎、菜甫、魚仔，炸蒜、辣椒醬，銀針粉口感彈牙，份量足夠四個人食，雖然色澤深，但味道稍淡。湯咖哩麵(米通粉) $52配有薯仔、豆卜、魚片、芽菜，米通粉口感煙韌 ，吸收咖哩湯汁。椰香咖央多士 $26多士薄身，烘得好香脆，呈金黃色，濃厚椰香味， 甜而不膩。檳城香炸滷肉卷 $45腐皮包着肉碎、芋頭、沙葛，微微五香粉的香味，炸得好酥脆。馬拉沙嗲串燒(6串) $656串有雞、牛、豬，肉質不會燒得太乾，沙嗲有濃烈椰香味，有花生碎。玻璃魷魚配馬拉盞通菜 $48水魷爽脆，煮得啱啱好，份量算多，新鮮爽脆通菜配上馬拉盞，辣辣地十分惹味。豬肚肉骨茶$42三層肉肉骨茶$45湯好重藥材味，味甘清甜，無苦味，真材實料，最重要係無限添飲，冬天飲一定好暖身，豬肚爽脆，三層肉層次分明，鬆軟唔韌，食落唔會太肥膩。椰汁班蘭冰 $33班蘭味香濃，椰汁同班蘭味好夾，底部有粒粒西米。桔仔話梅水$29桔仔話梅甜中帶酸，清新解渴，特別開胃。

話說得深水埗1間舖頭既時候已經想試，到而家開到荃灣都有分店，終於俾我食到🥳🥳🥳！店面並唔大，但係有馬來西亞茶室特色。-如果你係一個麵包控🍞，依個椰香咖央多士($26)係必必必點！雖然望落好普通兩塊多士夾住d醬，但係個咖央醬係好重椰漿味，食落似煉奶mix花生醬🥜既質地，但係又冇煉奶咁甜。永遠都係最平民既食物係最好食🤤🤤🤤！-另外嗌左個香炸滷肉卷($45)，純粹係未食過先點。滷肉卷面頭係用左腐皮包住，炸到脆身，開頭都驚腐皮會吸哂d油，但係食落又冇想像中咁油膩😆😆，而家入面包既餡好特別🤔🤔，唔似係肉，似芋頭。嫌唔夠味，側邊仲有辣醬可以dim，都唔錯👍🏻！-主食方面，分別叫左個辣死你媽配咖喱雞肉($55)，辣死你媽係傳統馬來西亞菜式，入面有參巴醬，炸魚仔，花生🥜，蝦片，青瓜🥒同蛋🥚，再配上香噴噴既椰醬飯🍚！參巴醬係靈魂人物！食得辣既朋友一定要撈勻個醬食，超級惹味😍😍😍！咖喱雞肉用左椰奶煮，相對唔辣，帶有甜味，建議將配菜撈埋一齊食，仲滋味😋😋😋！-另外一款就係檳城亞參叻沙米線($52)。其實就係用魚蓉，青瓜🥒，菠蘿🍍，蝦膏，紅洋蔥，辣椒🌶️，薄荷葉煮死既米線。首先就緊係要飲啖湯，都偏辣，但帶有鮮味

估唔到係荃灣，都好似飛3個幾鐘去咗馬來西亞，找回馬來西亞嘅味道。同阿媽兩個人食分別叫咗檳城亞參叻沙米線跟蝦醬同檳城福建蝦麵配辣醬。兩者我相對鐘意檳城福建蝦麵，有濃濃蝦頭味嘅湯底，食落仲有少少辣。配料有蝦同兩片腩肉。而檳城亞參叻沙米線就比較清新，湯料有大量爽口蔬菜，例如洋蔥、青瓜，特別嘅地方係仲有罐頭菠蘿，湯底酸酸美味好開胃。蝦醬甜甜地，同港式係大澳買嘅蝦醬唔同，但因為唔知道係點食，所以都冇點太多。食馬來西亞嘢，必食有肉骨茶，呢到仲係任添！之前去旅行聽到導遊講馬來西亞同新加坡嘅肉骨茶係有唔同嘅，馬來西亞嘅肉骨茶比較重藥材味。呢度嘅係還原喺馬來西亞飲嘅肉骨茶，好濃郁嘅藥材味，放心入口唔會苦。如果冬天飲一定勁暖身。原本想食棒棒骨，但考慮到得兩個人食未必食得晒，所以叫咗豬肚。$42都好多件豬肚，每舊都好厚身，好抵食。我哋仲叫咗串燒。沙嗲醬好惹味，有一粒粒嘅花生。雞肉比豬肉好味，燒得脆口d，同埋比較入味。兩個人食都捧著個肚走。下次一定要多啲人嚟食，試埋奶茶同斑蘭特飲，仲有好多人叫嘅多士。

好耐冇去新加坡，好掛住當地美食，結果就黎咗呢間馬拉菜小店一入門口已勁有特色，似置身當地肉骨茶都有好多選擇叫左豬腳彎，份量十足，又香又濃當然唔少得喇沙不過杯咖啡就麻麻地喇

以前去新加坡Exchange，會去馬來西亞玩，超中意食馬拉菜，朋友話蘇媽蘇媽好地道，當然要試！今日系五一黃金周，朋友早早就在店外等位元,要全部人全到齊才可以安排入座,大概等了20分鐘。呢度一坐下就會斟碗肉骨茶比你飲，系正宗馬來西亜藥材味，正最岀名嘅棒棒骨已經賣哂，我叫左豬腳彎，見到舊舊都肥瘦有致每片豬腳彎嘅皮、肉、脂肪比例完美，先是Q彈煙靱嘅豬皮，然後是一層脂肪溢出油香，再而是實而不柴嘅豬肉部份，加啲甜豉油，一啖過咁食就最爽皮。幾推薦呢個辣死你媽咖哩雞飯😍😍首先個飯系超香椰漿飯 但又可以做到粒粒分明雞就比較普通，雪雞扒配菜方面都好豐富 唔講得笑😳有半隻蛋 江魚仔 青瓜 蝦片 少少辣嘅花生參巴醬參巴醬系畫龍點睛嘅地方 撈飯好好食😍有咁多清爽同脆卜蔔啲配菜 食曬成碟都唔會膩埋單都係$130有找，兩個人食都好抵

值得去等嘅特式馬來西亞餐廳，環境唔算太逼坐得舒服，價錢平民化，同茶餐廳差唔多。斑斕飯好好味算係佢哋其中一個賣點，叻沙都可以不過都幾辣，肉骨茶嘅料就好入味 茶仲可以任添，另外檳城白咖啡同馬來西亞拉茶都唔錯，整體都幾滿意，推薦！😋

蘇媽蘇媽喺深水埗嗰間食過幾次，樓下非常之好嘅印象，知道荃灣都開咗一間分店，就嗱嗱聲走去試荃灣分店比較光猛同埋闊落，裝修都靚啲，坐落舒服黎得呢到梗係要試吓肉骨茶，不過好可惜今日好多款肉骨茶例如皇帝骨一字骨等等都賣晒，我同朋友見係咁，就叫咗豬同埋豬，除咗肉骨茶之外我哋都叫咗咖央多，串燒，魷魚通菜，同埋酸梅水落單後侍應都好快送上兩碗肉骨茶，俾我哋飲咗湯暖下胃先。我哋亦都按照指示先將肉骨茶要點嘅醬汁撈好。先講一講肉骨茶，味道適中，唔會有過重藥材味，好食。啲豬肉好軟身好入味，啖啖肉，好值得一試咖央多多士焗得軟硬適中，識落隨口但又唔會冇咗麵包嘅口感，餡料好食，唔會過甜，但係餡料部份較凍，如果整體嘅溫度一至啲會好更好串燒三種肉食落去都不過不失，但係肉稍為有啲硬，沙嗲醬同市面上其他餐廳比差唔多，但都可以一試至於魷魚通菜普通，可叫可不叫買單兩個人加埋$300，呢個價錢食到正宗馬來西亞肉骨茶算係咁，鍾意食嘅朋友就唔可以錯過啦