蘇媽.蘇媽馬來西亞茶餐室 (已結業)

難得食到出名嘅著名星馬餐廳 梗係要紀錄吓我食咗啲咩😗 咁啱嚟嘅時候係三點三下午茶時間 所以就試咗佢最抵食嘅下午茶餐喇 椰香咖央多士因為實在太香噴噴 所以急不及待未影相已經俾我食咗兩件 本身上碟嘅時候有一整份 total四件🙊檳城福建蝦麵 (油麵)一上碟已經好香蝦味 湯底都好有椰香 麵食落口唔會好林 配料方面有蝦同三層肉 再配埋佢特有辣椒醬 非常惹味🦐古早味豬腸粉 面頭有啲肉碎 腸粉都幾滑 不過略嫌食到最尾啲豉油同啲腸粉浸得耐得滯 有啲過鹹😐另外追加咗魚仔醬蘿蔔糕 同埋峇拉煎炸雞翼 個人覺得兩樣嘢都冇乜特別 甚至蘿蔔糕喺外面餐廳食 仲更加好食😅凍馬來西亞拉茶應該好多人慕名而來 的確係好有特色同幾好飲嘅 個人覺得佢嘅甜度幾適中 而且充滿奶香 味道真係好似我之前喺馬來西亞飲過嘅拉茶😉 我諗呢啲係正宗嘅味道👍🏻可能係我咁啱揀嘅食物選擇 唔係呢間舖頭最出名嘅食物 所以小食方面就覺得冇乜特別😹 不過呢度好有馬來西亞嘅地道風味 因為舖面環境都幾熱下 有冷氣都好似冇咁🥵

常常見到門口有很多人排隊等候今日午餐點了辣死你媽 （好搞笑的名）檳城亞參叻沙（米線）🍜桔仔話梅冰怡保白咖啡辣死你媽就是馬來西亞的(Nasi Lemak）, 香濃奶香綿密香軟的馬來西亞椰漿飯配雞肉, 再加上脆卜卜的魚仔很惹味, 還有細蝦餅、辣椒醬也是靈魂配搭亞參喇沙配蝦膏其「Asam」在馬來文中意味「酸」, 享用時, 倒入約一湯匙的蝦膏進行攪拌, 會酸酸辣辣帶點甜味服務態度不錯、上菜快, 但坐位有少少窄下次可以試下肉骨茶

蘇媽．蘇媽馬來西亞茶餐室地址:荃灣大壩街71號地舖平時去茶記食件多士做下午茶就食得多啦，想轉轉口味食返件馬拉多士，識食一定會諗起蘇媽．蘇媽。平日一到食飯時間，呢間野就勁多人等位，有時仲要等足一個鐘先食到添，難得今日比較少人，就即刻衝入去食返個下午餐先。椰香咖央多士 🍞$26多士烘得好香脆，而且啲咖央醬搽得好足夠，味道帶啲椰香味，又唔會過甜，真係好好食，值得一試！🤤#nicefoodie荃灣 

.📍蘇媽. 蘇媽馬來西亞茶餐室📍 #饅頭去荃灣 #饅頭食星馬菜 #饅頭食麵包------------------------------1️⃣海南鴛鴦燒包 ($42)呢度嘅咖央多士非常之出名，不過小編建議會想食咖央多士嘅朋友仔可以直接嗌呢一款，海南鴛鴦燒包會帶微微竹炭香👍🏻，微熱焦脆得嚟又保留到此些少麵包嘅鬆軟，而且咖央醬同牛油會厚好多😍，咖央醬入囗香滑creamy，濃濃嘅椰香唔係死甜，班蘭同蛋香之間嘅平衡做得非常出色，兩者都唔會比其中一方蓋過，加多兩大塊凍牛油，鹹甜冰火交融，值得讚賞嘅係佢成份多士基本上都夾滿餡料，層次同滿足感都level up😋。------------------------------◾包體：4.2/5◾內在餡料：4.1/5🔸整體評分：8.3/10🔸小編回頭率：7/10

啫喱骨肉骨茶 $128啲 肉/骨 同其他料幾多, 湯係無限添加, 凍凍哋食一窩感覺好正! 但藥材味唔夠, 以前喺星加坡同馬來西亞都未食過呢種味道但我唔係當地人唔敢評論佢係咪正宗. 感覺有少少略貴但可接受. 會再去試其他嘢.

星期六既下午，行完街想食個下午茶，聽朋友講蘇媽，蘇媽既椰香咖央多士好好食，甘一定去試試椰香咖央多士 $32朋友話一試難忘，最初我都驚會好甜，但原來食落甜度剛剛好，一層咖央醬一層牛油，邪惡得黎食完好滿足馬來西亞奶茶 $17奶茶控既我超級鍾意飲呢個奶茶，又滑又香濃

好耐冇得去馬來西亞，今日行過蘇媽蘇媽，睇到午餐牌上有特價檳城福建蝦面，諗吓已經有一段時間冇食佢，所以就食吓啦！碗面俾嘅喺油面，份量頗多，至於配料方面有一隻大蝦，半個蛋，兩片豬腩肉同兩片魚片。湯底喺用蝦頭、蝦殼等熬的，味道鮮甜，雖然話係有少少辣味，可能因為我係食得辣的人，所以就唔覺得辣。跟餐仲包埋杯熱飲，我就要咗杯熱拉茶，嚟嘅時候上面甚多泡沫，證實它真是拉出來的👍！臨走時仲外賣另一個特價午餐辣死你阿媽，攞返屋企做今晚嘅晚餐😃！

❤️今晚早咗收工，去荃灣廣場嗰邊搵嘢食，朋友提議食「蘇媽。蘇媽」，我未試過，所以咪跟佢去試吓囉。餐廳裝修好有東南亞嘅感覺，坐得雖然迫左啲，但感覺都可以嘅乾淨嘅。今晚叫嘅所有菜式同埋飲品性價比都好高，一定會有下次👍👍..✅招牌砂鍋老鼠粉 $88👍.❤我見好多台都食所以我哋都叫咗一份，上枱嘅時候好香，上面有一啲魚乾仔好好食😋呢個必食推介👍👍..✅古早豬腸粉 $68🫕.❤️呢個腸粉個汁好惹味，加埋啲肉碎食到唔停口，呢間舖頭啲嘢食唔係好大碟，所以你可以放心叫多啲唔同嘅菜式都可以呀😋..✅椰香咖央多士🥪$32.❤呢個朋友話必食，我起初仲擔心佢好甜，食咗之後就覺得我可以接受，麵包雖然唔係熱辣辣但係好脆👍👍..✅馬來西亞奶茶☕️$17..❤️我係奶茶控，我自己覺得味道就好滿意，今日食飯嘅時候左邊同右邊枱都係飲呢個馬來西亞奶茶☕️所以我覺得如果你鍾意飲奶茶嘅話你一定要試吓👍👍..服務：⭐️⭐️⭐️⭐️食物：⭐️⭐️⭐️⭐️環境：⭐️⭐️⭐️⭐️(5星為滿分).💰$190 / 2人 (晚餐)..📍荃灣大壩街71號地舖

呢間餐廳又係一個好多人會嚟嘅地方, 又係下下都要等好一段時間今次一個人黎, 所以好快就入到去坐喇! 其實自從疫情好耐都冇去過馬拉好掛住馬拉嘅食物！叫咗個海鮮喇沙同埋一個”佳釀”包😆”佳釀”包係香港都食得出有咩咁出奇？奇就奇在佢做到exactly馬拉咁嘅味道, 包面脆脆而且有焦糖嘅味道加埋一齊十分之好味, 而海鮮喇沙個湯底好濃郁而蝦肉質新鮮, 每一啖都勾起我喺馬來西亞街旅行每一日都要食嘅回憶🥺🥺總括 : 佢開左咁耐都仲有咁多人排隊係有原因架👍🏾

第一次忍唔住要打食評！因為太掛住馬來西亞食物，見到間間分店都咁多好評去試吓，3點入座，3:08落單，店員完全無提3:15有下午茶餐 (食完出門口睇到個大牌先知🤬)食otak otak—等左勁耐嚟一碟，3條都燶嘅😡叫佢換過馬來西亞拉茶—唔係拉嘅，仲要勁奶，之後飲唔落叫佢加茶桔仔水—正常淨係叫咁基本嘅嘢食都咁差，無謂再叫第2樣最基本嘅拉茶都咁難飲，淨睇個色都唔啱啦🤬🤬🤬🤬🤬絕對無下次🤬🤬🤬🤬🤬唔該唔好扮地道馬拉啦🤮

覺得比大家捧得太高，唔是咁有驚喜，可能太有期望😂只有椰香咖央多士值得食，其他一般，甚為普通。招牌砂煲老鼠粉個名好特別，但其實係銀針粉，不合口味。呢到嘅肉骨茶原來係免費添飲，鍾意肉骨茶嘅朋友記得食同飲多啲😂

成日俾朋友話我淨係鍾意歎咖啡食西餐，食野唔夠平民。其實我想平反，我都好鍾意食平民特色野，只不過有時餐廳人多要快手快腳或者環境淺窄唔夠打卡able時選擇左直接襯熱開動。今日就嚟都有馬拉平民美食之稱既蘇媽蘇媽開餐。.蘇媽蘇媽其實係馬拉文「咩都有」既意思。開左好長時間，主打馬來西亞菜，係平民美食界名氣幾響，相信好多人就算未食過都一定聽過呢個餐廳。荃灣分店都算大有兩個鋪位，雖然次次去門口都有人龍但係地方大大家都係快吃類別，所以入座都算快。裝修有少少似舊式冰室，幾有風味。.因為怕等，平日唔少時間係叫外賣所以佢地好多名菜都試過。今次難得同朋友選擇坐低食，簡單打張卡紀錄一下。.肉骨茶💲0⭐️3.5/5坐低首先每人黎一碗熱騰騰既肉骨茶，呢個係佢地既名物，免費的。佢地既肉骨茶標榜即日煲，每日開爐兩次，保證新鮮好味。味道上盡量平衡肉湯同藥材既風味，顏色上比較深。 .一字骨肉骨茶 💲128⭐️3.5/5一字骨係最傳統既食法，餐牌有教肉骨茶四步曲：檯面有碟仔同各種調味料，調醬 (蒜+辣椒+黑豉油+頭柚)，先飲湯，再嚐肉骨，肉記得要點醬食先夠風味，最後可以叫侍應加湯再飲，任添既。肉骨茶其實一向唔係我杯茶，唔多評價，

以前工作關係會成日去馬來西亞，個邊既口味都幾岩香港人，依家疫情無得去，咁唯有係香港食～～依間餐廳一試就愛上首先佢既門面裝修同餐廳裡面既擺設都好似返左馬拉咁！好有馬拉風味當然食物亦都無每我失望，自己幾欣賞佢個老鼠粉同拉茶！依兩個都係必食嘅推介！不過我去過咁多次都係食呢兩樣野今次就試吓其他嘢⋯ 叫左杯桔仔水 唔會太酸同甜 岩岩好🙌🏻今次好欣賞佢既特製辣椒板麵，好香口，用左老鼠粉既料，所以好好食😋到依家都係食極唔厭既馬拉菜餐廳🥰

蘇媽蘇媽開到好多間分店，都食過好多次，都分享下先🥢圖上呢個係辣死你嗎，又未至於真係辣死，都幾惹味，就咁食到肉會覺得有啲咸，配上椰醬飯幾香口。蝦🦐片如果即食就仲脆，放得耐左就會被飯既水氣浸軟柴魚花生🥜係最愛，咸香花生加上有咬口柴魚，飲酒一流我唔特別鍾意食辣死你媽，反而佢咖央幾出色

想話食嗰tea,入去想做得舒服啲，職員俾咗張沒有椅背的枱我，但有枱4位的沒人坐，我想跟他說坐這張可以嗎？講真食tea的時間真的沒太多人其實可以滿足客人要求，但佢寧願你唔幫襯送你走囉！所以我決定唔食啦！如果你多人我到時都會讓給你，但是這樣的服務態度真係要檢討吓囉！