藝術茶座 (裝修中)

可能因為 book 咗 6:00剛剛開晚市所以成個場都係得我地嗰枱其實如果坐佢地靠窗側邊嗰幾張枱都會望到個景ga食物方面都叫做幾大份如果鍾意食肉的朋友呢度都應該能滿足大家我嗰日叫老闆幫幫手送份禮物俾朋友佢都笑住服務態度真係唔錯靜靜地想傾計ge話，呢度係幾好

雖然天氣熱咗D，但係晌有露天位嘅食肆食番餐晏仔，加埋景觀夠開揚，會幾寫意架！MUSEUM CAFÉ就啱我心水，晌香港藝術博物館平台側，有室內，有室外，附近又有D銅像雕塑，加上位置較偏，少人來人往，就算去開文化中心或藝術博物館嘅人都好少上哩，清清靜靜，飲杯咖啡，睇吓書，或者望吓維景對岸，都絕對唔錯！不過，係度食嘢就覺得有少少偏貴，佢哋一個午餐，幾四十幾到七十蚊，只係一個主菜同一杯餐飲，無其他喇！還好，佢哋D主菜質素都唔差，好似今日試咗個香煎金獅魚配牛油果沙沙汁同燒春雞配煙肉白菌汁，兩個都係伴薯菜。金獅魚煎得幾香口，肉仍保持得幾嫩滑，而牛油果沙沙個名雖然怪怪咁，但幾醒胃，有D似泰式醬汁，酸酸辣辣甜甜；而另一個主菜燒春雞有半隻春雞，烤得幾香，雞肉一樣幾嫩滑，唔嚡口，白菌汁加咗煙肉鹹鹹香香，無凈係白汁咁「寡」。嘆埋杯咖啡，望望維港，心情又豁然開朗！

星期六與朋友相約吃午飯，想找一個方便而又寧靜的環境，所以便嘗試此餐廳。餐廳於藝術館的一角，與主要通道有點距離，像是一片別有的天地。雖然餐牌中只有六款午餐，但餐廳亦有不同的飲品和小食，可讓我們作各種食物配搭。套餐價錢$40多元-$70多元，每款都有特色，味道有水準，可根據自己的喜好作選擇。此餐廳還有一些特色飲品(不算餐飲)，如吃下午茶或想休閒一番，味道不錯，不妨試試。除了以上提到的食物品質外，本人也喜歡那裏的環境。餐廳的某些戶外位置可看到港島對岸，附近還有一些空地，很有空間感，感覺怡人，的確是與友人閒聚的好地方。美中不足是那些可看到對岸的位置鄰近該餐廳廚房的通風口，若顧客多的時候，便會嗅到一些食物味道和感受到輕微的烹調熱力。不過，綜觀而言，此餐廳於尖沙咀區中都是一間挺不錯的食肆。

i like the environment here not only the habour view attract me but also the quiet and relax atmosphere. foods are high in quality and the price is reasonable also. but design of the cafe seems in the 90s. * close on thursdays!

絕對係鬧市中o既一個綠洲!星期日下午係尖沙咀食一個寫意o既午餐,價錢相宜($50~一個lunch),食物質素好,加埋悠和o既陽光,問你去邊到搵!

看了之前網友的評論之後，找了一個星期六跟朋友前往這家餐廳吃飯。在鬧市中央，煩囂的尖沙嘴，難得有一個如此清靜的地方可以悠閒地吃飯、談天；雖然食物不是特別美味，但以價錢來説還算不差，比起很多茶餐廳要好得多了。總體來説，是一個難得的清淨地。沒有在其他時間去過，但星期六，絕對可以一去。

看到之前的食評說這裡環境好，終於相約好朋友Ｋ先生&Ｃ小姐在此lunch~　可能期望太高，所以到步後略感失望；始終不是直接面海，不能與CPK/Habitu等海港城餐廳相比～Lunch($4x-$6x)約有6款，我點了一個dorky fish fillet配薯菜，朋友就叫了煙Salman linguine及白提子焗豬柳~ 落單10分鐘後，linguine來到，我才驚覺原來lunch是沒有跟湯的，又多一分失望~ 　老實說，食物份量偏細，味道也平平；不過與朋友開心暢談，而且餐廳人客不多因而夠靜，倒是吃得挺愉快~

28-5-2005 1345星期六返公司做埋的手尾，1點鐘準時過細海開始搵地方購入必須品，老尖食品好食既多的是，但可以望到個海，兼唔會嘈生曬，呢度必然係其中一個地方。去到時人客當然唔會多，連自己搵都有點困難，總之好食就得啦，在云云的午巿套餐中，選擇左比較清新的意大利蕃茄帶子配素雲吞。蕃茄汁係用新鮮蕃茄煮，素雲吞都有七至八隻，帶子當然少一半，味道偏淡正合又熱又濕的天氣，凍飲唔駛加錢，服務員當然有禮貌，這四十八蚊我應為也值得比，如果餐廳室外不太熱、大風或凍，與情侶慶祝生日確實一流兼浪漫！

放完一輪假，又係時候番工，又係時候繼續尖咀尋食記喇。今回講到去番幾個月都冇去的Museum Cafe，依然見到肥老板埋頭苦幹，依然人流都係唔多，依然外籍人士多d。總相信老板是有心的，就睇下佢個Lunch得唔得。叫左個印度咖哩牛腩仔配意大利麵包，仲以為麵包係分開上，哦，原來是像焗酥皮湯似的，焗到個麵包大大的將整個盛器都包緊著，形狀十足十巨形大磨菇似的，麵包好鬆軟煙韌。腍腍而切得尚算細件的牛腩，浸在小辣的咖哩湯中，惹味可口。一邊食著牛脯，一邊慢慢將d麵包混入湯汁中，又幾過癮的。其實這裡的食物是有水準的，唯獨是地方不易被發覺，人流稍欠，如果是談心的，絕對冇問題，但最好等天氣好少少，坐露天位，俾晒成個無阻隔的維港你睇住，休閒一下又何妨？有時在天星碼頭撞到肥老板憂愁的樣子，令我聯想到燒鳥的日本仔，都係有點艱苦經營feel 喇！

發現呢到,絕對係因為openrice o既功勞! 呢個小餐廳環境極之舒服,如果你打算用五六十蚊食一個有如半島景觀o既自在午餐,當然食物質素係一般o既西餐廳,呢到絕對係一個好選擇.星期六下晝大約兩點,呢到唔多客,基於而家已有秋意,所以多數o既客都係坐戶外.友人選o左set lunch,係雞卷配薯菜(即係薯).穩鎮.自己就要o左個Green Salad加Mocha. Mocha較為甜,要成$28,唔平.不過就係個relax既環境,抵番!

星期天，最好就係休閑一下。唔想去太遠，就走到文化中心藝墟，感受一下文化氣息，暫時拋開工作，個人都冇咁煩悶。原本都係預了唔會在這地方用錢，但行下行，走上藝術館一樓平台這coffee shop。心想，呢次想唔花錢都好難，一定要試這裡的咖啡。叫了一杯Mocha, 味道剛剛好，朱古力味道沒有蓋過咖啡味。那當然要立刻找這裡的負責人訪問一下。原來呢度己經開了兩年幾，由於種種關係，沒有做很多宣傳，因此這裡的客人一般以外國遊客為主，平日中午則以附近上班行政人員為主。負責人劉生話，呢度D 食物，大部份都是從外國入口，質量有一定保證。劉生話，由於間舖中文名用了“藝術茶座”，好多人仲以為這裡是售賣茶道的地方，都幾好笑。呢度除了提供西餐廳的食物及飲品外，亦可提供酒會、Buffet 給客人搞function ，但要預早一個星期book 位。在這裡，靜靜地，又近市區，最好同三五知己談天說地，都唔有人聽到，又唔怕比人趕，確實是一個旺中帶靜的吹水好地方，就如沙漠中的綠洲一樣。但要注意這裡是逢星期四休息，因為星期四是藝術館的休館日。有樣可惜的是，年初二唔可以在這裡一邊嘆咖啡，一邊睇煙花，因為到時這裡會被警察叔叔暫時作封

呢間cafe 冇乜裝修, 不過勝在有個無敵大海景!!!!! 小食一定要試啤酒洋蔥圈, 仲有蜜糖芥茉雞中翼, 都好好味~~~~ 放左工去坐坐到夜晚, 睇住維港景, 吹下海風, 真係好正好舒服. lunch 同dinner o的set 都幾好, 久不久會換下款. 不過咖啡就間野開左咁耐都仲係好難飲, 太"火農"...最好飲係fresh juice, 次次去都唔同款, 有次試過芒果汁, 好正呢.