藝術茶座 (裝修中)

最近才得悉原來在香港藝術館內是有一間小cafe存在着的，而且甚得食友們的青睞，不過自己竟然一直不知道她的正確位置是在哪裡....到了週日，又是一家人出動四處八吓的時候。一直到了黃昏，是解決五臟廟的時辰。剛啱人就身處文化中心內，想起了這間小店，便四處探頭找找她的所在....走多幾步路，沿着樓梯拾級而上，最後卒之看見那"Museum Cafe"的招牌...走了進去，跟侍者說三位，並且問店內是否有BB椅，最終小弟換來是她的黑面回應。心裡馬上對這裡扣了一個大分數...話雖如此，這兒的食物水準倒是一如許多食友所講，真的是不賴....打頭陣的洋葱湯已給人一個極好的印象 --- 洋葱份量極多而且差不多全溶於湯內，味道是超濃郁的又夠杰身。此時放下一片多士進去醮來吃，是冇得頂的享受....知道太太極愛fish and chips，看見這兒有得吃，馬上即叫。魚肉的外皮雖很厚但脆口，肉本身雖沒甚味(但這已是意料中事)但質感極滑；薯條用的是我最愛的有坑紋的貨色，故此儘管是油膩了一些，但對我來講，有坑紋薯條食已是極滿足。不過數到我在此夜的摯愛，便是那甜酸合度，有了不少切成小粒的酸瓜增添咬口的他他醬，光將之擺入口

Carbonara + ice tea = $68+25+5(凍飲要再加5蚊）本來諗住去文化中心個間，但因為太多人所以上去呢間睇下，有好多位就入座， 點左大路野諗住應該冇衰，點知••••意粉青椒洋蔥多肉同菇有幾條, 唔好食d茶飲左一半, 唔好飲好處係唔使等位

同男朋友行過海傍，本來想去文化中心飲杯野坐一陣，但太多人啦。用app搵野食搵到呢間就上去試下，對環境同食物都喜出望外，亦想將呢d好地方分享比你地，開始食家之旅。由於我地只係想坐低傾下計享受下周未，只係叫左個辣雞肉pizza同new york cheese cake已經夠晒。今日都幾熱，唸左陣都係坐入面 : )辣雞肉pizza夠脆，唔太夠儂味但都好好食。New York Cheese Cake我唸我地黎得呢道最enjoy就係個環境，就算係室外或者室內都比到你優閒既feel，一坐低可以傾幾耐都得。美中不足係果日樓下有band show所以室外係比較嘈。

非常好的環境, 在藝術館的二樓平台, 陽光普照的下午, 天氣大約十八度左右, 見餐牌只收廿多元一杯咖啡, 實在太底了, 坐下欣賞對面超高級酒店的外貌, 飲著那杯做得只一般的”鮮奶咖啡”, 真係一般唶, 未及那些CAFÉ連鎖店, 略為淡了一些, 幸好也夠熱, 單就環境也值這個價啦,

侍應的推介吾得!牛扒配紅酒汁, 有牙都覺得扒太老, 太韌, cool緊牙的人士食, 根本是mission of impossible la!!!海鮮Pasta就好味好多!!加蒜的食法比較中式!!不過由於我鍾意食蒜, 所以好適合我!!!但是整野食的人比較懶!!!蝦腸未抽走, 有沙!!!!啊呀!!!!!!!!!!Milk tea , =Milk 與 Tea 分開 好少見, 要自己落奶!!怪怪地!!吾滑!!!吾香!!!兩樣野無撞過, 完成融合吾到!!都是為左個景來食下野!!!坐外面可以望到維港!!食完野, 送聖誕gift 比女朋友!!! 甘就過左一個寫意的X'mas Lunch time!

太太頗為喜歡嚟依間「藝術茶座」食晏，主因係鍾意佢個環境，大露天茶座式設計，因為位處香港藝術館1樓平台，較少人會行去嗰度，成個平台都係放七、八張枱，開揚又唔嘈雜，一邊對住半島酒店，一邊對住文化中心，再另一邊對住對面海中環景。所以，佢久唔久拉埋同事嚟食晏，尤其晌星期六下晝，長週之時返半日，可以攤抖耐啲，食完唔使趕返公司，仲可以坐晌度睇吓書，嗒住杯咖啡，望吓「海景」，感覺好寫意輕鬆，多少當依度係城市中嘅小綠洲！依個星期六，拉咗我嚟陪佢食晏。除咗主餐牌，都有提供午餐，「午市精選」提供一個主菜加一杯餐飲嘅簡單午餐，共有6款選擇，久唔久會轉款，由$50-$85，另收加一服務費，都咪話唔貴，因為講真，主菜睇勻又唔算叫好有特色或者特別吸引，故此，唔知係咪咁，就以往所見都唔算多客。香煎豬扒配士多啤梨汁 $50我哋兩個主菜都係跟意粉，而意粉類別係扁意粉，煮得幾有咬口無過腍，配菜有西蘭花、椰菜花同甘筍仔，由於意粉同配菜都無乜經醬汁煮過，稱得上白烚咁滯，味道偏淡，唯有靠主菜嘅汁醬。主菜香煎豬扒配士多啤梨汁，豬扒只得一塊，但頗大塊，無太多調味，簡單香煎，又確係煎得幾香幾透，色澤金黃，不過咬落肉汁尚可。至於個汁，

因為當晚在附近看舞台劇的關係,於是便選擇了到這裡晚餐。坐在門外的位置能看到維港的美景,所以選擇了坐在門外。叫了一個晚餐,首先來的是洋蔥湯和蒜蓉包,洋蔥湯味道一般,但蒜蓉包很好吃,可能因為它是新鮮烘出來的關係。之後便到主菜,要了芝士焗蝦肉醬意粉,意粉內真的有很多芝士,我是超喜愛的,而不知為什麼蝦好像有少少辣,也令我很喜歡。最後來的甜品是朱古力三重奏,友人們都說很好味,但我就覺得一般,不過它亦不會太甜,這點是很好的。

一般有透明窗餐廳都好光猛,不過一般係望行人路或馬路,睇人或睇車,而lee間望藝術品同海境,環境好有藝術feel.當日天朗氣清,清楚望到港島景,午餐冇乜人??? D客又静,連煎扒聲都聽到D,我1人坐張4人枱,哥仔話無所為,服務幾好.香煎龍利柳配青提忌廉汁($64)食一個無湯同包唧午餐龍利魚只算合格,好在個汁調得幾香同好味 連埋健康配菜令午餐份量還可以,可惜咖啡奶係凍,令到一杯熱咖啡變做普通暖飲.客人可選擇坐室外,當日未見有客食煙.

來到這間餐廳試吃一下，以為是普通的水準，怎知道真的是超水準。食物味道很不錯，我和朋友都選吃了特選晚餐，其選擇也不少，好似有6-7個，我們吃煙三文魚香草天使麵，頗大碟，而且真的有數片完整的煙三文魚，不是三文魚碎，有很多的蔬菜，味道也很不錯。它的餐湯是洋蔥湯，是咸了點，不過可以接受。還配上一個不錯的蒜溶包，麵包是外脆內軟的，味道不是都包店的味道，頗特別的。因我和朋友都是奶痴，因此本來他們已給了我們雙份的奶，但我們出聲，他們竟然再給我們雙份的奶，真是很好啊~不過我最喜歡的是它們的朱古力cake~真係好重朱古力味~勁好吃~不過因為他們趕住關門~未能好好享受。一個餐湯+餐包+主菜+飲品和甜品，都是$99加一~我個人認為是物超所值(有埋維景夜景wo~)唯一不好的是他們8:00關門

星期天，我哋到香港藝術館睇嘢, 近近哋在隔鄰的藝術茶座吃午餐. 環境清靜, 温度適中, 望吓外面的陽光,十分舒適.午市套餐包括主菜和飲品，約四十幾到七十幾蚊　:我選擇了鴨胸扁意大麵: 鴨胸味道恰好, 配菜丰富, 有青椒絲, 黃椒絲, 紅椒絲, 茄子絲, 雜菌絲….加上蒜蓉和欖油炒的扁意大麵，煙韌有咬口 , 煮得不錯，唔油, 好食!他的磨菇汁牛意粉味道也不錯, 唔會好咸, 配菜也不少, 健康有益.即磨咖啡: 稀咗少少.服務員面帶笑容, 有禮貌, 服務質素良好.是日天朗氣清，行出少少望吓維港的景色 ，心情愉快！

Came to this place for a quick lunch after a visit to the Arts museum. Quiet little cafe with limited view of the harbour. Tried 2 of their set lunches - the pan-fried pork chop in kiwi fruit sauce and the seafood linguine. Out of interest we also ordered the traditional onion soup - turned out that it was nothing traditional at all, just the typical "Hongkie" styled type of onion soup you could get from any char charn ting, although I must say the taste was not bad and the piece of garlic brea

第一次到這裡用膳，食物質素不錯， 而且仲有維港景欣賞。可惜晚上只營業到19:30 ， 問過waitress 佢話若果人多才會稍為遲一些close.但是在藝術館的餐廳告示話21:00才收工， 呢樣應該要更正番啦。

主人知道奴隸獸對龐貝古城的歷史一向很著迷，所以香港藝術館的『天火奇珍』展覽當然不會錯過。（奴隸獸今次乖乖地看展覽呢！）參觀後就到『藝術茶座』午飯。兩人各點了午市套餐：1.　野菜焗雞卷 + 咖啡（HK$56）：焗雞卷的賣相不錯，份量頗足，雞肉滑而 Juicy，味道尚算 OK。2.　香煎金獅魚配白酒蟹籽汁 + 咖啡（HK$52）：略嫌魚柳不夠厚身，薄薄一片，沒有質感，不過白汁的味道就調得不錯，餐廳環境寧靜，又可遠眺維港景色，感覺很不錯吧！如顧客有博物館入場證還有九折優惠。

6:00去到, 座了成個鐘都只得我一抬人, 靜靜地又有海景, 加上價錢不太貴都幾好, 但味道比濃, 同辣左d, 如果清淡d, 會合我口味

上星期己經想去藝術茶座睇吓個景係咪咁靚,咁啱係星期四,撞正休息,心有不甘決定今日要去睇吓係咪咁正去到己四點幾,其實餐廳唔係好大,只見門口有兩張枱,選了坐入面有冷氣,因天氣實太熱了當時只得我一枱和外面的一枱午餐價錢由5x to 7x,點了菠菜釀鴨胸跟意粉,意外地竟然係天使麵,麵質很淋且滑,沒有淋到一舊舊粉團的感覺,很易入口,一向對鴨沒大喜好,但發覺今次的鴨好嫩滑,中間又釀了菠菜,又特別又好味,相信試過今次要對鴨改觀了我就望唔倒個海了,因藝術館坐落太空館和文化中心後面,而餐廳門口是面對半島,另一面就可遠望中環的大厦,彷如坐落石屎森林中,根本冇可能見到個海,除非在餐廳另一面有露天枱啦,咁我又無行過去噃,但咁係會遠離餐廳喎,唔信睇吓相,雖然見唔倒個海,但今次之行都幾滿意,餐廳靜靜地,佈置幾優雅,只得一個厨司和女待應,都係一個傾偈好去處,食物又好咪