薈亞廚房 (已結業)

觀塘食得多就沿住Mtr 線去到寶琳站新都城商場行去買波鞋，經過有間泰國餐廳薈亞廚房見大大間應該都不錯，坐位都舒適就入去食個午市。     門口show 左好多不同種類套餐，可以睇定岩食就叫，其實好多樣都想食。     午市接住下午茶同樣一樣的那麼多人，一個來一個走   午市二人套餐 $148   都幾唔錯所有款式都岩我食 唔洗唸禁多就叫呢個   越式蒸粉包(2件)拼炸蝦餅 喇沙濃湯浸時蔬 秘製去骨海南雞 (例牌) 白飯兩碗 (可轉油飯) 龍眼冰兩杯   午飯$58  秘製去骨海南雞，入口肉質又滑又軟淋有伴三色醬，配黑豉油、薑蓉及辣醬   海南雞飯粒既軟綿又香滑，油味唔太重，同時亦不會覺得油 雞肉入口啖啖肉蒸粉包都是泰國食店中常見既小食，類似是厚身少少既皮，入面餡料都豐富。 仲有至愛既蝦餅，Q彈紮實又香又脆真材實料大大件。點菜前提提落單既員工，減少辣味， 來到真的時剛剛好，喇沙湯味濃而不稠配上黃牙白菜好入味，仲飲埋的喇沙湯   越式雞中翼煎蛋飯雞翼香脆惹味脆脆的，入口雞肉嫩滑入味龍眼冰味道清甜剛剛好     龍眼肉好吃入口

最近成日冇地鐵搭都冇得出街食飯，就落咗樓下食會呀廚房啦，都好多人排隊下，等左15分鐘到有位坐叫咗個冬陰公湯檬粉，都幾大碗下，小小辣幾開胃另外有得加$20要小食，我就叫咗個椰汁雞湯，椰汁味香濃，都唔錯飲品本身已經包龍眼冰或者咖啡，我就梗係揀龍眼冰啦

最近去左係將軍澳嘅薈亞廚房食飯, 佢係食東南亞菜嘅, 午市有lunch set~~-我就叫左鮮茄肉碎蟹肉湯檬粉, 係好濃郁嘅蕃茄湯🍅🍅🍅仲有新鮮蕃茄肉😍肉碎醃過幾入味, 又軟林林, 檬粉口感唔會泰林爽爽地都唔錯👍🏻-另外跟套餐仲可以加$20叫小食, 我就叫左酸辣蟲草花凍醃豆腐, 豆腐好滑, 配埋酸辣汁, 好開胃!-另外仲叫左杯特飲，跟套餐加$12就有啦😄檸檬黑提冰成份係🍋檸檬🍇黑提同埋🍐鴨梨, 味道夠fresh, 又夠冰凍❄️夏天飲消暑一流~~

接朋友收工去咗新都城食野🤤見到有間泰國野靜靜地冇咩人就入咗去試叫咗個最出名既海南雞飯同泰式炒金邊粉💕味道可以接受🤭賣相都幾靚🤤似足百幾蚊既款，但呢到80幾一個🙂

最近有個朋友結左婚搬左入黎將軍澳，所以約左搵日帶埋老公同阿女上黎幫佢旺下床坐坐下又到夜晚，老公居然主動話想同阿女二人世界去食好野，叫我放心同姐妹出街食下飯傾下計，各自修行咁話咁難得既機會就梗係唔好錯過啦講起醒起我地都好多年無一齊去旅行，又諗起泰國呢個旅遊勝地...然後就決定左今晚食東南亞菜新都城呢邊其實都比較少東南亞餐廳，不過好彩都搵到一間....嗱嗱聲拎飛等入座先兩個女人於是就叫左個雞絲青木瓜沙律、泰式四拼盤同埋泰式蟹肉炒粉絲雞絲青木瓜沙律 : 👍 👍 👍 👍 (5個👍為滿分)青木瓜沙律呢d泰國名菜就梗係要試啦~呢d酸酸地既野我地最鐘意食沙律夠哂酸同醒胃，雞絲都夠多，青木瓜清新爽口，最緊要係份量夠哂多泰式四拼盤 : 👍👍👍👍👍呢個拼盤有炸蝦餅、酸辣鳳爪、沙嗲串燒、春卷4樣野完全係我地心頭好!! 炸蝦餅夠彈牙，點辣醬食一流!!酸辣鳳爪更加唔洗講啦~酸辣味夠哂勁，超正!!串燒同春卷都好好味，不過多油左少少泰式蟹肉炒粉絲 :👍👍👍👍蟹肉炒粉絲索哂味，每一啖粉絲都食到精華滋味。蟹肉份量普通，勝在味道搭夠，都幾好食

8點幾先放工，夜麻麻諗住食埋飯先返屋企啦。一來屋企都無乜材料，二來就煮得嚟到成10點，唔想咁夜先食飯啦。夜晚食得多好易會肥，已經冇乜quota再肥落去。經過商場都唔知食邊間好，有D餐廳已經開始收拾，都唔想入去打搞D侍應。路過薈亞廚房見到係食東南亞菜式，惹味菜式就啱我啦。又有位唔洗排隊，咁就入去啦。睇menu發現有幾樣野都想食，咁就一於決定咗飲品先，解決個容易D嘅問題。食越南菜通常都會點龍眼冰，今日飲其他：椰汁冰。濃濃椰子味道，好香好滑。主食點了泰式海鮮芋頭焗飯，雖然唔係最平嘅選擇，不過辛苦咗一日，食飯梗係要食得好啦。海鮮份量足夠，D蝦大大隻，配合埋芋頭粒，口感豐富，好食。不過好飽，食唔到食芒果糯米飯，下次要食！

食物質素普通，雞肉偏鞋而且份量少, 湯較鹹，價錢上唔算貴, 但係服務態度超差, 未食完嘅食物啲侍應急不及待收走, 但在場嘅客人不算多, 唔明白點解要咁急收食具，本人問佢係咪咁急要收走食具，咁樣好騷擾，那位侍應仲要話係按公司嘅要求， 既然咁急收走食具，我就飲完最後一啖檸茶 快速走人，到櫃面埋單嘅時候那位侍應仲要 單單打打話都埋單走人話我地好話佢去執野，比說話我地聽， 簡直不知所謂，又一次比錢買難受，唔會再幫襯，唔怪得知咁少人食!

由於中秋節阿爸阿媽都去咗旅行，留低我一個人孤零零。佢地去完旅行就帶我補食返一餐“團圓飯”。商場呢間泰菜開咗咁耐都無試過，今次就想試下佢。點菜都係由我話事，我就叫咗一枱嘅肉，又雞，又魚，又豬，又牛……食得好滿足！秘製越式牛油雞翼：牛油味好香，炸得表皮香酥，內裡鮮嫩，唔會厚粉。酸辣蒸魚：酸酸辣辣好開胃，啲粉絲索晒啲汁好好味，但由於我食粉絲好難消化，再好味都要忍下口。魚肉都OK，肉質都幾滑嫩。黃金原隻豬手：脆炸豬手加上配上嘅汁，唔錯。蘭度燒美國牛扒：呢個真係見到都留晒口水，啖啖都係肉，分量十足！點下啲醬汁，味道更加鮮美！推介！之後仲食埋佢嘅自家製喳咋，食得太飽，食完就返屋企訓覺。

今天帶婆婆去吃好西，將軍澳寶林有很多餐廳都沒有吃過，路過這間餐廳，是食泰國菜，覺得蠻對得上口味，而且價錢實惠，於是決定吃這間。我點了一個午市套餐，咖喱三文魚頭配飯，估不到份量如此慷慨，三文魚頭有很多肉，沾粉炸過，配上香辣咖喱十分惹味，還有大量的薯仔、茄子、秋葵等蔬菜。咖喱有着诱人的香味，夾雜着白飯一齊食，絕對食得完一碗飯。婆婆叫了一碟蟹肉炒粉絲，粉絲的份量更加大份。张开嘴，深深吸氣，就能闻到蟹肉的鮮味，粉絲爽脆，炒得很夠鑊氣，不會痴埋一舊舊，而且粉絲低脂，是婆婆呢d注重健康的心頭好。串燒有牛，雞同豬，午餐加配就可以。肉超厚，而且嫩滑，加上惹味的沙爹，讓人滿足餐飲方面選了龍眼冰，甜度同泰國飲的一樣，很適合我。這樣一個餐六十有找，在將軍澳這一區少見，下次會再來。

早幾日去左將軍澳探朋友個新生B女，夜晚就同朋友落左新都城食飯朋友表示想食東南亞菜，就揀左去薈亞廚房我地叫左半隻海南雞、生菜包、泰式炒金邊粉海南雞係已經去左骨，肉質好鬆軟淋滑。仲隱約帶有香茅香味，完全係我最鐘意既質感同味道!!點埋佢既醬汁就仲正，酸酸辣辣超級惹味!!同我係泰國食既一樣咁好食!!生菜包就正正常常，豬肉碎炒得好香好夠辣!!我朋友就最鐘意食辣，佢都話正!!仲要好JUICY!!泰式炒金邊粉都幾唔錯，有4隻大蝦球金邊粉炒得夠乾身，調味做得剛剛好!

又到咗做節嘅時段，不過今年呀媽話唔好去咁遠，怕難搭車返屋企。同埋佢話其他親戚都想再遲D先所有人一齊食飯，所以今年暫時就會係小型做節。咁幾個人食就應該唔會去酒樓架啦，唔知呀媽有咩建議，去邊度食。落咗附近商場，我同細佬仲一頭霧水，唔知食咩。原來係即興嘅做節飯，無訂位嘅。老豆都話無乜所謂所以我地去左食泰國菜當係做節啦。我地自己屋企人就食咩都得，因為我地乜都會試嘅，其他親戚就未必肯食泰國菜啦~點咗個泰式拼盤，入面有4款小食，春卷、串燒、泰式鳳爪、炸蝦餅。香口野啱我呀媽，我都鍾意食個炸蝦餅，炸到好脆，好好食。泰式鳳爪無食到，唔係我杯茶。串燒雞肉好淋，入面算係juicy，唔會燒到柴皮咁。春卷就一般正常啦。鹹魚炒椰菜苗鹹鹹香香，空口食略為過鹹，不過送飯一流。炸豬手香脆，塊皮唔會淋咗變韌，我食咗幾舊咖喱牛腩，唔辣嘅咖喱，撈飯食正記住飲杯龍眼冰，正嘢嚟架

去寶琳幫朋友整電腦，整完朋友請食飯。行過見這間東南亞餐廳，主打傳統及創新星馬fusion美食。裝修帶點東南亞氣氛，環境感覺舒適。看完餐牌，發覺廚師推介的選擇，配搭蠻有趣，所以跟朋友各自點了一款。食物很快上檯，我的粉絲肉碎魚肚湯銀針粉，跟小食拼盤。銀針粉滑嫩有嚼勁，肉碎粉絲及像豬皮的魚肚，口感不錯。湯底油了點，如果少點油會更好。小食拼盤很有趣, 話梅番茄，鮑汁鳳爪及肉桂炸甜薯。話梅甜了一點，番茄不夠凍。 鳳爪鮑汁入味及炸甜薯算不錯。朋友的是一碗熱騰騰的雞絲素翅羹撈飯，因為太熱，朋友的舌頭給燙到。味道不錯，像街頭的碗仔翅。跟餐的河內烤雞肉，口感很好，非常美味。飲品的龍眼冰不太甜，冰涼解渴。簡單的一餐，整體算滿意。

［將軍澳不錯泰國餐廳🇹🇭］呢間媽咪直豎拇指👍🏻的泰國餐廳可以記一下話說琴日同媽咪去探路～出發前去附近搵下野食估唔到質量都唔差先來左二人餐$148我估其實二人餐都好夠飽自選左海南雞飯/去骨鳳爪+串燒/馬拉盞炒雜菜/龍眼冰另外單點小食都只係$20 咋～十分推介👉🏻越式蒸粉包😍裡面包類似炒河粉蔬菜🥬咸咸地唔錯椰子🥥雞湯都好正！椰子香又唔會飲完好口渴仲叫左蟲草花凍釀豆腐味道幾fresh 帶酸辣龍眼冰都正，佢好似冇落糖甜度剛剛好，好香的桂圓香🤩全單仲唔使加一🤑如果想食過豐盛少少的午餐值得來呀～#claire美食之旅

今日同阿哥撐枱腳，佢話開學請我食飯，咁就去附近商場食啦。我見都幾耐無食泰國嘢啦，於是就揀咗呢間。由於我地得兩個人，叫咗三樣嘢食，包括泰式炒金邊粉，海南雞，泰式四拼盤。泰式炒金邊粉：呢個同我係泰國食嘅樣同味都差唔多，有塊薄薄嘅格仔蛋皮鋪係面，味道酸酸甜甜，配料有好多蝦仁，鹹淡適中，口感都幾好，賣相幾靚。泰式四拼盤：有無骨酸辣鳳爪，炸蝦餅，串燒，泰式春卷。我自己好中意呢個小食拼盤，因為通常小食拼盤總會有一樣唔啱食，不過難得呢個我樣樣都啱食，特別中意食鳳爪，酸酸辣辣嘅感覺好適合夏天。炸蝦餅都幾彈牙，唔會覺得厚粉。泰式春卷味道都幾好，搭配咖喱汁和泰式甜辣汁食，幾惹味。海南雞：雞肉幾嫩滑，醬汁都好食，分量好多，我地兩個人食唔完，最後仲打包攞返屋企夜晚再食。

今次就嚟到將軍澳試吓泰國菜叫左幾款店舖嘅招牌菜第一樣必點梗係越式牛油雞翼啦呢個整得非常香口，雞翼食落都好多肉汁，自己有一大粒飛滋都要食兩隻😂海南雞飯同馬來炒貴叼亦都係呢度嘅招牌菜，所以叫黎試吓，貴叼裏面有啲甜嘅臘腸食落非常野味！最後加左一個椰子菠蘿椰汁沙冰($15)，非常抵飲！