薈亞廚房 (已結業)

由於中秋節阿爸阿媽都去咗旅行，留低我一個人孤零零。佢地去完旅行就帶我補食返一餐“團圓飯”。商場呢間泰菜開咗咁耐都無試過，今次就想試下佢。點菜都係由我話事，我就叫咗一枱嘅肉，又雞，又魚，又豬，又牛……食得好滿足！秘製越式牛油雞翼：牛油味好香，炸得表皮香酥，內裡鮮嫩，唔會厚粉。酸辣蒸魚：酸酸辣辣好開胃，啲粉絲索晒啲汁好好味，但由於我食粉絲好難消化，再好味都要忍下口。魚肉都OK，肉質都幾滑嫩。黃金原隻豬手：脆炸豬手加上配上嘅汁，唔錯。蘭度燒美國牛扒：呢個真係見到都留晒口水，啖啖都係肉，分量十足！點下啲醬汁，味道更加鮮美！推介！之後仲食埋佢嘅自家製喳咋，食得太飽，食完就返屋企訓覺。