薈亞廚房 (已結業)

咁啱今年十月第一個8號波，唔洗返工就同屋企人落街食飯啦，大家都知唔係間間開，而呢間有開真係要比讚街頭飯第一份上枱，第一下係好驚訝，實在太豐富，有肉有海鮮有蛋有菜有飯果件似蝦餅嘅野其實都冇問咩黎，不過質感似鬆散嘅肉餅，而排骨比較油同淡味香茅豬扒飯香茅味較淡，可能打風趕製！？豬扒都薄左😅什錦撈檬都一樣豐富，炸春卷脆，炸豬扒鬆軟，撈檬汁酸甜平衡最後到係蝦肉喇沙金邊粉，因為我食過好好食嘅喇沙，而呢碗湯底太淡，椰汁唔夠，湯底唔濃厚，喇沙醬唔夠多，雖然相反應該話佢個湯夠多😅另外材料少粉多，只有幾粒開半豆卜，兩三片魚片頭，三隻蝦仔，半隻蛋，但係都收我$6x，我會話超唔抵食要讚樓面部真係好勤力，即使打風返工都冇果種hea同頹，相反係落力開工但係廚房部要加把勁，成品睇得出係求其做，街頭飯嘅排骨成碗油，超薄香茅豬扒，冇少喇沙。。。。我幫襯咁多年都未試過咁失望…查看更多

忍唔住要寫一下今晚冇煮飯，買外賣返屋企食喺門口都等咗一段時間攞到返屋企椒鹽大蝦好香口～送飯一流同埋啲蝦都幾大隻加多個炒通菜牛肉我哋三個人都夠食不過平日晚市冇套餐相對來講就不太優惠…查看更多

今日見呢間無咩人，就打算去下食啦。都記得佢啲嘢好鹹又拖單，今次仲經典！叫咗個冬陰功雜菜炒扁意粉，又鹹又無料，今換個河粉啦，等半個鐘都唔嚟！我個假唔係今用架！啱㗎啦，銅鑼灣嗰間執咗呢間都執埋啦。…查看更多

哎左個牛柳粒紅飯真係嬲，個飯成98蚊，雖然有折但真係好難食話明越式，但佢做法係港式，有啲生洋蔥，有‘顯汁加蒜頭同啲牛粒煮都算，唔理佢質感所有野，重點係個牛食落去係苦架囉，係苦苦苦苦苦…查看更多

呢間東南亞菜都開業一段時間 但係呢排有一個好優惠嘅餐牌☺️所以決定去試下係唔係抵食又好食🤤餐廳有茶餐廳嘅小菜🥘亦都有泰國、馬來西亞菜同越南菜等等🤩總有一樣啱你口味😋佢地仲有啲套餐好抵食架😊不過唔知係咪位置有啲偏 其他餐廳都排晒隊嘅時候 反而呢間餐廳唔使排隊直入🤔希望大家多啲支持佢哋啦👍🏻 - 泰式通菜炒牛肉🐂 $62 雖然通菜呢排唔係當做 但係都好爽脆唔會好韌👍🏻仲要唔係通菜莖炒牛肉 裏面有一半都係菜葉加埋蒜頭炒🧄好香有茶餐廳水準🤤牛肉就唔算好大件 有四五塊左右🤔醃得都幾入味同埋幾淋😊呢個價錢呢個質素 抵👍🏻 - 泰式咕嚕雞球🐖 $62 大概十塊左右同埋都算淋😋唔係炸到乾晒得塊皮個啲 醬汁夠味配料亦都幾多😁不過炸皮有啲厚 唔算係啖啖肉嗰種 有啲細件加上雞肉唔算好滑😫呢款唔太推薦🙁 - 胡椒海蝦粉絲煲🦐 $82 因為我哋都好鍾意食粉絲🤤見到即刻叫咗呢個 粉絲嘅醬汁都算夠味不過有啲乾😨醬汁唔夠唔太適合撈飯🙃本身應該係大大隻嗰啲海蝦 不過嗰日就賣哂變咗冇殼個啲 感覺好似蝕咗🤔不過勝在啲蝦仁都夠爽口彈牙同埋有七八隻左右 份量頂返條數👍🏻呢個就正正常常冇乜特別🤔 - 柚子醬鮮菠蘿蝦球煲🍍 $78 呢個配搭幾清新 可能因為有柚子醬同埋🍍蝦球係炸過嘅 加埋柚子醬其實幾夾😊柚子醬嘅清新可以抵消番炸皮嘅油膩👍🏻再加埋菠蘿 夠晒醒胃解膩🤤十分推薦💓 - 秘製海南雞飯🐓 $82 呢碟真係好吸引🤤一黎到相都唔記得影就食咗😂不過真係好好食 雞好滑好淋🤤分量來講算係適中 對得住呢個價錢👍🏻不過係油飯啲味唔太濃 雞油香味唔夠🥺不過整體來講我地都好滿意☺️大家都知道搵到一間好食嘅海南雞飯其實好難😨好多都好鞋口份量又少😢呢間啲海南雞唔錯！ 整體來講食物質素中中等等🤔但係勝在價錢抵食質素唔太差☺️可以茶餐廳嘅價錢食到東南亞菜🤩都幾滿意🥰 💡我哋今次去嘅將軍澳分店做緊好多優惠🤩包括銀聯卡九折 新都城住戶九折等等 仲要而家做緊免加一免茶芥❗❗即係折完再折咁…查看更多

上個禮拜去咗薈亞廚房食午餐，推介食撈檬不過呢日竟然賣晒檬粉，真係有啲失望，唯有叫咗午市個湯麵餐，有幾樣餸可以揀兩樣，今次揀咗雞翼同埋章魚餅河粉，一上菜個賣相真係有啲差，章魚餅得細細地兩舊，而雞翼有兩隻，全部浸喺湯到淋晒，食落一般般。河粉係有幼身嘅，筷子夾落去容易斷 ，整體唔推介。…查看更多

今日去左薈亞食下午茶，普遍食物價錢都合理，海南雞飯66，免費龍眼冰。等待時間都算長都大概十幾分鐘，龍眼冰正常，都多果肉，海南雞有一半比較碎一半完整啲，未到好嫩但好食嘅，個油飯唔太香雞油。另外，食過幾次都覺得員工服務一般，有時揮手好耐都冇人理，語氣有啲惡，希望可以改善一下。…查看更多

The lunch set is worthy especially for students. I ordered the bbq pork loin with spring rolls rice noodle. The pork was a bit dry today but it is more moisture normally. The quality was acceptable. …查看更多

見到app外賣自取有8折，於是就試下呢間餐廳，平時行過附近都以為呢間係西餐廳，原來係食泰國野🤪 ❣️馬拉盞炒通菜$72 8折$57.6炒得好有鑊氣，通菜新鮮，馬拉盞亦唔辣，鹹鹹香香，食唔停口，不過份量係偏少🧐❣️泰式酸辣鳳爪$62 8折$49.6鳳爪味道唔辣，爽口，反而下面嘅沙律同豆角吸晒d辣汁，辣度十足🌶❣️豬肉沙嗲串燒$78 8折$62.4有六大串，沙嗲分開上，花生味濃，豬肉食起上嚟仲有肉汁，推介大家試下😋❣️亞來咖喱滑雞$78 8折$62.4咖喱唔辣但濃味，雞肉保持到嫩滑的口感，食落好惹味🤩❣️蔥油薄餅$30 8折$24見到有蔥但食唔出蔥味，而且成塊餅較油，唔推介🌚好味度：8 （10分滿分）食物質素唔錯，但有折扣時食比較抵，會回頭再食🙋🏻‍♀️…查看更多

呢間嘢叫做薈亞廚房，係囉就賣東南亞嘅菜式嘅。佢有8個餐啦，我哋叫咗個沙嗲泰式豬肋骨餐。唔錯﹐沙嗲味濃。係好食，好滿足。餐湯是椰子雞湯﹐飲落都唔錯嘅。嗰度雞飯都幾出名，可以試下。因為見到身邊好多枱都叫海南雞飯。呢個喺將軍澳舖頭嘅位置呢﹐比較搵啲去到寶琳跟住要轉彎，入新都城中心二期。…查看更多

佢二人套餐有沙嗲串燒拼泰式酸辣鳳爪、馬拉盞炒通菜、秘製去骨海南雞飯同龍眼冰兩杯。依間既泰國菜比其他舖頭更適合香港人口味，鹹度適中，尤其是係馬拉盞炒通菜啊！而佢啲小食都幾好味，鳳爪酸酸甜甜 串燒配上沙嗲更顯雞肉香味，最重點就係海南雞飯，啲雞真係幾滑，整體上嚟講都合格既。…查看更多

突然興起好想食泰國菜，所以就去左依間餐廳叫外賣。午市2人套餐都係 $156。有2串沙嗲雞肉串燒肉都幾滑同好味，沙嗲有少少甜味，唔錯嘅味道。我好鍾意泰式酸辣鳳爪，因為酸酸地，非常開胃，鳳爪都好爽。馬拉盞炒通菜嘅份量有好多，菜冇出面嘅餐廳咁鹹，鍾意清淡嘅人會好鍾意，不過佢冇辣味，有少少失望。秘製去骨海南雞嘅肉都幾滑，都幾好味，佢仲配左甜酸蘿蔔，幾開胃。不過油飯冇其他餐廳咁好味，冇咩雞湯味。龍眼冰有好多龍眼肉，佢飲落去唔太甜，感覺幾養生。依家有外賣優惠，粉麵麵唔洗$60，主餐牌外賣甚至有八五折優惠。…查看更多

今日同另一個同事一齊去到將軍澳出差，lunch就係新都城二期嘅Asian Cooking薈亞廚房食。龍眼冰，味道甜甜地又夠清香，秋天飲好正泰式炒金邊粉 Pad Thai，炒得好夠鑊氣，好香口又好夠味道，食材有鮮嘏、豆乾、椰菜，味道都正宗，而且都算幾大碟。越式鮮茄牛腩飯，食材好豐富，個鮮茄汁甜甜酸酸好好味好開胃，牛腩好夠味道又淋，超級好送飯。唔單止主菜好食，小食都好特別。蔥油炸胡椒扎肉，味道好特別，油炸過扎肉同蔥油好夾，好香口。酸辣蟲草花凍醃豆腐，好特別嘅食法，味道好有泰式風情，咁大個女仲係第一次食，好正。真係無諗過會咁好食，真心正。…查看更多

🍴泰式炒金邊粉$58☕️熱奶茶$16.5（外賣自取有75折）今日去咗薈亞廚房買嘢食🤩，佢係一間食泰國菜嘅餐廳。本來打算堂食，但見外賣自取有75折，最後就決定買返屋企食😝！我叫咗泰式炒金邊粉，依個已經係一個優惠嘅價錢，所以冇75折🤓。返屋企一打開個外賣盒嗰陣有啲嚇親，份量超大🤭。金邊粉有一層蛋包住，睇落好似一個菠蘿🤤🍍，造型好得意！攞到返屋企仲有好暖，配料有四隻蝦🦐。個粉可能落得比較多茄汁，所以會有啲酸！但整體來講都唔錯嘅，cp值好高🤩。熱奶茶方面就正正常常～店員都好好人，會主動推介依個比較平嘅餐😻。因為本身一個金邊粉要$8X，就算有75折都唔夠$58咁平！…查看更多

疫情緩和外出食晚飯，環境ok，卡位有少少逼，服務ok有禮貌。海南雞飯。味道不過不失。加錢轉雞髀，正正常常，唔算好滑，雞肉好淋。油飯味不算好濃（個人喜歡雞油香味濃d）泰式金邊粉。賣相唔錯。唔算辣，油左少少，味道中規中矩生牛肉河粉。味道偏淡。牛肉有點兒嚡黑芝麻蝦多士。多士太厚，蝦相對比較少。無乜蝦味，只有多士既味道總結：可以再泥食，但你話好好味唔食唔得就未必，價錢相對ok。可能因為疫情期間加禁聚令，比較少人，環境舒服既。服務有禮貌，主動派紙巾包口罩。Overall中規中矩。…查看更多