薄荷葉泰國菜

營業中

休息中

經朋友推薦，於是選擇於Mint慶功原本開開心心的，誰知點餐的時候完全失望透因為我們人很多，於是點餐的時候有點混亂又擔心叫錯了，於是要求服務員Repeat一次我們叫過的餐誰知那個服務員由頭到尾黑臉不說我們要求她Repeat一次我們點過的餐點"唔該可唔可以重複一次我地嗌過既野？"她竟晦氣地回應"重複咩呀，你地嗌左咩咪咩lor"真是個令人匪夷所思的答案我當然知道自己點了什麼，但問題是我不知道你落單落了什麼啊？！幸好她沒有落錯單，但我並不認為請服務員重複一次餐點是多麼嚴苛的要求。這樣的服務態度即時令氣氛Down了完全沒有慶功的心情，憤怒的食完便離開，不打算再光顧食物方面也不算太出色，賣相吸引但味道偏鹹。但即使食物很出色，服務態度差也是會嚴重影響食客的食欲，希望改善。

我第一次寫食評,平時食到D咩好食,唔好食都懶得寫,今次一定要寫第一次去薄荷葉,7:00去到唔駛等有位,不過係比較偏嘅位置,無所謂咁就入座啦,侍應安排好就點菜生蝦刺身:味道都可以,個汁都夠野味斑蘭咖哩牛肉:牛肉得幾件,不過味道幾好薄餅:要成$40唔值生菜肉碎包:最好食呢個,可惜份量少菠蘿炒飯:呢個好一般,可以唔食食物味道其實不太差,不過衛生就十分差,應該係蝦或生菜肉碎包出事,因我個仔無食個兩樣,佢就無事,真係不幸中之大幸,一定無下一次

我早幾日去左叫佢個2人套餐食到一半佢先話無其中一個菜，我前前後後等左半個鐘套餐都無..點做生意?我吹左3次你先話無?等左半個鐘我都無同你計..你仲話要分開每道菜計算..最後3個人食左$700幾都唔飽大家如果去既..可以自己諗下啦

今次我無諗過我再去呢間泰國菜食野，只係因為班老死話想去食多次，所以就去多次。佢地今次叫咗幾個餸一齊Share，主要有燒羊架、椒鹽魔鬼魚、紙米卷、蘇梅鴨同個菠蘿飯，再加上少量甜品同特飲。今次我唔係好肚餓，只係食咗少少個菠蘿飯，個飯個口感很爽口，係食得出一粒一粒分開既，不過我就唔係好鍾意佢地放啲腰果係度，我明白啲腰果會香啲，但係我真係唔係好鍾意佢果種味。其他嘢食班老死話只係普普通通，同上次去差唔多咁話。

我跟朋友去左間泰菜館食晚飯，都幾好味，特別是鮮蝦刺身和咖哩蟹加薄餅，d蝦好新鮮，好甜口；咖哩唔錯，唔系好辣，細路都食到。但d羊架就不敢恭維，好韌，又唔係好入味。無論如何，d食物上台都好講究，真有賣相。招乎過得去啦，環境一流，裝修就顯得老板有心思，大銀幕和一些浪漫舒情的音樂，有助食欲，有心思。但總覺得貴咗d，不過都食得幾舒服，也適合傾計，總體75分啦﹗

好友生日，壽星女住元朗,所以我由老遠中環入到元朗食泰菜慶祝生日我好少去元朗，無諗過會有間咁有風格泰國餐廳，有室外、室內坐位選擇,感覺舒適，因為有小朋友關係，所以我地選擇室內坐位。柚子蝦沙律-->賣相超靚，大家二話不說，即攞手機出黎影相，非常足料，味道可口，酸酸甜甜;明爐魚-->魚上枱時間剛好，肉質嫩滑，有很多不同配菜，超Like!酥炸生蠔-->炸得熱燙脆口，炸漿不過厚，蠔的肉質也滑，不失鮮美，再配上泰式汁料，很美味!!泰式燒羊架-->我不太吃羊，只食了一小口， 有少少羶，Juicy等黎又淋身，不過油咗少少，味道尚可!咖哩蝦-->我不好辣的，所以我喜歡這個咖哩跟薄餅一起吃，而且蝦爽口，非常好味!!最後送上的水果柸是帶辣的，生果種類超多，超讚!!整體食物很有水準，須然入元朗對我說有點遠，但係我一定會再去過,因為個薄餅同咖哩真係超正!

第一次,都可能會係最後一次,揀呢度係因為可以帶狗仔黎坐室外同埋鍾意食泰國野...不過食呢間野真係食賣相.....味道方面算係不過不失,我地8個人覺得最好食既係個簿餅同埋青咖哩.......服務方面...位女侍應講野完全無尾音不過可能佢自己已經好努力啦...都會推介下野食....不過係會令人覺得唔舒服囉....男侍應好好多.....醒好多價錢其實真係偏貴...同個份量好似唔多成正比咁.....總共點左12樣野..好似係...

昨晚朋友生日帶我去左間食泰國菜既餐館,去到感覺好好,環境又舒適,地方又大,可坐出外面,也有一間包房,還有一個大屏幕播著麥當娜最新的演唱會既歌感覺超好,令我好好享受左一個晚上,食物叫了刺生蝦,炸蝦餅,豬頸肉沙律,冬陰功,還有炒金邊河,d食物每樣都擺設得好靚,所以影了不少相片,味道都好好,而且比較注意現時香港人口味,少鹽少油,GOOD!! 飯後老闆便問我們是否現在上蛋糕(蛋糕是自帶去的)我們話好,便幫我們執好張枱,再幫我們叫了啤酒,當老闆攞出黎既蛋糕到我地面前時,感覺嘩......好靚呀,個蛋糕買來只是一個平常蛋糕,原來老闆會將你帶來的蛋糕粉飾一番才送上枱,還播著生日歌,好像是泰國的生日歌,好特別,好鍾意個氣氛, 雖然我們只有三個人食飯,但老闆既招呼令我地既生日氣氛好好,還不時過來跟客人傾計,又幫我地影下相,所以整晚既感覺真的不錯,到了埋單價錢都好低好合理,我今早回到公司已介紹了給同事,我諗我會好快再帶D朋友黎食過

今日同位老死去左薄荷葉食泰國菜，之前聽到其他人話呢間野好唔錯，所以就想去試下。無諗過元朗會有間咁既格局既泰國菜，雖然地方細左D，但係氣氛好好，有種去左Club既感覺。另外佢唔洗等位就有得入去座啦！佢有室外同埋室內既座位，想吸煙既人可以座係出面，但係我因為唔鍾意聞煙，所以今次就座入面啲位。同位老死食左唔少野，其中最記得既係鮮蝦刺身。雖然有個汁係度，但係唔會將蝦既鮮味遮住左，反而更加突出鮮甜味！至於其他食物只係普普通通無乜野特別。例如個泰式豬脾仔個汁好似濃過頭，個春卷個味唔係好夠，仲有啲甜品份量比較少左啲啲，因為我同位老死係好鍾意食點品既！元朗比較少有呢一種高檔既舖頭，雖然價錢貴左少少，但係食物都有一定質數。

一位香港的同事带我参加了他们花园搞的一个派对,真没想到,送餐的竟是我半年前去过的一家泰国菜馆,又勾起了回味的感觉,也有点兴奋的感觉,我们边吃边谈,还认识了几位新朋友. 这次送餐到会菜色很多,不能一一尽数了,我记很有黄咖喱猪肉;泰式烧鸡;蒜蓉炒杂菜;泰式烧猪颈肉;炸虾饼;菠萝饭;越式纸米卷等等。炸虾饼皮脆内鲜口;纸米卷很有特色;烧羊架就不如烧牛仔骨好吃；咖喱的味道真的不错，令猪肉的味道更好. 那个无骨鸡爪的确不错,不用吐骨头, 嘻嘻!

22號晚去了一間泰國菜館同大舅的太太慶祝生日，沒想到這間菜館外貌不揚，但做生日的氣氛真好特別，首先開一支香檳及播放音樂，搞起生日氣氛，然後上菜。鮮蝦刺身(好鮮甜)；泰式燒豬脾仔(味道OK)；泰式燒羊架(唔好食)；泰式豬頸肉(好味)；泰式春卷(好味)；薄餅咖哩蟹(好味)，等等有些唔記得了。我們總共八位大人，每人平均130元，底食！還有特別的生日蛋糕(自攜)裝飾，令生日搞得有聲有色，不錯。

依晚一行7人..約好7點半去依間食店聚會~食店outside環境比室內好~空間感大d+舒適之外(不過吸煙者較多)亦因為我地坐果d係無背既木凳~室內地方又迫..坐得耐都好攰囉而整體服務+食物都好一般~坐低先送上"炸蝦片"~味道ma ma依晚我地叫左好多啤酒"串燒雞+牛(各三串)"..肉質夠腍但味道好普通"椒鹽炸魷魚"..份量好少但用料幾靚~魷魚件啖啖肉..炸得夠鬆脆"泰式炸春卷"..炸得唔夠脆身~餡料好少..味道又係好普通~伴上生菜及甜酸醬"泰式生蝦刺身"蝦肉好細隻~汁料酸辣度可以..但唔算惹味"咖喱蝦"~咖喱完全無咖喱香~所謂既蝦..份量竟然得2隻中蝦開邊=得4件~分量超少相對價錢而言~大家都覺得好唔抵食叫2份"薄餅"..點咖喱汁亦因為個"咖喱蝦"質量既問題~我地無再點其他食物食完就拉大隊離開食店~繼續下場既節目整體食物得個賣相~而食物質素只屬好普通

前一天同朋友一齊去試下呢間泰國野，原本我對食物有敏感，酸辣野唔係好食得，不過老朋友叫到就試一試啦。去到基本上唔洗等位就有得入去食，叫左野食後既等待時間都ok。野食方面，我地叫左數個小菜，味道方面唔錯。其中酸辣魚我朋友食得津津有味。(註：我無食呢條魚…)另外還有個蒜容炒雜菜，味道唔算差。甜品方面，賣相唔錯，味道可以。最後埋單價錢還可接受，平均每人120蚊。

之前都已經試過，今次再同朋友去，水準仍然keep到好好味！今日3個人叫咗生蝦刺身（鮮甜），泰式炒金邊粉（好香），咖喱什菜加薄餅（好味），原隻炸蠔同埋泰式鳳爪（有啲辣）！埋單都唔洗$500，超正！

睇左食評先來幫襯，但有點失望點了咖哩雞、薄餅、串燒、番石榴汁、蝦刺身店員服務好先來蝦刺身，鮮甜有肉，口感很好，但貴。$128/8隻番石榴汁雖然見有果肉，但真的很淡咖哩雞，咖哩可以，味道正常，易入口。但d雞.....口感及味道都差薄餅是讚的，分四份，兩個人剛剛好最後是串燒，擺得好靚，但唔熱，又好濃又好薄...無口感...自已燒野食仲好食，真係好失望。兩個人賣單$33x...感覺好唔抵。不會再來