蕃茄仔

營業中

休息中

個間專賣蕃茄濃湯的食店。味道總會唔同。有的是酸有的是甜，有的似是加了奶。理解到蕃茄應該係酸酸地先岩，但係個人喜歡甜甜地的蕃茄湯🙈這間是同樣愛好蕃茄湯的朋友介紹，今日放假，便來試試。下午一點多，店面滿坐，不過無人等位，所以好快有位。自助點餐，點了餐約8分鐘左右便上菜了。雞扒上海麵。麵份量唔多，嚴格來說，唔係好夠飽😅而且麵比較硬身。雞扒嫩滑，蕃茄湯係少少酸既，即係不太合我口味，但都可以既。最值得一讚係好熱好熱。性價比唔高，為試而試，一次就夠，因為價錢偏貴，而且無服務都算，職員無表情，另外係枱都未抹乾淨就俾客人坐。感覺有點差

前年跟朋友試過銅鑼灣總店的蕃茄仔，今天在九龍灣試了她們開張了一段時間的分店。選址在九龍灣的分店因主要客源都在家工作，所以餐廳裡都有大量空位任我們選擇。上次食過幼身的上海麵，今次點秘製豬扒蕃茄湯刀削麵($68)。秘製豬扒的外表吸引，表面煎得稍為帶焦的應該是本身拍在豬扒上的粉，並不是直接煎焦豬扒的表面。這方法可帶出豬肉的香氣又令人感覺好像沒有那麼熱氣，肉質軟淋有肉味，份量亦慷慨。招牌的蕃茄湯底質地十分稠，味道濃郁偏酸，最初開始食的時候都是開胃的，但吃著吃著就變得飽膩，亦感覺到製作時加入了不少的牛油；加上我今次配了比較粗厚、質感較粉的刀削麵，蕃茄湯掛在麵上的感覺就會更膩了。還記得之前跟配過她們的上海麵，幼身的麵配著濃厚的湯底沒有如刀削麵那般膩，但相對上麵會更容易浸得太淋甚或斷裂，吸收了更多湯底之後感覺有點似糊仔；兩款基本跟配的麵都各有長處、短處，大家要自己衡量或者可以加錢升級其他麵類。這裡的蕃茄湯麵份量是足夠的，但湯底屬飽膩，特別是細食的朋友應該會吃不完，若店家可以改良一下湯底更加。聽說椒麻伴麵都幾受歡迎，希望有機會試試。

因為繁忙時段所以外賣app落單送貨，外賣App本身都貴過門市，咁我見到咁多人都話好食，咪打算試下。叫左個特級安格斯牛肩胛刀削麵，再加了三隻雲吞，點知呢個餐實在太難食，湯底淡而無味像好似冇加鹽嘅羅宋湯，冇番茄味之餘程漿糊狀，刀削麵亦太硬，食完胃痛，最後連送貨Total134蚊，食餐咁嘅嘢真係唔抵。至于牛就不過不失，冇乜嘢牛味但至少都叫食得落。利申我係劣食L，人地話好難食我都覺得好好食果種，但今次真係覺得好難食好難食好難食呀！

同事話好食，試吓。覺得蕃茄湯底同刀削麵吾系甘夾，冇混和一體嘅口感同味道。蕃茄湯底普通，刀削麵普通，豚三寶味道也普通，冇特別驚喜。So far 覺得冇乜特別，吾會介紹俾朋友。

提起蕃茄湯專門店，時不時都會諗起呢間蕃茄仔。餐廳我都唔洗多介紹，銅鑼灣店有日三點幾去到都要排隊。最高峰試過3:00就買曬，非常之熱門。 最近佢又喺九龍灣工業區開咗分店，喺正大渣哥樓上，做成同一個路口中黃店之一(仲有光榮/時代/渣哥/享樂)。 呢間餐廳由80後老闆打理，原本只係間位於小西灣嘅小食店叫「滑蛋仔」，主打多款滑蛋蓋飯。睇完兩間餐廳後，先發現雙方嘅招牌都好相似，都係非常之可愛嘅。 其後喺20年六月疫市開設番茄仔，亦成為銅鑼灣嘅熱門店。 喺eastmark呢個大廈上一層，呢個咁唔起眼嘅地方都見到有超多間小店聚首一堂。其中有D街坊小食店都黎到呢度開檔。呢度嘅蕃茄仔比起銅鑼灣店當然就寬闊得多，偏向開放式設計。大大個光到爆嘅霓「紅」燈引人注目。 睇吓餐牌，佢比起銅鑼灣店仲多咗幾款餸菜，有齊豬牛鴨雞。同樣以蕃茄湯同多款麵條做基底，而呢度就更主打拌麵。飲品有花茶/奶茶...，可能呢D野飲就唔太為意，但最令我深刻嘅係個價錢。就咁睇，所有食物都貴咗$3-$1x，但有D又平咗(可能係用料有變啦)。喺原店最平一碗麵+飲品要$68，到呢度就要$78。(p.s.當日係週末，平日係會平D嘅。 )蕃茄湯底：

銅鑼灣大排長龍嘅蕃茄仔前排係開左分店，選址係附近係商廈區嘅九龍灣，所以食lunch嘅話就預左一定好多人排隊，反而晚餐時間人流就相對少啲🙌🏻**********<牛摩王> $88因為係第一次食嘅關係，叫左牛摩王同埋豚三寶，咁就可以試曬咁多款配料🤪牛摩王配料係特級安格斯牛肩胛及慢火澳洲和牛𦟌，牛肩胛雖然薄薄一片但牛味好濃，而炆牛𦟌亦唔會過淋🐮**********<豚三寶> $85而豚三寶就係秘製豬扒、慢火無骨豬手粒及無激素加拿大豚肉片，豬扒經過香煎後肉質勁軟淋，絕對係加分位，下次可以叫淨秘製豬扒咁就抵食啲💯不過略嫌豚肉片有少少羶味，配埋濃郁鮮茄湯底一齊食會比較好🐗

蕃茄仔 Red Objects 顧名思義主打番茄湯 ( 正字係「番」 )食過幾次同朋友一致認同佢哋嘅麻香拌麵更具特色 😎 之前喺九龍灣返工，Lunch 起碼排半個鐘以上，選擇較少、價錢亦唔算平，但味道好同埋 Toppings 份量肉多到食唔晒，良心小店能夠保持高水準，難怪人氣旺盛 😆‣ 輕煎三味鴨．麻香惹味拌刀削麵｜$88 鴨胸煎得酥脆，將外皮油分完全逼出，皮脆肉厚十分滿足 😍 拌麵鋪上大量炸乾蔥酥及木魚花，與帶甜醬汁拌勻後香氣四溢、麻得帶勁，嗜辣嘅朋友可另外灑上鬼椒辣粉，更添風味 🔥 鬼椒出名辣得直接，記住輕手啲唔好嗆親 🤣秘製豬扒都唔錯，入口鬆化毫無雪味，可見店主選料上乘，值得稱讚 👍🏻食素嘅朋友可向工作人員查詢，店內有隱藏菜單將肉類轉成 3 種蔬菜，考慮周到 🥒🥕🥬‣ 慢火澳洲和牛𦟌．自家鮮茄濃湯上海麵｜$83厚切和牛𦟌與番茄湯同煮，牛肉揀得好自然好味 🥩 軟、滑、腍之餘連筋膜都煮得彈牙，用筷子輕輕一夾即可分開 🥢 ( 圖八 ) 番茄濃湯呈橙紅色，有別坊間加入大量茄膏調味嘅湯底，可以想像係屋企煲嘅番茄薯仔湯打成蓉咁，味道較清淡及 Authentic 🍅 能夠嚐出食材清甜原味，滑溜

已經食第5定6次，因為實在搵唔到一間比佢更濃的蕃茄湯底。第一次食係銅鑼灣店，排曬長龍。之後就多數叫外賣。特級牛魔王（牛肩胛，和牛𦟌，和牛肉丸，牛骨髓）真係會有半邊牛骨髓俾埋你架！第一次見個陣真係嚇親🙈仲會附上一隻小匙羹方便將骨髓刮出黎食。每一啖麵加少少，牛的油香味令成件事更上一層樓😋每一樣餸亦都好味，肉質好腍，和牛味好濃，牛丸夠彈牙。麵底次次麵揀葛絲因為係最索湯，不過就要食快少少，如果唔係發晒就會愈食愈多咁😂豚三寶（豬扒，豬手，豚肉片）我地次次都係叫一牛一豬可以share黎食。最特別係豬手，又係好腍好入味。豬扒煎得香之餘又唔韌。必叫::米制通粉拌櫻花蝦第一次食就愛上！好有咬口而且超掛湯，加埋櫻花蝦成個麵即刻變得更香，櫻蝦真係咩麵都夾👍🏻麻辣牛脷超級厚的牛脷，非常腍！唔算好辣，有淡淡的麻香，有少少偏咸。媽媽手工雲吞菜肉餡料好足，正常水準。

嚐過滑蛋仔後，一直對蕃茄仔也很有興趣，今晚終於嚐到了！雖然是外賣，但質素也很好，非常滿足的晚餐！點了炭燒雞扒刀削麵及特級牛魔王葛絲，湯底當然是蕃茄濃湯！外賣碗是湯及麵餸分隔的那種，不會怕麵被熱湯浸淋。炭燒雞扒果然是No.1熱賣款，沒有誇張，一打開蓋子已經聞到炭烤的香味。入口是很juicy嫩口的雞肉。特級牛魔王的賣點相信那碌大大的牛骨髓，我比較少嚐到這種食物，不懂作評論，但用匙羹刮着骨髓來吃也是非常有趣的用餐體驗。另外有牛丸、肥牛片、牛𦟌各兩片，非常足料，肥牛片及牛𦟌食落都係靚料，唔會係好韌咬唔開嗰種。牛丸就正正常常。到呢家店嘅招牌：蕃茄湯！亦都係驅使我打呢篇食評嘅原因，因為真係好鍾意佢嘅蕃茄湯。本身我唔係話蕃茄湯超級愛好者，可能係因為係出面嚐過太多罐頭味蕃茄湯。但呢個湯底真係刷新我嘅印象。首先蕃茄湯是非常濃郁的，比起沾麵的湯更濃，但你可以觀察到佢係由新鮮蕃茄煮成，可以望到一粒粒蕃茄蓉。另外要讚就係調味不會話好鹹好重味精，出面食飯我成日食完都會好口渴，但呢餐之後完全無。口感和味蕾都很清爽，有酸甜平衡嘅蕃茄味！ 其實食完麵之後已經好飽，但忍唔住還是飲曬成碗湯！刀削麵的麵質也不錯，係我鍾意嘅

今次係屋企附近睇下有咩好食點知發現左間 之前得cwb有既蕃茄仔🍅九龍灣人今次真係有口福🤤平時好鍾意食🍅既我見到即試————————————————————🍴鮮茄濃湯特級安格斯牛肩胛($78)佢地每款都可以揀麵底🍜上海麵or刀削麵我就揀左刀削麵🤤食落幾有咬口👍🏼而且仲要係粗麵湯底方面 真係超濃蕃茄味入面直程係有蕃茄蓉😆真係無得輸而且味道上唔會話好酸證明無落茄膏❌增加酸味所以真係好原汁原味☺️牛肩胛都幾香牛味🐮不過得4塊左右整體份量唔算勁大碗怕唔夠飽可以加底🤣

相信對於一個蕃茄愛好者來講，呢一間餐廳真係一定要試吓啦，呢一度可以食得到超濃味嘅蕃茄湯底！鮮蕃茄濃湯底炭烤風味雞扒刀削麵！一上枱嘅時候就已經問得到蕃茄湯底嘅味道啦，呢一度嘅蕃茄湯真係好好飲！超級足料嘅蕃茄，而且呢度嘅雞扒亦都係好好食，雞扒非常之大件，好味到流晒口水

小店不算大，座位之間有點逼夾，是快餐類的格局。鮮茄濃湯-炭烤風味雞扒 ($68) + 葛絲 ($6) + 翡翠萵筍 ($12)• 湯底是名乎其實的蕃茄濃湯，味道自然、充滿蕃茄的香甜味，亦帶點微酸；質感偏向稠杰，卻又不會漿口。• 雞扒的表面烤得香口惹味，口感緊緻，咀嚼起來帶點咬口；炭烤味道濃郁，跟湯底形成對比。• 萵筍的確非常爽脆清甜，保留了最鮮嫩的部分。• 葛絲口感滑溜煙韌而且十分掛湯，湯汁充分依附在葛絲之間。• 份量頗多，作為午餐絕對飽肚。

早排約咗朋友喺九龍灣食晏，搵咗呢間餐廳，喺大渣哥隔離個商場有條電梯上，坦白講平時唔會經過呢個位，不過好彩個位置都唔難搵。12點幾去到，啱啱好唔使等位。環境上唔算好多位，同埋都坐得有啲迫。點餐係scan QR code自己落單，我哋嗌咗雞扒鮮茄濃湯麵，同埋雞柳麻香拌麵，兩樣都好惹味😋價格平均$80 一碗左右，唔算好貴不過都唔係平🤣1. 炭烤風味雞扒鮮茄濃湯麵雞扒煎到啱啱好，外皮好香口，味道亦唔錯！不得不提嘅係，佢個茄湯好濃好香，質地偏向濃稠，唔會水汪汪。雖然真材實料，但唔會一味得個酸字，調味啱啱好，推介⭐️⭐️⭐️唯一係份量偏少，男仔可能要加底先夠飽2. 雞柳麻香拌麵以為佢只係茄底出色，但原來麻香都有驚喜🤩雞柳好嫩口，完全唔會「鞋」，麻香亦都好出色，麻香味好開胃，愈食愈想追住食😋唔覺唔覺就食晒留意返，餐廳只收現金同payme 唔收信用卡，記得㩒定錢啦！

💛蕃茄仔 Red Object @九龍灣📍九龍灣常悅道21號EASTMARK1樓7號舖講起蕃茄湯既野🍅真係幾時都唔會抗拒🤓好耐之前已經試過銅鑼灣店既蕃茄仔 果間店舖座位較少所以都排左差唔多一個鐘先食到😣 依家就多左九龍灣分店👏🏻 當日星期六中午唔洗排隊就直接入得 環境比起銅鑼灣店大d坐得闊落d～✨🐔炭烤風味雞扒上海麵 $65🌟呢度既招牌蕃茄湯底係由新鮮蕃茄熬成 湯底質感比較杰身稍為有少少漿口🧐 我個人就中意食開稀d既茄湯既～ 不過呢個湯底入口係會食到幼細既蕃茄蓉🍅味道唔似出面嘅舖頭番茄湯會落味精 而係食到新鮮蕃茄味雞扒肉質嫩滑😋 雞皮烤到金黃色😍食落好香脆 有少少焦燶更香口 仲要唔油膩✨而上海麵比起一般嘅麵條較幼身 似拉麵多d差咁啲口感 如果鍾意食麵要有咬口嘅人就可能會有啲失望喇～🐷無激素加拿大豚肉片刀削麵 $80湯面仲加左炸蒜同蔥 更加惹味💫 豚肉片煮得幾出色較為薄身 刀削麵反而就幾有咬口 而且都幾掛湯🤤👅好味：3.8/5💲價錢：3.9/5🌟性價比：3.8/5👀環境：3.6/5👥服務：3.5/5

星期日1pm左右嚟到蕃茄仔，想試吓佢自家製特濃蕃茄湯麵究竟有幾濃，要咗雞扒刀削麵，雞扒煎得幾香同埋真係幾好食,刀削麵同上海麵先唔使加錢，烏冬要加$8😵，一開始連埋刀削麵一齊食嘅時候覺得個番茄湯都唔係好濃，最後食晒啲麵飲嘅蕃茄湯就飲到蕃茄味了。另外喺湯麵度加咗三隻自家製雲吞$24，味道一般大家可以唔使試。男朋友就叫咗麻香汁拌麵，一樣都係雞扒刀削麵，我哋兩個都認為呢個拌麵較吸引同惹味，麵條好吸汁，食落去有麻但係唔辣。最後差唔多$200買單都幾貴