蓮香樓

營業中

休息中

呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄‍🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞

今日收工，特登過咗尖沙咀試吓新開嘅**蓮香樓**，聽講佢哋嘅懷舊菜好正宗，果然冇令我失望！ 一坐低就叫咗個**海皇冬瓜盅**，湯底鮮甜到爆，仲有帶子、蝦仁同蟹肉，撈埋冬瓜一齊食，真係消暑又滿足！跟住上枱嘅**懷舊蓮藕餅**，外脆內軟，蓮藕粒爽口，夾住啲肉碎，蘸少少喼汁，簡直係童年回憶返晒嚟！ **潮式炸蠔餅**即叫即炸，蠔仔肥美，炸到金黃酥脆，點埋魚露，鹹香惹味，正！**當紅炸子雞**皮脆肉嫩，咬落去仲有肉汁，蘸少少淮鹽，真係無得彈！最後仲有**潮蓮燒鵝**，皮脆肉滑，油脂香濃，配埋酸梅醬，食到停唔到口！ 成餐飯食到捧住個肚走，蓮香樓果然名不虛傳，下次一定要再嚟試吓其他招牌菜！

踏進金巴利道，映入眼簾的是篷頂下紅黃相間的斑斕彩燈和波浪形蓮花圖案的紗幔，令人對蓮香樓的食物引頸以待。從側門而進，就是地下一層。服務員禮貌周周，引導我們到樓上的雅座，並選定靠窗的一隅供我們安座。桌旁陳列三尊福祿壽佛像，是最佳的打卡熱點，讓人福氣滿溢。 坐在木椅上，十分安舒。服務員大飛向我們推介美食，殷勤至極。點菜後，我們便徒步下樓尋找美食。精美點心林林種種，令人垂涎。濃味黑椒牛肋肉、厚切咖喱魷魚是不二之選，其他點心也不在話下。一眾自家蒸製點心羅列桌上的轉盤，令人食指大動。 吃過點心頭盤，便開始享用正餐。先來的是推介的冬瓜盅，香氣襲來，加上清甜的湯水和柔綿的瓜肉，令人暑氣全消。服務員為我們舀湯上碗，再三添喝，待我們宛如上賓。古法金錢雞，進口即化，令人回味。黃金豆腐、蝦多士，外脆內軟，甚有層次。砵仔焗魚腸，沒有一點兒腥臊，撒上古月粉，能尋回古法味兒。如再鋪上油條，更相得益彰。最出色的是其燒鵝，半肥半瘦，皮薄肉嫩，油香甘之如飴，欲拒還迎。友人們各手捧一碟打卡，其樂無窮。 期間，經理驚喜連連，送上蓮香小禮品，內有蓮香小茶杯、茶蓋、茶包、甚是雅緻。各

蓮香樓係尖沙咀開左啦！新分店開足24小時，夜晚飲完酒再來飲茶食點心都仲得-熱辣辣嘅點心真係一個好好嘅comfort food🍻/懷舊小籠包$48/肉餡好充足，咬落去好飽滿🥳/花膠魚翅灌湯餃$58/熱辣辣，大大粒灌湯餃，味道濃郁，感覺滋補😌🍲/鮮豬潤燒賣$48/外型有趣，口感爽彈，好濃郁🐷🐷/鵪鶉蛋燒賣$48/呢個真係極懷舊，好多地方都無🤩鵪鶉蛋係增加左燒賣濃郁味道同賣口感上會變得更飽滿嘅🥚/蝦餃$48/鮮味十足，係醉左之後最適合食嘅點心🦐/金錢肚$48/
醬汁好濃郁，金錢肚軟嫩，好入味😙平時伴碟嘅蘿蔔轉左做淮山，幾特別🥕/西米布甸$48/好耐無食過西米布甸！係我嘅童年呀！仲要係奶皇底，大讚～/燒鵝三拼$398/望到就流曬口水啦～個盤下面會有個蠟燭heat住嘅。叉燒係半肥瘦，蜜味重。燒鵝塊皮，真係就算平時怕肥唔食，今日都一定會要食啦，塊皮少許脆，肉香質感夠嫩。燒肉唔算好肥，口感正正子/懷舊蓮藕餅$138/外皮香口，內裏帶爽脆🤤/金錢雞$112/肥肉、雞肝同塊叉燒片串埋一齊，再被蜜糖包住🍯係超超超入味，蜜味好重，齒頰留香/蝦多士$112/好耐無食過，超級乾爽酥脆🍤/家鄉煎釀鯪魚$158/好

今日有同事訂了位話要一齊試下這間出名的店，未去前見到OpenRice 有這麼多負評都有點擔心。不過我們都有冒險精神一於一試！去到見到1樓已經有好多人，所以我們被安排上2樓坐，樓面阿姐好熱心問我們飲咩茶，又介紹點心區有什麼點心，又講這裡是要自己拎點心。還主動加水同收碟，本人覺得服務無想像中咁差。茶位每人18蚊，中點$30，大點$35，特點$42，頂點48，另有加一收費。我們4人食了10款點心有蓮蓉包（出面酒樓好少有，而且這個蓮蓉包裡面還有咸蛋黃，更希有呢），黑椒牛仔骨（好惹味），咖哩魷魚（口感彈牙），蝦餃（皮薄有蝦），牛肉腸粉（一般，粉皮太淋），糯米雞（大隻，餡料豐富），炸雲吞（口感鬆脆，不油膩），西米焗布甸（也是出面酒樓好少見，熱熱的布甸食落好香好綿，中間還有蓮蓉，不會太甜）等等。。。我們4人都一致應為份量同味道都滿意，無想像中咁差好彩可以訂位，如果要我排1，2個鐘隊食就未必會食。

第一次食新開呢間蓮香樓，好熱鬧啲野又好好食，推介！蓮香樓真係香港飲食文化嘅瑰寶！無論係傳統點心定經典粵菜，每一樣都充滿懷舊風味，令人回味無窮。我最鍾意佢嘅金沙蝦球同埋蝦餃燒賣，皮薄餡靚，真材實料，食得出師傅嘅用心。環境雖然唔算豪華，但充滿老香港情懷，伙記親切有禮，成個氛圍好有人情味。價錢合理，性價比高，絕對係體驗地道港式飲茶嘅首選！仲有老香港嗰啲點心車仔好有香港味道。一定會再嚟幫襯，亦強烈推薦俾鍾意傳統味道嘅朋友！

一天路經此地，居然看到蓮香樓在九龍出現，小人隨即喜孜孜的走了進去！餐廳十分擠迫，更需要搭枱，但是小人關顧的只是點心有沒有如同上環舖的好吃。鵪鶉蛋燒賣：一如既往就是一粒鵪鶉蛋放在一球豬肉上面蒸，味道正常，問題在於不夠滾燙，變得很油很滯。豉汁蒸鳳爪：稍為好些，起碼夠熱。豉汁滲入雞腳，吮得好過癮，然而蒸得太腍太塌，根本就只是食到有汁的皮，中間的筋位似乎蕩然無存。四寶蒸雞扎：雞扎來來去去都是用腐皮包著芋頭、雞肉、冬菇和魚肚來蒸，腐皮幸好不靭，雞肉及魚肚又滑又入味。牛肉腸：腸衣滑是滑的，卻是極其的厚，吸的油份自然不少。牛肉餡碎碎濕濕，吃不到牛肉的肉香，兼且豉油太鹹，就像滑了一口的油入口。有點敗興而歸的感覺。

不會回頭朋友聚舊，因可以訂位，所以諗住試吓新嘢。訂咗閑日中午12點。去到發覺要上兩層樓梯，未知有否電梯供傷殘及坐輪椅人士使用。可能人人貪新鮮，樓梯上，小小嘅入口，擠滿等住安排入座嘅客人。入到去話要搭枱，現在飲茶真係好少係咁。除咗茶水及執枱由員工負責外，全自助。冇點心紙或QR code，要自己拿咭去排隊攞，見乜攞乜；如果見唔到你想食嘅嘢，都無奈。我哋兩個人只攞咗三碟點心。因地方逼夾，樓底矮，感覺好嘈，唔係聚舊傾偈嘅好地方。又冇心機出去排隊攞點心，於是提早埋單走人。（我哋逗留咗約一個鐘頭，但同枱已換咗兩批食客！似食快餐？）結論係： 食味冇特別，唔係難食，係大眾化酒樓水平。可惜冇人哋咁多款式。賣懷舊，等於回到過去？要讚嘅係，工作人員態度良好。

呢間餐廳標榜24小時營業，實際上只係宣傳手法。三個人去食晏，叫咗錦鹵雲吞、叉燒餐包、煎腸粉、魚肚餃、叉燒腸粉同鵪鶉蛋燒賣，整體味道一般，冇乜特別。叉燒餐包偏乾，煎腸粉偏油，叉燒腸粉又唔新鮮，只有魚肚餃同鵪鶉蛋燒賣比較正常，但都唔算出色。環境方面，一樓入口右邊係煎爐，左邊係蒸品區，中間通道窄，感覺侷促又悶熱。二樓空間大啲，但只得蒸品餐車，想食煎品要落樓下攞，幾唔方便，仲有安全問題。座位唔算舒服，冷氣又唔夠，兩層樓得樓梯，對長者唔友善。裝潢普通，冇乜打卡位，唔太適合影相。三個人連茶芥埋單$295，以呢個價錢，食物同環境都冇乜吸引力。仲要唔飽😭

在現今与時並進，日新越異嘅社會下，玩懷舊風，實在有些冒險吧！懷舊有幾多年青人大衆接受就不得而知！以我認為，懐舊即係倒退落伍！感受吓嘅意識，只是一次止，並沒多人在纸醉金迷嘅時空中，還會去沈醉於懷舊風吧！而且懷舊中未見出色，環境，食物，服務，都未見達標及理想，要好好作檢討！好自為之！！！

擁有百年歷史嘅傳統茶樓由中環開到尖沙咀啦🤩 係金巴利道開咗樓高兩層嘅分店，仲係24小時營業添🈺所以無論係嚟嘆返一盅兩件之外，定係同朋友飲完杯嘢嚟宵夜亦都得😝呢度真係超地道🥹係要拎著卡仔出去拎想食嘅野😍 又或者係點心推車到拎😚 呢啲傳統嘢真係越嚟越少嫁啦🥹全部點心都係現場即整，蝦餃同燒賣都大大粒😋另外仲揀咗主食乾炒牛河同埋燒味😝大大份勁吸引🤩燶邊叉燒極邪惡😈貼心到不得了就係甜品🍮有燕窩燉椰皇🥥 入口滑滑，好味又養顏🤤💓💓 ᴘ.ꜱ. 💓💓未試過嘅話強烈建議要過嚟體驗下🤣 除咗懷舊嘢之外，亦加入新特色～ 就係係一樓個到有ᴅᴊ打碟💽

價錢超貴不特止，食物質素勁差，又凍，蝦餃皮隻隻爛，自己出去攞嘢食呢個都唔緊要，但係根本係冇食物提供，出來出去都係牛栢葉、蝦餃、燒賣、鹹水角。鹹水角唔好食，但係竟然係頂點，完全係垃圾，好難食，最後諗住食個煎蘿蔔糕，點知話明即煎都係凍嘅唔知佢搞咩？其實未預備好就唔好開業啦，差到咁緊要仲會有人幫襯？兩個大男人，一個女人，三人食咗七樣嘢，仲要係晚飯時間，當然唔飽啦，咁都食咗$429 ，又貴又唔飽又難食。即刻唔會想再去食，埋單走人去第二度再食過

當我知道蓮香樓喺我間酒店附近開分店時，我好興奮。但係邊個會股道，期望越大，失望就越大。喺開張日，我同我朋友去咗嗰度食宵夜。一入到去，就係一間裝修得好靚嘅餐廳，係母餐廳嘅精緻版。見到有個保鏢睇住個門,幾個着住店小二制服嘅哥仔傾偈，連招呼我哋都冇。間餐廳連滿或者忙都冇。我要問張枱，然後問點餐嘅指示。問一句，答一句。服務員都冇工作態度。一個哥仔連茶壺都唔識揸,茶喺個嘴度倒緊出嚟,濕晒成地，佢就扮見唔到，直到倒濕咗個客。點心推車點心款最多三樣。出菜又慢。如果廚房人手唔夠,就唔好開24小時了。我攞咗個一份雞扎，餐牌寫著係「特點」但部長係點心紙mark咗「頂點」。可見對餐點的定價不熟。最離譜嘅係,同場有兩台自稱老闆嘅朋友（其中一位食客同收銀員講，”老板啲friend，免茶位，免加一”),喺室內飲嘢同食煙,好嘈！感覺好似大排檔、夜總會，有啲烏煙瘴氣。員工見到有人室內食煙都冇阻止。但係喺室內食煙唔係犯法咩？開張前幾日有錯漏我可以理解。我接受唔到嘅係點解佢哋唔知室內吸煙係犯法嘅，或者知又唔阻止咧？食物同茶都唔錯, 但服務同氣氛令成個用餐體驗變得好差。完全同期待的唔同。

知道蓮香在尖沙咀開業， 滿心高興相約朋友去 捧場 懷舊。 以下是嘗試之 後得到以下的 重點……1） 鋪外的裝修非常有特色。2） 要行樓梯上二樓或者三樓。［ 如果是長者或者係行動不便，唔好去喇］。3） 二樓冇位，我哋要上三樓。 上到去地方不太寬敞， 而且非常嘈吵， 隔音設備好差 。我地三個人，一要搭枱。［收這樣的價錢，要搭枱？算］。4） 完全冇指示， 觀察 一番，才知道原來要自己攞卡出去，近樓梯小小的位置攞點心。［ 長者最好同後生去，否則，一把年紀，拎著放了幾樣點心的盤，在 狹窄的通道行走，好容易有意外。］ 5） 最離譜的就是， 馬拉糕在三樓出 籠，但只在二樓賣。［ 我在三樓，見到馬拉糕攞出嚟，要我落去二樓拿，再上返三樓， 玩咩！ 據理力爭之後，才肯在三樓 畀我］6） 有個男士好像主管，在這一邊好大聲叫過去另一邊的夥記给指示。［ 這是不是高級收費低給環境］7） 食物方面一般， 不見得有特別 ，有豬肉的點心，味道怪怪哋，唔敢出聲。 腸粉皮太厚， 坊間比佢好食的有很多。8） 坐在我哋對面的兩位‘’搭枱‘’食客走之後， 夥記來清潔，只拿走用過的器皿，完全沒有 抹過枱面，［ 衛生不如茶餐廳，大排

見係新開仲要24 睇完戲就去試下上左樓上坐 都有6成位坐左客人 遊客local都有2個人安排左張4人既細圓枱姐姐同我地講 要坐一邊因為可能要搭枱ok 坐埋左一邊但係張枱油立立 污糟到不得了隻手完全唔敢放上枱仲見隔離枱投訴碟底仲有骨痴住點心款式唔多(呢轉有蝦餃 燒賣 牛肉球 鳳爪 蘿蔔糕 馬拉糕 叉燒包 西米糕 炸饅頭)叫姐姐落單話無得落 出面有咩就有咩係既 可能隔一陣行一轉會有新點心出但係唔知會有咩 同埋唔會有通知出左新野即係等到就等之後問姐姐咁蟹粉小籠包有無得點 佢話有好 咁等個小籠包 黎到真係眼都凸埋小籠包個皮完全唔得見到濕晒好多一點點水氣味道更加唔洗講 急凍啲叮叮都好食過佢有無搞錯 最後食多籠燒賣就起身走人去第二間食好過講真燒賣都好一般 又唔熱又係隔離同一枱叫個姐姐問下啲牛肉球係咪唔係好夠熟唔知姐姐答佢咩啦戴左口罩但係我地就見到姐姐扭轉左面就反個客眼囉本身已經食到一肚氣埋單都可以出事前面個位小姐埋單碌卡已經出左事搞左一輪 心諗都係俾現金穩陣點知2個茶位加2籠點心都可以再收多1籠點心錢全中文單 又多外國遊客真係好唔小心收多左錢而你又check到既話 就要改單又搞一輪宵夜一律$48