影片
開飯介紹
品牌於1926年創立，此分店沿用懷舊粵式茶樓概念，茶客可使用傳統的茶盅品茗，日間供應粵式點心如豬膶燒賣、大包、蠔油鴛鴦扎等，晚上供應經典粵菜如霸王鴨、家鄉釀鯪魚及焗魚腸等，深受食客歡迎。
繼續閱讀
營業時間
今日營業
24小時營業
星期一至日
24小時營業
以上資料只供參考, 請與餐廳確認詳情
有關獎賞計劃
相關文章
「蓮香樓」以傳統點心聞名，點心做工細膩，味道充滿濃濃港式情懷，絕對是茶樓界的經典之選！但今次唔係講點心，因為呢度24小時營業，夜麻麻想食宵夜都無問題！以下是我們試過的幾款小菜，每道都各有特色，絕對值得一試：🌶️ 招牌山城麻辣雞煲（半隻） $178
呢道麻辣雞煲係店內招牌，香辣濃郁，食到停唔下來！雞肉嫩滑入味，湯底麻辣中帶點回甘，辣度適中，唔會太過火。特別一提，煲入面仲有Q彈豬皮，增加咗口感層次，令人一口接一口。冬天食一鍋，暖胃又滿足！🐟 蓮香一夜情 $148
菜名聽落好有趣，實際係一道炸魚小菜。魚肉炸得外皮香脆，咬落完全唔使擔心魚刺問題！外皮酥脆得黎有小時候食炸魚嘅感覺，調味簡單卻好香，適合鍾意海鮮嘅朋友，食完回味無窮。🖤 蓮香燴松花蛋 $158
呢個菜式真是一個驚喜！皮蛋燴到入口即溶，質地軟滑無比，仲配上微微辣椒調味，香氣撲鼻，惹味到極點！呢款菜唔係間間餐廳都有得食，鍾意皮蛋嘅朋友一定要試，保證有新鮮感。🤎 蓮香秘製扣肉炒飯 $148
呢碗炒飯係我嘅心頭好！飯粒粒粒分明，裹上油光發亮嘅色澤，滿滿鑊氣。秘製扣肉切成小粒，肥瘦相間，入口香濃卻唔膩。飯入面仲有少少蔬菜，增加清爽口感，平衡整體味道。無論係當主食定宵夜，呢碗飯都令人滿足感爆棚！🫖茶香、小菜惹味，夜麻麻想食嘢唔好錯過啦！
繼續閱讀
🪷蓮香樓🪷呢間傳統酒家，香港🇭🇰無人不識😋主打食點心同粵菜，今年5月喺尖沙咀開左分店啦🎉仲開足24小時架🕑推出左多款宵夜美食👍🏻放工夜左都有啖好食😋真係超推薦比大家🫶🏻適逢中秋佳節🏮蓮香樓仲推出左自家製雙黃蓮蓉月餅🥮優惠價$262盒，香港🇭🇰製造，保證真材實料👍🏻大家都快啲買返盒來送禮啦🎁，傳統得來又有特色，收到嘅人一定好開心架🫶🏻💕❣︎招牌雲南野生菌雞煲(半)❣︎$238雞煲用gas爐上，保證熱辣辣🔥一打開蓋已經聞到超香濃嘅野菌味🤤啲雞好嫩滑👍🏻👍🏻支竹同豆腐索晒啲汁入晒味勁正😋👍🏻👍🏻❣︎蓮香一夜情❣︎$148一夜情嘅意思係將條黃花魚醃一晚再拎煎😂👍🏻黃花魚煎得外酥內嫩，鮮味十足😋👍🏻帶有微微焦香，師傅功架十足。❣︎蓮香燴松花蛋❣︎$158皮蛋醃到有少少辣😋👍🏻加埋芫荽，洋蔥，蒜頭等配料撈埋一齊，相當開胃，做前菜一流。❣︎蓮香秘製扣肉炒飯❣︎$148炒飯超有穫氣😋👍🏻扣肉肥美但入口一啲都唔油膩🤤👍🏻有啲菜心粒增加口感，又唔會太鹹，我同媽咪一口氣每人食左3碗🤤
繼續閱讀
蓮香樓進駐尖沙咀梗係要試下‼️分店以「復古創新」為主題，採用傳統中國風設計，同時保留了經典的「推車仔」點心文化，讓食客體驗舊式茶樓風味; 此外，為迎合年輕人和夜生活需求，分店24小時營業模式，並設有DJ打碟區，播放懷舊金曲，打造中西合璧的飲食環境。今次晚餐時段去食點心，全部自家即製保證新鮮，每款點心都保留經典風味，同時火候精準✨️花膠魚翅灌湯餃：湯汁濃郁鮮美，餡料奢華膠質豐富 ✨️懷舊小籠包：皮薄湯鮮，豬肉餡嫩滑多汁 ✨️蟹籽燒賣皇:肉質飽滿彈牙，蟹籽爆鮮提味✨️蝦餃:晶瑩剔透，蝦肉鮮甜彈牙✨️叉燒包:外皮鬆軟、內餡甜香多汁✨️煎腸粉：外脆內軟，搭配醬油更顯鮮美✨️雪山叉燒包：酥皮鬆化，叉燒甜鹹交織 ✨️蘿蔔糕：外煎香脆，內裡綿密帶臘味香 ✨️咸水角：外皮酥脆煙韌，內餡鹹香惹味 ✨️椰皇：清甜椰香，燉蛋滑嫩 ✨️西米布甸：奶皇香濃郁，西米Q彈香甜📍蓮香樓尖沙咀金巴利道25號長利商業大廈1樓至2樓(港鐵尖沙咀站 B1 出口, 步行約4分鐘)
繼續閱讀
蓮香樓在尖沙咀開分店了 本人其實都幾驚訝 因為港島嗰間都起起落落幾次 現在竟然有膽量在九龍區開多間 剛好想和朋友慶生日 就一齊去試吓啲懷舊點心和菜系 我哋去到剛好有張四人細枱 就可以不用和人夾枱 佢哋嘅枱中間有一間可以將餐單和顧客私人物品放在此處 這個都比較貼心 又可以不需佔用枱面空間 職員很有禮貌 但程序上係很亂的 這個真的需要時間內慢慢改善 我們在點餐時 職員將我們的點餐紙弄掉了 最後要搞到好麻煩才可以再落單 這個真的很打攪 都係需要改善的 我們一行四人 每人大約食了兩百五十蚊左右 不是太貴 但其實我哋一籠蝦餃都食唔到 因為職員每次拎出來都俾其他食客秒殺 所以大部分食客都很不滿 點心真心不夠多 選擇不夠多 份量都唔夠 空間感不足 職員禮貌十足 但處理危機經驗不足 不過都有一個位值得讚 就係醬油位 這個位置放了大量不同的醬油 可以俾食客隨便拿取 食客按個人喜好拿取所需醬汁 那就不用經常找職員和覺得唔適合自己口味 當我寫這食評時 我相信餐廳應該已經有所改善 但短期內應該未必會再去 不竟香港還有很多更值得支持嘅點心餐廳
繼續閱讀
呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞蛋，結實入味🫚💗西米焗布丁（$42）西米布甸焗至表面焦香，內𥚃綿密香滑，食落有濃郁蛋香同粒粒西米🍮💗椰皇燕窩燉鮮奶（$48）原個椰皇燉鮮奶超滑溜，啖啖奶香同椰香，再以燕窩點綴，夠哂滋補美顏🥥💗杞子桂花糕（$30）杞子桂花糕帶有桂花同杞子嘅馥郁清香，口感Q彈而且唔太甜🌼
繼續閱讀
您可能會有興趣的...