蒲頭島 (已結業)

雖然近排好熱，但係久唔久都想食個打邊爐~ 諗起打邊爐就諗起要黎佐敦，莊士倫敦廣場集結左幾間唔同特色既打邊爐，今日一於就試下呢間~一入到去感覺鋪頭其他幾大，繁忙時間都唔係好多人等位，因為間鋪都容納到幾多人!湯底方面，一坐底就立即叫左個野味沙嗲鍋，沙嗲鍋有淡淡沙嗲味，食落唔會好「漏」，岩岩好!其他鍋好似蟹肉冬瓜蓉鍋等，見到隔離枱食都好吸引，下次一定會再試下食物方面，呢間打邊爐分左兩種形式，一種係入紙order，一種係自助放題形式。入紙order既食物種類好多，推介可以試下呢間餐廳既自家制餃子、雲吞類同埋手打丸類，配合淡淡沙嗲鍋一流!另外，快熟的老油條同埋金鋒炸響鈴都唔錯，記得試下~ 自助放題形式方面，主要食物有其他丸類同埋蔬菜，推介牛筋丸一定要試下~如果覺得好肚餓，出面仲有得拎熟食例如炒飯、炒米等，認真不錯。飲品方面，與一般火鍋店大同小異，都係自助形式任拿自己想飲既野。唯一小驚喜係飲品櫃隔離仲有部雪糕機，食飽火鍋後仲可以食埋甜品，非常滿足!食左大約兩小時，埋單500元內有找，食物種類非常多，環境又不錯，推介是佐敦一間性價比很高的火鍋店，有機會經過一定要黎試下，哈哈~

店內環境舒適，冷氣足夏天打邊爐都唔覺焗同熱真係好重要而且店舖好貼心，每枱都有usb叉電位仲有提供wifi 鍋底選擇多，而且好足料牛肉都有多款選擇是日海鮮，新鮮無沙五色手打丸部份食物，甜品和飲品自助形式，劃單叫既野食都黎得足仲有雪糕，糖水雪糕可以自己加配料，醬如果有朱古力醬加就更好la

係佐敦站過條馬路再上十樓，就黎到蒲頭島。係網上見到食評都幾吸引，於是叫埋朋友過黎一齊試！我地選左蒲網燒海鮮拼盤加任飲任食火鍋放題。當中包括九款海鮮，我最鐘意就係扇貝同海蝦，新鮮度滿分。醬汁區有超多款醬汁，無論係普通豉油生蒜，定係蜆肉芥末醬，香草醬等等各款少見既醬汁都有。店員仲教我地加啲野菌松露醬落扇貝到，燒完會有好香濃既黑松露味。多達十款Fusion鍋底，搞到我都唔知點揀好！其實我幾想試綠茶青木瓜鍋，不過今次同行朋友話想試啲正路啲既先！西班牙海鮮湯帶點微酸，甜甜地，開胃醒神，淥牛肉都幾夾～推薦鬼馬蝦膠👍🏻油炸鬼包住蝦膠，口感好特別。推薦粟米豚肉餃👍🏻餃子皮唔會太厚，入面有粒粒香甜既粟米。推薦墨汁墨魚滑👍🏻口感彈牙，好正。仿乾燒貝，從來未試過拎黎打邊爐，一口一粒。熊貓樣既魚蛋，好得意呀！連雪糕都有唔同醬汁可以加🍦紫薯同抺茶好香濃，又唔會有陣好假既甜味，超級推薦。結果我食左兩大杯雪糕先捨得走🤤非常滿足既一餐！價錢，味道，服務通通都值得一試，絕對要回頭呀！

去佐敦同朋友返教會，之後就同佢食生日飯，行過莊士敦廣場見到有任食火鍋就試下，上到去見個場幾企理同唔算太多人就入去了。呢間個名好搞笑, 叫蒲頭島，有我最鍾意既靚肥牛, 我就放棄左燒海鮮, 揀左$248一位的任食頂級安格斯牛肉。環境好FUSION好清新呀!枱都幾大張, 坐得舒服傾得爽嘩, D湯底好特別, 本身想叫綠茶鍋, 但又見到有個招牌蒲頭鍋, 冇理由唔試架~~~!都幾多野揀, 田雞, 鬼馬油炸鬼, 海鮮等都係可以任叫，好抵呀!蒲頭鍋就是紫菜章魚鍋。咁大隻章魚,不用加味精都一定夠味！未落野食已經覺得好正了。睇到呢張卡，覺得店主真的別有用心，知道香港人壓力大，就想呢度可以成為大家聚一聚減下壓的地方。除了寫紙點野食，仲可以自助，俾食客選擇自己最鍾意的方式去好好享受豐富晚餐。份量亦都好足，分好哂一碟碟，唔洗先己再夾。寫紙叫左好多野食，因我地兩個人，　佢都冇比太多，　我完全感受到店主的體貼安排，就係令你唔洗諗咁多，　唔洗操勞咁多，安心食餐好嘅。特別推介蝦膠油炸鬼同釀冬菇。Ｄ蜆都好鮮甜同冇沙！點左兩份花雕田雞，啖啖肉，唔錯～蔬菜就自己出去拎，　全部擺好一份份好方便，　都洗得好乾淨企理安格斯頂級牛肉

間唔中就會好想打邊爐，這就是香港人。這次來到蒲頭島，朋友介紹說不錯，於是來朝朝聖。入座前要選好什麼plan，一共有3種，最便宜的包網燒，中價的是比較好的牛肉（忘了哪種😂），最貴是安格斯牛；我們選了中間的。上菜速度快，收空碟速度快，加湯自動自覺，還因為見我們在隔油而主動為我們遞上碗和隔油勺，服務很好。食物方面選擇也多，有我喜歡的炸芋頭及響鈴，不是很多任食火鍋有此選擇。牛肉質素不錯，牛有牛味，厚度也不是牛x鍋那種超超薄切，脂肪也適中。飲品中西合壁十分齊全。以任食來說各方面都挺不錯。枱夠大坐得舒服，比較奇怪的是抽風系統，煙很大，可能令你看不清楚對面的人🤣 倒沒有吃完成身味，不錯的火鍋聚腳點。

抵食又舒適@蒲頭島 莊士倫敦廣場近年開了很多餐廳，位置就在地鐵站附近，方便就腳，沒有旺角那邊的多人，又較尖沙咀那邊抵食，朋友帶路下到了10樓的蒲頭島 朋友就是收到這張傳單吸引來的，蒲頭島最近做特價，試食價低至$158，LIKE FACEBOOK更享有免費升級鍋底優惠 我們被安排坐在窗邊位置，景觀不錯呢 裝修非常有特色，綠油油的很有活力，冷氣強勁而且空間感十足 混醬區~ 幾十款醬料任取 點單紙厚厚的，隨意每款點一些已經很多~ 湯底共有十款，有辣有唔辣也有其他特式湯底，都是不用加錢的 飲料是自助的， 有無糖的最抵讚 不一會湯底就送上了，是這裡最有名的加納比海鮮鍋，入面放滿了海鮮(包括大蝦，蜆和青口等)一滾起就可以食了，千萬不要煮得太耐!海鮮加上了大量蕃茄去煮，味道很清爽而且很有新意 鍋底內的大蝦也很認真，用上大大只的鮮蝦，又鮮又彈牙 軟雪糕超香牛奶味，必食! 不一會牛肉來了~絕對建議大定要升級牛肉，我們點的是中價的任食牛板腱套餐，牛肉每一碟都是上品，很紅潤而且脂肪比例合適，食起來很重肉味又不韌 雞子大大粒漲卜卜，會爆汁的 蝦滑也是很推介，絕對是用鮮蝦打出來的，

星期一雖然係代表一個勞碌星期既開始,但係肥妹仔我係唔會咁快塔皮既~肥妹仔我今日就約咗肥家姐放工一齊去蒲頭島打過靚邊爐先!!肥氏姐妹揀咗優惠C- 任點任食頂級安格斯牛肉+ 歐亞式Fusion 火鍋放題, 盛惠$ 248/位肥妹仔我就揀咗西班牙海鮮鍋, 而肥家姐就揀咗朝鮮韓風辣鍋 (2級)唔好睇個鍋既色水好似好淡, 肥妹仔我唔係講笑,個西班牙海鮮鍋好重蕃茄味,而且有唔小配料如茹菌,青口,蕃茄等等…..至於個朝鮮韓風辣鍋 (2級),可能肥妹仔我真係唔食得辣,2級我已經搞唔掂了, 朝鮮韓風辣鍋 入面有好多泡菜,豆腐!!!一共有4張點菜紙, 選擇都好多,搞到肥妹仔我呢D選擇困難症既人好苦惱~~不過重點係呢樣, 就係任食頂級安格斯牛肉,肥氏姐妹一共叫咗三份~~~個頂級安格斯牛肉真心幾好食, 油脂分佈平均, 有牛味,一D都唔鞋口, 輕輕焯十秒已經好好食!!!蒲頭島牛拼盆有牛肉粒,唔同部位既牛肉,肥妹仔我係分唔到的,但不錯食喔!蒲頭島手打五寶丸肥妹仔我只係食咗蝦丸同墨魚丸,蝦丸彈牙蝦味濃,墨魚丸就好爽口, 好食!!!一口帆立貝呢個普通, 無comment!蟹棒正常味道, 無comment!鬼馬蝦膠哈哈

今日肥鷄去左佐敦蒲頭島任食邊爐，揀左最貴嘅安格斯牛肉。湯底就揀左泡菜湯同西班牙海鮮湯，泡菜湯揀左2級舒淇都岀左黎嘩！碟牛靚到呢，大家一定要試呢個，好過岀面任食火鍋好多，有誠意其餘都系大路野，吾講睇相啦

蒲頭島，記得係上年開的。新開冇幾耐見報紙介紹，於是同朋友去試吓。但最後都係激氣埋單離開。但今日去到莊士敦大廈，又見到蒲頭島。於是就比多次機會佢啦！果然有進步。職員有禮又主動。食物質素改善咗。世界杯其間有優惠有2款套餐~A. 海鮮按人頭份量（一次性，不是任食。）可以炭燒及火鍋。其餘火鍋食品及飲品任飲任食套餐B. 任食日本安格斯牛其餘火鍋食品及飲品任飲任食。我地最後揀咗B餐今次揀咗蟹柳冬瓜蓉湯底。湯底比較清。安格斯牛切成薄片。入口即溶鮮蝦雲吞隻蝦都幾大隻. 而且皮薄餡靚麻辣牛肉餃, 必食. 好香麻辣味. 牛肉夠份量. 鬼馬油炸鬼五寶丸, 自家制. 夠彈牙. 唔粉滑雞件, 雞肉滑嫩除咗用紙剔食物外, 有好多食物都係外面任食. 飲品都係任飲仲有少許熟食及糖水亦有雪糕機

有時OT到好夜，晚飯都冇食，所以就放工就會搵地方食宵夜。喺網上見到這間店的食評都不錯所以就試吓啦！我哋大概11點去到等左一陣就有位啦，之後睇過佢哋啲餐牌叫咗個章魚紫菜湯做湯底，個湯底嚟到非常鮮甜，真係估唔到原來可以用章魚紫菜湯做打邊爐湯底，之後其他配料係任攞嘅,款式都有好多選擇而且佢樣樣都係細細碟,所以如果兩個人想食多啲野都可以攞多幾款，飲品亦有好多選擇。值得一提嘅係佢每一枱都會送幾款特飲,放喺一個會出現嘅冰桶內，其實都幾好飲甜甜地幾開胃！

蒲台島可能大家都去過了，不知道蒲頭島又去過了嗎？蝴蝶結姐姐剛去完，而且更滿載而歸呢！這裡有很多意想不到的驚喜。坐下不久店員就會先準備好色彩繽紛的果汁，有點像小時候吃的唧唧冰。更提供羅漢果茶及桂花茶。多達十款的火鍋湯底最後蝴蝶結姐姐選了自家製香辣鍋及蟹肉冬瓜蓉鍋，自家製香辣鍋有辣椒、鴨血、京蔥、大蒜、凍豆腐、蒜肉。而蟹肉冬瓜蓉鍋則湯底較清，卻清甜可口。餐廳是自助式取火鍋配料和飲料，看見雪櫃裡由上至下，左至右的火鍋配料，姐取了蟹柳、肉餃、肉滑豆卜和蔬菜，配料都頗新鮮，加上隨自己喜好取配料，吃多少取多少，減少浪費。雜錦牛肉拼盤、五色肉丸，可以吃到牛的不同部位，肉丸有蝦丸、牛丸、魚丸、墨魚丸、豬肉丸，口感彈牙有嚼口。另外，炸鬼馬亦頗特別的，在鍋裏涮幾下就吃得，仍然保持外香脆，內爽滑啊。當然不少得是火鍋必吃的炸響鈴啦！慢慢吃，邊跟朋友聊聊天，時間過得特別快啦，肚子完全是滿載而歸去形容耶！

今次呢就去到佐敦呢間舖頭島打邊爐😆喱間鋪頭開到好晏，所以放工同同事去食都冇問題😎.呢度有足足10款湯底比你揀😱有啲仲可以加錢轉做鴛鴦鍋添😙另外亦都有唔同嘅放題選擇，最平118蚊加10蚊醬料費就可以打邊爐2個半鐘🤤(注意!係有加一咖🧐)除咗火鍋配料之外，出面有唔同嘅類型嘅嘢飲同熟食😆另外都有雪糕機，打完邊爐之後可以自己整杯雪糕黎食😆另外佢地服務都幾好！見到格嚟果枱唔係太識燒海鮮，都周不時去主動幫下佢地😆.今次就嗌咗個安格斯級牛板腱任食+火鍋放題套餐😆我就揀左沙嗲湯底食落去唔算太鹹，沙嗲味都幾濃😚 最緊要係食完之後都唔會話好頸渴😗👍🏼.格斯級牛板腱薄薄一片好快就熟，食落去夠嫩😚.啲食物款式選擇夠多而且都嚟得幾快😝佢地自家製嘅雲吞水餃都幾好味，不過我次次打邊爐淥水餃都會皮肉分離😂手打丸類細細粒，咁就可以食多幾樣啦😆海鮮款式都ok嘅，睇落都幾新鮮🤭.特別推介🧐😎鬼馬蝦膠其實係油炸鬼裏面釀咗啲蝦膠，一放落去油炸鬼吸曬啲汁再加埋蝦膠，都幾特別😆😎百花釀鮮菇呢個都係一啲魚滑(應該係🧐總之都係啲乜滑乜滑啦)釀咗入好大舊冬菇到😆👍🏻.💰收費 (安格斯級牛板腱任食+火鍋放題套餐)17:00-19:30 $

［父親節同屋企人3個食］首先入座冇同我講食幾耐，好在我訂左個陣有留心聽佢講話食2個半鐘…之後叫左個218網燒海鮮+火鍋放題。第一，個網燒d野食黎左，但又冇個爐黎，咁等下啦，等左好耐，之後有個人黎放低左個爐就走左咩都唔講；第二，有個女服務員又唔問下我地就收左我地d岩岩燒好既網燒食物；第三，個環境地下好污穢，每個服務員都淨係收野同執枱…最尾我俾錢都唔找返錢俾我，就當收小費咩玩法，呢個價錢咁既服務差到爆囉！！

大家真係唔好再信個d 所謂既食評 難食到hihi都話好食 相信覺得好食既應該係味覺有問題 琴日同2個朋友去食 叫左個西班牙海鮮鍋 個湯底完全無味 係連少少既蕃茄味都無 海鮮味更加係零 食物方面 所有野都唔好食 豬潤有雜味 肥牛煮完縮到食落好似咬空氣咁 勉強要講既咪d菜仲算正常 最後d野難食到唔想再叫 加左燒海鮮 個燒爐開到最大都係勁細火 燒d野燒20世都未熟 海鮮完全唔新鮮 睇落係完全無事 食落即刻講粗口 d 海鮮燒完唔知點解咁咸 總之兩個字難食以後都唔會再去依間

放工後撞到幾個同學，好耐冇見就搵個地方開飯啦！上網搜尋見到呢間野幾靚仔，於是一行3人仆上去睇睇，一開Lift門一堆人在，唸住走得，一場黎到問問先，奇蹟出現喎，咨客話有枱No Show，但為保障訂座的客人請我地等多10-15分鐘，見到佢打比個客但比個客cut缐，再打又cut，香港人而家咁樣嘅？唔黎講聲嘛，阻住人做生意，冇品！到我地囉，入座前已經揀好B餐$228/位任食安格牛板腱，3條友都鐘意食靚牛肉所以坐底叫了個什麼牛肉湯，掂，真係絕配，牛肉味十足，肥瘦均勻，每人食左3盤先出去攞D生菜，冇心插柳下整左個牛油生菜超好味道；見到旁邊有D人燒海鮮，多嘴問下店員幾$，原來➕$68/位(2位起)，9款海鮮自己BBQ 或 冰鎮凍食，抵喎唸唸佢就加2份試下，開始燒啦，有位哥哥仔叫我地去醬料吧攞D自己鐘意的Sauce調味，很好的提意，原來有松露醬嫁，放落帆立貝試試，超好味，海虎蝦都掂，見到好似有加拿大鱈蟹腳，問店員原來係淡水龍蝦中任簡，但蟹賣晒了，可惜！其他火鍋料真心食左都唔記得啦，Sorry!總括來講，食物、環境、服務 係放題黎講，一個字，掂