蒲頭島 (已結業)

好耐冇拍過片呀有新放題介紹 🤤-#無敵大放題 $108-$168好耐未介紹過放題，因為質素高嘅都係唔多高，近排仲見到啲劣食男女介紹埋兆萬入面果啲正嘢，真係不得了 😂天氣又凍啦，係時間打邊爐啦，呢個放題實在太多嘢食，最基本 $128 嘅放題都已經有超過 90 款火鍋料，除此之外仲包特別一杯嘅歡迎飲品、泰式牛肉沙津、原隻燒雞任食、西班牙海鮮炒飯任食，另外可以揀貴少少嘅放題餐仲有海鮮拼盤同龍蝦食，仲有乳酪雪糕任食，真係正到冇朋友 🤤最主要想講係佢地嘅 fusion 火鍋底，真係堅足料好味，有成 10 款選擇，而蒲頭鍋係佢地嘅招牌鍋，其實係一個海產鍋，鍋料包括有紫菜、章魚、蝦米、青島貝、青口、墨魚仔等等，好鮮味！而另外嘅鍋底有自家製香辣鍋、珍味雜菌鍋、花果茶酸辣鍋、惹味沙嗲鍋、人蔘白玉鍋、西班牙海鮮鍋、蟹肉冬瓜蓉鍋、綠茶青木瓜鍋、法式牛肉濃鍋，推薦呢間真心 cp 高 🤤❤️-蒲頭島佐敦莊士倫敦廣場 10 樓

以下呢間係情侶去打邊邊嘅話又抵食又幾好食 🐷仔都讚好個日我地行完葵廣 諗左好耐都唔知食咩於是我發現我bookmark左蒲頭島黎到宵夜時段 9:30-11:30 只係$138/1人我地要左清淡啲嘅珍味雜菌鍋肉類我地全部都要左一碟 還是肥牛好味然後推薦鮮墨魚滑同蝦滑😛火鍋配料基本你想食嘅都會有飲品又任飲 仲有熱食 所以真係好抵食🙌🏼________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

今日好姐妹生日🎂我和佢都好鐘意打邊爐，之前係Facebook見到朋友推介佐敦有間叫蒲頭島嘅火鍋餐廳，見環境同食物都好吸引，今晚一於去蒲頭島同好姐妹慶祝生日🎂🎉😆一出𨋢見到門口好多人等緊位😱好彩我醒目一早Book咗位✌🏻😏✌🏻職員帶我哋坐窗邊嘅卡位可以望到彌敦道嘅夜景🌃湯底有成十款😋我哋樣樣都好想食😻最後我哋決定叫自家製香辣鍋😋因為我哋太愛食辣啦😆香辣鍋嚟到已經聞到勁香，成個鍋滿曬材料，材料有辣椒🌶️鴨血，凍豆腐，蒜肉，京葱和大蒜，還配以多種香料和自家調製香辣醬，試一試個湯底，味道真係好濃郁，比起其他火鍋店，呢到嘅湯底係比較濃和杰身，唔使點豉油和醬料都夠曬味，超正啊😋個湯底已有驚喜好期待其他食物😻🌽🥕蔬菜類🍅🥦菇類🍄丸類🍡粉麵類🍜沙律🥗甜品🍮飲品🥤🍻和有啲熟食嘅食物🍲都可以係自助吧攞😻鐘意食幾多就攞幾多😋非常方便👍🏻蔬菜都有成十幾款，連秋葵都有，真係正😻鬼馬蝦膠係蝦膠加油炸鬼，我第一次食，好有新鮮感，油炸鬼索曬啲湯，好好食😋鮮蝦雲吞好多蝦，一口一粒好彈牙👍🏻響鈴都好脆，唔會好油膩👍🏻是日海鮮係梘，都好鮮甜😋所有蔬菜好新鮮，粟米超甜，啲金菇，鮮冬菇，雞肶菇好有菇味😆正打邊爐點少得牛啊，佢哋有

係冇錯...我今次又係打邊爐啦忠愛打邊爐既我係唔會停嫁朋友琴日食完..今日又介紹我地黎食，未食之前都已經知道應該幾好食朋友先會連續兩日都食呢道其實感覺一般既，不過不失普通火鍋放題咁囉大致上都唔差既......相我就冇影好多，因為太肚餓啦黎到就係咁食食同食好啦好啦...又黎到講述時間啦講環境 — 一般般啦，唔知係咪我肥左呢，覺得如果卡位的話有點兒窄講服務 — um...某一個員工係幾勤力既，會主動幫人收碟既，但其他員工講真就真係麻麻地，自己做自己野，冇留意客人需要，有客人舉手都好似睇唔到咁講味道 — ok呀ok呀ok呀，好重要所以要講3次真心覺得ok既，值得一試

好耐冇食過任食火鍋，今次就去咗近期大熱的蒲頭島。門前堆滿人頭等位，好彩我哋有訂枱！一入去店員就先送上兩杯迎賓飲了，顏色好鮮艷，而且有煙霧效果，唔打得都睇得！行過圈，可以見到自助吧枱上面都有唔少美食選擇，適合我哋呢啲餓鬼，在湯底未滾起前醫下肚。醬料吧亦配套好齊全。多款湯底花多眼亂，我哋就點左較為有特色的蒲頭鍋。除咗中間一隻大型八爪魚外，就係紫菜同紫菜，都幾特別。食物好方便，大部份都可以自取，而且選擇都算豐富。有部份肉類就需要落單，唔見有缺貨情況，而且亦冇漏單，值得一讚。火鍋生料算唔上非常美味，但亦不過不失，對得住任食的價格。食任食火鍋，都係志在同朋友吹下水烚吓烚吓。最緊要就係食物選擇夠，而且份量足。飯後不能少的當然係自助雪糕啦！

今晚同以前中學同學蒲頭去左蒲頭島呢間新開平價2小時自助式兼又可落單點其他配料任食火鍋店,有十種湯底選擇,超多種配料又有海鮮🦑🐙🐟,自助式櫃有肥牛蔬菜瓜菇同丸類。佢地自製香辣鍋湯超正裡面有豬紅同冰豆腐😋又香又辣好入味,個法式牛肉濃鍋湯超甜,好飲飲左兩碗,又有好靚自製果汁welcome drink,仲有熟食,熟食區野食都好有水準,有我至愛炸雲吞😛好大粒超足料,最重要係仲keep到好鬼脆！我都忍不住食左都有六七粒👍仲有其他熟食同幾款湯類,真係用心做食物而且水準吾錯價錢平價又坐得舒適既任食火鍋,希望水準可以一直keep住,只係108-178hkd不同時段,多謝朋友好介紹,下次都要再蒲頭👅

任食打邊爐食得多, 今次試新野就出事...!- 火鍋食物質素還可以. 但湯底咸, 冇沙爹味- welcome drink 超難飲. - 所謂的甜品, 得返一兩舊好似食剩既蛋糕仔.- 熟食得三四款.10.30pm入座時冇講過限時幾多, 叫我埋單亦都冇提過夠鐘/仲有幾耐... 食得差唔多都熄咗火停哂口, 見得幾枱客, 諗住坐多陣...**有個阿姐話: 你哋都坐咗好耐... 你後面個枱遲黎都走咗啦..!嘩! 咩意思?! 其實夠鐘真係唔緊要, 你咪直接話我知囉, 唔洗咁講野囉!!! (張什麼2018spring poster睇唔到邊度有寫限時幾多, 如果係細粒字, 就冇野好講)

火鍋放題應該差不多全香港人都食過，湯底幾乎九成也相同，填紙仔點配菜有誰沒做過？？要在眾多火鍋店中脫穎而出，除了好材料外，都要諗啲新意。自助醬油吧，款式齊備，一啲都唔hea，而且仲有啲人冇佢有的。剛好Jolly Sandy做推銷，兩款味道都係任飲，真好運。火鍋放題，竟然有意大利飯同炸雲吞，360度全方位的餵飽大家。仲有氣水機、雪糕機鴛鴦鍋（加HKD 38），呢度的湯鍋款式特別，如花果茶酸辣鍋、蟹肉冬瓜蓉鍋、綠茶青木瓜鍋、人蔘白肉鍋等，我們選了野味沙嗲鍋和珍味雜菌鍋，沙嗲味道帶東南亞風味，非一般火鍋店的體驗。一些簡單的配菜，餐廳特設四個大雪櫃，大家自己揀，又衛生、又環保減少浪費紙張。蒲頭島牛拼盤（牛肉花、牛脷托、一口肥牛粒、美國肥牛）、蒲頭島手打鮮五寶丸（墨魚丸、蝦丸、牛丸、鯪魚丸、豚肉丸），鬼馬蝦膠五花豚肉、蜂巢牛肚、花枝片、意式香草鴕鳥肉、南翔小籠包、白菜餃、是日海鮮（海蝦、蜆）

今天終於食到蒲頭島了!這餐廳要提早BOOK位﹐否則要等很久，因為之前我睇MEDIA有講佢地,我BOOK左好多次,都好FULL T_T。 有很多種湯底選擇﹐我們選了酸辣拚冬瓜的。酸辣即是冬蔭公﹐味道不錯﹐不會辣﹐ 吃不了辣的都食到﹐冬瓜的就比較鮮甜﹐岩晒喜歡清湯底既我!  有自助吧﹐可自取熟食,飲品和火鍋材料﹐有很多選擇﹐材料都好新鮮!以任食火鍋來 看﹐食材真算是高質。丸類大多是新鮮手打﹐我吃了很多粒牛肉丸!!另外食材很特 別﹐有個是油炸鬼﹐第一次食到﹐好食! 一定要點! 不過小心加了這個之後整個湯底都 很油﹐建議最後先食!  整體是不錯的﹐一定會再來食!!

Book佐幾次都full曬，今次終於都book到啦！去到等佐一陣就有位啦，星期一都差不多滿曬，好誇張呀！湯底都幾特別幾多選擇，唔係出面來來去去果幾隻. 試佐酸辣有驚喜，原來係冬蔭公味. 醬料bar有十幾種選擇，必食腐乳！野食方面都幾多選擇，幾新鮮，有個肉併盤有牛舌牛柳粒，正！最特別仲有鬼馬油炸鬼，出面少有. 另外手打丸都有幾隻又有魚柳，魚柳必食！出面都有好多野食可以自己拎，唔洗怕肚餓要等. 野飲都好多選擇，必試自家製茉莉茶，好好飲！另外仲有朱古力雪糕！性價比高！會再嚟！

約咗幾個閨蜜食飯， 天氣咁寒冷梗係食火鍋啦，為了遷就大家嘅工作地點，所以就揀咗佐敦呢一間任食火鍋店。先不要講食物，在商場排隊等𨋢已經等了十五分鐘，但上到8樓仲要壞𨋢，被迫行兩層樓梯到10樓。一坐低侍應就送咗啲特色飲品畀我哋。 我哋點左西班牙海鮮鍋， 濃濃的蕃茄味， 都幾足料。自助飲品都很多選擇。有熟食，但款式不多，冇乜人幫襯。自助調味吧牛肉質素也不錯。菜、豆腐、烏冬、和丸等，一碗一碗放在雪櫃內 ，供食客自取，整潔衛生甜品有軟雪糕 整體食物質素ok，海蝦略嫌細隻，但想起要排隊等𨋢，下次未必會再去倫敦廣場。

大少又想打邊爐 朋友介紹 🌟蒲頭島🌟 火鍋放題 食放題最怕去左嗰d 又逼又亂的餐廳 呢間環境闊落 乾淨 整潔 感覺好young😎😎最正仲有大窗加無敵尖東境🏙！睇倒燈飾㗎！想食清d 揀左冬瓜蟹肉湯底我最中意手打🦐丸墨魚丸 好爽口又足料 鬼馬油條 好特別又好味 五式牛肉 🐂肥牛 牛舌 牛腩粒 都有 火煱放題好少有 小籠包打邊爐原來都幾好食 🦐蜆🐟魷魚🦑樣樣都齊仲有軟雪糕 🍦 飲品都係任飲 $98-168/人 任飲任食 好低食！ 💕💕

Since the weather was cold recently, everyone tended to have hotpot or steamboat. We are certainly not the exception, thus we decided to have hotpot for dinner tonight. We went to 3H island fusion pot as it was near to our home and most importantly the price was very cheap and was always crowded. Their buffet price ranged from $108 to $178, which was certainly not expensive.  There were several soup base for us to choose from, spicy or non spicy and even stating the ingredients used and the tast

冬天又係打邊爐的季節，路過見到蒲頭島的傳單見到幾平，黃金時段都人頭只不過$178，已經可以任飲任食，一於試下。＊＊＊＊＊＊＊＊＊＊＊＊可能由於價錢平，所以周日晚上都幾多人等位，幸好店面都大，可容納二百食客，所以不用等太外已經可以入座。蒲頭島跟一般任食火鍋一樣按人頭收費，不同時段收費不同，價錢由$108至$178不等，另加醬料費$10/位和加一，即使黃金時段埋單都只不等$207，非常抵食，且看它的食物質素如何。甫坐下，侍者先送來一人一枝Welcome Mocktail，顏色繽紛，不過有點像羅拔臣嗜哩溝水，味道不過不失。湯底有十款選擇，款式幾特別，絕不是常見的港式湯底，如花果茶酸辣鍋、西班牙海鮮鍋、綠茶青木瓜鍋......等等，其中除了蒲頭鍋和花果茶酸辣鍋外，其他鍋底都不用另外加錢。因為席間有朋友不吃辣，我們就點了這個蟹肉冬瓜蓉鍋，裡面有冬瓜、薏米、冬菇和蟹柳，冬瓜和冬菇份量都幾多。自助醬料區有多達18款醬料，除了常見的辣椒蒜蓉蔥花芫荽外，還有較另類的野菌松露醬、蜆肉芥末醬、瑪利安醬、意大利香草醬.......等等。點菜紙上多款肉類、海鮮、丸類、餃類和蔬菜，而店子末端的櫃內還有更多火鍋料，

呢幾日氣溫只有單位數字, 咁啱有親戚嚟左香港, 咁凍天氣唔知帶佢地食乜好, 只好即上open rice 睇吓有乜好食, 見到呢間蒲頭島, 交通方便, 又唔太貴, 就去試吓, 去到可即時入坐, 環境寛敞乾淨, 侍應即時攞左每人一支Welcom Mocktail, 顏色好靚, 再睇吓manu唔同時段唔同收費$108-178+$10湯底另+1收費, 有好多款湯底任揀, 終於揀左個冬瓜蓉鍋, 仲揀左脆鯇魚片, 肥牛, 豬紅, 响鈴, 青口……, 以呢個價錢咁嘅質數好抵Welcom Mocktail, 顏色鮮艷, 味道似羅拔臣啫哩糖多款飲品任揀醬料區內有十幾種醬料俾人客隨意混醬冬瓜蓉鍋底 有冬瓜, 薏米, 冬菇, 蟹柳, 清清地, 唔會太熱氣肥牛 肥瘦適中, 好香牛味牛栢葉夾口脆鯇魚片   新脆鯇魚片, 新鮮脆口炸雲吞 皮薄很脆鮮蝦水餃 蝦新鮮青口 雖然細隻, 但鮮甜味美左 粉絲 右 木薯粉 咬落煙煙韌韌