萬麗咖啡室 (裝修中)

今年生日正日去左呢度食左個價值$198位(星期二)o既buffet. 我地晏就訂都要Waiting list, 食到8 點都有人泥...<br>食物o既選擇都幾多,有四種魚生(不過要去等廚師切), 三款壽司, 好細隻兼唔係太新鮮o既生蠔, 鐵板燒牛肉粒(幾好食), 燒鰻魚(唔太好食), 花蟹蒸糯米飯(好正), 魚, 蝦, 五至六款沙律配料加三款汁, 海鮮湯麵(檔口)有帶子,瀨尿蝦, 蝦等(都幾好),仲好多人食..甜品方面有四至五種, 最欣賞係咩荔芋餅(好香), 其他果D 芝士餅,朱古力蛋糕之類都唔太好食, 豆腐花好滑, Haagen Dazs 兩款雪糕都好快冇, 不過refill 得快..仲有pancake (要等煎), 仲有個榴槤布甸杯(都幾好味), 有煙三文魚, 生果得兩款, 兩款冷麵, 玉子豆腐, 燒牛扒(幾好食), 羊扒好蘇...<br>其實好多野都好O岩我口味, 味道總結都幾好~<br>價錢唔係貴, 仲有飲品免費..

我一向唔鍾意食生蠔, 但今次有人極力推介, 所以就試下, 果然好正! 又大隻又新鮮!! 熱盤真是有點失色, 不太特別!我最鍾意食cake!! 好好味!! 不會太heavy!! 又不太甜! 正!

上星期俾我食完個「把鬼」「奧比餐廳」後，終於俾我食番個好正o既自助餐俾我補番數……佢就係o係會展樓上萬麗海景酒店o既coffee shop 喇！講真，食自助餐都不外乎都係食o個D o野啦，不過就唔係度度都咁好食…而萬麗海景o既buffet 都好多o野食，例如冷盆o既魚、蝦、蟹及生蠔，全部都好正，而且好新鮮，鍾意食冷盆o既朋友絕對唔可以錯過……而熱盆方面就普通o左D，味道都唔錯，款式亦足夠…但燒牛肉就好好味，裡面係鮮嫩o既粉紅色，肉質唔o鞋口，配o埋醬汁，味道剛好……另外佢有一個「火鍋大排檔」，有專人幫你灼埋D 海鮮…有龍蝦仔、琵琶蝦、中蝦等等，全部都源源不絕，所以唔使咁快同人搶……最後就係甜品喇，款式都幾多，賣相全都好精美，但美中不足的是蛋糕o既款式唔夠，而且無乜生果食……雖然呢度o既價錢真係貴o左少少，要成二百幾蚊一個人，但係同o個間百幾蚊o既「把鬼奧比」比較，呢度就「超值」喇，間唔中豪一次，又何妨﹖

這酒店的自助餐是我食過的最正的一間，雖然價錢貴少少，但物超所值，食物有龍蝦、帶子、魚生等，甜品最正，雪糕很好味，又滑又軟，但自助餐只有星期五、六及日供應，記得要一星期前訂位。試下啦，沒有推介錯！