萬麗咖啡室 (裝修中)

想book seaview, 可惜無晒! 不過環境闊落, 有卡位坐, 而且第一次食buffet係唔會有人搶野食既情況。可惜無生蠔, 因為全港酒店既buffet都暫時唔會有生蠔供應, 但係魚生, 甜品, 海鮮都已經搭夠。魚生好厚, 好新鮮, 而且係即叫即切, 而唔係放晒係度自己夾, 如果再多一兩款就仲好, 最好就係有即制手卷。車仔檔我食帶子, 象拔蚌, 超大既瀨尿蝦。個西冷牛扒切得好薄, 好"林", 正! 最緊要平時buffet好少有羊鞍食, 呢間居然有, 個酸辣粉絲一流, haggzen daz香蕉雪糕好好味! 飽到唔郁得都仲想試埋甜品! 細細件既蛋糕好好味, 我個friend食個芝士蛋糕都話好好味!總括一句, 個buffet雖然款唔夠多, 但係樣樣都係水準之作, 奇蹟地, 呢間係我第一間食完之後無過既buffet, 而且價錢都係$227, 抵!

來這裏吃LUNCH, 種類都幾多, 有日式同西式, 食過兩次, 所以打算一個食評講哂:雜錦魚生飯: 一般, 冇想像中咁多料(曾經到過maro polo hongkong hotel 的日本餐廳, 叫西川, 價錢同呢度咁上下, 但料好多好新鮮...), 得三款魚生(三文魚, 八爪魚同吞拿魚), 每款都係得三件, 材料都OK, 自問唔係魚生專家, 唔敢話好定唔好, 但係我唔覺得係好好食, 好特別law, 冇咩驚喜, 重唸住呢度O的會好好味.... (同行有同事散叫雜錦魚生飯, 就真係好多料, 有甘蝦, 赤貝同其他魚, 好似好好味咁.... 不過知係咪貴好多...)澳洲肉眼扒: 呢個就真係得喇, 由於本人一向唔可以食太厚同太硬的牛扒(會胃痛), 所以之前都唔咁叫, 但係後尾見同行有人叫左, 又好似好ok喎, 所以第二次都叫左. 牛扒好唸, 但有咬口, 食得出唸唔係因為用梳打粉整出來, 係因為件扒新鮮(同亞扒王的"梳打牛扒"完全唔同). 個source都好好味, 有o的似燒汁, 但係又冇燒汁咁搶, 可以食到扒的味, 正! 配埋少少芥辣, 好到冇得彈呀^.^值得一讚係service, o的wat

星期日晚中午打去仲有位,$258有八折,一於試試‧6:30到已有唔少人,多是一家大細或一大班朋友。先講環境:一個字"嘈"服務態度:明顯見到人手是不夠,個個waiter/waitress都好忙,到堆完單都唔知原來有餐茶食物:熱盆好多款又refill得快,沙律亦有成5-6款,壽司刺身手卷亦不錯(三文魚肥美,但八爪魚好"un");冷盆有好似是"小"龍蝦,個頭好大但只有半隻手指尾般大的肉。芝士菠菜焗豪好正,一直refill到9:00仲有。燒牛肉好似得兩成熟,滿口血腥(本人食了一啖亦唔敢食)ice-cream:正!有成4-5種口味甜品:一件件正方形細cake,賣相和味道亦麻麻地,blueberry cheese cake冇乜ｃｈｅｅｓｅ味，楊枝甘露十分普通，不食亦冇損失。＄２３０有這麼多款式亦算抵食！！

上星期二同父母一齊去,平日,唔係超級多人不過又有人咁,幾好~!!以前無折0既時候食過覺得幾好,仲驚而家有折會將貨就價,不過原來都無~!!!冷盤有crab,龍蝦仔,青口,算多選擇.boiling counter除jor一般魚蛋之外,仲有象拔螃同原隻帶子,湯底鮮甜,nice!!熱盤都無係一般野,不過有隻韓式牛肉幾好食!魚生好新鮮.湯唔係我壺茶,我無留意.沙律都新鮮,有露筍食~麵包好好食,有隻3角形0既,洋蔥+tomato味,好好食!燒牛肉係水準之作,唔會太乾,偏生,所以好juicy~楊支甘露非常好,係我食過最好食0既,唔會水汪汪又足料,而家稔起都想食~hagen diaz唔洗多講啦,梗係非常好食~之前有食家話又唔refill又溶,我食又無事wor,有朱古力,strawberry,咖啡同vanilla nuts.不過甜品相對就差d喇,cake好普通,我都無食.留肚食其他野好過~啤酒汽水任飲,仲要係佢一見你差不多飲完就同你換過,service一流!!而家仲要8折添~

一心唸住萬麗酒店應該有番甘上下，一班人開開心心甘入到去放低野就立刻去睇下有咩好野先~1) 沙律: 試左燒三文魚沙律，螺絲粉沙律，海鮮沙律，煙三文魚... 款式夠，但味道完全無驚喜2) 熱盤: 有兩款魚柳，豬肋骨，焗椰菜花，薯仔，咖哩雞咁... 我只係試左兩件魚柳，其他都無咩興趣，味道只係平平3) Pancake: 層皮唔夠軟，唔夠香4) 雪糕: 無晒都唔Refill，雪櫃又唔夠凍，食到尾好似糊仔甘5) 壽司: 要左吞拿魚壽司同一件包有三文魚同鰻魚既卷物6) 刺身: 唔錯，試左三文魚，吞拿魚，立魚等，夠新鮮又大塊7) 甜品: 食甘耐都只係出過兩款芝士蛋糕(美國同藍苺)，果批都幾多鮮果，金寶萍果批就最好，夠香又脆，而個芝麻慕絲杯就完全無味... 8) 水果: 得哈蜜瓜，西瓜，估唔到士多啤梨都無粒無論價錢同地點，我情願去帝京好過!

今晚同mammy 婆婆daddy黎呢度慶祝mother's day一個星期前book, 已經無晒see view lar, anyway 算labook左7點, actually個buffet 6:30就start~daddy,mammy,popo 6點9就去到我7點去到....行入去o個陣, 都未坐低, 已經心知不妙wah~~~人頭湧湧,好多人ar, o的小朋友衢黎衢去, 好危險, d人你推我狀, 一睇就知肯定有搶食情況出現第一round 我都無咩心機, sushi個counter水洩不通,想睇下有咩野食都睇唔到, boiling counter已經排晒長龍salad 都係多人, 不過無計la, 唔就咩都無得食試左幾款salad, d款同below那位食評差唔多一樣, 我覺得都唔錯,esp.個泰式salad, other salad,煙salmon幾好~個italian 汁gd~~~!sushi試左兩件, 一般, salmon魚生不錯,立魚刺身very gd~~mammy話手卷好正個soup係番茄麥湯,好飲~~d包都唔錯,我popo好鐘意, 佢食左4,5個, haha~~~試左的熱食

周日晚上來食晚餐buffet.湯有兩款, 一款是墨西哥青豆茸湯, 一款忘記了. 不太有興趣.沙律款非常多, 部份富創意: 印度烤雞沙律, 煙肉雞沙律, 煙三文魚沙律, 雜果蝦沙律, 泰式魷魚沙律, 海鮮意粉沙律, 雜菜芝士沙律, 魚香茄子沙律.其中以泰式魷魚沙律和海鮮意粉沙律最好味, 魷魚個微辣sauce好惹味, 簡直冇得彈, 海鮮意粉沙律的意粉是螺絲粉, 個sauce亦正到無倫, 可惜螺絲粉稍為稔.蔬菜除大路沙律菜(紫椰菜, 波菜, 椰菜花, 車厘茄, ...), 就只有炒squash 同非常牛油香和非常好味的焗薯仔. 不好冷盤. 要拿冷盤亦很不方便, 因為冷盤counter在火窩檔則, 而火窩檔經常大排長龍.三文魚刺身好得, 個師傅不姑寒厚切給你. 又吃了三文魚子手卷, so far so good.熱盤仍以海鮮predominant, 有羊肋骨, 日本咖哩雞, 椒鹽雞軟骨, 芝麻炸龍俐, 唔之乜野炒魚柳, 清蒸海上鮮...另外有烤雞, as expected, 雞肉非常'鞋', 沒有試的必要; 煎龍俐柳, 好油, 質感非常粉, 也沒有試的必要; 烤三文魚柳, 這個不錯, 魚柳有鮮

今晚我呀媽生日,就帶左去這間食自助餐,我都係第一次食.唔知好唔好食的,一去到,哇~~~~好多野食呀.一見都流晒口水,食物的水準都好高.好好味.食到我勁飽.好正.....仲好過富豪.抵食好多.又有海景睇.環境一流.服務都好好.

即興係哩個聖誕新年檔期搵「蒲飛」食，有人提起哩豎中等價錢、食物種類多、一般水準，於是拉大隊黎食。睇番之前ｏ既食評（Avidog），我地果晚ｏ既款式應該類同喇，唯獨欠榴槤mousse，令到大家好失望～沙律：最開心ｏ既係有至愛「魚香茄子」沙律，辣辣香夠哂騎呢開胃；冷盤：生蠔、蝦、凍蟹、青口．．．不濟呀！唔係咁新鮮，雖然未至到ｏ的肉係霉，「鮮甜」二字就唔駛提喇，食蠔個個都怕「中招」，攪到大家都唔敢食得多；魚生：三文魚、吞拿魚、八爪魚，新鮮肥美，值複桌；熱盤：幾乎食暈咁濟，個人覺得韓式牛柳同佢地ｏ的焗魚蒸魚都幾好味，有ｏ的失望ｏ既係咕嚕肉同羊肋骨，前者酸甜度適中，但「肉地」唔太好，羊肋骨唔羶兼韌，蟹糯米飯，唉，真係蟹還蟹，糯米飯還糯米飯，我就食唔出有什麼特別，只覺得寒冷天氣底下食住糯米飯，還算可以ｏ既；湯+麵包+芝士：唉，是晚係泰式忌廉雞湯同青豆濃湯，前者帶冬蔭功湯味（有點唔慣冬蔭功湯係白色ｏ既），後者果然夠「濃」，愛豆人士應該好滿意，我就兩者都不大喜歡；麵包唔夠軟熟喎；少少芝士選擇，唔太羶，過得去；灼野：象拔蚌、琵琶蝦、帶子、雲吞，味道幾好（可選清湯底或豬湯底，但分別不大），鮮甜，建議象拔蚌

見呢度而家做緊8折,每人都只係($258+10%)X0.8,即$227一位,都唔算貴,所以27/10我0生日0個日,我男朋友就同我0黎呢度食DINNER BUFFET!我睇D食評見D食家話窗邊位個VIEW幾好,所以我0係25/10個日打去BOOK,但係酒店0個邊話窗邊位已FULL,我心諗平日都咁多人?!當晚我0地7:45PM去到,見到窗邊位真係FULL曬,不過酒店0個邊都好好,都安排0左我0地0係窗邊隔離0個張~service不錯!至於食物方面,食物種類唔算好多,都係d大路0野(酒店話而家個buffet主題係國際美食),所以大家都大概都可以估到有d乜!我第一次想去拎生蠔,行去埋去見到得設5,6隻,已經有少少心知不妙,覺得應該唔多新鮮,不過我都拎0左兩隻試0下,哈!真係冇估錯,每隻試0左半隻都發覺係又苦又澀,而且仲有少少沙...好唔掂!之後見佢有新鮮拎出0黎0既,我又再去拎多兩隻0黎試,今次又冇問題喎!食落口都算新鮮,不過都係有少少沙囉!跟住再食其他0野,但全部都好一般~到食0左大約35分鐘0個陣,我突然覺得肚痛,跟住就忍唔住要去toilet...之後到第二日都痾0左成4次,醫生話我有輕

果晚d熱盤就無咁多選擇,但冷盤就好正,瀨尿蝦就好甜,蝦都好甜,古唔到冷盤都咁新鮮,甜品都好多選擇,如果是情侶最好早dbooking,因為窗邊好好view,好快無晒位.

上兩星期老闆請食飯,因為book唔到Marriott最後揀左呢度食buffet. 星期二人非常少,三分一位都坐唔滿. 可能呢度都有番咁上下歷史,餐廳感覺都幾殘舊,環境真係唔得,樓下lobby lounge 就好feel得多.食物種類唔多,賣相亦唔係太吸引,味道更係一般.較為有印象都係d魚生幾新鮮同有個即煮海鮮counter. 甜品部分係最大敗筆,少款式之餘仲要樣樣都唔好食,唯一例外係即製pancake,塊皮整得好香,不過餡只有cream, custard, chestnut paste,士多啤梨同香蕉揀. 另外仲有幾款haagendaz 雪糕同楊枝金露叫做好d啦. 有d奇怪呢度食評都幾好,我自己就覺得相當一般,如果我自己比錢食就一定唔會揀呢度. 同埋最大問題係我同另一位同事o個晚食完之後都肚痛肚疴,大家一致認為可能係d生蠔出問題. 不過算啦,我諗都唔會有下次咯~

依度嘅 buffet 起了價，但現在有八折（原價$288)。這裹食物選擇好豐富。沙律有特別嘅選擇，如地中海蔬菜羊芝士、乾果小麥粉沙律、泰式帶子沙律、印度烤雞沙律、水晶粉、海鮮、尤魚沙律、雜果蝦沙律等等。冷盤有新鮮嘅海鮮如生蠔、蝦、蟹。有日式嘅魚生壽司。麵包都有好多款，都好軟熟好味。熱盤有最好味嘅燒牛肉、南薑炒魚柳、南瓜蒸銀雪魚（好好味）、芝士龍脷柳、印度咖喱雞、泰式咖喱牛肉、羊肋骨、炒貴勺等。亦有淥湯麵嘅 counter，都好多料的選擇，湯底都有兩款。甜品種類很多，樣樣都很吸引。有紐約芝士蛋糕、芒果芝士蛋糕、榴蓮mousse cake、芝麻布甸、栗子蛋糕、蛋布甸、蜜瓜龍眼布甸、朱古力fudge 蛋糕、黑森林蛋糕。樣樣都好味道。仲有Haggen daz 四款雪糕供應。仲有中式甜品- 豆腐花，好滑好好味。同埋杏汁木瓜，個杏汁好濃好正。可樂七喜同生啤任飲。最後仲有杯茶或咖啡添。個人覺得依度嘅自助餐好抵，仲好過去會景或君悅。

可能臨近母親節,我星期五晚食差唔多full house.呢度食物種類唔算太多,但食物好好味,值得推介的食物有咖喱,淥海鮮檔的龍蝦仔(其實好似係大的枇杷蝦)/象拔蚌,刺身,pancake等.而且食物refill速度快,賣相亦唔錯.o個晚雖然人多,但一d都唔迫,仲坐得好舒服,而且個個侍應都好nice,收碟速度又快.加上,係五月至六月期間,佢地做緊八折優惠,一人只係220蚊左右,都算唔錯.

食物水準普遍中上, 不過熱盤好似無乜選擇咁,而壽司就更加少環境算係幾舒服，但係個ｖｉｅｗ就差左ｄ侍應服務態度好好，反應好快整體黎講算係一個唔錯既自助餐．再考慮埋八折優惠，加一後都係大約二百元一位，絕對係食得過