萬麗咖啡室 (裝修中)

呢餐飯要多謝呢個曾經帶比我無限快樂的人, 不論佢係請我, 陪我, 定聽我講心事, 都要萬分感激!!蟹腳 (真係冇得彈!!!隔離枱食左2個鐘都仲係淨食呢味野, 你話有幾正?!)生蠔 (開波得d超mini size既蠔, 味一般; 出到9點先出巨無霸size蠔, 太恐怖唔敢食@@)青口好味, 翡翠螺唔夠大隻冇肉食, 龍蝦仔好似水曱甴味想嘔, 凍蟹仔一般, 刺身有吞拿立魚八爪三文(全部唔得!!)壽司卷反而唔錯沙律bar冇人掂(實在又係冇野吸引既), 凍食既粉同小食又麻麻地, 忌廉湯唔錯, 酸辣湯就好難飲, 好鬼辣~熱盤味道反而唔錯, 最好食係蒸蟹糯米飯(正!!!)其他不過不失, 羊扒同牛扒就唔好食喇, 又韌又騷到死!!甜品又唔錯喎, 勝在件件夠mini可以試多幾件, 另外仲有6款haagen dazs雪糕可以加pancake食!!!士多啤梨同香草個人覺得最好味!!!9點幾突然見長龍, 唔執輸拎黎食, 原來係琵琶蝦(可能係切開一半烚so冇哂味!!)同瀨尿蝦(勁鮮甜!!)P.S. 是日星期二都全場爆滿, 食物款式雖小但勝在平均, 食得哂所有野但係嘔咁濟, $280淨食貴野都係返哂度, 唔怪得咁多

上星期一朋友同我女朋友慶祝生日揀咗到此食自助餐，冷盤有長腳蟹、生蠔、翡翠螺、青口、壽司、魚生。但是沒甚麼特別。個沙律吧都不錯個啲菜幾新鮮沙律汁幾好味，熱葷都幾多款都是一般的食物，如燒牛肉、羊排、反而個印度咖哩汁辣辣地幾好送飯一流，仲有一麵檔大約九點到就琵琶蝦及瀨尿蝦派到時好多人排隊，甜品多數是細細件的蛋糕、布丁，仲有pancake，而個pancake師父服務好細心提醒你可以加雪糕同配料一起食，雪糕係Haagen-Dazs有六款最好這樣。有啤酒汽水送加咖啡奶茶都幾抵。每位298滙豐同中銀咭有折。整體說不過不失沒有驚喜。

去完書展後，同行朋友想吃自助餐，便到附近的萬麗酒店吃Lunch Buffet。中午有很多人，差不多Full Booking。食物种类都OK 多，有刺身，龍蝦仔，煙三文魚，沙律, Pizza, 味道ok, 還有很多甜點，不過就没有大蛋糕了，質素亦十分普通！最好吃的就是朱古力Mousse蛋糕， Ok creamy!還有自製Pancake， 不過太飽已吃不下了。

7月24晚去左食呢間有甘多好評既酒店自助餐!但去到同d食評有好大差別!!!-食物選擇少-d生豪同長腳蟹去到8點吾refill,等到8:30都冇埋單走左,谷氣...-環境一d吾似酒店,似餐廳唉..............真係100個失望

今日亞爸生日,我地一定五口好耐都冇食自助餐了,而亞爸又好想食蠔,上網睇左好多間,有蠔食的都over$400,最後決定試下萬麗啦!首先最緊要緊係食物啦~蠔: d蠔真係好細隻, 不過好鮮味, 我亞爸及亞哥各人起碼食左20隻以上,我自己都食左10隻以上. 頭一個鐘d蠔全部都細隻的, 9點到就出d大蠔, 不過我地就覺得細隻仲好食, 大蠔只係得個大字, 一d都唔鮮其他海鮮: 就唔係大鮮, 勝在多款式, 我每款都係食左兩隻就冇再食了其他食物: 熱盤我一樣都冇食,因為好似唔食好抵, 食d咁飽肚的野甜品: H 雪糕~~有六款口味呀!!! 食得好開心~ 而其他甜唔細細件, 幾好味到環境啦~我地都好滿意, 點都係酒店, 坐得好舒服匯豐信用卡有85折5人夜晚自助餐共$1,500 ( @$300)好抵食呀~

上兩個星期本身想0係呢度食飯, 但係已經早左4-5日訂位, 但係都爆冇位, 最後同個小姐講叫佢做waiting, 好彩最後都有位。我同我男友6:30就到左, 一黎到侍應都好快招呼我地, 呢度仲有免費汽水啤酒供應。一開始我同我男友就去了食海鮮, 我地好鐘意食佢的長腳蟹同生蠔, 真係好好味, 我地食左2-3round海鮮同刺身之後, 其實都飽飽地了。我就出去行左一陣, 食左一塊牛肉, 一般, 因為都幾鞋。但係佢個籠仔蒸蟹飯就不錯, 見人地食咖哩食得好開心, 我諗不錯, 但真係太飽了。之後我男友佢食左一細碗湯粉, 佢話個湯底好鮮不錯。最後我地食左pancake+icecream, 0的icecream真係好好味呢。我覺得三百幾蚊有呢個質素, 真係不錯了, 同四百幾的buffet沒有多大分別

見評語幾好﹐所以同老婆來呢度試試佢地個dinner buffet.其實之前都食過佢地個早餐buffet, 都覺得質素唔錯。長腳蟹- 味道鮮美﹐當晚食既長腳蟹一d都冇以下食評所講既鹹味。反而肉厚鮮甜﹐配d海鮮醬好好味。凍蝦 – 肉質實﹐隻隻夠大新鮮又甜美﹐一隻都冇霉。同樣點海鮮醬好好味。凍龍蝦bb – 肉質爽口﹐味道較凍蝦鹹少少﹐但呢個既膏比蝦多﹐所以鐘意食呢個多個凍蝦。青口- 普普通通﹐但唔係好大隻。翡翠螺 – 肉質新鮮﹐建議”mun“出來少少食個螺頭肉就算﹐因為本人張成條“mun”出來比裡面條螺尾攪到成手臭味。凍蟹 – 係成隻成隻供應﹐新鮮實肉。海鮮總括來講每一樣都好新鮮﹐冇一件或一塊係唔新鮮. 本人同老婆食左兩輪海鮮先去開始食其它野。佢地d魚生唔係放係到比人任攞﹐而係個師傅會問你要邊隻而即場切比你。但因個場漸漸開始9成爆﹐所以海鮮同魚生都成日有條人龍係到等。三文魚, 吞拿魚, 立魚同八爪魚 – 本人覺得三文魚比較出色﹐因重魚油味﹐肥美﹐非常新鮮。熱食方面﹐麵檔有琵琶蝦同瀨尿蝦供應。兩者都好新鮮﹐琵琶蝦係已被切開兩半﹐但瀨尿蝦係生歐歐跳跳紮來滾。可想而知有幾鮮甜。本人覺得瀨尿蝦多同厚

星期一要同奶奶慶祝生日, 叔仔揀左呢度食buffet, 未裝修前黎呢度食過係ok ga, 但呢次去食真係好失望, 啲沙律無乜款揀之餘仲要refill得好慢, 我係7:30pm去到沙律吧已經乜都無哂, 於是去拎凍海鮮食, 有蝦, 青口, 長腳蟹同埋生蠔, 蝦 -- 無味, 青口 --- 好瘦仲有啲腥, 蟹 --- 尚可, 蠔 --- 好細隻! 至於刺身就有三文魚, 吞拿魚同埋一隻不知名既, 我只係食左三文魚, 都ok. 仲有啲壽司但我見好耐都無人拎又無refill, 所以唔敢拎(因為擺左好耐... ). 跟住去食熱盤, 嘩~ 少款到呢... 仲要賣相好差, 我只係食左茄醬海鮮, 炸薯仔同埋一片燒牛肉, 啲海鮮有啲腥, 薯仔"林"哂, 燒牛肉好薄 --- 真係要讚下個chef既刀功!!! 我仲以為甜品會出色啲啦, 唉~ 只有個cheese cake叫做好少少, 其他既真係唔知點講好, 總之就係唔好食!!!

補回超級久遠的食評，男友悉心安排了情人節那天到萬麗吃自助晚餐，但由於那天我其實是不舒服的，但我也硬撐的去了萬麗吃自助餐，結果換來了自助餐恐懼症後群！職員安排了我們到內入座，是餐廳最入的地方，距離食物超級遠！一開始便吃冷盤，冷盤的款式很多，生蠔、青口、龍蝦仔、凍蝦應有盡有！但因為我們都不好生冷海鮮，所以吃了幾隻便停手了，冷盤的味道很好！又有師傅即切刺身！熱盤相對冷盤便較為遜息，有即切的燒牛肉、各式炒飯、車仔麵等，男友試了牛肉，說普普通通，所以熱盤不過不失~我最喜歡是甜品的環節，有很多款式的蛋糕，每款也很好味，又有即制pancake，最好的是可以任食Haagen-dazs 雪糕，但由於那天我病奄奄的咳得要死，所以被男友禁制，只能吃少許，真的很可惜…環境方面，餐廳佈置得很浪漫，有玫瑰花和燭光才裝飾！經理又為在場的每位女士送上一份禮物表達餐廳的心意~服務方面，refill和收碟的速度也很快，侍應也很有禮貌！可惜的是自己不爭氣，身體不適，吃到中途便肚子痛，結果回家肚瀉了幾趟，相信不是食物的問題，而是個人體質的問題…

昨日同家人去食dinner,都有9成爆,黎食e度至小要提早一個week訂講下d食物喇,我地準時去到,拿左d長腳蟹,味道唔錯,蠔都ok,但d壽司唔係好得,熱盤就有10個到,我只係食左雞翼,魚同埋薯角,味道ok,魚最好食,雪糕就係h字頭,有6隻味,仲有甜筒=.=甜品都好多款,我就食左cheese cake,好味,同埋朱力蛋糕都好食,其他就mama,抵唔抵就見仁見智啦個價,我覺得不過不失,信用卡有85折,我地3個+埋920

Total 8 and 2 baby. Our waiter provide isolate round table for us. Well preparation.In addition, the food taste is very good especailly for crab leg , oyster, lai lew pawn , lamb chop and bread pudding. Pancake is also good.Finally, they offer 20% dicount when using HSBC card for payment.

LUNCH魚生好少,燒牛肉我都未食就已經切哂,又唔再出喎!不過佢有好多生果任你攞,但講真食自助餐都唔係至在食生果啦!如果唔係九折都唔會試,不過而家折左我都唔覺得抵食!下次一定唔會再黎LU...

On an establishment so well received here, when I made a reservation for a party of 3 I expected to be turned away. To my surprise I was offered a table despite a very full night. Arriving at the restaurant early I toured around the rectangular dining room with the front being the buffet area and the back for seating. Tables are fair and square with a few big tables at the rear end while space-saving barstools are also available for latecomers. The waiting staff greeted me with a cold stare, and

星期六去左食生日飯，因為早兩個星期book位，所以可以坐近食物，環境幾好，不過海景酒店無海景，有d失望。準時六時半去到，第一件事行去冷盤，人頭湧湧。試食過後，青口好甜好好食~凍蟹夠大隻好好肉，長腳蟹就如大家所講，有d咸！蝦同龍蝦仔無咩特別...蠔就好細隻, 不過唔腥(其實我唔多中意食蠔)之後行去拎熱盤，好多款式，不過我食左少少, 因為唔係我心頭好。最好味都係即切既牛，好滑好好味。之於d印度餅都幾特別。突然見碌面個度人山人海，原來有象拔邦同超大大大隻賴尿蝦，好甜好新鮮，見佢生生猛猛咁落落水架。食到5成飽先去食沙律，又幾多款wor, 有隻煙肉哈密瓜好好食呢。甜品個樣唔太吸引，無乜食過。食完一輪再食多次冷盤飽灑。最開心有六款Häagen-Dazs ，好好味, 我食左好多球！！埋單有折！一個字抵

10.6.2008 星期二老豆11號生日，但係今晚食自助餐慶祝喎，點解呢？因為本小姐11號又要去整牙，恐防整完又痛到食唔到野，於是就提早一日食啦。有我啦、亞爸亞媽、公公婆婆同埋亞琪(晌我誠意邀請下終於肯黎,heehee)自助餐6點半開始，會有一杯soft drink或啤酒俾我地濕下個口先。不過serve我地drinks個位哥哥仔唔係幾得，d語調懶熟咁，喂，哩度假假地都係酒店黎架，俾返d應有o既態度出黎好無？等左一陣就夠鐘開餐啦...等我巡視一周先...唔...食物不外乎都係個d...沙律、冷盤、魚生壽司、湯、麵包、河粉、熱盤炒粉麵飯諸如此類... 仲有蟹腳、龍蝦仔、生蠔....甜品選擇都還可以，至正係全部都切晒做細細件，唔會搞到溶溶爛爛咁，好貼心！雪糕係"哈根dies"呀~~~~~~食物我唔會逐樣講架喇...總之每樣質素都不錯，係魚生壽司比較普通~個美式芝士餅好好食!! 蟹腳都幾好丫~~　最後每人有杯餐茶。服務可以，收碟都收得密。用匯豐、恆生卡同埋唔記得邊兩張卡有85折，6個人總共$1671.8 ，除番開每個人3舊水唔洗，查實真係幾抵~