萬麗咖啡室 (裝修中)

剛剛過去的星期日(6/4/2008), 為慶祝男朋友生日, 之前在OPEN RICE上看了很多食評, 都話呢間酒店既自助餐幾好, 所以便訂了位我地訂了6:30, 去到既時候已經有人開始拎野食首先講凍櫃既海鮮, 海鮮都好新鮮, 而且仲源源不絕咁供應, 都我地走既時候都仲有好多, 今晚有蟹腳, 青口, 青螺, 蠔, 蝦, 成隻既蟹, 成日聽人講有瀨尿蝦, 但果晚就無, D螺好大隻, 蠔都好鮮甜, 但D蟹腳唔知係唔係浸左好耐鹽水, 好咸, 浸唔到既地方都OK...刺身同壽司都係普通款果D, 但都好新鮮, 熱盤方面就真係選擇唔多, 但建議要先幫襯左麵檔先, 麵檔有枇杷蝦, 象拔蚌, 丸子, 菜, 麵等... 可以叫唔要麵, 咁就可以食多幾碗, 建議食左呢個先係因為D海鮮食哂就無REFILL, 所以最好先食, 其他果D長食長有燒牛肉, 羊架勁正, 我食左好多塊, 沙律吧有好多款, 不過我無食... 湯有兩款, 蕃茄湯同雜菜雞湯, 好好飲, 我飲左好多碗, 甜品就有即整PANCAKE, 雪糕, 同多款甜品, 細細件好精緻, 可以食多幾款, 雪糕超正, 係H字頭果隻同有好多TOPPING比你加上去,

尋晚一家大細到海景萬麗食Buffer，我之前都係睇完Openrice既食評先決定試一試，結果不負眾望，一間五星級酒店收你HK$298.00既價錢已經好抵，如果你有一般大路既信用咭有八五折就更加超值，你要想想宜家既市況，根本就搵唔到第二間。再加上佢哋既食物質素真係有咁上下絕不馬虎，結果一家大細都能盡興而歸，抵到爛！

因為情人節miss左個buffet, 改左easter食,第一次黎呢間野,比我想像中好wo,一開始有好粗好大隻既長腳蟹(從未見過咁大隻)好多人排隊拎, 仲有生蠔,大大隻既翡翠螺, 魚生有幾種,例牌果d, 熱盤不多,湯有2種,有雜菜湯同蟹肉湯,味道ok,甜品好多choice,仲有haggen dazs ice-cream 同hand made pan cake,飲品有coke, 7-up, ice tea/ mike tea/ coffee 任飲.環境都不錯, 好舒服~~d waiter都好nice~~~ 每位$328, HSBC card 有15% off.

尋晚約左就尼生日既好朋友皮皮,同埋我男朋友一齊試下lee間酒店既buffet, 每個人都好滿意!!!6點半準時到逹,未入去己經見到個凍櫃有人排隊,入面有長腳蟹,海螺,生蠔,海蝦,全部都好新鮮!不過我地一致覺得最好味既野係長腳蟹, 鮮味十足! 頭盤超多選擇,皮皮最鍾意就係木瓜配ham,我就覺得d露旬清新又新鮮.熱食方面,選擇唔係好多,不過不失,最好味既係羊架,仲有咖哩,配合4種薯片點尼食,超脆!個面檔我地就冇幫趁過,所以no comment...pancake就食左幾件,不過我地係自己放雪糕球入去,嘩~諗起d雪糕都好開心,有6個choice!!!仲有好多toppings可以加!甜品我每一款都好滿意,細細件可以試多幾款,亦都唔會太甜,生果有幾種,arm arm好~我地食到9點半先走人,總之就好滿足啦!

今日同老公試下呢間酒店既dinner buffet, 感覺好好, 雖然環境比較嘈同多人, 但野食既選擇都幾多, 以o係灣仔三百蚊既價錢可以食到咁多野都幾抵~我地首先食長腳蟹, 生蠔等海鮮, 好新鮮, 可惜refill 慢, 甚至出現d 人企o係度等野食...而且d人亦一窩蜂去拎野食, 冇乜禮貌, 好似爭食咁(不過今晚果班都已經係上班一族, 斯文人, 估唔到都係咁)....總括黎講係一個唔錯既dinner buffet, 值得再去!!HSBC 信用咭有15% off, 好抵~折左之後兩個人慳返成$100 !!!

海鮮好新鮮，全部都好好食，搵唔到野係唔新鮮，唔好食。海鮮中以翡翠螺最好味，凍蝦都好好味，全部都好有自己既味道，生蠔都好得，絶對唔係CHEAP野。佢又會源源不絶咁REFILL，唔駛驚冇晒。另有一個粉面檔攤，有好好味既象拔蚌。甜品又好味，無得彈！

星期一昨晚和家人去了萬麗海景.HOTEL環境非常好., 舒服, 坐下來好像在屋企一樣.整個cafe都有暖氣~ 好WARM,我地的枱子地下有軟綿綿的地毯~燈光係那些很浪漫的色澤~食物一句, 款款都好吃熱盤有十款左右.. 不停REFILL有牛排專人砌，爸爸和細佬吃過勁讚PANCAKE專人做，有六款配料.. 味道OK, 不過有部份比較酸..有蝦片, 龍蝦片, 墨西哥片, 仲有多款醬汁，比平價自助餐少見到麵檔，有大大隻的象拔蚌配菜, 其他丸子個D.. 日式檔，有魚生師伕位. 有壽司.海鮮檔，有5吋長小龍蝦、7吋長瀨尿蝦,、青口、大隻生蠔、3吋長翡翠螺、皇帝蟹, 花蟹、白灼蝦,小龍蝦我地冇吃，因為難開，我地係甘拆蟹，拆瀨尿蝦~ d 蟹腳好粗.殼又軟身. brother話d 蠔好正.. 又大又新鮮，D螺一D都唔難咬好鬼爽沙津檔，有多款菜色.,,款色比較特別甜品檔，有多款CAKE細細件做得好靚，味道一流，仲有好多款杯子甜品仲有生磨杏仁茶.. 好棉又好飲~仲有六個口味H 字頭的ICECREAM. 我咳緊忍唔住要去吃.. 好滑,仲有佢地酒店自己整的麵包.. 個心軟到似綿花..信用卡有85折, 每人都係3

情人節同男朋友去左食buffet, 海鮮好新鮮, 有長腳蟹, 蝦, 蠔等等, 壽司一般啦,都ok, 熱葷的種類就少d, 甜品算多款而且味道幾好!!整體都真係唔錯!

第一次出糧，請屋企人食buffet家姐話睇到d食評唔錯，就決定去呢間係十二月十五號一行五人去試dinner buffet 環境唔錯，氣氛都好好坐的位要一讚，好闊落好舒服，係張椅背有窿，放袋唔方便d凍盤好正，個晚有蝦、生蠔(有兩款)、翡翠螺、藍青口、蟹腳同魚生，樣樣都好新鮮，好鮮甜!!我地一致認為呢度係全個buffet最正的地方之一。之後即煮麵檔有琵琶蝦、六吋長的瀨尿蝦同唔知叫咩的大蜆類，d蝦真係啖啖肉，但又唔會鞋口。最差係d「蜆」比較細，同埋比較韌，口感不太好。沙律吧都可以啦，菜的款式唔夠，但配料就有好多，nuts都有三款揀，dressing有六款。熱盤就係唔多得，無乜胃口想去食，燒牛肉好差，韌到切唔開咁滯，羊架ok啦，對我來說就唔夠「騷」=.=''，係豬肋骨叫做唔錯。甜品有六隻味的H記雪糕，有我至愛的士多啤梨，但無refill，食完就無了，其他甜品麻麻地啦，唔夠todai同Royol Pacific好味，但樣樣都細細件，可以試多幾樣。但千祈唔好試個血橙啫哩，好難食，味道好怪!!!最後的評語我覺得以呢個價錢我俾多少少可以食得好d囉，但呢度勝在食得舒服，唔駛迫

熱食-我淨係食左羊架同荷蘭豆, 羊架都幾好冷盤-生蠔, 蟹腳, 蝦, 翡翠螺等等都係麻麻, 食左6隻生蠔, 2隻食到有砂既物體, 有一隻仲有怪味tim~沙律-淨係試左芒果菠蘿沙律, 好醒胃, 好食甜品-每樣都細細件, 試過幾款都ok, american cheese cake同埋有個手指條裡面有d吉士醬既物體就好好食, 另外仲有6款haagen dazs雪糕總括而言,哩度既食物種類選擇少, 由其熱食少得很, 食物質數不是很好, 同事同我都認為, 298哩個價錢可以食到好一d既質數同埋多d選擇既buffet

試過好多次帝苑buffet今次跟老公首個生日想轉轉環境環境:coffee shop裝修完感覺幾frensh，連waiter d衫都襯番橙色不過再無海景lu....食物:魚生新鮮又大塊，生蠔不錯沙律好多款式湯就試了蟹肉南瓜湯，香,creamy熱盤極普通，款式較少，只試了少少燒牛肉值得推介，好似綱友話齋:一d都唔老，有肉味有湯麵檔，都係d普通野，食麵好飽肚，唔試好過試甜品:幾的骰，唔夠帝苑好味hagga dazz雪糕一定要試，有6種味pancake 一般，d 皮煎得唔夠薄總括:價錢、環境、食物質數成正比香港區buffet黎講值得推介

小弟一甫入就覺得地方好細，甜品款式很多，但其他卻很少，因此，覺得價錢幾貴下。佢果度有得煮魚蛋麵，但與果度有ｄ格格不入。優點︰１．甜品做到一口甜品，岩哂女士淺嘗。２．蠔，鮮甜。３．魚生即叫即切。.４．refill 得快。５．冷盤新鮮。缺點︰１．款式不多。２．冷盤多過熱食。３．龍蝦仔太細仔。

16/11/07 Dinner Buffet($298+10%),同區同級的酒店自助餐,應該未有這個價錢.可樂/七喜/生啤任飲冷盤:生蠔大大隻好新鮮,其餘有蟹腳/蝦/龍蝦仔等刺身:三文魚很美味沙律:沒有試餐湯:一般熱盤:選擇及味道一般燒牛肉:一般甜品:有多款選擇,味道我會比70%. 員工態度OK*HK Bank及創興卡有10% discount.

裝修後好似少很多食品，冷盤、生同以前一樣，熱盤款飾唔多，燒三文魚好咸，羊扮一般，蝦片好掂，炒牛肉好“鞋”。冇熱盤值得encore。不過燒牛肉唔錯，沙律種類很多，帶子加柚子沙律very good。甜品ok, 但冇驚喜。一定要講waiters , 好young ，但冇服務態度，個個都冇笑容(好似dreaming) 同冇反應，坐低後水又唔比，明明softdrink 係FREE ，冇waiter 會問你，亦冇refill過，連水都唔會主動refill。應該係以前d staff 走晒。面目全非，不值得再去！寧願比多少少去會展(但冇生蠔) or 平平地去灣仔六國。

主打海鮮, 都係凍蝦凍蟹長腳蟹有甜味龍蝦仔真係太細隻......refill都几快, 早d去好, 因為好快都得返頭頭尾尾魚生ok 不過不失,之後,頭盤有幾隻唔同沙律,煙三文魚熱盤個人就覺得好似無咩揀出到一半都有個蟹蒸飯羊扒唔多ok 其他都普普通通鐵板燒只係得燒三文魚...仲有個可以麵檔...食雲吞囉甜品選擇比其他多十幾款加埋一杯杯可以試晒因為都一啖一件雪糕唔係一杯杯所以呢又多人排...有個煎pancake都算ok,..waiters好寸..好似part time等收工無想像中咁好wor失望左唔值得去多次