萬芳冰室 (已結業)

最近萬芳冰室係新墟開返，好耐無食過冰室啦，今日一於同朋友去試下～呢到呢裝修幾特別，仲有好多懷舊嘅擺設，有點到過去嘅感覺。選擇同普通冰室／茶記無咩分別，不過有幾樣係呢到招牌，例如大雞脾。不過我覺得太熱氣所以無叫到黎食，最後叫左個葡國雞焗飯。呢到呢野食嘅份量都好大，我一個女仔係絕對食唔晒一個飯！葡汁一般，無咩椰香味。但雞就幾嫩滑，不過斬得唔係幾好，啲骨好容易刺到個咀！飯底有炒過，特別香口～另外，仲飲左勁耐無飲過嘅紅豆冰～紅豆有啲硬，可以再煲軟啲，甜度適中。不過我覺得價錢偏貴。如果下次再會試下雞脾飯。門口更設有古老嘅入錢秤重機，食完睇下自己又重左幾多，哈哈～

修裝真係幾特別，有好多懷舊擺設，例如古老入錢秤重機，荔園掟楷磚，舊式剪髮椅。但對野食期望唔好太大，不過野食都唔錯野。叫左3樣野：1.呢個好似叫蝦多士既野勁好味，可能因為我地兩個都好肚餓，呢樣野又係第一樣到，我地勁快清左佢，我覺得有蝦味嫁，佢成隻蝦係上面，我係醬怪，你地食記住叫佢加，唔係唔夠醬用。個沙律比我地想像中大，同一般沙律無分別，都係果d野啦。推介。2.紅豆冰都好味丫，因為好耐無飲過，比較唔到，但紅豆好軟林林，又唔太甜，所以我會覺得好味嘅3.沙丹豬扒飯豬扒好味，肉質鬆軟唔會老。特色係有菠蘿，本人好鐘意食菠蘿，所以加分。飯量對男仔黎講可能算少，本人勁勁細食都食到一半飯。豬扒推介4.炸脾我覺得好乾，有d失望，皮炸到有d硬。但薯條好味，鐘意食粗薯條會鐘意食，佢炸得幾好wor，我坐左好耐下，到走果陣再食多幾條，我都覺得好味啊，唔會炸過龍，無乾爭爭嘅感覺，可能因為係粗薯關係

呢度已經係第二次嚟，上次見人地食啲雞脾又大隻又香，今次又點左份"炸雞脾出前一丁餐"一上枱隔離個兩個呀姨都望一望嘩！真係勁大隻，成隻手掌咁大呀！雞脾一上枱已經聞到香噴噴，一切落去脆卜卜，仲有D肉汁流出本身雞脾係有醃過既，唔會太咸，而味道就好似細個時係啲舊式快餐店買到既炸雞脾一樣，不過呢個係加大版呢！出前一丁亦可以選 硬／適中／軟，跟個餐叫係唔使另外加錢既～～上次其實係叫咗個常餐，同外面茶記差唔多，無咩特別，但如果要食雞脾，一定會返來食喇！如果一個女仔食，可以叫雞脾配沙律，一個一丁加咁大隻雞脾，真係飽到項點！我到夜晚都落唔到隔呢！

年多前《萬芳冰室》於元朗開業時，我已被其仿懷舊的門面吸引。及後店子更衝出香港，走到台灣開分店。近月還進駐屯門，位置就在雅都商場內。作為一位於元朗、屯門長大的人，雅都及巴黎倫敦紐約（「識叫一定係叫『巴倫紐』」）絕對是少年時期必去地方之一，只因這邊的消費比市中心來得較便宜，更集合了區內數一數二的（舊式）戲院呢。這天相約我媽，跟她建議吃《萬芳冰室》（純粹想與她吃一下不同的東東），順道去逛逛雅都商場，場內仍是以小商店為主，裝潢沒太大改變，走在其中令人頗有歸屬感。嗯，現在連友愛、安定這兩個位於公共屋邨內的商場也合併成新式shopping mall，而非單純為附近或同區居民服務。像雅都、巴倫紐般仍保留大部份小店的，在香港已愈來愈少了。（上圖為封面照）******************************由於店子位於商場之內，門面的可觀性比元朗店遜色得多。這樣看，有點舊式理髮店的感覺，「都幾過癮嘅」。近入口的走廊牆壁上畫有舊式屋邨等等場景…還有手繪電影海報…更擺放了點懷舊物件，例如是舊式理髮椅…機械式磅重機…就連拋階磚也有…雖然頗富特色，但這樣刻意地把所有懷舊東東放在一起，反而欠了重點…裝潢方

新開的時候來吃過一次早餐，覺得環境舒適，食物都幾好食，價錢亦公道. 故隔了數天，又與家人到來吃下午茶，當時點了常餐，雖然食物只是普通的餐肉通粉，但餐肉即煎香脆可口，加上有咬口的通粉，覺得有機會把這裡當作飯堂!可惜事隔一星期再來吃早餐，全都失色了. 熱奶茶這杯雖然叫做熱奶茶，但入口一點熱度都沒有，極其量叫做暖奶茶，茶奶比例都恰當，但如此的一杯暖奶茶，實在叫人失望. 最後，我和家人同樣喝了2, 3口就放棄! 埋單時同樓面阿姐反映，「佢話你早d出聲丫ma，換比你飲lor!」我話我不需要你換給我，我只想表達意見而已，貴店的奶茶出品應該要好好檢示一下. 煎熟蛋配多士多士不夠熱，只有雞蛋是即煎，唯一可以接受.餐肉通粉餐肉如同白恰一樣，彷如沒有煎過一樣，同樣叫人失望.同一餐廳2星期內光顧3次，出品每況愈下，我想我不會再來了!!!屯門新墟屯門鄉事會路112-140號雅都花園商場1樓24048168

生炸無敵大雞脾 $32屯門開了不少新餐廳，在雅都商場的萬芳冰室主打香港懷舊風格，裝修亦重塑舊式冰室的情懷。 那晚慕名而去，試了六款食物，當中以炸雞脾最好吃！ 熱辣辣的炸雞脾，比手掌更大，皮脆肉嫩，用刀切開時還聽到咯咯聲，很誘人，再配上粗薯條，滿足的一頓！記得趁熱食喔！值得一讚是沙律也很好吃!輝哥沙茶小鳳蝦炒飯 $43向來愛吃炒飯，朋友推薦萬芳冰室的輝哥沙茶小鳳蝦炒飯。小鳳蝦彈牙，以褐色的沙茶醬，加上雞蛋，火腿和葱炒，熱騰騰上桌，每粒飯也沾上醬料，可惜有點鹹，而且炒飯外表乾但吃下去滿口油膩。味道，材料是可以，但飯真是炒得太油膩！如果光顧，這個炒飯比焗飯和炒米更好吃，可以一試！蝦多士是新鮮炸的,不俗。可是焗飯和清遠手絲雞米粉可以不試, 味道十分普通, 而且不值這個價錢。員工服務有待改善, 下單和加單時等了很久才有員工幫忙。

60-70年代既裝修，充滿懷舊氣味。令我聯想起瑞士餐廳同已結業既荔園茶餐廳。清遠手撕雞米粉：不是我杯茶，而且d雞有啲韌。成碟米粉無配菜賣相同味道有d寡。雞肉其中份量都比較少。菊花茶幾香濃，唔錯。大菜糕係跟餐的，只有少少清甜味，唔知點解我食到有啲膠味既。(可能係我既問題)豬扒飯啲豬扒反而幾香口又有肉汁，太陽蛋下原來仲有一塊菠蘿，比我個個足料多了。朋友話d送太少, 食完d送, 白飯食唔落。呢度只能黎一次，始終食景既餐廳食物就冇得味道要求高。個場其實可以做得再好d, 希望佢唔好步荔園個間既後塵啦。

見萬芳冰室係屯門開張，下午3點3就來食個下午茶啦，我就點左個生炸無敵大雞髀配薯條另加野飲家味菊花茶。點知個下午茶送上台就嚇一跳！個雞髀真係如餐單所寫的無敵大！係同區茶餐廳下午茶好少見咁有份量，而且啖啖肉！食完成隻雞髀真係好飽！好滿足！

見新開加懷舊風情,咪排號等位！門口大大個字注明全部要搭台，心諗我一位好快就有位、怎知等左近30分鐘，只見2位，3位客人就不停進場，我就白等，問服務員怎解咁多3位入座、而每台限坐4位，剩下一位為什麼不讓我入坐，佢都答不出來，只話等通知、我即時🔥都來🔥，佢只好即時安排我入座！落單服務員態度良好，㸃左推介的蕃茄焗豬扒飯、等待約十五分鐘後焗飯上台、賣相極佳，豬扒大大件、睇到食慾大增，惜一口咬落豬扒感覺很大落差，食肉粉味極濃，有啖啖苦味，難食之極！十分差！以後不再光顧

之前食過元朗間萬芳冰室, 現在終於在屯門開分店了! (不過以前萬芳冰室本身就是在屯門)我到屯門萬芳冰室食過2次第一次點了 手撕雞米粉, 那次米粉略硬了一點, 可能煮的時間不夠, 而湯底偏甜, 應該是糖下重了, 我個人就不太喜歡偏甜的湯底第二次點了鮮牛肉通粉, 牛肉方面, 不會太硬, 蠻淋身, 而湯底沒有了之前的甜度, 而且那杯檸檬茶都不錯, 以屯門來說, 這杯檸檬茶算是中上等, 茶色蠻清澈, 有一些茶香味, 跟一般茶餐廳的不同; 而火腿, 麵包, 和煎蛋就正正常常~不過餐廳中有個做法我個人有點保留, 就是他們方枱如果 2人2人搭枱坐會安排 東西,南北 坐法, 即2組人各打對面坐(如下圖左面坐法), 我個人認為 東南, 西北坐法會比較恰當(如下圖右面坐法)整體而言, 印象和元朗果間差不多, 覺得大家可以去試一下~ 順道感受一下懷舊風味~

之前食過元朗店，今日同家人試試屯門店。除左裝修懷舊有驚喜，食物更是超水準！奶茶咖啡都好香，㷛檸樂薑味十足。蝦多士食得出d蝦膠好足料，幾難係第二間食到，炒蛋好滑又有蛋味，可能真係農場蛋香d，咖哩牛腩飯d牛腩好林好入味，連呀媽都讚好。整體好抵食，好希望屋企樓下有一間

第一次去萬芳，因為他的名字，在有很多坐位情況下，被強迫搭檯，點了雞肶沙律，蝦多士薯條，凍奶茶，熱檸薑，等了大約十分鐘，食物送到，凍冰冰既薯條，硬到柴一樣既雞肶，被油浸死既蝦多士，凍奶茶甜如糖水，最正常係杯熱檸薑，真係好夠薑，最出色既係一堆大陸口音既伙記，叫佢拎沙律醬，佢就點人去拎，自己繼續傾計，結果一位男孩子拎黎一碟茄汁，服務態度真係好到一絕，如果大家鐘意受氣既一定要去試下

未食前以舊式茶記招徠，我抱住「應該不會太差」嘅心情走入去...點來了兩個讚嘅炸雞肶配湯意，菠蘿油，凍奶茶。首先係杯凍奶茶，有點失望...有澀味🤔跟住係菠蘿油，更失望...飽面濃，牛油似奶油，究竟係我由細到大食開嘅菠蘿油味係錯而呢個先係啱嘅舊式味定點？！最後係餐牌上有兩個讚嘅雞肶...湯意😑一眼望落隻肶度...如果個優點只係大隻，我都不能認同囉！因為個價錢都成番正比...$34蚊冇野飲！ 味道就...好似食緊有好多味精醃左嘅唔知咩肉咁，皮唔脆，炸粉多，兩個字形容「難食」！可能我又唔清楚舊式味係咪應該係咁卦😐😐至於個湯意....算啦，自己喺屋企用史雲笙清雞湯煮個好過囉🙄🙄 總結嘅係...食一次冇下次。最讚只係裝修，早知乖乖地食番隔離信心保證嘅譚仔好過😒😒

之前在元朗的萬芳，吃過一次頗為令人歎為觀止的早餐，自此聲言不再踏足。某日，在社區群組看到這家聲稱在屯門蔡意橋起家，其後在元朗及台北開店的冰室，終於回歸到屯門，落腳地是一個讓人有很懷舊感的社區商場。單用一次早餐經驗去判斷這裡稍嫌不太客觀，反正今晚有空再加上路過無人候位，就再給它一個機會吧。店面的傳統花牌，與舊式商場的氣氛蠻相配。進入用餐大廳前，還有一條長廊供客人等候，以及有一張很有懷舊風的理髮椅。不知道是否商場裝修的限制，同樣保留了少量的小廂房，懷舊裝修基本上是以卡位，舊式茶記的檯椅及大型遊樂場攤位佈置作為表述。餐牌內容基本上和元朗店大同小異，標價部份尚可。我叫了一客手撕雞米粉餐，連熱的菊花茶及一隻煎蛋，$43。大部份侍應態度有禮，不過可能仍在試業中，在送餐落單安排還是有不少狀況，例如將很多不是自己那桌的食物送上而且出錯單，令同桌的一家三口頗為不滿; 連我的餐具，也需要提醒才送上，而送上的年輕男店員，竟未有表示歉意。等了五分鐘左右，先送上的是一杯熱菊花茶，味道微甜，熱騰騰的，喝下去感覺順口。至於煎蛋，感覺好像求其煎完上碟，但最少這個看來比起上次在元朗那個「異色炒蛋」感覺好得多。不過呢，我

其實萬芳冰室呢個名，我都係今年年頭先知道佢嘅存在🙈一直想去食但因為元朗舖個地方唔係咁就腳而冇實行。之後係frd fb 睇到係屯門新墟有成排好有氣勢嘅花牌，原來萬芳有分店啦！（但係其實萬芳冰室以前最初都係喺蔡意橋開咖）我係上星期日中午2個人去食，可能因為初開業，所以比較多人，但等咗都係大概15mins （叫咗2x張飛）入面設計都係模仿番50、60年代嘅冰室，有啲 display 比客人影相，滿足到鐘意影相嘅客人（我掛住食咖炸）我哋一行2人叫咗一個咖哩牛腩飯，一份公司三文治同杯熱鮮奶。個牛腩好腍，份量比較大，啱大食嘅男生，而且咖喱味都好香（雖然澳門茶餐廳啲牛腩再辣啲好食啲，但以新舖嚟講，質素唔錯😺）份公司三文治好有驚喜，我冇expect 過入面竟然有豬扒兼juicy! 口感十分豐富，啱晒一啲鐘意多料嘅人！其實見到對面食個出名嘅大雞髀薯條，好吸引，個乾炒牛河好有鑊氣添，可惜冇咁大個胃，下次再試！冬天飲埋杯熱鮮奶，即刻又暖又滿足！ps 萬芳全場都要搭枱真材實料係唔同啲嘅