萬發海鮮菜館

營業中

休息中

萬發大牌檔出名鑊氣夠 故決定試一試 但員工態度極差 似住自己多客人 對食客缺乏尊重 先是電話訂座時 大聲呼喝 完全沒有禮貌 最後還直接掛掉 到達時他們多番無視 只叫我們一直等 明白員工比較忙 但也希望員工先改善態度 對人抱有基本尊重 才考慮光顧

讀書嗰陣一大班人最興就係黎萬發食飯返左工之後間唔中好掛住薯仔牛柳粒就想黎食下暫時冇試過係其他地方食過好味過佢嘅薯仔牛柳粒其他小菜都幾出色 如果你鐘意重口味啲咁就要試吓😂

鑊氣小菜必試！今日慶祝中學同學生日，約咗喺呢間餐廳食飯reunion。我哋上咗樓上2樓食飯，環境冇咁嘈吵，位置都寬敞。黑椒薯仔牛柳粒$108- 必食！小菜有鑊氣！一定要食薯仔粒，外脆內軟，又入味，送飯一流！薯仔份量好多，牛肉粒好淋，充滿黑椒香味。椒鹽九肚魚$108- 九肚魚炸得香脆，炸粉好薄，黐到好多椒鹽喺上面，用嚟送啤酒就好喇。滷水拼盤- 拼盤入邊有好多款食物: 紅腸、燻蹄、豬耳、鵝腸、牛𦟌、墨魚、腎，每款滷得相當入味，牛𦟌好淋滑。金銀蛋白菜仔- 白菜仔分量十足，調味充足，好味！小菜每樣都好大碟，新鮮熱辣上枱，好適合一大班朋友聚會食飯！

今天2月18日晚上8点半去光顧萬發菜館， 但這次之後，以後不會再光顧，落單叫咗 蒜蓉炒豆苗， 用舊油炒菜，有油益味， 椒鹽骨， 炸到燶曬，仲好咸， 梅菜蒸鯇魚， 冇落油，冇豉油， 伙記服務勁差， 疫症期間， 還不戴口罩， 這間菜館，千萬不要去中伏

有日朋友去約行山， 晚上朋友話想試大排檔，有朋友即刻諗到去深水埗萬發開餐，一路搭車一路講咩餸必食。去到唔洗等，即刻有枱，十分好。薯仔牛柳粒必叫之選，熱辣辣啱啱炸起，薯仔香脆又甜，加左蜜糖調味，牛柳粒一啖一件，唔「un」又惹味，落左黑椒特製醬汁，果然無介紹錯。再嚟椒鹽鮮魷，酥炸脆口，沾左蛋黃咸蛋再配椒鹽，送飯一流，魷魚大大塊十分抵食。魚香茄子煲， 雖然好多地方都有，但啱啱煮起又做到水準確係唔錯，茄子肉粒又多， 夠哂食。叫埋碟通菜，夠哂鑊氣， 又係大大碟，抵食。

深水埗萬發唔使多講啦，咁多年嘅老字號，食咗咁多次都依然咁好食，維持到高水準有好幾次朋友聚餐都會揀去晚飯，地點就腳，味道又啱口味。🌟黑椒薯仔牛柳粒嚟得萬發冇理由唔嗌無人不曉的黑椒薯仔牛柳粒喇，每桌必點之菜，牛肉經過油炸過，有一點焦香口感外，還非常入味軟嫩～薯仔係蜜糖脆皮外脆內軟，睇落去係配角，但其實仲比牛肉更加好食😋胡椒味混合蜜糖，甜鹹甜鹹嘅口感令人食到停唔到口。成碟都好夠熱好夠鑊氣。.🌟椒鹽鮮魷 新鮮的魷魚，炸的酥香，椒鹽味道很足夠。.🌟風沙雞風沙雞都係店入面既招牌黎架，皮脆肉嫩，就係炸子雞嘅味道，配上蒜粒很惹味，不用沾上附上的醬油都已很美味。 .🌟金銀蛋莧菜比起其他菜式金銀蛋莧菜表現正正常常，係大魚大肉下，一碟清淡菜色清下腸胃都好重要。.🌟海蜇手撕雞雞肉是滑而皮爽的，配上海蜇嘅爽口，口感一流。.另外一提，餐廳的菜式普遍都很大碟，所以最好多叫幾個親朋戚友一起去吃，就可以多試幾款。雖然係一般嘅大排檔格局，但係食物都係好高質的

今日好忙碌的一天，決定不煮飯一家人出街食飯，我妹話不如食小菜，記得長沙灣有一間好出名小菜萬發， 間中食下，我地齊齊出發攞位，今日人流唔算太多，即時有位，8個大人1個小朋友叫8個餸 6個白飯，當然唔少得叫黑椒薯仔牛柳粒，依舊都係甘好味，椒鹽九肚魚有少少魚腥味，味道都可接受，燒雞 雞皮都比較脆，唔算太油，燒鵝 比較肥膩 食落去好多油。 蒜蓉炒油麥菜 都比較香蒜蓉味鼓椒炒蜆 殼多過肉 雜菜煲 沒有特別鼓汁蒸魚雲 我老豆話好食。

大牌檔 is the tradition in Hong Kong . As time flies there are less and less 大牌檔 in Hong Kong . Today I went to one of the best 大牌檔 in Hong Kong 🌝 which is famous for their 薯仔牛柳粒🌝they once said they invented this famous food, and now it’s is all around Hong Kong. The food is very good and the price is very reasonable as well. Definitely recommend other to eat there to experience the tradition of Hong Kong .

講起大排檔 大家會諗起邊間我就會諗起深水埗 萬發一定檯檯必點 黑椒薯仔牛柳粒🥔香脆可口既薯仔 金黃色 外脆內軟 加埋黑椒同蜜糖 少少辣辣地又甜絲絲咁 我好鐘意至於牛肉粒 就無薯仔咁好食但佢無咩筋同油脂 啖啖肉不過送飯真係一流 可以食多碗呢碟真係並非浪得虛名潮式拼盤大碟夾抵食 我最鐘意係食墨魚片 🦑佢好爽口 好岩我口味佢每一樣都好夠味 唔怕淡而無味金牌風沙雞🐔炸子雞加上炸蒜 好香口 特別係個皮食雞唔食皮 總係會差咁d而d雞肉好嫩滑 佢唔係太多脂肪 但都重好滑嫩唔錯👍🏻唔會死乾 咬落去重會有雞汁！ 我會大大力推薦呢間餐館好岩一班人聚會 飲下酒吹下水又可以食到滿載而歸咁捧住個肚番屋企

又係食我最喜歡之一的大排檔🍺🍺今日九龍嘅朋友帶我食呢間 ，深水埗區大排檔其中之一嘅一間人氣滿滿的［萬發］👍🏼👍🏼黎到先發現，一條街中間，原來前後左右都係佢間店🤣🤣坐位好多，唔洗擔心要排好耐🙈🙈我地四個人，一人叫一碟餸😋😋1️⃣風沙雞2️⃣野味雞煲3️⃣豆豉鯪魚炒油麥菜4️⃣黑椒薯仔牛柳粒3️⃣同4️⃣最好味，送飯無得輸💯💯

最近想寫下食評所以就諗起呢間印象好差所以就黎分享下食物整體係OK的偶爾有幾道菜係尚算好味但總冇可能次次都叫個幾款所以本來就唔吸引光顧好多次但不得不提服務同環境好差點單茶水埋單全部都要等d員工行過都扮睇唔到店鋪環境又差, 冇裝修可言要穿過d後巷位先上到樓上"雅"座完全感覺唔到衛生乾淨

萬發不嬲都係我最愛 去大排檔最好愈多人食，可以叫多幾個餸！首先一定一定一定要食薯仔牛柳粒！啲薯仔炸到外脆內軟 牛油味又重，啲牛柳粒好林好軟！黑椒味又重！真係去到一定要叫！！十萬個推介之後係黃金魷魚，膽固醇超曬標！所以多人食就好啲！！如果怕椒鹽熱氣既朋友可以點佢，佢啲鹹蛋黃好有味，同埋唔會散開一舊舊，緊緊咁癡實啲魷魚🦑❤️👍沙薑雞，因為其他餸太好味所以佢有啲失色，唔係難食ge,但唔算最推介。「老」水拼盤實真係好大碟，味又好味！紅腸腩肉豆腐牛𦟌仲有其他等等，個量都唔少架！後面係椒絲腐乳炒菜，太遠唔係好影到😂咁既價錢，咁既質素係正既但要提一提大家個環境真係好差，有老人家/小朋友/想傾計既真係注意，因為萬發係坐得好差，好逼，食完趕你走個隻黎😂仲要都算幾唔乾淨下。😂

之前慶祝爸爸生日帶咗佢去食萬發。雖然係大排檔咁嘅格局，但係d小炒都真係幾高質所以長期keep到一定嘅人氣。我相信萬發唔只做街坊生意，好多人甚至好多遊客都會慕名而黎。因為都唔係第一次嚟，所以都知道邊啲小炒係必叫。我哋一行3人最後order左薯仔牛柳粒，小炒王同風沙雞。薯仔牛柳粒係呢間鋪頭必叫既熱門菜式。你幾乎見到每枱都一定有一碟。薯仔牛柳粒志不在牛柳粒，而係好重蜜糖味嘅薯仔，簡直係好食到你不知不覺就會食晒成碟薯仔。當然牛柳粒都炒得香兼鬆化。小炒王亦好夠穫氣，兼好足料，有我最愛嘅蘿蔔粒，韮菜，魷魚，青椒，蝦乾，花生同腰果，又係一碟令你食唔停既小炒。至於風沙雞，雖然肉質都唔「鞋」，但係就無小炒王同薯仔牛柳粒咁有驚喜。雖然小炒d價錢都唔係話特別平，但係所有野都大大碟，啱晒一大班人gathering去。

呢排天氣唔係落雨就曬死人，悶到無哂心機比我借題發揮約家姐去深水埗萬發海鮮菜館，開一支冰凍啤酒爽一爽！欖豉骨 大排檔幾時都係咁有鑊氣，骨嫩外香口入味，欖豉骨加有小小蜜糖帶出香甜惹味！😋椒鹽九肚魚炸椒鹽九肚魚呢家野一定要有大排擋風味，大大條魚放入熱熱烘烘滾油炸出脆口又不油膩九肚魚，金黃色外層香脆可口，白色嫩滑魚肉感覺軟綿綿，味道一流！👍薑蔥魚雲爆香薑蔥再落魚雲爆炒贊油香氣十足！沒有腥味爆Like 喇！👍熱門之選

一行5人7個餸半打啤酒每人都係207蚊！必叫薯仔牛柳粒，乳豬，聖子同風沙雞。椒鹽魷魚可免則免。下次想食芝士龍蝦伊麵😍。環境一般，怕污糟嘅人就唔洗嚟。服務一般。