萬發海鮮菜館

營業中

休息中

2個人hea晚食，叫左3個餸，1個白飯，埋單$351蚊~6點開始就冇位，特別係得2個人食，好快就冇哂細枱。- 風沙雞，食到最後啲雞皮仲脆脆地，真係唔錯!- 螄蚶，略為細粒左啲，不過份量2個食都好夠- 啫啫通菜煲，正常唔錯

相信呢到係附近幾間U嘅同學仔reU必選之地。今次亦係同幾位大同grad後重聚之選，原因：實有大枱、食物有質素、緬懷舊時光🫡😋呢到所有大排檔嘢都好有鑊氣每次必食：九肚魚、芝士脆吊桶炸得好掂，九肚魚真係外脆，肉嫩。吊桶juicy爽口，呢兩味小品小食送酒係一流。薯仔牛柳粒：直頭係招牌菜，每枱都會叫。係薯仔好食過牛柳嘅，一上枱牛油味好香。薯仔好食於粉嫩，走油後上蜜汁炒過牛柳，但入口仍然香脆。仲要我地只係叫咗中size, 8個人食都嫌多！脆皮雞：食到個個真心讚出聲，皮脆肉嫩，皮下脂肪唔多，連皮食無罪惡感🤭食物無容置疑，係可能週日，人多，佢地方又大，好耐先有店員行過落單。不過上菜好有效率，同朋友傾下計好快一餐。🫶🏻飲埋嘢，每人埋單$121，抵到爛

成班男仔聚會唔係大排檔就打邊爐，萬發係其中一間成日會去，雖然環境唔算坐得舒服但晚晚都好虛坎，服務態度就見人見智～基本上每次都必點既就一定係黑椒薯仔牛柳粒、風沙雞,每一檯必點。黑椒薯仔牛柳粒🤌🏻薯仔牛柳比例接近7:3，當然牛柳多番啲會較好，但牛柳粒算大塊，肉質唔會過韌，其實薯仔粒先最精彩同亮點，外層微脆，中間粉粉薯肉吸了牛肉和黑椒香辛，表面仲有一層薄薄蜜糖😋，朋友伴酒一流😎風沙雞🤌🏻顧名思義，風沙即係表面有一層炸蒜粒，雞皮香口，做到片脆肉嫩，加上一個秘製豉油更加出味👍🏻👍🏻夏天盡量唔好室外，不過如果多人食真係幾好聚腳點👍🏻🚩 萬發海鮮飯店 (深水埗)深水埗九江街150-152號地下#addifoodie #addifoodie深水埗#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

個人好鐘意食大排檔，呢間係個個食完都講一定要嚟試，又平又好食咁，今次就慕名而來👏🏻-🐾黑椒薯仔牛柳粒講起萬發一定要食呢道菜🤣果然冇令人失望！色香味俱全，薯仔炸到金黃色，個粒都掛住蜜汁，入口係蜜汁甜，咬開香脆嘅外層係薯仔甜😋牛柳粒既有黑椒又有牛香，加上一啲都唔韌👏🏻-🐾椒鹽鮮魷份量都幾多，炸粉薄，唔油膩😌但係鮮魷有某幾件韌扣左分，整體都還可以👏🏻-🐾乳香浸通菜炒都好靚，通菜一直都keep 住翠綠色😮腐乳味唔算太濃蓋過菜甜，非常惹味🤤

以前細個住深水埗 小茶皇， 萬發， 愛民生 都是常去既大排檔 平民大排檔道不要講什麼高質環境 但放左工同老公兩個人去啤一啤是人生一大樂事 價錢親民 味道又地道有火喉唔需要顧及任何餐桌禮儀開懷大吃大喝小炒皇 夠火喉 夠鑊氣 很多韭菜 但略嫌炒得唔夠乾身「斯堪」鮮甜 肉肥 但略嫌細隻咗少少椒鹽九肚魚非常好味外脆內軟 風沙雞肉質嫩滑多汁脆皮

深水埗出晒名多大排檔！但呢一間嘅黑椒薯仔牛柳粒真係分量十足🤩勁大碟薯仔🥔口感外脆內軟糯 食落充滿甜甜地嘅蜜糖味🍯仲有辣辣地嘅黑椒味🌶牛柳粒口感好軟淋 唔會好銀 炒得好香口 好食😋

受人推介去食，我哋6個人去，個人覺得幾好食，味道出乎意料之外，香港茶餐廳黎講少見，啱大班人一齊食，而且可圍埋隨心傾計，冇咩特別時間限制，同場有歡樂氣氛，幾推介的，價錢尚算合理，服務態度尚可，衛生尚可，唯一不好可能是聲量太特別？不過我個人也無任歡迎的。總評極佳，感謝！

第一次寫食評，因為實在差差差以為九江街有幾間萬發，加上網上食評不錯，便抱有希望去吃一頓大排檔風味的晚飯，結果吃下不是鑊氣，而是一肚氣及垃圾。諗住嚟吃大排檔風味，预左佢環境不會乾淨，但估唔到佢D服務，拍得住佐敦澳洲牛奶××及倫敦的旺記，一個講唔純正廣東話的侍應阿姐，全程黑面待客，有問一係唔答，一答便呼喝，唔知係咪俾老闆待薄，發洩係D客身上再講食物, 除左薯仔牛柳粒入得吓口之外，風沙雞好諧好老; 西蘭花斑腩成$160碟，但成碟嘢油淋淋，D so call 斑腩應該係雪藏嘢，無乜味; 椒絲腐乳通菜得個<咸>字; 椒鹽鮮魷D魷<硬掘掘>, 無鑊氣，成餐飯唔知食左乜？!

琴日同朋友食萬發，話說好多年前佢問我幾時同佢食大排檔，輾轉咁多年都冇同佢食過，直到最近我地聯絡返，於是就一齊食我地6點左右去到，已經開始多人，好在兩個人唔駛等就有位我地去之前一晚已經諗好食咩，去到唔駛諗就叫得下面簡單評價下各樣餸菜乳鴿：萬發燒乳鴿出名，皮脆肉嫩，但今日我略嫌鴿騷味多左少少沙拉骨：好多千島醬，每舊骨都包哂醬，肉尚唔硬，咬到嘅，味正常，ok的豉油王吊桶：原來想叫花螺，但冇，諗左陣再叫呢樣，炒到好香，吊桶都鮮味，要趁熱食，凍左會少少腥薯仔牛柳粒：萬發皇牌菜，其他大排檔都冇佢整得好食，薯仔外脆內軟，蜜糖味又夠牛柳粒只係配角，好稔，肉味都夠，我地兩個人食薯仔好快飽，所以食唔哂我叫左兩支可樂，朋友話佢氣管唔好，但經我游說最後都飲左少少埋單$466，大排檔就唔會平得去邊，都要賺錢架，但萬發係有質素嘅大排檔，值得去下嘅

風沙雞 (7.75/10)：鋪上椒鹽的炸子雞，皮脆肉嫩。啫啫桶蠔煲(8/10)：火候恰好，外層微脆，但仍保持了蠔肉大小和肉汁。焗魚腸(4.5/10)：蛋焗得不錯，但魚腸已用薑辟味，但仍微腥 👎🏼———————————————————————————⭕️總評：有風味的大排檔，環境略差，但整體食物水準不錯（註：要點對的菜式），可以翻食 ✅ 💵Budget: $200 pp📍 萬發海鮮飯店 (深水埗)深水埗九江街150-152號地下

疫情緩和番，屋企人即刻話想去大排檔，深水埗九江街大排檔一向出晒名，我哋8點去到已經成條街開晒枱坐滿人，人氣好旺！先上一碟薑蔥炒蟹，呢兩隻膏蟹真係不得了，大大隻😍超級無敵爆膏，蟹膏口感結實，蟹膏多到跌晒落隻碟度，不過價錢唔平，唔記得咗$600定$700咁上下🤔另外叫咗燒鵝、胡椒豬肚湯，豉椒炒蜆，前兩樣就一般，但豉椒炒蜆炒得夠惹味香濃，份量多，蜆肉唔會太細粒，好食😋加埋坐喺街邊食特別有地道風味！

疫情禁晚市堂食多個月，酒樓同大牌檔影響好大，咁大個地方淨係做外賣生意，真係租金人工燈油火蠟都回唔到本。呢間飯店晚市仲有三個廚，十分鐘煮好，賣相味道唔差，份量足料幾大盒，不過鑊氣重之餘，食落覺得油左少少。銀芽肉絲炒麵 $118 呢個推薦！正！玫瑰豉油雞 半隻$128 入味，大大件雞肉夠嫩滑涼瓜田雞 $98 少少油，田雞都算多麻辣炒豬頭肉 $88 好油，豬頭肉好肥，唔係好麻辣，感覺係油浸！馬拉盞炒通菜 $88 味道唔係好濃，正正常常

趕住係禁晚市堂食前，約左幾個朋友去食大排檔！😋我地幾個都叫到成枱都係餸，當中有必叫既黑椒薯仔牛柳粒，牛柳粒係煮得岩岩好唔會難咬，薯仔外脆配埋個醬汁，甜甜地，好好食😋我地叫椒鹽鮮魷、炸大腸、豉汁蒸白鱔、沙爹肥牛粉絲煲同埋豉椒炒蜆！！蒸白鱔好肥美，一上枱就即刻夾黎食，好嫩滑！沙爹肥牛粉絲煲好惹味，粉絲吸曬d汁要配番碗白飯食先得！！椒鹽鮮魷個皮係甜甜地，唔係好食得出椒鹽味炸大腸係外脆內煙靭，好好咬口🤣🤣

🤩 深水埗｜ 萬發海鮮菜館#丁丁香港探店地址：九江街150-152號地下- 薯仔牛柳粒  小炒皇  椒鹽豆腐 蠔餅  金銀蛋西洋菜  椒鹽鮮魷 ⬆️照著點就行😎上次去的新店（福荣街）这次来的老店大家認可這家比愛文生好吃

同朋友做手工做到夜一夜，仲開緊既食肆唔多，所以惟有揀間大排檔炒幾個小菜食下。相信大家都對萬發唔陌生，佢地既小菜真係唔錯架～✨三鮮牛骨髓其實好少地方有牛骨髓呢味餸，難得呢到有就緊係要試下啦！三鮮係指蝦、魷魚同蘑菇，三種食物都彈牙爽口。而牛骨髓口感嫩滑，咬咬下仲感覺幾creamy，牛骨髓本身就冇咩味既，但加埋啲蠔油醬汁，食落鮮美可口。✨黑椒牛仔骨黎到萬發成日都食薯仔牛柳粒，今次就叫黑椒牛仔骨試下。牛仔骨既份量都幾多，仲配左啲青椒、紅椒、洋蔥之類。洋蔥炒得唔係好耐，食落好辣。牛仔骨就比較韌，好難咬。但係加埋個黑椒汁，辣辣地都幾過癮。✨薑蔥魚雲煲超中意呢味餸！成個陶瓷煲咁上，慢慢食都係熱辣辣架！啲魚雲先走過油，所以外層仲脆脆地，有啲仲可以成舊骨食埋，而入面既魚肉仲好嫩滑。薑蔥味好夠，食落好香口，而且一啲都唔腥。最中意係食埋啲蔥，炒左除去左辣味之餘仲帶哂啲蔥香，送飯一流。