華香園

營業中

休息中

這裏出名豬扒不用再多介紹，確實係好食。味道偏甜似叉燒，帶有小肥及有骨，是必點菜式。可是除了豬扒千萬不要叫多士，咖吔厚多士標榜為推介菜式售$20，出來的效果竟然只是一片薄方包加薄薄的咖吔醬。一個字「伏」！完全不值這個價錢，另一面合香園好多了。華香園經常需要排長龍，要預留多啲時間等入座。奶茶標榜用瓦煲炮製，茶味香濃，口感細滑，值得推介。但有一敗筆就是用膠杯奉上，沒有了用厚身瓷杯奶茶順住嘴唇入口的口感。

入到去熟食中心，見到最多人排隊嘅就係呢一檔，見到佢嘅炸豬扒幾吸引，於是我哋都排隊試吓。排咗大約15分鐘，店員就只是我哋坐低，我哋叫咗三樣嘢，分別係豬扒包、咖央多士同瓦煲奶茶。我以為豬扒包拎上手會係脆或至少暖，但佢係凍嘅....不過一咬落去講吓，食到好多汁嘅豬扒，果然係幾出色，唔乾唔硬又唔會醃到淋晒，不過連個包嘅表面都非常油膩，食完成手都係油。茶底係幾香濃，我哋叫咗茶走少甜，但都係偏甜，下次再叫少啲甜應該會幾好飲。呢和咖央多我就真係唔知佢想點，唔知係咪做到發脾氣，唔想幫我搽醬，塊多士又烘唔夠時間...完全唔知佢有咩特別好彩我哋食嘅嘢都唔使用餐具，啲餐具個樣好似好多年冇洗過。

星期日下晝2:00，去到大排檔已座無虛席，本來想食新東園，但是日休息，所以就試華香園啦！因為隔離舖頭冇開，所以華香園用埋隔離嘅枱做生意。但佢哋落單嘅程序好亂，又話幫你落單跟住又叫你自己出去嗌！上菜方式係......大叫邊個叫咗咖央多，邊個叫咗豬扒飯，邊個叫咗乜乜乜！根本唔係上菜係叫菜，邊個應得快邊個有得食🤬🤬佢呢個咁嘅模式完全唔得！等咗20分鐘都未有得食😡呢款多士叫咗新野🥪麵包皮上邊好多醬，有煉奶、花生醬、果醬、鮮牛油🧈味道唔錯👍🏻奶茶夠香滑咖央多士冇特別🤷🏻‍♀️凍檸茶正常食物味道OK！不過落單上菜方面要改進下😒實在太亂喇！

係電視睇到飲食節目介紹呢個秘製豬扒好似幾吸引，就比佢吸引左黎試下上一次星期六lunch黎到，勁多人排隊多人到等吾到食左隔離個間點知勁難食！杯奶茶難飲到飲左一淡就無再飲入翻正題今日平日lunch黎食，點知都係好多人排左半個鐘終於有位嗌左豬扒麵，熱奶茶加個珈央多周圍嘅人都係嗌呢兩樣野秘製豬扒(7分)個汁甜甜地，有啲似燒乳鴿嘅味份量都吾算少奶茶偏多奶(5分)望下廚房就見到個豬扒其實係炸嘅算吾錯嘅味道但吾值排隊排咁耐，始終都係雷聲大雨點小埋單兩碗麵，一個多士，一杯野飲$109

之前每次經過華香園都大排長龍，今日諗住碰一碰運氣，博呢排多人WFH，希望食到。去到見到d 枱真係坐唔滿喎，好開心以為唔駛排隊，點知原來條人龍係外面 🤣🤣 好彩有得坐住等，都唔錯 👌🏻等左15-20 分鐘左右。原來限聚令關係，每張枱只可坐2 人，就算放左隔板都要嚴守2 人一枱。我覺得唔錯，起碼唔會同陌生人坐到好近咁。首先叫左秘製豬扒通粉，豬扒保持到水準，個秘製醬汁真係好好味，甜甜地又惹味，炸得好適中，唔燶又唔乾，豬扒嗰層肥膏都保持到 😋 讚 👍🏻 下次會叫多塊，一塊唔夠喉。排隊嗰時有位靚姐姐介紹我食「新嘢」，每日限量供應，食落應該係鮮油多+咖吔多士+花生醬多士嘅混合，好好味，唔會太甜不過食到好多層次，十分有驚喜 🤤一路食嘅時候旁邊舖頭好多都賣豬扒，但我見好多人都特登排隊等食華香園，係值得嘅😊希望老闆繼續為香港人秘製美味豬扒 🤎

本來想去食芝士麵。得知已經結業就要改地方。突然記起這裡重新開業。就突發去試一試。真係失望到極點⋯⋯我去到發覺原來都無咩點變⋯只係裝修靚咗一點，但其他硬件都無咩變，都係地方細。圓桌都唔大和桌子都唔多⋯裝修後都加咗點打咭位。但其實都無咩人欣賞。因為都無咩新鮮感。好似有個街市都係這樣裝修的。今次選擇了這間：因為本人很喜歡食豬扒包。本來都想點瓦煲奶茶。但見很多人都點支裝汽水。我都想凍一凍。我發覺呢舖頭原來無伙記寫紙落單。又唔會記下人哋落咗咩⋯出完嘢食就四圍大叫，睇吓邊個應佢就算⋯但佢哋班夥計個個都金魚記憶⋯不停係你周圍大聲叫。人哋唔認就好似好怪責⋯唔係又點認⋯我還見到有人和老闆係到吵架。因為計數問題。其實你哋一早寫好價錢比人，人哋咪唔會覺得你亂計數囉⋯講返食物：其實佢送嚟時我都真係好驚喜。好似好大份呀塊扒一個包都包唔曬但食落就知伏伏地⋯根本骨就多個肉。大塊係無意思⋯失望嘅地方係佢哋原來唔係用豬仔包⋯佢哋只係用空氣包根本無口感和質感。好失望呀最後還有一個失望地方。我點支裝汽水，佢哋比咗樽裝我，我已經即刻講我要支裝喎。佢哋話無曬。那我都體諒啦。但佢哋係比支無雪凍嘅我囉老實講我雖然無講明要「凍汽水」

呢個「臨時」熟食中心已有40多年歷史，政府2018年開始重建，今年10月餐廳陸續開返啦～而家有三、四間重開咗，今次lunch試下豬扒包見稱嘅華香園先🐖「幾位啊？呢邊有枱啊！」侍應哥哥喺熟食中心門口熱情招手。喺同行同事準備坐低嘅一刻，咪住！張枱唔係屬於華香園，我哋立刻尷尷尬尬行開，搵返華香園嘅枱先😅想嚟食嘢嘅朋友，唔好心急有枱就坐啊😂果然，華香園店前已經排咗十幾人嘅人龍，等緊老闆分派坐位。一場嚟到，冒住lunchtime遲咗返會俾老細鬧嘅風險，照等！==============================豬扒飯 $42先嚟碟白飯，我心諗豬扒呢😂 約兩、三分鐘後，豬扒另上。豬扒新鮮，熱辣辣～雖然唔係厚切，食落有肉汁唧出嚟，肉質香軟亦保持少許彈性😮 醃料嘅味道滲透豬扒嘅內外，不過略嫌偏鹹、油咗少少🤏 至於飯，就係一碟白飯，嫌dry的話，可以加枱上嘅豉油汁撈飯調味凍奶茶 跟餐加$9茶唔澀易入口，不過茶既唔濃，亦冇乜奶香，普通茶餐廳奶茶嘅味道啦，唔口渴嘅話，可skip😕要數同類型茶檔奶茶，大坑炳記茶檔、西環誠記都出色得多。

簡單的一餐😎但因為人數太多😧夥計有限😅所以抹枱求其什麼也求其😪埋單也排長龍，急趕趕吃了一碗雙拼（豬扒+雞翼）米粉，事實上味道的確唔錯，再加埋杯凍飲埋單$54都算OK！

等咗好耐，我最愛嘅豬扒店終於開番。今日lunch去咗買外賣豬扒麵加熱奶茶番公司食，一打開份外賣已經好香好香，同以前一樣咁好味，咬落去好多汁，一d都唔會乾，老店果然係唔同d掛住食都唔記得影相奶茶同樣出色，又香又滑，茶味好重同事話佢個扒亦飯都好正。排隊個陣仲見到有人食豬扒包，大大個好靚，再睇真d餐牌原來係新出，下次一定要試下。仲有呀，咁耐無見老細依舊風趣，係香港需要嘅人情味。環境方面的確乾淨企理咗好多。

想喺尖沙咀食啲地道嘢，好去處終於都返嚟啦!!!!講緊邊度？就係講緊海防道街市裏面嘅熟食檔，終於都完成裝修，重新歸來!!!隔咗咁耐返嚟，當然要食返間龍頭鋪「華香園」啦🤤今日特登走咗出嚟食早餐，豬扒麵$42當然係首選!!呢個餐當然係豬扒係主角，豬扒雖然唔係厚切，但口感食落香軟有肉汁，上網睇過啲訪問，見到師傅話係用秘方佢醃豬扒，所以先得嚟呢個口感同味道；但就稍為油太多，賣相就差少少。環境就真係冇咩特別，就係一般熟食檔咁，只不過重新裝修，鋪過地下咁。

之前睇電視見到招牌老店重開， 梗係要支持下本地小店啦！ 今早工作唔太忙揸車去尖沙咀海防道支持支持！ 去到見到有好幾檔排檔， 每個排檔大約有五張枱， 所以座位十分有限！當時大約10:15華香園全場爆滿，去到排左十幾分鐘隊左右啦！坐低見到冇早餐牌，全部散叫逐樣計錢，一心嚟到就照試吓，我叫招牌豬扒麵加熱奶茶， 太太就招牌豬扒通粉加茶走， 老老實實， 除咗豬扒可以一試外（都係好普通， 特登去就無謂啦）， 其他都係算吧啦！湯底係淥麵水加味粉， 奶茶一啲茶香都冇！唔到十分鐘， 食完買單走人，盛惠$106， 心諗點解咁鬼貴， 不過算啦都諗住冇下次！點知返到屋企睇吓OpenRice食評， 原來佢哋有早餐， 係佢哋特登收埋咗個早餐牌，（因為我見到佢地收埋左一張細咭，但當時只係10:30）應該係$42一個 即係$84 收貴左$22， 收錢同落單都係男人老細， 佢冇可能唔知道係收早餐價錢！ 味道已經一般， 生意手法又咁唔老實！ 真係好需要檢討一下！

豬扒質素ok，但個包似啱啱從雪櫃攞出來，又凍又油淋淋......人手嚴重不足，十點鐘入座服務員已經忙不過來，態度仲好差，想落單一直大嗌唔好吵唔好吵🙄一起拼台嘅也話下次唔會再來

管理不善，一個亂字，行到埋去冇人話你知堂食要攞票，以為大排檔就咁企係到等，點知要攞票。坐低左，叫極都唔係寫野，最終催左幾次齊。以上管理不善都唔緊要，如果食物好食都冇所謂，但係朱扒又鞋又油淋淋，凍飲啲冰就咁開蓋放係到，職員又落單又執枱，就咁用手申入去冰筒取冰，好唔衛生。一句講哂，真係冇下次。

見到多篇報導 華香園重開就黎一試 ！ 雖然坐位安排混亂不過都明 因為佢地真係好好生意 ～～預左要搭枱既， 咁我地同隔離一齊到 一齊落單 中午2點就已經話麵包賣嗮無多士 （雖然明顯係忙到做唔到啦）叫左兩份豬扒 ＋ 凍奶茶點知隔離就食完我地都係得杯溝水凍奶茶 催左好多次 落單個男仔剩係話知知知 整好既豬扒都比嗮遲過我地既客好似要客人教返佢點做野 老板娘就剩係接單 完全無跟過 根本做唔切到豬扒終於上桌 ， 麵係無淋+味 扒係得個油字咁既水準 不如唔好重開 做壞個名

見海防道熟食中心重開，所以專程去試吓超出名嘅豬扒麵～小店人手好少，無論排隊定上餐都好混亂😂之前我哋以為好似大排檔咁有位就坐，之後先叫嘢食，但原來係要排隊等店員安排坐位💡見過有客人唔知，見位就坐之後比店員鬧😳 另外店員落單好似完全冇mark枱號，亦唔會比單你，所以佢完全唔知邊枱點咗咩菜，會周圍問邊枱差嘢食咁😂我哋本身落單仲叫咗咖吔多，但等咗好耐先話賣晒😢.<扒翼麵$39 豬扒麵$37>豬扒份量算幾多，上碟時已經切開一塊塊 ，味道就好似平時燒嘢食嘅bbq味咁，甜甜地有少少蜜糖味～但豬扒做招牌菜嚟講唔算好高質，唔係近骨位嘅肉仲要鞋鞋地🤪扒翼面就有兩隻雞翼，都炸到好脆口，但就冇好似豬扒咁有醃過，食落冇咩肉汁，同平時茶記食到嘅生炸雞翼差唔多🤣個麵似係平時食到嘅大光麵 但個湯底就好似福字麵嘅湯底🤔 開頭幾好食，之後愈食愈咸，好重味精，食完灌咗唔少水😂<熱香滑瓦煲奶茶 $15>呢間其中一樣出名就係啲奶茶會用瓦煲煲嘅～但係飲落除咗茶味比較濃之外，冇乜奶味亦都唔太香。<凍奶茶 $16>茶味唔太濃，完全冇奶味，比熱奶茶甜，一般茶餐廳都好飲過呢杯😂👫：總結係如