華香園

營業中

休息中

豬扒好多油，油膩同埋啲粉面好多味精，食完之後至少要飲返起碼一支水先唔會咁鬼口渴。另外，杯凍朱古力完全地都冇味，非常之淡，淡到好似飲緊凍嘅水咁囉！服務員的記性唔係幾好，落錯單同埋送錯食物去隔離枱！

知道海防道街市開番,依間豬扒好出名,等熱潮過咗少少先黎食,喺後面花園一入去就俾人截住叫我坐低,我望下周圍又有人叫我坐第二度,然後有人叫華香園坐依邊,我先如夢初醒咁打算行過去,不過四周圍嘅人都繼續叫我坐佢哋個度,其實我都表明要食邊間,點解仲要咁?只怪生意難做吧?當然最後我都順利坐喺華香園到啦(雖然其他人好似好不滿)好!入番正題,講番食物,黎到緊係食豬扒,叫咗豬扒丁,豬扒咬落甜甜地,鬆化,的確係好特別嘅味出前一丁係岩我嘅口味嘅軟硬度(   麵質我覺得係因人而異),而奶茶亦都係有水準總括黎講非常滿足,下次會試下第二邊入,希望順利d

尖沙咀海防道熟食中心（昔日的平民美食天堂）海防道臨時街市1978年啟用2018年11月重建2020年大翻新後星期六下午再踏足環境衛生比昔日企理燈火通明設有很多風扇枱與枱之間距離尚算寬闊地面不再濕濕笠笠但夏天去仍然會吃到汗流浹背衣服會染有淡淡的油膱味華香園在這裡屹立著數十年今天由新一代傳承落力帶位有幹勁馳名的招牌秘製豬扒配了米粉豬扒厚度適中（碎上）煎得很香口味道濃沃鮮牛肉蛋飯牛肉嫩滑九成熟配上滑蛋整體很Juicy可惜份量較少咖吔多醬較薄不算出色凍奶茶年輕女店主會主動提點可以選擇少冰少甜茶很濃 情更濃埋單$147只收現金以大排檔來說不算平民價錢但值得去打卡感受一下大排檔茶記風味

我去過幾次海防道熟食中心。見到好多人幫襯秘製豬扒。今次自己終於試吓，但就好失望。豬扒同碟飯分量比較大，但豬扒味道偏淡肉質又較乾，無咩特別。飯埋到枱都係凍咗。唔會特別推介😓 真係好可惜，冇我想像中好味。

以前中學嗰陣時會同朋友過嚟食豬扒，嗰陣呢度嘅環境冇而家咁好，重新裝修過之後乾淨企理左，不過夏天依然都係好熱。平時仲成日間唔中喺電視同埋一啲訪問見到介紹呢間鋪頭。.今日特登嚟試吓佢嘅豬扒，叫咗個豬扒米粉同豬扒包。豬扒嘅味道醃得依然唔錯，但好似冇咗以前嗰種淋滑，邊角位好香脆但中間微乾。豬扒包個包有烘過真係好重要，個包皮咁啱就可以索返豬扒嘅汁同埋油，唔會有一種太漏嘅感覺。不過因為我真係太怕熱，所以應該都唔會再揀夏天呢啲時候去，

第一次黎呢度試～因為見佢都幾出名但係一坐低～就覺得好有壓迫感老闆娘係咁催我地落單之後全程啲職員都係我地身邊咆哮叫聲好大坐得好唔舒服個人黎講就算佢啲野幾好食都好但服務真係好惡劣

尖沙咀大排檔剛剛開開幕的時候因為人龍太長所以等到現在才去。是日是平日中午12:30左右，他們的專屬坐位已一位難求，好彩他們的員工幫我攞位。我叫了他們的王牌豬扒加通心粉及凍檸檬水少甜。先來通心粉，通心粉湯味十足，但有點鹹，粉質亦恰到好處。等了10分鐘後才上豬扒(可能是人多的關係，員工比錯枱）豬扒非常入味，質感不錯，應該沒有落梳打粉，有住家制的感覺。可惜通心粉已變涼及變稔。建議通心粉可加點雜菜會令提升整體感覺。

成日都見人介紹嚟呢度食豬扒😂呢日咁啱行過就試吓啦！眼見成個場得呢間舖要排曬隊咁串！仲要露天排。秘製豬扒麵 $38嚟親呢度嘅10個有8個都係叫豬扒麵或米😂豬扒外面唔算好脆但係好香！而入面都keep到肉汁😋雖然唔係爆汁，但絕對係水平之上👍🏻如果厚身啲嘅話，相信會更juicy！麵就係茶記普通嘅大光麵。

已經食咗華香園好多年，幾年前因為街市裝修佢要暫時關閉都幾擔心佢唔會再開，好彩佢都返返黎重新開業😍星期六日臨時街市十分旺場，檔口與檔口之間冇一個明確嘅分隔線，排隊嘅時候往往要去到其他檔位門口排，有啲檔口冇乜所謂，但係華香園檔口對面係咁對食客惡言相向，呢一下已經超級難頂，食個面都要睇對面檔嘅面色。嗰日排隊都要排半個鐘，雖然有冷氣但係個場因為多人都有少少焗。好難得先同人搭到枱，叫返平時食開既豬扒雞翼出前一丁，熱奶茶。製作時間唔算好耐，不過好容易走單，碗麵要遊走一場先至上到枱，呢樣野有啲奇怪😓豬扒雞翼都係以前嘅味，奶茶有啲稀，同以前對比有少少走樣。咁多年來價錢都冇乜點變，對於大排檔冇其他嘢可以挑剔啦👍🏻不過下一次黎可能等平日冇乜人再試真啲

一般來講海防道街市熟食市場，好多人去到都係為咗食牛丸，或者食出名嘅豬扒包。嚟到呢間豬扒包名店，除咗食豬扒包之外，其實亦都有其他選擇。咁岩今日唔係太想食肉，於是就決定叫個西多士，香脆嘅西多士加上牛油同糖漿，真係非常之邪惡！一大片濃厚香濃嘅牛油，配上熱辣辣嘅炸麵包，中間仲夾雜左糖漿、花生醬等配料，絕對係下午茶必食推介。而且價錢都唔貴，仲要係即叫即整，新鮮到十足。不過行入嚟嘅路就比較污糟，外面係街市，有唔少嘅污水同濕貨，所以女士們入嚟就要小心啦!

裝修後第一次來。。全然不同！昔日舊有味道還能保留點點吧。。環境較之前整潔，乾淨。。開揚。。空氣流通了不小！至於食物。。點了豬扒米粉，熱奶茶後加奶醬多士！豬扒很入味，帶有輕輕五香粉等調味料味道，整體味道醃製得剛好！咬落很有質感。。雖未到滿口肉汁，因沒有用鬆肉粉等化學添加劑令肉鬆軟，讚！米粉爽口不林糊口，湯夠熱！食完有點意猶未盡。。整整考慮了五分鐘才後加奶醬多士！唉。。剛做完兩個鐘瑜伽，什麼都沒有了🙈🙈🙈！做人勇敢點吧。。別想太多。。狠狠地墮落吧，食完才算👏👏👏😆😆😆。。精彩精彩👏👏👏😆😆😆感恩喔。。這個奶醬多士並沒有辜負我啊。。😆😆😆奶同花生醬舖滿整塊多士。。一口咬下去時，多士外輕輕脆内裡仍保留著麵包的軟熟。。wow...很滿足啊啊啊👏👏👍😆😆😆。。。沒有白白犧牲啊😆😆😆。。。來。。今日加多一萬步吧💪💪💪💪🤗。。加油而奶茶質數都可以啊。。有茶香帶滑！至於服務方面，很親切，叔叔對食客好似朋友般，這些感情連繫在現今食店較小機會遇上了！同一塊豬扒，麵包。。材料。。。可看出食店有沒有尊重食材之心。。花多小心機，時間。。食客是感受到的！🤗

成日聽同事講呢度嘅豬扒包好食，今日終於有時間嚟試下。36蚊有豬扒包+熱奶茶，尖沙咀嚟講都算抵食。一上枱見到個包白雪雪，拎上手凍冰冰，第一印象唔係咁好😅但咬咗一啖，我發覺個豬扒嘅美味完全可以彌補個包嘅不足！個豬扒甜甜地，肉質又唔鞋，而且仲好大塊添！好好味呀！奶茶都好夠茶味好厚身，認真好飲！

細個媽咪會帶我去海防道街市熟食中心食野~最近知呢個地方翻新左😆就帶埋🙆🏻‍♂️去覓食.📍華香園, 海防道熟食中心.🍜豬扒雞翼麵($39)-一場黎到就梗係要試下招牌秘製豬扒🐷同香脆雞中翼🐓~豬扒好夠味而且有啲似係bbq燒出黎嘅豬扒😋好香好正!雞翼就遜色左...外皮有啲太硬...無左juicy感覺🥺麵底無乜味~如果係出前一丁就perfect🤩🍛沙爹牛肉蛋飯($44)-用左新鮮牛肉整嘅沙爹牛肉同出面茶餐廳食嘅真係完全唔同~不過個汁略嫌太咸🥺🍞咖咉厚多士($20)-多士唔脆又唔夠熱🥲同我預期嘅爭好遠...咖咉醬又唔多...🙅🏻‍♀️

尖沙咀嘅海防道熟食中心歷史悠久，衛生情況一向都麻麻⋯😐 細細個嗰陣，我爸成日帶我去呢個熟食中心尋寶係好有回憶嘅！早個幾月重開番，成個環境乾淨&光亮咗好多！當然仲有好多出名店舖都番咗黎，其中一間就係以「秘製豬扒」出名嘅華香園。🤔.當年嘅味道係點？恕小編已經唔記得⋯🙈 但肯定嘅係呢間鋪重開後人氣依然強勁，小編食過幾次，幾次唯獨呢間都係要排隊！🧐 皆因喺尖沙咀黎講，真係好抵食&好食！😋 佢哋嘅豬扒冇落鬆肉粉，所以唔會有街外食嘅禁軟腍！但有醃料&炸嘅技巧，真係彌補咗佢嘅不足！🤤 好香！豬扒口感好實在，但唔會韌！而且係有肉汁，唔乾！🤗 最重要嘅係價錢，$37有2塊豬扒再有碗粉麵底！尖沙咀喎！冇嘢好挑剔⋯😙

尖沙咀海防道熟食中心已經開番一段時間，今日終於有機會試到「華香園」名物喇！但係今日都排左約20 分鐘先有位！呢度主打係食豬扒同咖映多！今日就叫左豬扒米同豬扒蛋飯，仲有咖映多！豬扒米$37佢地嘅豬扒係用秘製醬汁黎醃，醃得相當入味，味道甜甜地，又炸得鬆化，味道好似食緊豬肉乾咁，唔錯！咖映多$20咖映多就普通左一啲，只是喺塊麵包搽左咖映醬，冇特別！