華順越南餐廳 (已結業)

呢間小店係斜路上既小巷內，朋友帶我行上黎先知呢度有咁好既野食。自己就好鍾意食撈檬既，試過呢度既下午茶，份量都好足！女仔絕對夠食有突。但我次次食撈檬，朋友就次次食飯，佢話呢度既雞排飯既超正，冇得輸！但我睇黎睇去，餐牌上都冇既？！我朋友好淡定，hidden track黎架！wow~ 咁神神秘秘既？！我都試下先！上檯啦！賣相都唔錯！份雞大過個飯！即叫即整，雖然等耐DD，但都好值得！雞排好新鮮，雞皮香脆雞肉鬆軟。配上香䓤炸蒜，簡直係畫龍點睛呀！

話說奶油包公司同屋企既距離只有15分鐘路程而奶油包又鍾意帶飯既所以平日好少會係LUNCH出去食但日日食自己既飯盒都會有D悶係呢個時候奶油包都會間中『任性』一次半次而『華順越南餐廳』係同事極力推薦既但由於奶油包同同事們都係懶於落街既人所以就打電話落去『華順越南餐廳』叫外賣不得不讚華順既效率高叫完10分鐘已經送到奶油包公司而家就睇下奶油包同同事叫左咩先我地分別叫左3個LUNCH SET奶油包叫既係香茅牛肉檬同事A叫既係扎肉檬同事B叫既係香茅豬扒湯檬同事A同B都話自己叫既好好食...而且份量好足而奶油包就覺得自己個香茅牛肉湯檬香茅味好重食食下仲食到D香茅而牛肉呢...都好多下...仲有份量真係超多個湯都幾清奶油包都忍唔住飲左幾啖『華順越南餐廳』真係唔錯下次奶油包又想『任性』時會再次encore一下

突然被邀請去新光戲院睇麥包豹哥同head姐主演嘅舞台劇《羅生門》，難得過海，當然要食吓當區美食。北角真係唔熟，印象中pop up嘅係酒店海南雞飯同華順。但呢期要慳錢，所以選擇後者。其實之前都有嚟過食晚餐，當晚越南老闆娘有party，喺大廳唱哂越南K, 或者有客人會覺得滋擾，但我就覺得好有特色好有氣氛。檬曉，傳說中每日限量20碗，靚女老闆娘力推美食，唔係間間越南餐廳都有。蕃茄+油潤嘅豬肉未，從中間那一小片扎肉中都能睇得出佢嘅扎肉與眾不同，唔似外面一整片粉紅色，佢中間夾雜咗半透明像豬耳嘅膠質部份，好多骨膠源而且咬感層次豐富。後來跟老闆娘交談，知道檬曉裏面仲有落蟹肉同蟹羔，雖然肉眼睇唔到，但我估能做到此菜嘅獨特味道，呢兩樣材料功不可沒。

早幾日行了幾條街，看到這間越南店，位置不算優，不是在大街，但食野就無所謂，最重要好食。今天午飯特意去試一下。＄３９香茅豬扒飯　包熱飲　（凍飲另加２蚊）飲品　熱檸水味道ＯＫ，無異味或油水味。有好多餐記都會有一點點油水味，但這間沒有。食物豬扒夠熱，又無豬臭味。　我個人喜歡乾身，有的口感的，佢做到。香茅夠香，送飯一流。可惜成個飯沒有了靈魂無左，米飯差了一點 ，　打左個大折扣。飯上的汁也不太好。所以整體來看，打了個折。但會再去試下粉餐，　因為都幾多人叫，　賣相也不錯。

呢期勁想食越南粉，一星期總有一餐，之前間間都唔掂，見呢間評價咁高就諗住無死啦一個人食哂呢度招牌菜，漁村湯曉檬，+豬肉粉卷，飽死我。。。食哂並唔代表好好味，只要唔難食又看上去都衛生我都會食哂麵湯足料，但檬粉好碎，檬粉可以好好食的，但無係呢度發生豬肉粉卷也是一般

一向沒有留意這家在北角巷子裡的越南小菜館。經自己髮型師的介紹，才知道有不少越南人去吃，更有一間只招呼熟客的KTV包廂。在香港而言，真的奇趣！由於不是熟客的關係，我沒有機會進去，只能在外面看。不過，也看不出甚麼明堂。說回這家店，店面修裝很一般，衛生環境一般，服務也很一般。食物還可以，但沒有想像中地道。不過，它的順化燒豬頸肉和咖哩法包確實不錯，值得一試。順化燒豬頸肉：所謂的豬頸肉指的是豬面頰到下顎之間那一塊的肉。理論上應該很嫩滑，不過，坊間很多食肆提供的所謂豬頸肉，都不只是那一塊肉，而是混著其他部份一起售賣。因此，口感參差不齊。華順的豬頸肉算比較嫩的，而且我喜歡它烤的邊上有點焦香的口感，沾著魚露吃，比較沒有肥膩的感覺。咖哩法包：這裡的咖哩法包非常好吃．咖喱好像是新鮮炒出來的，比起一些『粉味』比較重的咖哩更為香口。加上它的味道帶甜，有點回甘的味道，非常不錯。對了，它的牛腩很「淋」，非常適合『送飯』！

同事提議食越南野，附近都無乜邊間所以就揀呢間，之前都食過覺得唔錯，...點知今次....有點失望因為人手唔夠，落Order都等左一陣先落到，最後我揀左生熟牛肉檬，同事就揀左豬頸肉撈檬，落完之後想問多句都要等，真係無咩mood! 問左兩次終於有人應我，只係想問下係咪有得配小食，點知佢話我係檬粉所以無，但我明明有印象上次食都有，不過算啦, 我都唔計較有無小食，都係問下佢話無就無啦... 午餐時候人比較多(尤其星期五)，所以野食都等左一陣，好彩味道總算可以，食到差唔多完杯餐飲都仲未送黎，完全人手不足情況下連水吧都無人，水吧終於忙完安排餐飲了，快速飲完就埋單走人。 緊記如果大家趕時間的話就要預返少少時間，否則應該會食到趕頭趕命!

今天再到華順﹐看見新裝修﹐士正很多了﹗食物依舊不變﹗說實﹐好味的越南餐室很少﹔新式餐室儘管有多型格﹐但味道總是半鹹半淡﹐而且只著重賣相﹐卻缺乏了真材實料﹗回到華順﹐只是飲湯也足夠回味無窮﹐粉也十分嫩滑﹗再來一杯冰凍青檸梳打﹐不得了﹗恨不得明天再去﹗

星期日諗住好耐都無食過越南野, 就去以前覺得好食的華順. 點知現在他們的各方面質素都降低了好多, 以下逐樣道出.我地叫左個$588 的6人餐再加牛油雞翼, 串燒, 越式炒河.首先未食之前換了幾次碗筷都係有D餸頭餸尾係度.餐跟黎的小食, 有粉卷,春卷, 蝦餅. 粉卷&春卷接近無料係裡面. 春卷D生菜又黑又爛.個餐有個咖喱雞, D雞原全無咖喱味, 個感覺就好似用水滾熟隻雞,再淋咖喱汁上去,總之就唔入味. 跟住個餐有3隻開邊大蝦, 好睇唔好食.因為D肉"梅"的, 常識話我知, 只有唔新鮮先會係咁味.D串燒又係無味(本人食野一向都好淡的), 所以我都覺得無味,我D FRIEND就更加唔使講!牛油雞翼就咸到七彩~~~~~重頭戲先係後面, 埋單時竟然見到張單寫我地個6人餐係$788. 但我地當時同佢地講你枱面個餐牌寫住$588 喎! 他們說是舊價, 放回張$788的餐牌!最大問題係個老細一D悔意都無, 扮無野發生過. 每人百幾蚊~~~~~無服務無味道無衞生, 換來一肚火!

本來約好一家人好開心去食晚飯，但換來的竟是一家都滿肚子不快及被騙的感覺﹗一個人先到餐廳，沒位子，沒打緊，等… 剛好有相連一卡位及四人位，忙問準了侍應在四人位坐了下來，但只是過了不久，突然有一女人過來坐了我的卡位，我忙問侍應，侍應說 “隔離張六人枱埋緊單”，好，唔緊要，沒了張六人卡位，我忍﹗家人到了，隔離埋了單的六人枱的人仍沒離開，累到家人等了十多分鐘都沒位置坐，不緊要，我們只想開開心心食飯，我忍﹗看見好像好多選擇，有二人餐、四人餐、六人餐，而六人餐$588好像不錯，立即落單，之後再叫了一碗捞檬、一碟炒河、兩碟雞翼和一打串燒，見到六人餐下寫著 “送六碗糖水，送完即止”，侍應落單時沒出聲，還以為有，怎知不久後光頭老闆走過來說 “糖水送晒啦”，問他有否其它東西送，老闆答 “送完即止呀嘛”，好，不打緊，落了單才知道沒糖水送，但不吃糖水不用死，我再忍﹗食物到了，我們的感覺是和以前差得實在太遠太遠，串燒雞肉太硬而且完全沒味，牛油雞翼都可以炸過了時間，雞肉又是太硬，連皮也咬不斷… 食物不好，不緊要，只是一餐半餐，我忍﹗到埋單時，我實在忍不住了，見到單上沒端端多了一碟$40的粉卷，我們問侍應，侍應的回

坐下後，除了各人點了一些菜外，我特地點了一些少吃的越南菜，結果我們要了一個海鮮蝦酸湯、咖喱海鮮蝦煲、牛油蒜泥炸雞翼、越菜併盤、法式蒜泥包、海鮮炒檬粉和一碟馬拉盞炒通菜。看上去像很多海鮮，朋友也覺得太多了，傳統的越南生牛肉河粉等沒有叫，朋友覺得很可惜，我卻相反，來到此地更應吃一些平常少吃的，才能試試這店的「真正實力」。海鮮蝦酸湯味是酸酸的，不過易入口，內裡有蝦、芽菜、蘿蔔、魚件，味道實在很暖胃，不過不足的是魚件不新鮮，就算放在酸湯也未能蓋其腥味，但還是值得喝的；越菜併盤，有雞串燒、札肉、春卷、牛肉碎夾蝦片，分量剛好是4人份，看來是依人數給份，雞串燒不過不失，札肉是現成的，春卷是傳統的米紙包，餡料很足，再配以生菜包真是很滋味，牛肉碎夾蝦片也是驚喜的，加上檬粉和一些蔥，就如吃生牛肉檬粉的迷你版一樣，吃後也不覺太咸和口乾；咖哩蝦海鮮煲，有魷魚、蝦及一些燈籠椒，再伴以大量的粉絲，粉絲把咖喱汁吸盡，但卻很好吃，魷魚卻有點馬虎，大大的一片觸鬚，卻沒有斬件而上，對注意儀態的女士來說，吃時需要點技巧，不然會醜態盡出；炸雞翼，我覺得是香口之食物，炸到恰好，但未能說做得很特別，只能說師傅炸得很到家，肉還是很

到北角晚飯，越南菜館， 華順越南餐廳。 要了一個海鮮蝦酸湯、咖喱海鮮蝦煲、牛油蒜泥炸雞翼、越菜併盤、法式蒜泥包、海鮮炒檬粉和一碟馬拉盞炒通菜。海鮮蝦酸湯味是酸酸的，不過易入口，內裡有蝦、芽菜、蘿蔔、魚件，味道實在很暖胃，不過不足的是魚件不新鮮，就算放在酸湯也未能蓋其腥味，但還是值得喝的越菜併盤，有雞串燒、札肉、春卷、牛肉碎夾蝦片，看來是依人數給份，雞串燒不過不失，札肉是現成的，春卷是傳統的米紙包，餡料很足，再配以生菜包真是很滋味，牛肉碎夾蝦片也是驚喜的，加上檬粉和一些蔥，就如吃生牛肉檬粉的迷你版一樣，吃後也不覺太咸和口乾；咖哩蝦海鮮煲，有魷魚、蝦及一些燈籠椒，再伴以大量的粉絲，粉絲把咖喱汁吸盡，但卻很好吃，魷魚卻有點馬虎，大大的一片觸鬚，卻沒有斬件而上，對注意儀態的女士來說，吃時需要點技巧，不然會醜態盡出；炸雞翼，我覺得是香口之食物，炸到恰好，但未能說做得很特別，只能說師傅炸得很到家，肉還是很嫩；海鮮檬粉，也出現同樣的「魷魚怪」，大大的一塊很難放進口裡，但炒得很好，不油卻很惹味，值得再試；蒜泥包、炒通菜也不過不失。 老闆很有禮貌。

有friend話呢間好食，我睇佢面書相生牛河好似不及大坑火車頭好，但佢話呢度好D，我一有機會就來試，不錯，但都係比較仲意火車頭香料較濃的版本。反而個漁村湯檬曉就驚喜，夠咸鮮，唔想比佢停種，正三色冰就hay咗D唔夠椰篜粉卷係另一驚喜，又滑又有點兒米味又有口感牛油雞翼冇𣎴好吃的道理

今天與友人住北角,突然想食越南菜, 打開openrice, 見呢間評價不錯, 便去一試, 點知.....我以後都唔會亂信人的了.....=.=叫了個生牛肉河 - 超鹹, 牛肉唔乾透, 好難食....重口味之人會好的.... 炒金邊粉 - 重油味, 超肥... 增肥必選蒸粉卷 - 正常味道, 普通貨色, 不過對比其他菜式, 算好食的了...服務 - 超一流, 見我地叫些普通平價食品後, 完全唔想招呼你咁, 攞杯水都唔多願意....請, 我都唔會再去的了~~~~

前一晚，弱小心靈受一家不知所謂的越南菜館重創。於是決定補償自己，在這兒縱欲一番。一行五人，當然要訂位。朋友坐下之後說：“不用訂位吧！”，話聲剛落，食客們就像按時上班一樣，幾分鐘內填滿所有座位。沒看菜牌，一口氣點了漁村湯檬曉（兩碗）、生牛肉河粉、咖喱蝦煲、蒸粉卷、燒雞、香茅牛肉蝦片。蒸粉卷先到，粉皮軟、滑、香。餡料分量剛好，沒有喧賓奪主。別忘了，越南菜裡邊，米跟米的產品是主角，其他的材料只是路人甲乙。演技好，固然重要，但更重要的是懂得“分莊閒”，不要搶白。另方面，主角粉皮要交足戲，投入角色，別鬼五馬六，求求其其。檬曉是銷魂之作。一個字：鮮！湯頭清澈，卻味道濃郁，番茄酸味剛好“吊”出肉味跟海鮮味。每次吃著，都要閉上眼晴兩秒享受享受。生牛肉河用的湯頭不同。顏色略深，但吃得出不是味精。喝下去，順喉。河粉有米味，自不待言。蝦是越南新鮮運到，不常有。蝦肉很彈牙，每隻手掌般長。咖喱香而不濃，跟這裡的咖喱牛腩味道不同，應該是廚師有意調淡，以免蓋過蝦味。見微知著，廚師果然細心。蝦片厚，卻炸得鬆化。牛肉和蝦片之間鋪了一層粉皮，免得牛肉汁弄軟蝦片，影響口感。這安排在很多越南菜館早已消失。無他，工序多，而很多